|
شــــام
شـــــام أبيّة يا أرض شام الأبيّة يا مَشعل نور يا نجمة سَنيّة وقت ما تخلّد بهالكون إبنك كَتَب إسمك بأوّل أبجديّة كَتَب إسمك بأوّل سَطر خَطّو ومَقَامِك جنب عرش الرب حَطّو ومِتِل ما عِشِق مَوج البحر شطّو المَجد عِشقك يا مَهد العبقريّة المجد عِشقك شَكَل غارك عَ راسو وجَعَل من راية خصومك مَداسو ووقت عِرْق الدهر عايَن يباسو زَرَق دمّك بِعِرْق السرمديّة زَرَق دمّك بروح زهور عِطْرة وعصَر قلب الشمس تَ زاد قطرة بْسراجك وقت شَحّ الزيت خَطْرة بأمل ما يشوف نارك منطفيّة بأمل ما يشوف جوري الورد دابل وأرض الخير شَاقِت للسنابل خَلَق بردى ونِسي جنّات بابل بغوطة فاقت الجنّة البهيّة بغوطة فاقت الجنّة بْحَلاها عَ شِكلا ما خَلق الله سِواها وسَمَاها قلب سوريّا سماها وحماها من الأذى رب البَرِيّة حماها من الأذى بجسمو حماها وحمل روحو على كفّو فِداها البطل يوسف سَكَب دمّو وسقاها . |
حلوة حلوة عمي ناصر .:D |
هي شغلك انت ناصر؟؟
|
اقتباس:
إذا هي مانها حلوة.. فـ ما بقي شي بالدنية حلو!! |
اقتباس:
|
حلو حلو :clap:
انو جد حلوة ... :oops: :D |
جيدة جدا ناصر
تابع وفقك الله :D |
اقتباس:
لا تنسى مشوارنا بالشام سوى هه.. |
اقتباس:
:mimo: |
هاي من موضوع "شعر محكي"
اقتباس:
|
حلوة فعلا ..
والاحلى انها شغلك .. نيالكون يلي بتكتبو شعر بس قصدك شام .. يعني دمشق ولا سورية ككل؟؟ لانو لما قريت هالجملة اقتباس:
:D |
اقتباس:
قلتلو: "من الشام.. بس برّات السور" :) الفكرة يا سونا.. انتمائي للشام.. انتماء حضاري.. قصدي هون دمشق.. بس مو دمشق بأبعادها وحدودها الجغرافية الديقة.. وإنما بحدودها الحضارية الواسعة.. واللي بتشمل كل سوريا أكيد :mimo: |
| الساعة بإيدك هلق يا سيدي 19:14 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون