|
اقتباس:
نظريات بعض العلماء بتعتمد على استخدام الغازات و الضغط و هالقصص .. بس الجواب النهائي ما حدا بيعرفه لسـّا |
واحد من الأثباتات المهمة لنظرية داروين هي دراسة المستحاثات fossils يلي بتعود لمراحل مختلفة من تاريخ الأنسان القديم و هي صورة لجمجمة امرأة سميت Lucy و عاشت قبل حوالي 3.5 مليون سنة ..
بتمنى من اللي مهتمين بالموضوع يرجعوا للصور الموجودة ببداية الموضوع يلي بتعود لل Neandertals و هني بشر عاشو بحقبة بين حقبة Lucy و وحقبة الأنسان المعاصر Modern Human ..و خلونا شوي نتأمل و نلاحظ شو صار لليوم هاد ...  من الواضح انو القسم الأمامي للجمجمة عم ينمو بشكل واضح و الفرق بين لوسي Lucy وال Neandertals واضح ...و بعدين ....الفرق كمان بين ال Neandertals و الأنسان المعاصر modern Human كمان واضحة ,,, يعني كلام داروين كان صحيح...بالفعل متل ما قال داروين ..انو الأحياء هي عبارة عن مجموعة ادوات لحل مشاكل البقاء ..مثلا ...القلب بيحل مشكلة ضخ الدم ..الرئتين بتحل مشكلة ايصال الأكسجين للدم ,,,و الدماغ كمان نفس الشي بيحاول يحل مشاكل يلي بتحيط بالأنسان لأنو هو مسؤول عن التفكير ....طيب لوسي و اخواتها كانو بيعيشو بأفريقيا من دون اي معارف من دون حتى اي لغة و انجبرو بعدين يعبرو البحار و المحيطات ليعيشو بأماكن تانية ..و خلال الرحلة الطويلة صادفو كتير من المشاكل يلي بتهدد بقاؤون ,,فصار في نمو للجبهة الأمامية للجمجمة وما يقابلها في زيادة بحجم الدماغ ليتمكنو من البقاء و التعايش مع الظروف الجديدة ,,,, شباب القصة هي حدثت خلال فترة اكتر من 2 مليون سنة ,,يعني ما بين يوم و ليلة شوفو الصور و عملو المقارنة و فكرو بالموضوع و اعطوني رأيكون .. |
هههه ..ما كنت مفكر انو صورة لوسي رح تكون كبيرة هيك ,,,حرام كتير طالعة بشعة ...
على اي حال ..هي صورة تانية بتوضح اكتر علاقتنا مع الأحياء القريبيين كتير النا ...و اشتراكنا معون بجد واحد ...الجد هاد بيشترك بدورو مع القردة بجد واحد اسف اذا هلكتكون بالصور ... خلص ما بقى رح ضيف ولا صورة ... لاحظوا لوسي و اخواتها ...و شكل الدماغ يلي كل مالو عم يكبر ليصير بيشبه البشر اكتر .. شكرا  |
اقتباس:
وبيتكاثر بالانقسام الخلوي.. اقتباس:
اقتباس:
نعم عزيزي لسا التطور مستمر وكان حكيي واضح بردي السابق:D.. اقتباس:
بالنهاي عزيزي عبر المحيط انا ماني مابدي اقنعك بشي:D.. والله موجود شفتو انا:lol:.. لكن انك تقول علم الوراثي قتل الداروينية:pos:..فهالشي -عدم المؤاخذي- افتراء كبير..لأني عندي معارف مختصين بعلم الوراثي وعم يستخدمو نظراياتو لتفسير الحلقات المفقودي بالداروينية.. اقتباس:
وبتمنالك ايمان من حديد:D.. وتحياتي للكل.. :akh: |
اقتباس:
|
طيب بس يا شباب حابب أعرف هالكم شغلة عن هالنظرية وياريت تجاوبوني
إذا الحيوانات والإنسان كانو مخلوق واحد وحيد الخلية شلون كبر؟؟ مع إنه -على حد علمي والله أعلم- إنه الكائنات الحية القديمة كانت أكبر من ما هي عليه الآن وإنها عم تصغر ما عم تكبر ومشان الطفرات أنا بعرف إنه الطفرة بتسبب تغير بلون الشعر العيون الجلد بس مو تطلع عين زايدة ؟؟؟؟مو؟ ومشان شغلة النبات بالله من وين إجا؟؟ مع إنه أسئلتي كثرت بس ياريت تجاوبوني إذا ما فيها إزعاج |
اقتباس:
بمعنى انو أول كائن ما ممكن يكون اجا من العدم..هيدا شي مو مقبول في مين خلقو هوي الله.. بس مقبول يكون الله اجا من العدم..ما حدا خلقو..طب من وين اجا :?؟؟ اقتباس:
اما شلون كبر..فهالشي بيرجع لاندماج خلوي (اندماج خليتين) بتتحكم فيه كتير عوامل..منها كان تأثر الاشعة فوق البنفسجية يلي كانت شدتها اكبر بكتير من يومنا الحالي..(يفضل تتطلع عتاريخ الارض الجيولوجي والعصور يلي مرت فيها وتكون الغلاف الجوي :D) اقتباس:
اقتباس:
ورجاء عزيزي اتطلع عشي مرجع علمي حول التطور ومن ثم في حال عدم وضوح شي اسأل :D.. ------------------------------ منشان دعم النقاش العلمي.. هيدول فراشات "العثة" يلي ذكرت المثال عنهن..  فراشة العثة البيضاء  فراشة العثة السوداء (نتيجة الطفرة) وكمان هي صورة عن الهياكل العظميي لعدد من الكائنات ومنها الانسان:  وهالتشابه ناتج عن شبه كبير بالتركيبي الوراثية.. وتحياتي للكل :akh: *هاموش:ناي..انا صرت هيك:oops::gem: |
اقتباس:
|
ظهور الكائنات الحية ما عاد شي مبهم متل قبل ... و العلماء تمكنو من حل اكتر من تمانين بالمية من ألغاز اسرار نشأة الحياة
الأكيد انو اول شكل كان بسيط جدا يعني وحيد خلية ..بس كيف ظهر ! في شي اسمو احماض امينية Amino Acids يلي اذا اجتمعت بتسلسل معين بتشكل بروتينات مختلفة Proteins اولا الأحماض هي بتتركب و بتنشأ بمعزل عن العملية الحيوية ..يعني عملية كيميائية بحتة ثانيا البروتينات الناتجة عن الأحماض الأمينية هي نقطة البداية لأنتاج كائن حي بما انو الخلايا الحية بتعتمد بعملها الحيوي على البروتينات هي .. طيب العشرين بالمية الغامضة وين راحت ... تركيب البروتينات من الاحماض االأمينية بيحتاج لشي اسمو احماض نووية ...العلماء للأسف لهلئ ما عرفوا منشأ الأحماض النووية Nucleic Acids .. بس الدراسة بالمجال هي بتقول انو التفسير قريب ...ووقتها نظرية نشأة الكون بتكون جاهزة و واضحة مشان النباتات ...العلماء بيقولو انو نشأت بعد ظهور الأحياء بفترة كتير كبيرة ..و هي دراسة نوعا ما منفصلة عن دراسة نشأة الحياة . في دراسة كتير حلوة عملوها بمساعدة جهاز المرنان المغناطيسي MRI Device و عملو مسح دماغي MRI Brain Scanning لأكتر من عشرين شخص من ديانات مخلتفة و هني عم يقرو اكتر من تلاتين عبارة كلها بتتعلق بالدينية مثلا ..الله خالق الكون ...الله ما بحب المثليين ..و هيك شي ....و هاتو لنشوف مسح الدماغي بالمرنان المغناطيسي شو اظهر .. النتيجة هي انا كتير بحبها بصراحة لأنو بتفرجي انو العصبونات الدماغية يلي اتنبهت اثناء مراجعة الأشخاص للعبارات هي كلها كانت موجودة بالمناطق المسؤولة عن العاطفة Intent & Emotions عند الأنسان و الشبكة المسؤولة عن التعاببير الدلالية المجردة Abstract Semantic Expressions يعني بالمختصر الدين داخل دماغ شخص ما بينحصر بشبكات عملها بناء العواطف و التصرف الأجتماعي ... حلو ....وين التفكير المنطقي و المنهجي بيروح وقت منفكر بالدين ...!! و مشان انو انا دينية داروينية ...يا عزيزتي The Morning شو رأيك اذا انا قلتلك انو انا مسلم وثني و أختي مسيحية عبدة شياطين !! ,,,الكلام هاد ما بظن الو معنى .. و هي المشكلة التانية بالدينية ,,غير انو بتقتل عنا التفكير المنهجي و المنطقي ...كمان بتزرع عنا حالة رعب من المحيط ..من غضب المحيط ..من زعل المحيط ..لهيك دايما لازم ندوس على قناعتنا مشان المحيط ما يغضب علينا ...المحيط هون هني الأهل و الصحبة ,,,, بظن يا Jimy انو لازم تجيب العلامة التامة بالوراثة ..اذا اسمعت غير هيك بدي انصدم شكرا للكل |
اقتباس:
يا عزيزي ردا على حكيك فخليني قلـّك اني أنا بوذيه مسلمه بعطي شوي على مسيحيه هندوسيه بتصدق بالله :? ؟؟! يعني انا مابعتقد الموضوع بصوره عامه بخصني أنا كشـخص فمابعرف انت كيف هيك بقى تركت كل شي بالموضوع و كل شي حكيته و اجيت لتحللي شخصيتي و لـكن يا عزيزي رد سريع على كلامك فأنا ما بأمن بالأديان - يعني ما كتير ملتزمه بدين دون الآخر (( حتى الأديان المش سماويه منها )) و لكن عندي ارتباط روحي بالذات الالهيه - و بناء على ذلك مافيك تقول عندي دينيه .. اضافه لأني بتبع نظريه التطور كامله و ليس فقط نظريه دارون لتقول عني داروينيه .. (( بصيغه أخرى لا تحط حدود أمام انتمائاتي ضمن الجماعات )) يعني اذا بدك قوم هلئ تعى لعندي عالغرفه شوف ايقونات مسيحيه و تماثيل بوذيه و آيات قرآن و قصص .. لذلك ما بعتقد انو عندي حاله رعب من المحيط :shock: ! أنما عندي قنـاعه داخليه بالذات الالهيه .. و ما بشوف انو هالشي بيمنعني من أني كون من اتباع نظريه لتطور ولا عم شوفهم عم يتضاربو مع بعض نهائيا هلئ أذا انت بيتضاربو معك فهاد ما بالضروره شي عام يعني :?.. |
[quote]لله و أكـبر .. هلأ انا هيك عم يصير معي ؟؟ عم خاف من المحيط مشان هيك عم ادعس على قناعاتي .. بشرفي نهفه انت ! /QUOTE]
لك لا ..مو هيك قصدي انا .... كنت بدي اذكر الجزئية هي حتى من قبل ما اقرا ردك ..الخوف من المحيط !!  If U have an Idea which Is Going to Outrage Society ..Keep It to Yourself [quote]ا عزيزي ردا على حكيك فخليني قلـّك اني أنا بوذيه مسلمه بعطي شوي على مسيحيه هندوسيه بتصدق بالله ؟؟! /QUOTE] يا عزيزتي اذا كلامك صح ..تلاتة من اربعة من هدون المذكورين بيعتبرو انك اختئطي !! و بتستاهلي عليها العقاب !! هاد مو كلامي ,,,هادا كلام الأديان نفسها |
اقتباس:
عندك شي معلومي حول هالموضوع؟ :D اقتباس:
|
هلاء بعد ما ئريت كتير من المكتوب رح ادخل معكن ع الخط بالبداية عندي يقين بان اقناع المقتنع هو فعل جنوني اذا ليس المطلوب من أحد اقناع الآخر انما مجرد نقاش
تانيا ارى ان النظرية الداروينية والداروينيين يحاولون بطريقة أو بأخرى اثبات ان الله سبحانه وتعالى غير موجود أن الكون كان صدفة ووجد بها بعض الأحياء وتطورت عبر ملايين السنين لنصل الى ما وصلنا اليه وبصراحة لاأعرف لماذا يقبلون بكل غموض هذه النظرية ولا يقبلون بكلمة واحدة عن الدين هنا لايمكن انكار صحة النظرية الداروينية علميا بتطور الحياة العضوية والطفرات الوراثية استنادا الى علم الوراثة لكن يبقى التطور ضمن النوع الواحد وان الطفرات هي نادرة ولاتؤدي الى تغيير جذري بالنوع المتطور وتقول النظرية بأن المخلوقات بدات خلية واحدة هي الأميبا ونتيجة لعوامل مختلفة تطورت وانقسمت الى مخلوقات ذات خليتين ثم عدة خلايا وبهذا ظهرت وتطورت كل الحيوانات ومن ضمنها الإنسان وجزء آخر تطور الى طحالب وأعشاب ونباتات ؟؟؟؟؟؟؟؟؟ وأن الأنسان تطور من سلسلة القرود ؟؟؟؟؟؟؟؟؟ لكن مرحلة التطور من قرد الى انسان ما زالت حلقة مفقودة؟؟؟؟؟؟ وبعد ذلك فان هذا الانسان القرد تطور ليستطيع الكلام ويتابع التطور الى ما وصلنا اله اليوم ؟؟؟؟؟؟؟؟ وتعتمد النظرية فروق بين البشر انفسهم فمنهم من تطور فكريا كالأوربيين مثلا ومنهم من لا يزال متخلف كالعرب ودول العالم الثالث اجمالا. هذه النظرية تناقض نفسها في مجال الأصول والفروع فانه مهما حدث تطور للفرع لابد ان يعود للأصل بمعنى الأنسان لابد أن يعود لأنسان مثله قد يكون مختلف عن انسان اليوم لكنه بالتأكيد هوانسان وليس قرد ولو عدنا الجد المليون حقيقة ورتابة الكون تثبت انه لابد من مدبر لهذا الكون وكل من ينكر ذلك هنا يناقض ذاته لأنه بانكار وجود الخالق نضع انفسنا في زاوية قد لانستطيع اخراج انفسنا منها وللحديث بقية |
كلامك عزيزي Jimy كتيير قريب للصحة ..يعني لو منفكر شوي انو ليش في حياة على الأرض و ما في حياة على الكواكب التانية المعروفة للبشر !! ..في شي خاص بالكرة الأرضية لما تكونت يلي هو الغلاف الجوي الخاص فيها ..اكيد الغازات يلي بالغلاف الجوي كان الها الأثر على ايجاد صيغ حيوية على سطح الأرض يلي بدورها مهدت لوجود الحياة و تطورها !
انستنا العزيزة The Morning قالتها من قبل انو حاولو يعملو تجارب مخبرية بتحاكي ظروف الغلاف الجوي ليتمكنو يوصلو لفهم كيفية ظهور الأحماض النووية Nucleic Acids ....مسبقا العلماء بنفس الطريقة اتمكنو من محاكاة ظهور الأحماض الأمينية Amino Acids ...بس بتبقى المشكلة بالأحماض النووية يلي في حال عرفوا كيف نشأت بتكون يمكن بمثابت المسمار الأخير بنعش الدينية مشان سؤ الفهم بيني و بين The Morning ...مستغرب ..ليش سؤ الفهم !! هي كمان بتأمن بنظرية التطور ,,, بس المشكلة انو ما بتعترف انو الداروينية هي نقيض للدينية و كمان بتعتقد انو الداروينية مو هي الأسم يلي يطلق على نظرية التطور ...انا هون عندي نقطة و حابب وضحها ... داروين عالم بيولوجيا ..بس كمان كان ضليع بحركة او تيار سعى لألغاء الدينية و هون هي الحقيقة يلي يمكن البعض ما يحب يناقشها ,,,كل علماء البيولوجيا بيعتبروا داروين يلي ضحى بحب حياتو لأنو ما مستعد يتنازل عن افكار مأمن فيها بيعتبرو ملهم ,,او اكتر من هيك بشوي ,,و كمان كلهم على مدى قرن و نصف كانو ضليعين بتيارات الحادية همها تدمير الدينية بجانب كونن علماء بيولوجيا ...و اكبر مثال بأيامنا هي هو ريتشارد داوكينز ..يلي هو كمان عالم بيولوجيا و بيأمن بداروين و كمان هو بنفس الوقت متل القائد لأكبر منظمة الحادية على وجه الأرض ,,كتبو كتير معروفة منها The ancestor's tale و اخرها الكتاب The God's delusion يلي عمل هزة بكافة الأوساط ..و هو بروفسور بجامعة اكسفورد ,,و معروف كتير للأمريكان بحكم محاضاراتو الدورية بالجامعات هنيك .... لهيك ..ما فينا نقول انو داروين ما عاد الو علاقة بنظرية التطور لأنو الكلام هاد في عدم اكتراث لأكثر من تسع و تسعين بالمية من علماء البيولوجيا بأيامنا هي ,,, برجع و بشكر The Morning على رأيها الشجاع , صحيح هي فيديو لمحاضرة بعنوان Why We Believe In Gods بأحد جامعات امريكا للبروفسور Andy Thomson . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الفيديو باللغة الأنكيزية و ما شفتلو ترجمة عربية |
اقتباس:
يعني حتى الغلاف الجوي ونسب الغازات كتير تغييرت هلئ :pos:.. اقتباس:
هيي ما حبت تسميها النظرية الداروينية لأنو كتير علماء اشتركوا فيها وطورها.. بس هيك يعني..مافي خلاف عالمصطلح يلي نحط تيمنا بداروين.. اقتباس:
اقتباس:
هاي هيك الانسان البدائي وهاي الانسان الحالي :pos:.. فيك ببساطة تشوف انو الهيكل العظمي للانسان البدائي كتير مشابهة للغرولا اكتر من تشابها للانسان الحالي:pos:.. وماحدا قال انو الانسان اصلو قرد..قلنا انو الهن جد واحد:?.. ياريت ينقرأ الموضوع كلو.. |
اقتباس:
اولا ياعيني انا ئريت الموضوع كلوا بالبداية انا ماعم اسأل بس عم اكتب ما قالته النظرية تانيا انا ما حكيت انو انت قلت اصل الأنسان قرد بل اكرر تقول النظرية ان الأنسان تطور من سلالة القرود (كلام ما إلو معنى غير فكرة نكران الله) والصور هادي لاتدل على شيء بل العكس. وتظهر تشابه السلالتين وهذا لا يعني انهم من سلالة واحدة |
دايما الدينيين بيقولو ليش توجيه الأهانة للرموز الدينية
يلي شاف المشاركات الماضية و قراها بشوف انو ما في حدا اهان الدينيين ...بالعكس الموضوع علمي اكتر ما هو شي تاني ....بس ما حدا بيسأل .....اذا نحنا ممكن نحس بالأهانة من الدينيين او لأ ... هالبنت الكردية يلي انرجمت حتى الموت ....ما اهانة !!  هالطفلة المسيحية بواحد من مخيمات يسوع بأمريكا و الدعس على براءة الأطفال ...مانها اهانة !!  و ضحية التطرف اليهودي ....الصورة المؤلمة للطفلة البنانية ..ما نا اهانة !!  براءة الأطفال مرة تانية بس بنسخة اسلامية ,,,مانا اهانة !!  انا هندوسي و رح اقتل كل المسلمييين !! ,,,,مانا اهانة !!  كربلاء و الثأر !! ...مانا اهانة!!  هدا هو الدين شباب ..معلش من دون زعل ...انا ما هاجمت ولا دين ..عم انتقد ممارسات ..الدين لعب دور كبير بتبريرها !! ما تقولو انو الملحدين كمان كان في منون مجرمين ...هتلر او ستالين ... هتلر كان نباتي كمان !! ..كل النباتيين يعني مجرمين ..ثانيا هدون ارتكبو جرائمن باسم الأرية و الماركسية و ما بعرف شو ... بتمنى تشوفو انو كمان نحنا لازم نسأل كل الدينيين ... ما بقى عاد نستحمل الأهانة اكتر من هيك .... |
بعض الممارسات الدينية لاتعني الدين فالدين شيء وبعض الممارسات شيء آخر رجاء عدم الخلط
|
| الساعة بإيدك هلق يا سيدي 15:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون