|
ما هي رسالتك في هذه الحياة؟
نولد نكبر نتعلم ثم نعمل لنعيش ندور في دولاب الزمن المتسارع فننسى احلامنا وننسى طموحاتنا او نؤجلها وبغتة تدق ساعة الرحيل فنذهب كأن شيئا لم يكن قليل من يترك اثره وقليل من يرحل وهو راض عما فعله ماهي رسالتك في الحياة؟ انس الان ان كنت ستصل غايتك يوما ام سترحل قبلها وقل لنا ماذا تتمنى ان تحقق لغيرك؟ ماهو اكبر طموحاتك؟هل تعتقد انه ممكن؟ هل تخشى الفشل؟ ماذا لو دفعت بك رياح القدر بعيدا عن هدفك الاسمى؟ هل ستتناساه وتكتفي بالعمل كي تعيش؟ ام ستواصل التحدي للرمق الاخير؟ او تراك تلجأ لتغييره الى هدف نبيل آخر اقل سهولة؟ متى يكون التحدي واجبا؟ ومتى يصبح ضربا من الجنون؟ هل تسلم بوجود المستحيل؟ ما هو المستحيل بتقديرك؟ |
هلئ شوفي حنونة انا بعتقد انو الكل عندو رسالة في مننا مين بدي تظهر ملامحا عندو و في مين بدي ينساها متل ماقلتي وانا واحد منن تقريبا بس كل فترة بحاول انب اتذكرا و احاول تحقيق اي شي فيا بس انا رح حط رسالتي بيجوز ارجع اخل على المنتدى بعد يامضى الزمن و اتذكرا و اقارن بين شو كنت عم احلم و شو حققت
شو بتمنى حقق لغيري انو يكون كل الناس حولي مرتاحين مني :sick: بس اكبر طموحاتي اني اترك هالبلد طبعا بس اخلص من الجامعة و الجيش رح يتغير الحكي:p اكير طموحاتي اني اسوي تغيير ولو ما حدا سمع فيو بس بيكفي اني حاولت اني غير للاحسن لو نفسي بس و طبعا هادا الشي اكيد ممكن و الفشل مطروح بكل الخطوات بس لازم نحطو بعيد عنا :jakoush: واذا بعدت عن هالهدف رح ارجع لهون مشان اتذكرو و اشتغل حتى حقق اكبر قدر ممكن منو لاني انا ما بحب اليأس ابدا و رح ضل اقاوم كل الصعوبات حتى اخر دقيقة من الدوام ( قصدي حتى الرمق الاخير ) طبعا هلئ بظل هالناس يلي عم يتحكمو فينا و يحركونا متل ما بدون اكيد التحدي هو واجب و عمرو التحدي لتحقيق الاهداف النبيلة ما كان ضرب من الجنون و حبيت حط تعريفات انا بعتبرها شعارات بشتغل على اساسها و هي: الفشل : هو الشيء الوحيد الذي يستطيع أن يحققه الإنسان دون أي يبذل أي مجهود . (فاذا ما سعينا ما منحقق اي شي ) - سأل الممكن المستحيل : أين تقيم ؟ فأجابه في أحلام العاجز بتمنى اني كون ماطولت دخلت في صلب الموضوع |
اقتباس:
حنين تختلف الرسائل حسب الأشخاص والواقع الذي نعيشه كلما ازداد حدة يدمرنا لكننا نحاول القيام بشيء جميل في هذه الحياة لنستدرك أننا نعيش في عالم مليء بالمستحيلات لكننا نتخبط معها ولعلنا نصل :D |
اقتباس:
بتمنى إعمل شي فيد فيه بلدي, مجتمعي, والناس إلي حواليي ضمن إمكانياتي اقتباس:
إني حقق السعادة وراحة البال لأغلى تنين على قلبي على وجه الكرة الأرضية, إمي وأبي ممكن إني عيشهن بسعادة وريحهن بس أد ما رح أدملهن رح ضل مقصر بحقهن اقتباس:
