أيها الشاب: أتتزوجها ام أنها فاسقة؟
 

أول شي...مرحبا كتير وكومايات الكم جميعا ....وبعد غياب سنين عذاب شفتا وشافتني صدفة.....:ss:
عم فوت الأمور ببعضا لأني كتير فرحت لما لقطت هالرابط لفوت منو لهون....:D
المهم... موضوعنا الرئيسي موجه بالأكثرية للشباب الطيبة الفهمانة....:pos:
بنت حبيتا وحبتك كتير وانتا طبعا كالعادة حاولت تبلفها بكم كلمة حلوين حتى تمارس (الحب ) معها,,,,
وهيي اقتنعت مو لأنك بليف وذكي:jakoush:...لأنها بتحبك ..... يا ترى بتزوجها ولا بتعتبر انو هيي راحت معك فممكن تروح مع غيرك ومن هالحكي اللي بينحكى كتير بمجتمعنا....
يعني بالمختصر..... أتتزوجها ام أنها فاسقة؟؟؟؟؟؟

منترك الرد للشباب الطيبة...........

فاسقة؟؟!!!:shock:
هي فاسقة وشب خمري ملاك يعني؟؟؟؟!!!:frown:
هلاء مارح أحكي كتير بل تنظير........بس بنت وهبة جسدها كرمال حب.....أبدا ماهي أمراة فاسقة.......(يلعن دين هل الكلمة شو بشعة)
رغم أني ما بفضل ممارسة الجنس قبل الزواج.....وأن صار......مارح بيكون عندي اي تررد أني أتزوجها.....لأنو هي الأنسانة الي خترت.....مو الورقة الي عند القاضي شريع بس الي رح تجمعني فيها.

من وجهة نظري
طالما هي حبتني بصدق
لازم أكون وفي معاها وأتزوجها:sosweet:

انا ما بفكر مارس الحب قبل الزواج
مشان ما حط حالي بموقف مقارنة بين حبيبة او فاسقة
والسلام

قصدك يلعن دين هالمجتمع شو بشع مو؟;) فهمانك أنا...
يا رفيقي: ما رح قلك الا أحيي صمودك:deal:

موضوع ظريف و من يومين كنت عم ناقشو مع بعض الأصدقاء ...


أول شي طرح هيك موضوع بيعكس التناقض الكبير اللي بيعيشو فيه معظم شبابنا اليوم : بيجيك الشب بيحكيلك بالتحرر من هون ليوم التحرر و بيجبلك أفكار معلّبة جاهزة مستوردة من المجتمعات الغربية و حب بلا حدود و تعبير بكل الوسائل و مدري شو .. و لما بيصير اللي بدو ياه بيطق عرق الشرقية تبعو و بيقلّك هالبنت مو خرج تكون أم ولادي و بيدير ضهرو و بيقول يا فكيك ...
طيب يا ابني .. لو إنا صدّتك .. كانت رح تكبر بعينك و تصفقلا و تفز تاني يوم على بيت أهلا مشان تخطبا ؟!؟ ولا كنت رح تأحطلا مشان تدوّر على وحدة تانية ترضى باللي هديك ما رضيت فيه ؟
المشكلة عند هالشب انو ما بيعرف شو بدو لهيك ما بينمشى لا وراه ولا قدامو ، و غالباً النهاية بتكون انو إما ما بيتجوز على قد ما بيكون شكاك و خايف ينغدر بشي بنت الها ماضي و عم تمثل عليه ، إما مشان يتغلّب على شكّو بيروح بيدوّر على بنوتة صغيرة ما فقست عنّا البيضة و ما لحقت تطلع و تدخل مشان يولّفا على مزاجو ...
بالمقابل .. برفض تصوير البنت على إنا نعجة بتنبلف بكلمتين مع الجملة الشهيرة تبع الأفلام و المسلسلات "ضحك علي و سلبني أعز ما أملك" ..! هون نحنا ما عم نحكي عن اغتصاب ، و البنت ما عطت بس ، لأ هي عطت و أخدت بخاطرا و اختيارا .. و هالخيار بدو مسؤولية ...
يعني أنا مو ضروري لما حب روح دغري أرمي حالي بحضن اللي بحبو ، و في حال عملت هالشي لازم كون متأكدة إني مختارة صح .. مختارة شخص أفكارو قناعات عايشا و ملتزم فيا مو شعارات جذابة بيستعملا ليبان كول و عالموضة ...


شكراً و عذراً عالإطالة :D

يعني أي راحت معك و ممكن تروح مع غيرك في حال ما التقيت فيها و ما صار في شي بيناتكن يعني بالمختصر
ما اتفركشت فيك البنت .. فبرأيك هي إنخلقت بس منشانك؟ هيك تنطر ليالي و سنين لحضرتك تشرّف و تلتقي فيها .. متل ما أمورك و حياتك ماشية و عم تختلط بناس و صبايا, كمان هي هيك و إذا ما كنت أنت فأكيد رح يكون حدى غيرك " طبعاً بعدم وجودك " .. أما إذا بدّك وحدة مسجلة باسمك و بس ففيك تاخدلك شي عروس من محل بيبيع تحف هيك بتضمن بأنك طالعتها من من العلبة و لأ كمان ملفوفة بورق سوليفان:lol: .. بالمناسبة كمان هالعروس في ناس قبلك لمسوها و هن المُصنعين:lol:.
و كمان بدك تحط ببالك بانو المراة هلأ صارت ند للرجل بكل شي و من مقومات البشر الأحاسيس و المشاعر فكيف بدك تمنع أو تسيطر على أحاسيس و مشارع بنت نازله بمعترك الحياة .. تشتغل و تختطلت بالناس؟
عمّي أسقط الموضوع عليك بالأول و بعدين فكر في بالنسبة إلها.
إذا بدكن المرأة بصف الرجل بمعترك الحياة فأكيد النتيجة رح تكون هيك .. هاد خيار الرجال و فيهن يغيرو.

أما كلمة فاسقة فهي كبيرة كتير و مع إحترامي إلك برجع قللك إذا أسقطت فكرة الموضوع عليك و مثلاً ما أخدت هي البنت و أخدت غيرها فبهالحالة صرت أنت فاسق:lol:.
و ما يغيب عن بالك بأنو المرأة بتفكر فيك متل ما أنت بتفكر فيها و بشاعرية و رومانسية أكتر و إذا كانت ميّالة للهواء فأكيد بدّك تكون دعامة إلها .. ما بخفيك بأنها العامل المحرّض بس كمان أنت المفروض تكون حازم بتفكيرك و أهواءك.

زعلتني منك ...:frown:.... هلا أنا فاسق؟؟؟ أنا .... شيخ .... الكافرين...:p
صديقي أنا عامل استبيان يعني ما عم احكي رأيي انو هيي فاسقة... أو شي أنا عم شوف آراء الجميع لمجرد انو كلنا نكون نظرة عامة عن شبابنا العربي وتفكيرو بهالأيام.... أما أنا... صدقني انو ما بظن انو الشباب أحسن من البنات ولا بقتنع بالحكي اللي بيطلقوا عليه مصطلح شرقي..... وهي إنسانة متل ما أنا إنسان...
أحييك لوقفتك ضد التعصب الذكوري.... وبهنيك على أفكارك....:deal:

:shock: :shock: :shock: :shock:
:oops: :oops: :oops:
:cry:

انو يعني من كل مشاركتي ما وقفت غير عند هالجملة !!؟

اي و ليش مستغرب هاد موضوع حواري الأحرى فيه كان ينزل بالصالون .. ولا شو ؟؟

قوانين تعسفية
وما ادراك ما مشرفي الصالون؟؟!!
:jakoush:
البارحة شفت الموضوع واليوم ئلت لرد عليه
دخلت الصالون لما ما شفته
دغري اتوقعته هنا
ههههههههه
صرت حريّفة سياسة:adal:
هامش:
ليش تكتبين بلوني واسلوبي المفضل؟؟
اريد حقوق:sosweet:

:lol: لأ أخي سلامتك ما كنت مقصود, المقصود هوي الشب يللي استخدمتو أنت بموضوعك و بكل الأحوال أنا قلت
هلأ المرأه نازله بكل ما تملك من جوارح بالمجتمع و هول الرجال هن يللي اختارو نزولها هيك و بيتحاسبو عليه لما بيفكرو تفكير سقيم .. يعني بعد ما نزلتها بالمجتمع كعاملة بتشارك بكل الميادين و بتختلط بالرجال .. هلأ صرت بدك تقيم أسلوبها و خصوصاً العلاقات العاطفية يللي بتحسها و بتساويهل!؟
طيب من الأول خليها بالبيت تدير أحوالو و متطلباتو و هاد عمل و بظن المرأه رح تستمتع في أكتر من العمل يللي بتقوم في خارج البيت .. إذا خططت للمرأه كما يجب فأكيد النتيجة مناسبة كتير لتفكيرك كشرقي .. و إذا بدكياها على غير أسلوب فرح تتعب لأنك و ببساطة شرقي الطباع.

أولاً الحب مقدس إن كان حقيقياً بين حبيبين لايحتاج إلى " بلف ولا لف ولادوران "

الحب هو الذي يخلق الرغبة في التقارب وتأتي ممارسة هذا الحب كتعبير عن أقصى درجات هذا القرب
والحب هو عبور من ذات لذات والتقاء روحين بظل هذا الحب تأتي مشاعر الرضى بين الحبيبن


لذلك يارايح لو تجي عاليمين شوي وماكنت لازم تبدأ ب... " بنت حبيتك وحبيتها "

الحب أسمى من أنو نتفاصل عليه بألفاظ وحتى وان كنت لستَ قائلها ..:pos:


:D

يللي بفكر بعد هيك بتتزوجها او لا معناها ما كنت بتفكر بحب
واذا كان اختبار فالحب ما فيه اختبار
"الحب بس حب"
انا معك و شكرن عا تعليقك