|
متى سيتغر الوضع في الدول العربية و نصبح بشر
لماذا لا نبدأ من أنفسنا و نلاحظ تصرفاتنا و نقدم النقد الموضوعي لذاتنا و للآخرين من الاصدقاء؟؟
قد لا نستطيع ان نغير المجتمع و القوانين بشكل جذري و لكن حتما كل شخص يعرف ان عنده ممارسات خاطئة اما ان كانت باعتباره انسانا بالمعنى الانساني.. او طالب علم.. او عضو في اسرة... او عامل في مؤسسة .. الخ مثلا الاعتراف بحقوق المرأة بشكل حقيقي و ليس التظاهر بالاعتراف بها و تحميل المرأة منية ان اعطيتها بعض الحقوق... فهي حقوقها لانها حقوقها و ليس لانك كريم أو منفتح احترام الانسان و المدافعة عن حقوقه... مهما كان... بالرغم من دينه.. عرقه.. جنسه... اتجاهه الجنسي التطوع في المنظمات الانسانية السورية.. التطوع مع الاطفال اليتامى او العجزة؟؟ يعني هاي شغلة بعملها هون بكندا دايما و فعلا فعلا بتخليك تحس انك انسان! يعني انك تعمل شغلة صغيرة جدا جدا بالنسبة الك لشخص ما محتاج... يمكن تغيرله كل نهاره... مثلا تجيب كرسي... تحكي معو.. تحكي بالتلفون مع حدى.. تشفلو وين حذائه اذا كان نايم بالتخت و مريض و ما قدران يتحرك و هل الحذاء هوي اخر شي بقيان اله بالدنيا؟؟؟؟ صارت معي كتير يعني يعني صحيح الانسان العربي لا يوجد امامه الكثير من الفرص للتحسين و التطور و لكن عسى و لعل لو عندكم افكار و ان كانت صغيرة جدا او تعتبروها سخيفة فأرجو المشاركة بها لا يوجد شيء اسمه فكرة سخيفة تحياتي :( |
طيب يعني أفكار عن شو
عن اليتامى أو عن أي شيء ممكن نحسن بلدنا بعملو |
اي بشكل عام اي فكرة بتساعد ع تحسين الانسان السوري و العربي بشكل عام
يعني كيف منحسن حياتنا طريقة تفكيرنا كيف منخلي المجتمع احسن و متطور و يتخلى عن الافكار القديمة التعبانة... اذا لسا لليوم بالاردن مثلا جرائم الشرف منتشره بشكل كبير و البنت بتعيش برعب خيفانة ما تفقد "غشاء" اذا ركبت بسكليتة.. لانو هل شي بيقضي ع مستقبلها! و اكيد بسوريا لسا في هيك حركات و لو أخف كيف منقدر ننصح اخواتنا الصغار بحيث ما يضيعوا وقت متل ما نحنا ضيعنا.. (لو فرضنا انو نحنا ضيعنا وقت و غالبا كل شب ضيع وقت غالي كتير بحياتو كان ممكن يستغله أحسن) بقى مثلا أفكار عن كيف ممن نساعد اليتامى او المحتاجين بتكون كتير كويسة.. خصوصي انو هادا موقع أخويات مسيحية... توعية صحية و جنسية.. ؟ سلامات |
والله فكرتك حلوة يا جو بس أنا بتوقع أنو شو ما عملنا ما رح نقدر نصلح أكتر من 5%
بالنسبة لتحسين حياة الأنسان السوري و المتعلقة بالحياة الأجتماعية(ونحنا عنا ياهي منيحة) والمصاري (وهاي ما نقدر نعملا شيء) بالنسبة للأفكار القديمة كالشرف و.......... أنا بعتقد أنو عنا بالحمدية و الشام والمجتمعات المسيحية المتطورة فكريا أحسن فكر بالعالم بالنسبة للبنات فالأب بخيلي بنتو تطلع وتفوت أد ما بدا بس بحدود وهادا أحسن من المجتماعات الأجنبية الفلتانة. وكمان عنا بوادي السايح(مسقط رأسي) والعدوية وباب الدريب و الأرمن و الزهرة وباب تدمر والبياضة والعباسية و سوق المسقوف و الجندي وباب عمرا أجحش نظام معاملة للبنات وألي بيشكل 90%من المجتمعات السورية وهادا النظام ما فينا تقرب علي وألى ما عد بتشوف ولا مسيحي بسورية بعدين هادا النظام معمول قصدا من قبل الحكومة والجهات المختصة في ألو أبعاد تاني. هلأ كيف منقدر ننصح أخواتنا الصغار ونوعيون بس نحطون بأخوية سيدة السلام والأخوة المشرفين بيتوكلو :shock: أو نوجهون عالدين سواء كان مسيحيا أو أسلاميا بالنسبة للياتامى يعني شغلة سهلة كتير بس بتطلب من الواحد يعطي شوية وقت لهدول العالم يعني مثلا عنا بالأخوية أنا بتذكر بعيد الميلاد رحنا أنا وشلة شباب كبيرة شحدنا هداية وشغلات من دكاكين الحمدية ورحنا عملنا شي أربع خمس حفلات ووزعنا هداية عالأيتام وفرحو كتير.وأذا في شي واحد أبو معبا فينو يشفطلو شي 1000ليرة بحجة اليتامى نصا ألو ونصا لليتامى يعني هيك شغلات |
اي كلامك سليم تماما
و ما في شك انو المجتمعات المسيحية اكثر انفتاح و تطور من غيرها بس يعني "كمجتمع".. لساتون شبابنا واقفين عل زوايا بلا شغلة و لا عملة. و انا منهم يعني بس انزل ع سوريا. و فعلا منظر ما حلو شب طول و عرض واقف عل زاوية طول النهار ما عندو شي.. متلو متل ولد صف سابع و مشان فكرة لم المصاري و التبرعات... هاي أحلى شي بالعالم.. و كتير دارجة هون.. و الناس دايما بتنظم هيك بيعات خيرية.. و في منها كتير عنا بالحارة و مشان التطوع... هوي الفكرة لسا ما كتير مقبولة او مفهومة عنا بالعالم العربي.. يمكن لانو الانسان العربي فقير بشكل عام بقى بيقلك وين بدي اتطوع.. اهلييين بس و الله هون كل سنة بكندا بيطلعوا ملايين الدولارات و ساعات العمل من ورا المتطوعين و التطوع بصير بكتير اشكال..ز يمكن تطوع بتنظيف الاحراش.. البحث عن مفقودين.. اذا واحد عندو هواية بالرسم او العزف على الة بيقدر يتمرن على هوايتو و بنفس الوقت يعزف و يعلم الأطفال و اليتامى او العجزة و من ناحية العلم و تضييع الوقت... بعني كل واحد منو لحالو بيقدر يحسن حالو.... بس بتمنى شوف أهلنا بحالة احسن من هيك بكتير لانو بيطلع بإيدنا اذا بدنا و منستحق وضع أفضل تحياتي |
شوف بالنسبة لوقفة الشباب على الزواية يعني ما باليد حيلة لأنو ما في فرص عمل كافية ما لأنون ما بدون يشتغلو
وكمان ما بيصير تقولون ليش ما تعلمتو لأنو حتى المتعلمين ماعم لياقو شغل :cry: بس هلأ سورية رح تدخل السوق الأوربية ورح يصير راتب الوظف 20000 ليرة بالشهر ررح يصير عنا بورصة وهيك شغلات يعني أن شاء الله رح تفرج :D |
اقتباس:
وين سمعان هل حكي يا ابو الشباب يا اما انا عايش بغير عالم من بعد ما انقطشوا ادنيي بحادث القطار و طلعلي ايد تالتة و خسرت اصبعين بالرجل اليمين و 3 بالشمال :shock: :lol: و أكيد معك حق مشان وقفة الشباب.. ما باليد حيلة... |
بعيد الشر عنك هوي هالحكي عالأغلب صحيح يعني أنا أبي موظف وبتعرف بيهتم بهيك شغلات كتير
بعدين أذا بتراقب القوانين والأنظمة والمراسيم الي عم تطلع جديد يخصوص المصاري والقروض ومعاملات الشركات و تغير نظام العسكرية بالمدارس بتلاحظ أنو كلا يتصب على أنو سورية رح تدخل السوق الأوربية ونحنا منقول أنشاء الله |
يا رب
:o |
اي انشاء الله مندخل السوق الاوروبية في شوية كنزات كانو عاجبيني بايطاليا وما صرلي جيبون بركي هيك منجيبون :angel:
اي هلق منشان موضوع تطور الانسان العربي عامة والسوري خاصة .. انا بفكر بهال المجال بطريقة هتلرية مع احترامي للجميع بس بعتقد الحل الافضل هوي النسف .. اي النسف .. لازم ننسف كام مليون عربي هيك من كل دولة هدول كام مليون بكل دولة لا الدولة بحاجتون ولا المجتمع .. وهيك بيطلع جيل من الناس السليمين والصحيين .. هذا الحل الوحيد لمواكبة العصر وحتى نوصل بوقت قصير لما وصل له دول الاعالم الاول الحل التاني طبعا بيامن الوصول لما وصل اليه دول العالم الاول بس بعدون ب 50 -60 سنة والي هوي توعية وتربية وهيك شغلات .. هدول حل نعم بس حل بطيئ وما بينفع سلام |
الله يسمع منكن يا شباب ... ان شا الله بندخل السوق الأوروبية وبصير راتب الموظف 20000 .... بس ما تصير ربطة الخبز ب150 ليرة ..... ولتر المازوت ب60 ليرة ....
تحياتي ........ |
من هذه الناحية طمن بالك... ما رح تصير ربطة الخبز ب150 ولا لتر المازوت ب60 ليرة...
لأنو هذه الزيادة في الرواتب مدروسة على ما يبدو بطريقة محكمة كي لا ترتفع معها الأسعار.. والرئيس بشار الأسد قد أعلن منذ استلامه الحكم في سوريا أن من أولوياته رفع سوية المواطن السوري وأنا أرى أن هذا يتحقق ولكن ببطء (وهذا هو المطلوب لأن كل شي بيجي بسرعة هذا معناه أنه بدون تخطيط).. ومن ناحية أخرى أريد أن أذكر شيئا عن الخبز والوقود، وهي أن الدولة إذا أرادت أن ترفع دعمها عن هذه المواد وضاعفت راتب جميع الموظفين في القطر لكانت هي الرابحة!! أي أن الدولة تخسر الآن نتيجة دعمها لهذه المواد أكثر من ضعفي رواتب الموظفين مجتمعين في سوريا.. ولو كان هدف رفع الرولتب هو فقط الوصول إلى الشراكة الأوروبية المتوسطية لتضاعفت الرواتب منذ زمن وغلت الأسعار... والله يوفق كل مين هدفه مصلحة الشعب ولو ما كان عم يبين........ |
حتى يتطور الانسان لازم يبدا يغير من المفاهيم او طريقة التفكير الشي اللي ما بيقدر العرب يعملوه باعتبار انهم بيعتبروا التطور يعني التخلي عن التقاليد فشي صعب يتطوروا ويصيروا بشر اذا كان عقلهم بيشتغل على التوليفة هي .
|
شلون بأي طريقة انتكش معك هالموضوع يلي من 3 سنين و نص؟ :?
لازم يكون في قانون دولي يمنع رفع المواضيع يلي عمرها اكتر من نصف قرن لأنها قد تسبب أزمة نفسية عند اصحاب هالمواضيع... انو بعد 3 سنين و نص لساتني هون؟ يمكن لازم روح انتحر :cry: |
انتكش بالصدفة كنت علعمل سيرش على غوغل طلع معي
لا تاكل هم ما ختيرت انت هلق صرت تراث بالأخوية :lol: |
يييييييييييي شو قديم هالموضوع
بس الحق معك جوي بدك حدا يساعدك بالإنتحار؟ |
تحياتي الحارة صديقي
ما ذكرته للتغير له دلالة علمية تكنى ب مقاربة اسلوب الحياة وتعتبر طريقة للتغير .. انا كنت رح اذكر عنها بهاليومين بحث مفصل مع اراء اشخاص فيها رغم اني بشتغل مع هيئات ومنظمات مدنية كتير ويمكن ابرزهن الهلال الأحمر اللي بشوف فكرته من افضل الأفكار على صعيد المقاربة المذكورة إضافة إلى بدائة النادي السينمائي بس بصراحة ما بشوف بهالوسيلة قدرة على التغيير الكامل ورح اذكر برد مفصل اسبابي في تقديم هذا الرأي.... وتحياتي الحارة ظل جيفارا |
| الساعة بإيدك هلق يا سيدي 09:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون