المكدوس آخر جيوب المقاومة السورية ...!؟
 

أخر ما بقي الأسرة السورية تحافظ عليه من حجم المونة الكبير والمعتاد لربما هو المكدوس، بطل المونة الجبار الذي وقف في وجه جميع التغيرات الحاصلة على السوق وعلى الاجتماعي وعلى العولمة وعلى الذائقة، وأجبر الأسر السورية على احترامه والاحتفاظ به، وبالرغم من غلاء أهم مكون فيه وهو الجوز، فقد بقي المكدوس عنصراً رئيسياً من المواد التي يجب أن يحتويها كل منزل سوري وكأنه هوية مائدتنا الشتوية، فهو موجود في بيوت القرية والمدينة ولدى الغني والفقير والمتوسط.

كثيرٌ من الأسر وبحكم توافر المعلبات لكل المواد وبحكم الضغط المادي الذي تعانيه في أيلول، ألغت الجبن واللبن والمربيات من حسابات المونة لكنها لم تستطع أن تلغي المكدوس ولو أن الكثير منها قلل الكمية، وفي كثير من الأحيان وفي ظل الظروف المعيشية القاسية قلل الحشوة..الزيت..الحجم...، كما أن الكثير من الدول الأخرى التي تعلم بحاجاتنا لمواده الأساسية في فصل المونة زادت من حجم صادراتها للجوز والفليفلة والملح، فالجوز الأوكراني أصبح ينافس البلدي بشدة، والكيلو منه بـ 350 ليرة بينما البلدي المقشر يصل إلى 700 ليرة، والمواطن كما يظهر في جولاتنا على الأسواق يقبل بقوة على الجوز الأوكراني ويفضله على البلدي، فأمام بائعي الجوز الأوكراني يصطف الكثيرون حتى لو لم يشتروا سوى كيلو أو نصف كيلو بينما الكيلو البلدي يسأل عنه الكثيرون ويشيحون بوجوههم مبتعدين، أما باقي مكونات المكدوس فمقدور عليها.

فرض المكدوس حضوره لتتكيف المصانع نفسها لإنتاجه وتعبئته وتسويقه، فاتضح لها أنه منتج لا يمكن الاستغناء عنه، فبدأ ينزل الأسواق معلباً جاهزاً، مكدوس المعلبات موضة عصرية جديدة لا تحمل من طعم المكدوس سوى طعم الزيت، فهذه العلب لا تكلف النساء شهراً من أجل اختيار الباذنجان الأصغر حجماً وسلقه وقلبه في قطرميزات وانتظاره حتى يصفى من الماء وحشوه بالملح وتنبيه الأطفال ألا يقتربوا من القطرميزات المقلوبة كي لا تقع، ومن ثم حشوه وملئه بالزيت وانتظاره مرة أخرى كي يفقد مرارته، فيخرج مكدوساً حقيقاً حاملاً معه طعم الانتظار، فهذه التفاصيل غير مذكورة ببطاقة بيان المكدوس المعلب، فهو إلى حد ما يفي بالغرض لطبقة ما، لا يبذل له الوقت ولا الجهد، مكدوس يلبي الطلب ولا يحمل طعم اللذة ولا جمال التحضير.


يارا وهبي

10/09/2009

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هاي كام صورة.. مشان الشبيبة الغير سوريين يعرفوا عن شو عم نحكي

المكدوس مثال حي وصريح عن تحول كائن حي بعد عدة عمليات مختلفة من " الشق " و " الغلي " و " التمليح " و "الكبس" و "الضغط" الى ناتج جميل الشكل بديع الطعم لا يمكن الاستغناء عنه او الاستخفاف به ...

:shock:

قلتلي تحول كائن!!

و.. شق وكبس وضغط ومدري شو!!


شو الأخ مخابرات؟

لك شو مخابرات وما مخابرات ... الله وكيلك مكدوس ... مكدووووووس

أنو شو خطر ببالها بنت الملعونة يلي عملت مكدوس أول مرة يازلمة طريقة مابتخطر ببال الجني الأزرق

أنا بشك أنو طريقة عمل المكدووس من عند المخلوقات الفضائية أي والله مابتخطر على البال تنغلى البيتنجانة وتنشق وتنحشى وتتملح وانا بعرف شو غريب ياأخي غريب

بس طيبة المكدوس شو بدنا بالحكي طيبة

طيب شو عرفك انها كانت وحدة ؟!!!
بركي كانت واحد !!!!:p

لا مخلوقات فضائية ولا بنت ملعونة ولا شي..

المكدوس تطوّر مع الوقت.. بلّش مخلل بيتنجان.. بعدين دخل إلو التوم.. بعدين الجوز.. بعدين الزيت.. وقبلو الفليفلة.. وهاكوزا..

يعني فيك تقول: المكدوس دليل على نظرية "الانتخاب الطبيعي"

:)

اي وهلأ اتطور كتير صار في ناس بتحط المكدوس بالفريزر وبتطلع بتزيد عليه الزيت بوقت الاستهلاك..
انا عن نفسي بحبو كتير واتعلمت كيف اعملو بعد ما سألت كتييييييير .. ومن شوي عملت شي 5 كيلو بيتنجان:gem:

أوف ... ليش مكترة هيك .. :p






أنا بفضل الزيتون المحشي ..... فظيع مع الكاسة



عموماً قديش بتتوقعوا يضل المكدوس بمتناولنا
أو أنو بعد كم سنة منصير نعزم الناس على أكلة مكدوس ..... أو شي قرص شنكليش بلدي معتبر ..

لا تحكيلي.. ذكرتني بالشنكليششششش..
رحنا أول الصيف على ضيعة براس الجرد نواحيكون .. هيك ضيعة حلوة كتير وفاضية كتيييييييير.. وصغيرة كتير وجبنا شوية شنكليش من هنيك .. شي غير يا زلمة..

عليي الطرباق كان عنا جيران.. يموّنوا مكدوس بالـ 150-200 كيلو كل سنة

اي. اي بصدقك .. انا بعمل تقريبا شي 40 كيلو بس مشان ما تطلع روحي بعمل كل شوي لحال.. والله كيلك خلال شهرين بيكون خلص نصهون..

المكدوس وما ادراك ما المكدوس ..

:gem:

انو .. صدفت اجازتي بالشام هالمرة انو يكونو اهلي بدن يساوو فـ انو ساعدتن ..

وطرقنا 60 كيلو .. عالحارك ..

بس الوليمة الكبى بتكون ببيت جدي .. بحدود ال 80 او 90 كيلو .. شي فخامة واستمزمز عنجد ..

معليم حشيتها .. للحلق .. طلعت طنابير طنابير .. شي فخامة .. فخامة رسمي .. واخد معي عالسفرة شي 5 كيلو برياحة .. مشان الشباب هنيك ..

أنا بعكسك تمام ...

باخد لترين زيت ... وبمكدسهن أول بأول :p



بس شيلنا عن الحكي .. ابو سمرا الزيتون ظريف

بس المكدوس بيضل غير حياة .. مع شوية نعنع ورشاد جنبو وقرصين بندورة بلدي :larg:

طيب جرّب المكدوس مع عنب بلدي و ادعيلي











أو إدعي عليي :p

كل هالئد إلو شعبية المكدوس:? !..