الفشل هو المُرافق الدائم لإلي, كل الأشياء إلي بعملها ما بتنجح من أول مرة دايماً بحاول مرة وتنتين تلاتة حتى تنجح, لهيك في عندي خوف كبير منّو لأنو مو دائماً بناخد الفرصة حتى نعيد الشيء إلي فشلنا فيه. بخاف كتير منّو لمّأ كون عرفان إنو ماعندي فرصة تانية اقتباس:
اقتباس:
تغييره بيتعلق بالظروف المحيطة متل ما حكيت قبل شوي, لهيك ممكن كتير إني استبدلوا بشي ضمن الإمكانيات والظروف المتواجدة اقتباس:
اقتباس:
لمّا خسارتي للتحدي حيكون إلها تأثير سلبي على عيلتي, على أصدقائي اقتباس:
في مقولة بتئول مافي شي مستحيل بس في شي صعب وفي شي سهل اقتباس:
ترجع فلسطين :D |
حلو كتير هدهود :D
اقتباس:
او عالاقل خليني قول هي رأيي انا و الباقي من الامنيات و الاحلام لتخدم هذه الرسالة مشان هيك مو لازم طفش عرسان ;) بالنسبة للفشل دايما الفشل مترافق مع العمل و اكيد ما بيخوفني يلي بيخوفني اكتر انو اقنع نفسي اني فاشل و ضلني قاعد عم اندب حظي |
اقتباس:
ادا مو سر يعني ممكن نعرف شو نوع التغيير اللي متمني تحققو؟ شكرا جزيلا لمشاركتك وبالنسبة للاطالة عمدا طرحت اسئلة كتير ;) حتى نحكي باستفاضة اكثر واستفيد اكثر وتعبكم اكتر:p :D |
اقتباس:
نحتاج الهدوء والسكينة والطمانينة جدا جدا لكنها ان اصبحت سمة حياتنا الدائمة تخنقنا فيقرر الكثيرون الانزواء او الانتحار وينسون ان هناك ما يستحق فعلا ان نعمل ونتعب من اجله لنجني من تعبنا سعادة لا تضاهى :D |
اقتباس:
|
اقتباس:
هاد شيء بيفيدك انت وعيلتك وحتى لو ربيت اطفالك وعملت منهم منقذين للعالم بتكون اديت رسالتك من خلالهم وما اديتها بنفسك وياخوفي يطلعو هم كمان ويعملو تكوين اسرة رسالتهم بالحياة ماعم قلك طفش كل العروسات وكمل حياتك اعزب:shock: بس هيك بتكون اقتصدت كتيير من طاقاتك اللي متاكدة انها موجودة وبخلت علينا بيها :D |
في نظرية لابن عمتي بتعجبني كتير
الحلم ببلاش فلما تحلم لا تبخل على حالك ادا ربطناها مع فكرة ان الاحلام الكبيرة تولد اعمال كبيرة وطاقات كبيرة بتصير نظرية ذهبية |
اقتباس:
انا قلت اسرة ناجحة و ما قلت سعيدة :jakoush: و الفرق كبير بين التنتين :frown: انا كفرد من اسرة اكيد الي مساهمة بمجتمعي من خلال عملي مو بالضرورة كون منقذ للعالم حتى كون عنصر فاعل بالمجتمع :frown: انشاء اسرة فاعلة بالمجتمع شي مو قليل ابدا و تحقيق هالشي كمان مو امر بسيط متل انو ننزل عالسوق و نشتري كيلو بطاطا :x يمكن انا صرت بوضع او بعمر تجاوزت فيه الاحلام التانية اني بدي صير كذا و اعمل كذا و عالرسم ما عاد في خلاق و لا وقت لهيك مو ببالي صير فنان كبير :p و ردي ما كتير بيختلف عن اجوبة الرفاق بس يمكن كان مباشر اكتر :D |
| الساعة بإيدك هلق يا سيدي 12:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون