|
مو شغلة بتجنن هي!
هلأ بما أنو الدنية رمضان والعالم صايمة (الله يتقبل) حبيت اسأل سؤال (لا سمح الله)...
السؤال أنو: بما أنو العالم صايمة, معناها العالم ما عم تاكول, طيب, وإذا العالم ماعم تاكول, معناها العالم ماعم تشتري أكل, منيح.. طيب إذا العالم ما عم تشتري أكل, معناها البياعين ما عميبيعو أكل, مزبوط؟؟ وأذا البياعين ماعميبيعو أكل, معناها سوق الأكل دائر... وأذا السوق دائر, منعبر عنها علميا بالقول: الطلب متراجع أو السوق يواجه انخفاض في الطلب على السلع الغذائية (قال يعني فهمان أنا!) وحسب مادرسونا بكلية الاقتصاد... بان عند تراجع الطلب في السوق على سلعة أو مجموعة من السلع, بينخفض سعر السلعة, وبتكتر الحملات التسويقية والعروض الخاصة.... بس نركّز على موضوع: بينخفض سعر السلعة طيب إذا سعر السلعة لازم ينخفض, في مجال حدا يفهمني شلون ارتفعت الأسعار بدأا من أول يوم رمضان بنسبة تنينوتلاتين ونص بالمية!!!!!!:jakoush::jakoush::jakoush::jako ush::jakoush: (حسب المكتب المركزي للإحصاء,,, وفهمكون كفاية):cry: |
كان في كاريكتر نزل باول يوم من رمضان ...
واحد بيقول للتاني..بما انو شهر رمضان غالي علينا..فلازم كل شي يكون غالي كمان |
مين قال انو الناس ما بتشتري برمضان؟!
انو اوك ما بياكلوا بالنهار..بس بياكلوا عالفطور ولائم وعزايم ومدري شو كمان :lol: وبيشتروا كتير لأنو هاللي جاع كل النهار لازم ياكل كل ما لذ وطاب.. مش ميّة وتمرة..الله يرحم! |
اقتباس:
طبعا ارتفاع الطلب مانو مبرر وحيد لارتفاع الأسعار.. في نسبة كبيرة من الجشع و الاستغلالية من قبل التجار |
اقتباس:
هامش: شكرا لمروركون يا رفاق:D |
بالعادة الصايم ( قد ما بكون جوعان بالنهار ) بفكر أنو عالافطار رح ياكل شي مية صنف ... و رح ياكل أضعاف ما بياكل بالعادة .... فـ طول النهار بكونو عم يشتغو بهالافطار يللي رح يكون شغلة ربع ساعة مو أكتر
و لما بتجي عالافطار ما بتقدر تاكل شي  |
اقتباس:
|
لأن بكل بساطة ومع الأسف الشديد، لهلأ نحنا ما منعرف شو الهدف الحقيقي من الصيام، مفكرينو بس إنو لازم نبطل أكل وشرب من الفجر للمغرب، بس شو المغزى الحقيقي للصيام ما منعرفو، وهيك يا صديقي الإسلام رجع غريب متل ما بلش.
|
طيب إذا سعر السلعة لازم ينخفض, في مجال حدا يفهمني شلون ارتفعت الأسعار بدأا من أول يوم رمضان بنسبة تنينوتلاتين ونص بالمية!!!!!!:
الشغلة بسيطة كتيرر لانو الاسعار بايد التجار وما ادراك مالتجار |
اقتباس:
|
| الساعة بإيدك هلق يا سيدي 19:10 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون