|
مع أهلنا في الجولان من جبهتنا وليس غزة ولبنان !
إن أي حكومة تحتل جزء من أراضيها مطالبة بإستعادتها ، وإستعادة بيوت ومزارع ومناطق المهجرين ، وتحرير من يجثمون تحت أيدي المحتل .
وهذا الحق بالإضافة لكونه مادي ، فهو يحمل قيمة معنوية ، وهي رفض الرضوخ لأي قوة كانت كما رفض أن يعيش شعبها تحت وجه من أوجه الذل ، أياً كانت المسميات للذل الذي فرض عليهم . وحكومتنا كما هو معروف لم تكل ولم تمل من دعم المقاومة في لبنان وفي فلسطين " حماس " من أجل تنفيذ مشروعها الذي يقف كضد أمام اسرائيل التي تحتل جزء من أراضيها . ولكن أليس من المنطقي بأن خوض الحروب من خلال الآخر " الأضعف منا " هو نوع من الحرب غير المباشرة ، يطلب الضغط على المحتل كما يطلب السلامة " لمصالحه كحاكم " أو " لشعبه " . فلماذا لا نعتبر من حق اللبناني والفلسطيني في غزة والضفة أن يطلبوا السلامة التي ننعم بها ؟ هل دماء اللبنانيين والفلسطينين " الأضعف منا " أرخص من دمائنا " كسوريين " ؟ أليس من المنطقي بأن سوريا الدولة الوحيدة التي لم تخوض حروب منذ 30 عام ، هي الأقدر على مواجهة العدوان من لبنان وفلسطين مجتمعتين ؟ أليست أرضنا المحتلة " الجولان " هي الأرض الوحيدة التي تشهد تجميد لكل أنواع المقاومة من الداخل والجبهة ؟ هل تستحق الجبهة هذه التسمية أساساً ؟ هل بلغنا من التبلد والقبح والوقاحة لهذه الدرجة ، وأن نخون موقف مصر " التي حررت أرضها " لأنها أغلقت المعابر مع غزة أمام حماس ، في حين أن المعابر مع أهلنا في الجولان مغلقة تماماً منذ ثلاثين عام ؟ هل تحرير أرضنا بدماء الأطفال والنساء أو الضغط على العدو بدماء الأطفال والنساء والشيوخ في غزة عمل أخلاقي ؟ في حين أننا نمتلك " رجال ، وجيش ، وامكانيات " لم تحرك ساكناً منذ ثلاثين عاماً ؟ هل مطالبة حكومتنا بخوض حربها التي هي من واجبها اتجاه الكيان الغاصب الصهيوني " خيانة " ؟ ألا ينبغي لكل سوري شريف أن يحرر أرضه بدمه ، لا بدماء العزل والمستضعفين ؟ |
حبيبي هاملت انت دائم تضع يدك على الجرح وخصوصا في هذه العبارات
اقتباس:
اقتباس:
اقتباس:
اقتباس:
اقتباس:
|
اقتباس:
يعني بالاول عم تحكي شي منطقي, انو فعلا ما بتسمع من هالنظام الا الحكي وما في فعل من 40 سنة لهلق. بس ما عم افهم ليش عم تدافع عن موقف النظام المصري وهو لسا على اوسخ من اخو السوري بمراحل. عم تحكي انو مصر حررت اراضيها, اي شي بيهوي من هيك تحرير, يا ريتها ضلت محتلة, اذا كل ما بدن يدخلو 4 شرطة ل سيناء بدن اذن من اسرائيل شو هالتحرير هاد؟؟ اذا رجعوا صحراء سيناء وسلموا مصر كلها للسياسة الامريكية والاسرائيلية , شو هالتحرير ؟؟ اما ليش عم نخون موقف مصر, فهو لانو ما في اي تسمية تانية لانو عم يسكروا حدودن مع الفلسطينيين وهني عم يندبحوا, ومو بس هيك عم يدافع عن المصالح الاسرائيلية اكتر من اولمرت نفسو وباعتراف الاسرائيليين نفسن. بعدين مقارنة معبر رفح بالجولان غير موفقة, لانو بالجولان اصلا ما في مقاومة لتدعمها بينما في غزة مقاومة عم يحاولوا يخنقوها. |
والله هالحكي عظيم يا أخي.. نحن الدولة الوحيدة في المنطقة التي تملك الشرعية لفتح جبهتها مع إسرائيل وإستعادة حقوقها المغتصبة بالإضافة لدعم حركات المقاومة ان كان في جنوب لبنان أو فلسطين... بس للأسف ما بعرف شو السر يلي ما كنا نفتح هالجبهة ونرجع شوي من كرامتنا... هل أهل غزة أو جنوب لبنان أولى بالمقاومة منا؟
مقال رائع هاملت بحييك. |
اقتباس:
|
اقتباس:
ايمتى كان وجود القوات الامريكية بالخليج بيمنع سوريا تحرر اراضيها المحتلة؟؟ ومين قال انو المطلوب سوريا تعمل حرب نظامية ؟؟ ومين قال انو اذا شعب اراد يشن مقاومة شعبية لتحرير ارضو على نموذج حزب الله رح تجي القوات الامريكية تهاجمو؟؟ بعدين انو قوات امريكية هي قصدك؟ لاتكون نفس القوات الامريكية اللي جيشنا العقائدي البعثي حارب تحت رايتها ضد جيش عقائدي بعثي تاني ؟ ولا نفس القوات الامريكية اللي نازلين معها تنسيق امني ومنتفاخر بهالشي علنا؟؟ عدم وجود مقاومة بالجولان ما الو الا سبب واحد بس, الحفاظ على النظام الحاكم , التفاهم اللي انجزوا هنري كيسنجر عام 1974 لهلق شغال ورح يبقى شغال طالما بقي النظام السوري بس كل هالحكي كوم و اللي قالوا بشار الاسد بخطابو القومي العظيم بالدوحة, وكانو هالحكي مو صارد عن رئيس دولة صار اكل شي مية قتلة من اسرائيل واخر وحدة من الامريكان شخصيا , و ما شفناه فتح تمو بكلمة . طيب السؤال بدل ما يطالب مصر والاردن بطرد السفير الاسرائيلي مشان غزة , ليش سيادتو ما استرجى حتى يسحب سفيرو من واشنطن مو مشان الفلسطينيين او اللبنانيين مشان سوريين قتلتن امريكا علنا وعلى الاراضي السورية. الخلاصة ما في امل , الجولان ما بيحرروا الا ناس احرار . |
اقتباس:
100 % حكيك مزبوووووووووووووووووووووو ط |
اقتباس:
أحسنت عزيزي الكريم في تشخيصك في الصميم تحياتي |
كتبت رد مفصل ساعة طار من الملقم مرتين :frown:
بس بأختصار أنا بعتقد أنو في مؤامرة سعودية اميركية لاستدراج سورية لحرب تتدخل فيها اميركا . وبعتقد أنو تدخل أميركا رح يكرر المأساة العراقية بسورية . مابعرف أذا أنت كمعارض معها من جهة تانية أنا بشوف أنو معادلة يامنفتح جبهتنا ومندعم المقاومة . يا اما مابيصير ندعمهم أذا ماحاربنا هي معادلة مغلوطة . والألعن من هيك انو صرنا كعرب بسخافة أنو خلافنا مو مين بدو يدعم المقاومة ومين لأ . الخلاف أنو اذا مابدك تدعم المقاومة لا تطعن فيها وتحاصرها وأنا معك بقصة السفير السوري بأميركا |
صحيح في نقطتين مهمين
اقتباس:
اقتباس:
بمثالك الأول لحنا حاربنا لتحرير الكويت وليس لأحتلال العراق . مشان ماتخلط بالمفاهيم وبمثالك التاني . كمان التنسيق الامني هو لضبط حدود مشتركة . من جهة جيش سوري ومن جهة تانية جيش أميركي . مو تنسيق لأحتلال الأردن مثلا أو لدعمو لوجستيا . ,اصلا أميركا على طول بتهاجمنا أنو ماعم نتساعد . أنت أقريت بغير هيك |
بدا الانسان العربي البسيط بأجاد الاعذار والحجج لضعفه وهوانه;) للاسف مازلنا في اسطوانة المؤامرة والخيانة ..ياعمي والله راح يتعب اصحاب هذا التفكير البسيط المتواضع
|
المحارب العتيق ، بدو أنك اسم على مسمى .
|
| الساعة بإيدك هلق يا سيدي 08:12 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون