|
عطونا رأيكم يا شباب بالدراسة لحساب الجيش
مرحبا يا شباب
خيو اليوم طلع إعلان من الهيئة العامة للقوات المسلحة و الجيش يعلن فيه عن رغبته في متابعة دراسة طلاب الجامعات على حساب الجيش لطلاب السنة الثالثة فما فوق و انا كوني من السنة الثالثة بكلية هندسة حواسيب فانا حابب كفي دراستي لحساب الجيش بس انو ما بعرف شي عن الميزات و المساوء فأنو لو أي حدا بساعدنا بكون ممنون منو :D شكرا يعني أي حدا عندي أي فكرة يا ريت يساعدنا فيها :D |
قصي انت وحيد ما بيمشي حالك
انو تدرس لحساب الجيش انا بعرف انو يعني تتطوع او بأقل احتمال تعمل عقد لا يقل ع عشر سنوات وانا متأكد انو هالشي ما بيناسبك :D |
اقتباس:
اقتباس:
يعني على الأقل ممكن صير ضابط بالجيش !!!!!! |
اقتباس:
لك هي عالاكتر .. معليم وين شاطح .. |
اقتباس:
|
ليك انا بعرف عن هيك شغلات و اتطلعت عليها كوني ادب انكليزي و صار في امتحانات قبول للإنتساب للدراسة ع حساب الجيش و القوات المسلحة لطلاب الادب الانكليزي بالجامعات السورية
هلق الشغلة حلوة و مو حلوة ............. هيك حسيتها الشغلة الحلوة انو اذا قبلوك معناتا صار عندك شغل و بدك تصير تدرس و لاحقا تشتغل ع حساب القيادة العامة للجيش و القوات المسلحة (التزام يعني)............هاي ايجابية برأيي الشغلة المو حلوة هيي انو انت بدك تشتغل طول عمرك (يعني لحتى تطلع تقاعد) ع حساب الجيش و هويتك المدنية ما رح تشوفها غير بالحلم ........... اضافة الى انو العدد المطلوب بكل محافظة هوي لا يتعدى 5 او و6 ناجحين من اصل مئات ......... انا الشغلة انعرضت عليي بس ما وافقت لانو ما بحب شغل الجيش و هيك يعني و بتمنى تسأل لأنو اللي كتبتو بينطبق عالشروط اللي بتخص فحص الجيش لطلاب الادب الانكليزي...........ف انت سأال ..................بركي بتكون الشروط غير او انو احسن (على الرغم انو ما رح حس انو رح يكون في شي احسن) و ردللي خبر :D |
كمان بس تصير بالجيش بيصير سفرك لبرا شبه مستحيل.. وممكن انو يصير فرزك على أساس انك عسكري مو على ااس انك مدني يعني ممكن ينفرض علك مكان شغلك..
هلأ دايما اللي بيتطوعو بالشرطة او بالجيش او بدرسو على حساب الجيش هنن الاشخاص اللي بتكون امكانياتهون المادية ضعيفة كتير والاشخاص اللي بيلاقو أنو وظيفة الدولة هيي أمان بالنسبة الهون وما عندون رغبة أن يطورو شغلون أو هيك.. غير هيك لازم ما يكون عندك وجهة نظر تجاه استعمال العنف والقتل وهي القصص... |
اقتباس:
يعني عقد لمدة عشر سنين و بعدين إذا بدك تترك بتترك و إذا بدك تكفي بتكفي هيك أو لا ؟؟؟؟؟؟؟ يعني انو ممكن الواحد يتسرح بعد فترة بس يعني انت متأكد انو هي الشغلة هي للعمر كلو ؟؟؟؟؟؟؟؟؟؟ ------------------------------------------------------------------------ طيب مدامك بتعرف عن هي الشغلة فيك تقلي انو إذا أنا بدي أسأل الناس المختصين لوين بدي روح يعني بدي روح على شعب التجنيد و لا على شي محل تاني يعني هي إذا فيك تساعدنا فيها بتكون فضلت :D |
اقتباس:
في واحد كان جارنا درس طب لحساب الجيش و تخصص دكتوراة بألمانيا و كلوا بحساب الجيش و هلق عايش أحلى عيشة بداوم الصبح بمشفى تشرين العسكري و المسا في عندو عيادة خاصة يعني كأنوا الجيش مو مأثر عليه أبدا ----------------------------------------------- و تانيا أنتي متأكدة أنو بتم فرزي على أساس عسكري يعني انو ممكن يعينوني بدير الزور مثلا :shock: يعني أنو ما لازم يعاملوني على أساس أني رح صير مهندس ضابط بس انو يا ريت لو تعرفي شي تخبريني أكيد لان الموضوع هلق كتير عم يهمني |
أي شريك أوعى تدهور وتروح تعمل هالشغلة ليش لعدة أسباب منها
أول شي بدك تتطوع وتعمول عقد لا يتجاوز 15 سنة بس هيدا كلو حبر على ورق يعني الله ماعاد يسرحك ألا بعد 35 سنة وبدك تصير مسمى على الجيش والقوات المسلحة ومارح تشوف شي ألو علاقة بمجال دراستك رح يلتعن نفسك بدورة 6 شهور تتضمن الصاعقة وسألني ألي يلعن الساعة يلي رحت فيها ضابط والله كرهان ربي تاني شي بعد الدورة بياخدوك على حسب اختصاص دراستك هلق انا بعد هيدي الدورة عملت دورة شهرين أختصاص حاسب وبعد ماضليت أدرس 4 سنين بكلية الهندسة راحو عم يعلمونا شلون نكتب أسمنا على الورد لك وخود نفسيات وبالأخر بيجي فرزك وبتعلق هالنجمة بتروح لشي فرقة والأنكى من هيك أذا أجيتلك بشي فرقة متل يلي جاية فيها عندك دورة تأقلم مع بيئة مدتها شهرين بعدين إعادة تأهيل لحتى تعود وتهدى بقا بلالك هالشغلة سماع مني انا على مستوى خدمة عادية ملعون سمايي فكيف أنت بدك تدرس على حسابون أي رح تضل علقان معون شغلة 30 سنة برياحة بقا بلالك ياها سماع مني ... بعدين شو بدك بالحكي مارح ينجحوك لأنو كل يلي بدون ياهون شي 8 وكلون بيكونو واسطات لعند الله وأسماء معروفة بقا ريح ضميرك وبلالك ياها أي سماع مني وسلامة أخوييي تعال خدلك كاسة متة عندي أشرفلك من كل هالشغلة |
اقتباس:
يعني أنو ما رح أشتغل بأختصاصي ؟؟؟؟؟؟؟؟ و الحكي كلو على الفاضي ....... طيب خيو بس معليش تدلنا إذا بدي أسأل الجيش عن التفاصيل لوين بدي روح ؟؟؟؟؟؟؟؟؟؟ |
حياتي بتروح على وزارة الدفاع بالأمويين بتسأل عن قسم المفاضلة وهنيك بتسأل وبيخدموك وخبرني شو بيصير معك وشو بقدر ساعدك انت اخوييي
|
اقتباس:
|
هلق الحلو انو بيصرفولك راتب وبتصير دراستك كلا على حسابون
بس المشكل انو رح تصير تحت تصرفون انا بالنسبة الي بكره اني ارتهن لجهة معينة لهيك مافضلت اتعاقد مع الجيش ولما اجت الفرصة بابا كان كتير حابب اني اتعاقد معون بس انا هربت من الموضوع |
اقتباس:
ومن جهة التعيين .. في شبين بيقربوني اتخرجو ضباط مهندسين واحد فرزو على الشام وهوي من مصياف والتاني ناطر وعم يركد بها الواسطات ومو عرفان وين بدون يحطوه.. بس المنيح بالقضة متل ما قالت بنفسجة انك من أول ما بتبلش معون بتاخد راتب.. ويمكن هي الشغلة الوحيدة الايجابية بالموضوع |
اقتباس:
على سيرة الراتب أنو قديش الراتب :o |
اقتباس:
و كمان قديش الراتب :p ؟؟؟؟؟؟؟؟؟؟؟؟ |
اقتباس:
لانو اذا هيك ما في داعي لكن لانو يصرفو عليك بالجامعة هيي الشغلة لحتى تطلع تقاعد .................. بالمشبرح بدك تضل مربوط فيون اقتباس:
هلق انا ما سألت بشعبة التجنيد بس عالاكيد بيفيدوك هنيك هيي كل مسابقة الها فرع و انا اللي بزكرو انو كان في فرع هوي انا ما سألت بس في زلمة ضابط شرحلي الي و ل رفيقي كل هالامور |
| الساعة بإيدك هلق يا سيدي 11:24 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون