|
مؤسسة الاتصالات: عازمون على احتساب نظام أجزاء الدقيقة على مكالمات الخلوي
العيد: جميع الأطراف ملتزمة بتطبيق نظام الفوترة الجديد, والتأخير يعود لأسباب تقني
قال معاون مدير الاتصالات رؤوف العيد لسيريانيوز انه المؤسسة العامة للاتصالات عازمة على تطبيق نظام الفوترة الجديد الذي وعدت به, والقائم على احتساب أجزاء من الدقيقة على مكالمات الخلوي. وكانت مؤسسة الاتصالات أعلنت مطلع أيلول الماضي انه سيبدأ العمل باحتساب أجزاء من الدقيقة على مكالمات الخلوي بدءا من تشرين الأول الجاري. وأضاف العيد أن "هناك اتفاقا مع شركتي الخليوي (سيرتيل) و(M T N) على تطبيق هذا النظام, وان جميع الأطراف ملتزمة بتطبيق نظام الفوترة الجديد", لافتا إلى أن "سبب التأخير في بدء تطبيق هذا النظام يعود إلى أسباب تقنية, بالإضافة إلى العطلة التي استمرت 10 أيام بمناسبة عيد الفطر السعيد". وكانت تقارير إعلامية قالت في وقت سابق أن شركتي الخلوي في سورية اعتذرت عن المباشرة بتطبيق نظام الفوترة الجديد الذي وعدت به المؤسسة العامة للاتصالات, مبررة ذلك بأن الشركتين غير جاهزتين فنيا للعمل باحتساب أجزاء الدقيقة (الثواني). وعن صحة ما تناقلته بعض وسائل الإعلام عن أن النظام الجديد سيقوم بعملية التجزئة وفق نظام الثواني بدءا من الدقيقة الثانية, قال معاون مدير المؤسسة العامة للاتصالات إن "هذا الموضوع مازال يبحث بين المؤسسة وشركتي الخلوي", متوقعا أن "يبت هذا الموضوع في الأسبوع المقبل". وكانت مؤسسة الاتصالات أطلقت في الأشهر الماضية وعودا بتخفيضات على أسعار الخلوي والعمل على احتساب أجزاء من الدقيقة على مكالمات الخلوي للمشتركين. يشار إلى أن العقد الموقع وفق نظام BOT بين المؤسسة العامة للاتصالات وشركتي سيرتيل و(M T N) على احتساب الفواتير وفق نظام الدقائق. سيريانيوز |
اقتباس:
إنو هيك قرار تاريخي من وزارة الإتصالات والشركتين أخدو بس من شهرين مو إنو آخدينو من سنة, ومابعرف شو دين هالنظام إلي تركيبو بياخد أكتر من شهرين ولهلأ ما كان يخلص مو المفروض يكون الموضوع جاهز قبل ما يتخذو هالقرار هاد, ولا مشان يضلّوا يبخشوا بدنّا من هون ليبلشوا فيه منيح إلي مو طلعة عالقمر :lol: اقتباس:
إبرة بنج, بما إنو من شهرين قالو على أول تشرين الأول حيبلشوا بهالنظام وإجا تشرين أول وما قرروا من أي دقيقة يبلشوا يحسبوها. أنا بقترح عليهن يبلشوا من الدقيقة التالته مشان ما يخسروا مصاري كتير, حرام في وراهن كوام لحم اقتباس:
هي عم يحملونا منيةالتخفيضات بس بالعقل شوي شوي :lol: اقتباس:
|
انو شو معناتا نظام بوت..
|
اقتباس:
على ما أعتقد إنو ملكية المشروع بترجع للدولة بعد مرور فترة محددة من الزمن بتكون محددة بالعقد BOT : Build Operate Transfer |
انو شو مشان قال رح يبلشوا بهالقصة بـ 1 تشرين اول ؟ :?
|
اقتباس:
يعني ما بيعرفو كيف بدهون يسرقو جيبة هالمواطن الخليوي في سوريا هو عبارة عن تحالف البرجوازية مع رأسمالية الدولة و النتيجة هي سرقة مشرعنة |
لك يعني عنجد صارت الشغلة مسخرة
حاطين المواطنين و عمتمسخروا علينا و الله شي فعلا كتير تافه .... |
بيقول المثل: الحق الكذاب لـ باب الدار
لنشوف امتى رح يتطبق هالتخفيض |
اي نطرو نطرو
بكرا بيقولولكون بمناسبة زيارة الملك السعودي التاريخية الى سوريا اتاجل موضوع احتساب الثواني كم شهر زمان:frown: |
| الساعة بإيدك هلق يا سيدي 01:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون