غاب عن الانظار
كان بهادا المونديل في ضيف كان عطول بيقعد عمدرجات الملاعب لما بيكون في لعبة لبلدو و كانت عطول عدسات الكميرات لاحقتو من محل لمحل, وكان كل الوقت ضيف شرف لكل العاب الفريق الارجنتيني , روماريو
كان عطول محطوط عالعين والراس وماحدي يضل بدون ما يحكي عنو غير الكميرات الي ما الا شغلة غير تصور حركاتو وردات فعلو مع كل الفرص الي بتصير للارجنتين او ضدا ... لوقت ما اجت مبارة الارجنتين والمانيا .. اجا متل العادي عالموعد بدو يشجع فريقو بمبارة من ققوة المباريات الي ممكن يلعبة الفريق بالنهائيات ... بس المشكلي انو اجا وجايب معو رفيقو العزيز مشان يشاركو بهالمبارة الحلوي والي الكل عرفان انو رح تكون مبارة تاريخية ... بس المشكلة لصغيري كانت انو رفيقو ما معو بطاقة للمبارة ... وكان عاساس صاحبنا روماريو يدبرلو ياها من عندو ... بس كانت المفاجئة لكبيرة لما منظمي المبارة ما سمحو لرفيقو يدخل عالملعب .. ووقتا حاول روماريو ياخد موقف حازم مشان يخوف المنظمين ويخليون يغرو رأيون .وقت قلون انو اذا ما حضر رفيقو المبارة هوي كمان ما رح يحضرة ... بس الظاهر انو الشب كان نسان انو هوي مانو بالارجنتين .لا بالعكس هوي بدولة بتحترم حالة والقواعد فية فوق كلشي ... بس المشكلة كانت انو ما حدي فرقت معو شي اذا حضر ولا ما حضر .. لاء بالعكس هوي الي بيكون خصران و بتروح المبارة عليه... مشان هيك ضل صديقنا روماريو برات الملعب وما قدر يتفرج عخسارة فريقو بعد مبارة طويلي كانت اعصاب الجماهير فيا عما تتقطع مع كل فرصة للفريقين .. انا بس اسمع هيك اخبار بحس شو يعني بلد راقي, بلد ما عندو كبير غير القانون, بلد بيحترم كل الناس اد بعضا وما عندو كبير غير القانون والقواعد ... ادي بدنا لحتى نصير هيك .. شو لازم نعمل لحتى نصير نأدر الناس كلة اد بعض, بدون ما نطلع عمين هالشخص او شو موقعو بالحياة ومين بيعرف ومين ما بيعرف ... بدنا كتير كتير كتيييييييييييير |
اذا اجت علينا مطولين مو كتييييييييير لاء كتيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييير
شكرا على الموضوع:D |
اقتباس:
لاء وعايدا شي خمس ست مرات بالموضوع ..... شتلان ......... كيفو ؟ طبعا المقصود ( ماردونا ) ............we know that :p حياك :D |
يا جماعة الله الوكيل ضحكت عالموضوع بلاوي و حسيت حالي بعالطاير ..
شبنا أبو الويس .. خربطنا نبلش .. هاد الأرجنتيني السمين ما إسمو روماريو .. هاد روبيرتو باجيو :o |
اقتباس:
روماريو بأيطاليا وماردونا بالارجنتين |
شو اخواتي شمتانين ... شو مشان اني حاسسكون ستلمتوني هلق:cry: ...
يعني لو ما كانت واضحة متل عين الشمس ما كنتو عرفتو عن شو عم احكي:oops: ... وشو وقفت عهالشغلة يعني ... صرت عما اشتهي حط شي رد او تعليق متل الخلق والعالم :( .. وبدون ما يشمتو فيي العالم:( :cry: ... والله عيب هيك ... يعني راعولي مشاعري شوي:cry: :cry: ... |
متل عنا بالضبط ولو ابو شريك اسمو ماردونا يا هيك الحكي يا بلا
لا واسطة ولا شي |
اقتباس:
روماريو لاعب ومهاجم وهداف منتخب البرازيل سابقا والذي كان يلمع نجمه قبل رونالدو وهو الان معتزل وهو من فاز مع منتخب البرازيل بكأس العالم 2002 ووصل للمباراة النهائية بكأس العالم 1998 بفرنسا. :D |
اقتباس:
انتي رجاع قرا الخبر مرة تاني . بس كل ما يمر اسم روماريو فكر لحالك بمارادونا ... وانشالله وقتا تظبط القصة معك .... وشكرا عالمعلومة تبعيت روماريو ..... |
اقتباس:
اشتغل التحشيش عالمظبوط :clap: هيك شككتلنا منوشة بمعلوماتا :o اقتباس: كاتب النص الأصلي : Forever حسب معلوماتي ويصححوني الاخوة اذا كنت غلطان، روماريو لاعب ومهاجم وهداف منتخب البرازيل سابقا والذي كان يلمع نجمه قبل رونالدو وهو الان معتزل وهو من فاز مع منتخب البرازيل بكأس العالم 2002 ووصل للمباراة النهائية بكأس العالم 1998 بفرنسا. :سوريا: صحح معلوماتك شريك : روماريو فاز بكأس العالم 94 بأميركا ماكان بمونديال فرنسا 98 ب 2002 مان معتزل دوليا حياكون :D |
اقتباس:
شي بقول روماريو ارجنتيني وشي بقول روماريو ايطالي وشي بقول ربح كأس العالم مع البرازيل بال2002 وشي بقول وصل للمبارات النهائية مع البرازيل بال 98 ولسى مشرفنا العظيم بقول انو كان معتزل بال 2002 :jakoush: روماريو بال 98 كان مصاب وما اشترك بالمونديال كلو من اصلو بالنسبة ل2002 ما كان لسى معتزل بس المدرب البرازيلي ما حطو بتشكيلة المنتخب ووقتها الصحافة البرازيلية انتقدتو كتير للمدرب وسمتو "سفاح (مدري قاتل) الشعب البرازيلي" شي من هالحكي |
مزبوط وبالعلامة اتصل الرئيس البرازيلي بالمدرب وطلب منو انو يحط روماريو بالمنتخب والمدرب رفض
|
اقتباس:
يعني محليا كان لساتو .... بس دوليا مستحيل مدرب ياخدو .........ختيااااااااااااااااااااار حياك |
اي بس هو ما كان معتزل دوليا
الزلمة شايف حالو شباب لسى ويمكن لو حاطو بالمنتخب لسى ما كان اعتزل لهلق |
الساعة بإيدك هلق يا سيدي 04:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون