|
هـامـــــوش
هاموش
الهامش هوي عبارة عن شي هامشي يعني ما بينشرح لانو ما في تشرح المشروح بس فيك تتطرق لإستخدام الهاموشاتات عم تقـّلي حدا احيانا بتستخدم كلمة عالهامش الهامش موجود في كل مكان ولا فيك انك تنفي انو مافي هامش بكل دفتر في هامش إزا مو بطرف الصفحة فيك تسوي هامشك الخاص بآخر الصفحة كل واحد معو هامشو الخاص فيه مشان هيك ما بتلاقي شي حل معتدلة او مسالة بآخر صفحة ليش لانو مبينة (( هامش )) وبكتير مشاركات بتلاقي الهامش واحيانا بيكون اهم من الرد الأساسي حدا عم يسال عن حدا حدا عم يحدحد وفي كتير عالم عالهامش يعني هدول بيجو ملحق مثلا والله يلا خلينا نجي عالسقيفة يلا منشوف هالهامشيين شو عم يسوو طيب اي خيو نحنا عالهامش وانت كمان عالهامش ان ما كان هون رح يكون هنيك وان ما كان هنيك رح يكون معك بجوز تكون جيبتك عالهامش بيجوز يكون شغلك عالهامش بيجوز عم تدرسلك بشي كتاب مليت بلشت تكتب عالهامش بيجوز صار معك شي هامشي يعني اقل من عادي اما ازا ما كان معك هاموش او ما بتهمش اكيد في شي غلط بالموضوع يا اما العالم كلا غلط وانت الصح وبما انو هون القسم درجة تانية يعني هامشي تقريبا جايي باخر الدفتر بدي اعمل هاموش كبير يعني متل الموضوع القديم تبع خاص فيني انا لحالي (( يلي راح متل يلي سبقوه من الموضوع الهامشية )) بس الهاموش رح يكون بشكل أرقى يعني مو بس انا بهمش كلو عندو هوميش وبدل ما روح همش بدفاتر الشباب لا ليش بعمل دفتر لألي كلو هامش بحط هاموشياتي وبدك بتحط هامشاتك مشان هيك اسمو هاموش مو هامش يعني فتر كبير بيسع هوميشك وهوميشاتي وبيني وبينك الهامش ضروري ياخي انت من حالك بتعرف هالشي ومافيك ما تهمش او بيوم من هلأيام نحطيت عالهامش يعني خيو الهامش متل 0.000001 عالشمال ف ظبط هاموشك :pos: |
السرفيس
السرفيس والصفنة
تصفن بهل شوفير شعراتو شايبين دقنو متر طيب عمرو شي 60 يعني وسطيا إزا عاش كل واحد 70 سنة يعني هلق دراسة وشغل بعدين طار 22 و2 جيش و6 ليتجوز تملو 40 تقريبا جاب ولاد كبروا الولاد ختير الزلمة ! مات!! ولادو نفس القصة نفس الطريق ولادون وهكذا طيب ليش عايشين شو السبب أنو أنا ووياك وياك وياها هون طب مشان شو !!! |
التحديث وكلب الأمير امير
هاد يا سيدي لك علاء شو هالتوقيع المفشكل تبعك شو هاي من الصعب هزم ملك شو هاي الافضل او ولا شي شو هاي كلب الامير امير ها .. ها منجي لاهم شي كلب الامير امير هاد كان في امير وين ما يروح كان يلحقو كلبو كبر الامير وصار الملك ملك متقاعد يعني مات صار الامير ملك ولما صار الامير ملك تم الكلب يروح ويجي معو متل ديلو وهيك في عنا امير وكلاب الامير ما بدو هيك الكلب كمان ما بدو الامير بدو ف بالتالي الكلب بدو بس احلا حلقة بالمسلسل لما صار الكلب امير ما عاد حدا لحقو ياخي امير صار ف بدو ديلالو يلي ما فهم لاتفهم بكفي انا فهمان شو عم اكتب مع انو ما بتوقعك تفهم ف خليك امير خيو |
لك وينو هاموشي مشان النبي
بدي بق الخمير والفطير والعن دين البعير اليوم وانا بالسرفيس طبعا يش بتجيني الصفنة بالسرفيس ها..ها لان السرفيس ليوصل بدو ساعة بكون شغت فيا كم فلم رعب متل تشحيط وزرك ودوبلة اي عادي هاد طريق عرضو 4 متار بيدوبلو عالكوع شرطك كمان بيدوبلو صهريج عادي منرجع ------------------------------------- قال هيه هيه عيد ميلاد فلان اليوم هيه هيه صق شبك ولا حمار ع شو فرحان كتير :shock: ازا قلنا حطينا متوسط عمر تقريبي شي 50 سنة طيب قدي عمرك ولا **20 ياسيدي اها يعني فرحان انو راح من عمرك سنة لك انا كل يوم بس فيق من النوم ولاقي حالي بعدني ارضك ارضك بزعل على هاليوم يلي راح ** طيب شو سويلك يعني شو تسويلي ** اي شو سويلك حل عن ربي خليني انبسط بليرة طيب روح عمي روح اها ازا قلنا صار بدو ليطلع بالبكلوريا بمجموع شي انو بيفوتو جامعة بدو ليصير 20 وبدو بالجامعة 5 هي صارو 25 وبس تنقلع تعلق سهادتك بالمطبخ بدك تنقلع عالجيش شيل كمان سنتين قدي صارو 27 حلو بدك لتدبر سفرة ... ** سفرة ليش السفرة لك خراس شوي يلعن إلهك خليني اكل هوى كمل اي سفرة لانو مالح تلاقي شغل من **** بتلاقي شغل **طيب مو دارس انا ومعي شهادة شهادة .. إي حطا بجيبتك شهادتك **شبك ولو متشائم كتير ؟؟؟؟؟ متشائم كتير .. !!!! يا حبيبي شو انا جايبلك الحكي من بيت ابوي طيب خليني كمللك بعدني ما خلصت ** هات سيكارة ع زعل وكملي لقلك كمل .. اي وين صرنا عم تدبر سفرة مو بدك سنتين هي صارو 29 ** ليش سنتين ؟؟؟؟ اووف اي انا بقلك ليش سنتين لان في متلك متاييييييييييل يا حبيبي كلو بدو يطفش وبدك شي 7 سنين تأمن امورك يصير معك حق بيت وسيارة عنا هي صارو 36 **إإإإإإإإإإإف ليش سبعة شو وين عايش انتي انا بقلك وين عايش طبعا اكيد مالي جايي من الغابة وعايش هون من هالشي عم قلك **هات هتلك كاس عرق مسيك مسيك لقلك اصلا منيح يلي ما غلي كمان العرق وبدك سنة لتلاقي بنتت الحلال وسنتين لتعمر وتزبط بيتك صارو 39 يعني صار بدك لتامن حالك قد يلي عشتون بعدين بتعشيلك يومين مرين وبتتوكل اما بيجي ابن شي اخو ***** ابن مسؤول او شي غنييي بياخد البكلوريا من اول سنة طبعا راشيتات وتواصي وفت عملة صار عمرو 18 فات عالجامعة طلع منا ب 4 اي بيزبط الدكتور وبيعبيلو جيبتو من البابا الله يخليلو ياه ويديملو ياه فوق راصو بياخد الشهادة بيزبط امورو ما بيروح عالجيش لـ.... **شلون ما بيروح !!!! لك لا تقاطعني مشان ملائكة حمص يعني شلون بدو يروح عالجيش اي عراسو ريشة مين عم يروح عالجيش غير يلي متلي ومتلك اصلا اي وبيعشلو كم سنة على تعريص واكل هوى وبيشوف حياتو سيارتو تحت ط*** وعملة كب الله يديملو البابا بعدين بيروح بيطقا جوازة اي مأمن حالو هاد البيت التالت مدري الرابع بالمزة تبع ابوه ومفروش وجاهز وبعد سنة بيطلق اي اي لعبة بنات الناس بيشتريها ب ميتين اربعميت الف شغل يومين عند البابا يعني وبيقلعا صار بدو جديد يعني انا بقلك ليش بيقلعا لانو تعود عالتعري* يا اجدب يعني هاد في بينك وبينو شي 14 سنة هوي مختصرون اي حل عن الله تبعي ولو وهات سيكارة لقلك **مسيك مسيك ربك ع رب عيد ميلادي |
سمحولنا هيك بدنا نحكي هاموش صغير و سجلوا ع الحساب..
و بس يكتر الحساب ستنوا لنقبض الراتب باخر الشهر .. و انتوا و حظكون اذا بقي معنا شي من هل الراتب على دفع كهربا, و مي وووو الخ.. المهم.. ما علينا بطولة السيرة.. اليوم هيك مصطهجين و اخر رواء .. و اذ بيخطر ع بالي نفتح هل التلفزيون و نقضي الوقت البقيان من هل اليوم اللي بيشبه الايام اللي مضت و اللي رح تمضى.. منقلب ع محطة "نحن الاجمل دائما" و اذ بيطلعلي وحدة اسمها نايفة شعرها ئصير و عايف ربو .. و بشرتها فيها مية علة و علة.. و سنانها شي مدعبل شي مسطح شي فايت لجوا و شي طالع لبرا عم ياخد تنفس.. و بكبسة زر بالريموت الكنترول من جويل.. بتفتح الستاير و بتطلع وحدة شعرها طويل و بشرتها صافية و سنانها متل صف اللولو (يا لولو هع) شه..!! والله ما عرفتها.. مين هي.. و من وين اجت.. !! بس جويل دائما بتكون موجودة لتسعفني بالاجوبة على اسألتي "الزايدة".. لك مو اتاريلكون هي نايفة..;) منقلب ع المحطة التانية " مش هتقدر تغمض ادنيك" طلعلي واحد عم يجعر.. بس شو..!! طول.. بياض.. عيون.. و العضلات المفتولة( هي منشان يبين ابضاي بالفيديو كليب.. بس ترا بنصح اصحاب القلوب الضعيفة لا تحضر لانو بأي وقت ممكن هل العضلات تفرقع و يصير المشهد شنيع.. يعني ما بضمنلكون اذا حقيقية ولا لا :pos:) طفينا التلفزيون و ئمنا نشوف شغلة تانية نمرء فيها هل اليوم اللي باينلو مش هيعدي........ و يتبع |
هاموش مهموش سعدوش تبعو
للأسف الهاموش بيظهر واضح بالانترنت بشكل كتير كبير لكن بالحياة من فترة لاخظت في كتير عالم في على راسهم خط اي اي خط ما ريشة خط اللي على راسه ريشه بكون مدلل واللي على راسه خط بكون هوي تحت الخط وبالتالي بكون هوي الهاموش سعدو يستر ,,,, |
اقتباس:
والربع يي بقا عم يشاور حالو يعني اليوم مااجى عبالي اكتب مو لانو مافي قصص لحتى ما نكتب بس انو شو بدو يحكي ليحكي الواحد محكية خالصة قال الأنكليزي 40 علامة الاختصاص اي عادي ما مشكلة لازم يطلعوها فوق المعدل كمان مافي داعي هالعالم تدرس وتاكل هوى مالي مزاج اكتب بس لبكرة لكل حادث حديث |
ابضـــــــاي..
اقتباس:
ئمنا نسوي كاسة شاي نعدل فيها هل الطاسة.. و توجهنا ع المطبخ بس للاسف نصدمت و تشنجت و تبلكمت لما شفت انو مافي شاي.. كانت صاعقة بالنسبة الي و بعتبرها من الصواعق الكبيرة .. ما علينا صفنت وقتها الصفنة العجيبة و قلت لحالي مافي غير انو سلم امري لالله متل ما سلمت باقي الامور .. طلعنا برا البيت و اعدنا نتفرج ع الرايح و ع الجاية ( ولو انو ما كان في لا رايح ولا جاية) بس لاجل الصدفة كان في تنين واقفين متل العاشق و المعشوق..!! _ شتقتلي ؟ _ اي ما حسنت نام الليل مبارح .. _اي بعرف حبيبي.. ولي على البي عليك.. _ ما قلتيلي حبيبتي..شو عملتي مبارح لما تركتك و فترقنا (يا ريتنا وقتها فترقنا ع طول و ما شفت وجك هلأ اللي بيئطع الرزء) _ شو بدي اعمل يعني بتعرفني انت ما بحب لف و دور كتير برا.. يعني دغري رجعت ع البيت ( اي انا اللي بعرفك.. ما بتحبي تلفي و دوري بنوب ..!!) و اذ بييجي واحد تالت و بقاطع حديثون المثير و بيلحش هل الجملة و هو ماشي: لك يئبرني هل الابيض انا.. بنط الشب الابضاي (اللي مع البنت) : شو عم تقول ولا.. جنيت على حالك بشرفي لعفسك تعفيس.. و بينزل فيه حتتك بتتك و وين بيجعك.. المهم .. بتخلص الخناقة و هل الشب الابضاي بكون الفائز بالمعركة و عم يستنى حبيبتو لحتى تزفئلو للبطل..!! :adal: _انشالله ما صرلك شي حبيبي.. _ لا ولو.. مو شايفتيني طحنتو.. والله اللي بقرب عليكي بحسب الله ما خلقو.. _يوووه تئبر عضامي عضمة عضمة شو رجال.. _شو بدي قلك.. _قول يا عمري.. _ معك شي الف ليرة لبكرا ..الله وكيلك لبكرا بس.. انتي بتعرفيني ما برضى ;) |
نزلت من البيت متل عادة كل خلق الله وكنت رايحة ع الجامعة واذ
بنت عمرها مابيتعدى ال 9 سنين لحقتني وبلشت < ياخالة الله يوفقك...الله يحرسك...بس خمسة...الله يبعتلك ابن الحلال> طلعت هيك وصفنت انه وين ابوها، اخوها، ابن عمها اللي رح تطلع عضلاتهن على غفلة وقت هالبنت تكبر شوي ويصيرو <وين رايحة ومنين جاية وشو بدك تعملي........الخ من هالعلاك المصدي> كملت مشي (كون المواصلات مومنةبسهولة.!! يعني) واذ واحد راكب بي ام موديل سنتها وبلش بقى <وين ياحلو، تفضلي نوصلك، انا خدام القمر، يقبرني الي خلقك، طيب بس رقم التليفون والله نيتي شريفة> انو بس وين الشرف لما بتلحق وحدة ماشية بأمان الله وبتحل سئلتك عليها ولما اكتشف<بذكائه> اني مو تبع هيك شغلات شفط ولحق الفريسة التانية ليحل سئلته عفوا <شرفه> عليها ولك اووووووووووف ع الهاموشات شو كتيرة يتبع خيو |
هلأ هي مو هامش
بس رح أكتب هون أنا هيك بيحلالي ________ بس إي إي بس لحد هون وبس ماعاد في مجال للمزح بنوب من اليوم بما أنو اليوم مبسوط جدا جزيلا أبدا وأنو صار لازم الواحد يفيق عحالو بعد ماصار عمري 19 وسبع شهور و16 يوم قررت أنو كفاها الله نوم ماعاد نام زيادة بكرة بس موت بشبع نوم قررت اليوم إنو صار لازم وقف ع رجلي من أول وجديد النوم ما بيجيب نتيجة طيب شو قررت ومشان الله بدون هالمقدمات أخي إبتداء من هاليوم بلش الجد بدي صير وأتعب ع حالي ( زيادة ) وأنو لازم بهل فترة سوي شي يعني لازم نتعب زيادة لأن حطيت النقاط ولئيت علا أي من حيطان هالحيات لازم اسند سلمي وبلش إطلع درجة درجة يعني هلأ منئول بلشنا بدون إعتماد ع أي شخص كان بطلوع هالسلم عدا شخص واحد يلي هوي رح يكون شريكي ويلي أنا بدي اطلع السلم مشانو بجوز تكون سابقتني بكم درجة بس معلي هاد أنا بحب هالشي إنو التحدي إطلع عالسلم وإلحق وإسبق ياجماعة فعلا إنو الواحد بيحس إنو لازم يفيق بس بدو يصير شي حدا بحياتو بيصير في عندو دوافع أنو أنا لازم إشتغل وأطلع وإطلع وكون أحسن وبس شي مرة وقف عند درجة ما بقا إتطلع للدرجة التانية بلاقي يلي عم يدفعني لكمل إزا وقعت مابتحس حالك لحالك في حدا معين بيوقف جنبك وبيخليك توقف وتبلش بهل سلم من جديد كان فيني إسبقا بدرجات بس لا أنا بحب أشتغل من الصفر وأرسم طريقي ع كيفي ما يشاركني حدا غير هالشخص برسمو يعني أب رفيق شريك عمل هئه بس هيك ولهون وفقط ومن هون لإسبوعين زمان بسبت هالسلم تمام وبحطلو قواعد ماكنة بس لنشوف شو رح يصير معنا |
هاموش بس اساسي اني قلك ياه
ربي يحماك ,,كتير حلو هالقرار وكتير حلو هالتغيير بحياتك,,,يا عيني عليك وبانتظار تحط هالاساسات يا عم ودوم يا رب تكون بهالحالة الايجابية,,,, |
رايي فيك بتعرفو منيح ، ربنا يوفقك :D
|
هامش انا يمكن اطلع على البحر بالعيد
:sick: لسا مو اكيد |
هاموش ازرف,,,
عيد بين الكتب والقرف,,,,شنو ما بدهم فشل زايد:cry: |
هاموش: وين الهامش بالموضوع!!!
|
ابو الزوز زكاتك
غيرنا اسم الموضوع من هاموش لـ فاعول شنو الهامش يا حبيب بصح اننا نسميه لشي مهمش .. لشي ما بينسمع .. لشي ما بينرد عليه بينما الشبيبة الطبية الاخوية .. عاملة الهامش همها في الحياة .. فحولته من هامش لـ فاعل فغير لنا التسمية زكات عينك .. مشان نصير شوي مودرين يعني :larg: |
وقع السلم لتعن ربو :shock:
:frown: |
قانون الصفر (( السلب والإيجاب ))
+ ------- 0 ------- - يتبع بس تزكير |
| الساعة بإيدك هلق يا سيدي 03:45 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون