|
خواطرمواطن عربي يكنى بأبي عبسي..-3-
-3-
و تمشي في الشوارع و تتحادث مع الشباب..محاولا أن تتواصل مع جيل المستقبل..الجيل الواعد..و المشكلة التي نملكها ..أن كل جيل كان في ذات مرة جيلا واعدا..و نراقب دورة التاريخ.. نعم نحن جيل المستقبل..و الجيل الواعد..لنفسر ما معنى الواعد..الواعد هو الذي يعد..من وعد..الوعد بماذا..بالأفضل.. و لنوضح عدة نقاط.. هذا الجيل الواعد كبر و جاء الوقت ليفي بوعده و لكنه لا يفعل شيئا و لكن..لا..إنه يبشر بجيل الشباب..الجيل الواعد..و يقدم له النصائح من الخبرة في الوعد..و الجيل التالي..يصل إلى نقطة الإنقلاب من الجيل الواعد إلى الجيل الموعود..و ينظر إلى الواعد بعين الإعجاب..إعجاب من نوع الذي تقوم فيه الأم بلكزالمرأة التي بقربها..لتسترعي انتباهها كيف أن طفلها بدأ يأكل بالملعقة - و هو طبعا يطعم كل شيء ما عدا نفسه - فتبتسم الأخرى و تومئ برأسها و تعود إلى تقميع البامية... شيء آخر..أنا ..الآن ..أعد من الجيل الواعد..و لكن من قال أنني أريد أن أعد أحدا بأي شيء..لماذا أن ملقى على عاتقي هذا الحمل..الوطن..و أنا الواعد و كأنني أملك الكثير الكثير لأقدمه..أو أن خيوط اللعبة بيدي.. لا ..لا أنا و لا غيري نملك خيوط اللعبة ..و لا أنا و لا غيري نملك المستقبل.. هذا الهوس العربي بالمستقبل..و كأن الجيل الذي سيأتي سيكون مباركا أو مقدسا أو من كوكب آخر..أو أنه سيكون طازجا محافظا على مبادئه مخلصا للقضية..سيأتي و يخلص الوطن من كل هذا الفساد و الإستعمار و يعيد لإشراقة الشمس ابتسامتها.. لا ..لا يا أصدقائي..نحن من هنا جئنا..الحكومات ذاتها حاولت التلاعب بعقولنا..و حالات الإجهاض نفسها تنتابنا..و مبادئنا تتساقط كأوراق الخريف و نحن نحيا هنا.. توقفوا يوما عن لعبة المستقبل و الوعود..فلسنا نضحك على أنفسنا و حسب..بل إننا فد حعلنا العالم بأجمعه يضحك علينا... أبو عبسي.. و سلام..! |
لا تنافق
طوبى للصرحاء لأنهم سيعذبون طوبي للصرحاء لأنهم سيذبحون ويصلبون ويسحلون ولكنهم بكلماتهم خالدون.... منقول |
إذا ما عم تسبني..فمعناتا شكرا ألك..
و لكن حتى الكلمات تفنى..و لكن الروح في هذه الكلمات هي التي تبقى خالدة.. أبو عبسي.. و سلام..! |
لأ خيو المستقبل بإيدنا
إذا الشعب يوما أراد الحياة فلا بد أن يستجيب القدر |
اقتباس:
أبو عبسي.. و سلام..! |
اقتباس:
ومعك حق بكل كلمة قلتها :D |
اقتباس:
اقتباس:
:D :D :D |
اقتباس:
يعني إذا واحد جبتو من أول ما ولد و حطيتو بغرفي مظلمي و ربطلو إيدو بحيط الأوضة ما رح يعرف أنوهوي عايش بظلام لأنو ما بيعرف شو هوي النور و ما رح يعرفأنو هوي مأسور لأنو ما بيعرف شو هيي الحريي لحتى يجي واحد حر عايش بنور و يفهمو أنو يلي إنتا عايشو هوي ظلام و سجن وقتى يمكن يناضل ليحرر حالو بقى مهمة الإنسان الواعي هيي أنو يخلي الشعب يريد الحياة و بعدين بيستجيب القدر |
طيب يعني أنت يا حسون إنسان واعي و حر و عايش بنور بفهم من حكيك؟؟
|
اقتباس:
:angel: :angel: :angel: :angel: |
اقتباس:
|
اقتباس:
أنا عايش تحت سلطة نظام استبدادي بس هالشغلي يلي كتبتلك إياها كان كاتبها قبلي يا أرسطو يا أفلاطون و هدول ما كان في عأيامون إنترنيت و ديش يعني الواحد عأيامون يلي عايش بالوضع الفلاني صعب أنو يعرف أنو في وضع أحسن من وضعو غير إذا شاف أنا بقلك هلق في إنترنيت و ديش و .........إلخ بس بضل عندك تأثير كتب القوميي و الإعلام الموجه بعقول كتير من الشعب إضافة إلى تأثير الخوف هلق نحنا المثقفيين و الواعيين بالمعارضة السوريي شغلتنا نوعي هالشعب و نزيل الخوف من قلبو لحتى يصير بدو الحياة و يستجيب القدر و شكرا :D |
حسون هل الظلم و الاستبداد هو الظلام الذي تتحدث عنه؟؟
|
اقتباس:
أما الظلام فهوي الظلم بشكل عام و الظلم هوي نتيجي طبيعيي للاستبداد |
يا أخي شو هالأجوبة اللي ما دخلها بالأسئلة..
طيب متل ما حاولت أفهم من حكيك..أنو الإستبداد هو الظلام..و أنت متل ما قلت عايش تحت وطأة الإستبداد..يعني عايش مع الشعب بالظلام..طيب يا حسون أنت بتعرف أنو الأعمى إذا قاد الأعمى شو بيصير..؟؟ |
اقتباس:
بس مع هيك في ناس مخدوعين إضافي لأنو معظم الناس خايفين و أنا و غيري من المثقفين شغلتنا نوعيون |
أنعناتا
اقتباس:
بعدين من حضرتك لتحكم أنو هالناس مخدوعين أو لأ أو تعرف عن نفسك بأنك مثقف..طيب هدول الناس المخدوعين يمكن عم يشوفو أنك أنت النخدوع و هنن المثقفين..يعني السؤال مين وكلك لتكون منقذ الأمة أنت و المثقفين..يللي أنا ما بشوفكن غير مثقفين لأنو ما بتعملو شي غير الحكي.. أبو عبسي.. و سلام..! |
اقتباس:
|
| الساعة بإيدك هلق يا سيدي 00:59 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون