|
الاستفسارت المتعلقة بتعلم السريانية
الى الطلاب و الدارسين معنا ... هذا الموضوع مخصص للاسئلة و الاستفسارت عن الدروس و حتى لو وصلنا الدرس الثالث مثلا ... و لديك استفسار عن الدرس الاول ... لا تتردووا بالسؤال ... بالموفقية للجميع ̣ :akh: |
اي حلوو
استمر راح اتابع معك ورداتي |
بدنا نعزبك شو بدك تعمل تلميذ فريش لسا
في تسجيل صوتي للفظ الاحرف منفصلة كأبجدية يعني ولفظها بالكلمة؟؟ وكمان كيف بدنا نوصلهم ببعض؟؟ ولا مو موصل الكتابة؟؟ شكرا مقدما :D |
اقتباس:
لا ولو ... انت بتأمر .. :D اقتباس:
للحروف و للمقاطع الصوتية ... اقتباس:
انو الحروف تتصل مع بعض مشكـّلة الكلمات ... بنفس طريقة اتصال الحروف بالعربية و مثل العربية هناك حروف ما تتصل بما بعدها اذا عندك استفسارات عن الحروف أكثر ... اسئل عادي و يا مية هلا :D |
اقتباس:
و اذا عندك اي استفسار ... جاهزين :D |
ابو سارة من بعد اذنك رح حطّ كل فترة والتانية بعض العبارات الي ممكن نحفظا مع الدروس، ونقدر نستعملا ضمن هالموضوع مشان نفوت بجو اللغة. بتصور ما رح تأثر عالتعليم (إلّا إذا اتضمّنت أخطاء إملائية! وهون بيجي دورك بالتصحيح :p)
مارح اكتبها بالأحرف السريانيّة مشان ما نتقّل عالشباب. رح ابدأ ببعض التحيّات: 1 شلومو shlomo = مرحباً (بالمعنى الحرفي: سلام) الجواب: بشينو b-shaino تعني "أهلاً" 2 تودي taudi = شكراً (أو) تودي ساكي taudi sagi = شكراً جزيلاً الجواب: لو ميديم lo medem = لا شكر على واجب (حرفياً: لا شيء) 3 بريخ صَفرو briekh safro = صباح الخير (s=ص ، kh=خ) (بالمعنى الحرفي: صباح مبارك) بريخ رَمشو briekh ramsho = مساء الخير (kh=خ) (بالمعنى الحرفي: مساء مبارك) الجواب لكليهما: بريخ طوبو 4 فوش بَشلوم fush ba-shlomo = كن بسلام (تستعمل للوداع: bye) الجواب: زيل بَشلومو zel ba-shlomo أو zel b-shaino = إذهب بسلام (الله معك، مع السلامة) 5 لليو طوبو lilio Tobo = ليلة سعيدة (t=ط) لليو دنيوحو lilio d-nioĤo = ليلة هناء /ليلة هدوء (Ĥ=ح) حلمي باسيمي Ĥelme basime = أحلام سعيدة/جميلة/طيّبة (Ĥ=ح) الجواب: نفس العبارة في كلّ الحالات السابقة :D |
مشكرو عزيزي جانو ...
للطلاب اذا ما عندكم اي استفسار ... رح ننتقل الى الدرس الثاني |
طيب سؤال هيك عالماشي بهالجدول  لبعض الاحرف قسم "شكله في اخر الكلمة" فارغ..معناها ان الحرف ما بيتغيير باخر الكلمة؟ وشو من شان بنص الكلمة؟الا كل الاحرف ما بتتغير بنص الكلمة؟ |
اقتباس:
هذه الاحرف اللي قصدتها تظل مثل ما هيي بنهاية الكلمة بينما الاحرف اللي امامها هذا الحقل تتغير اذا وقع الحرف بآخر الكلمة اقتباس:
و تتصل الحروف بما قبلها ... و اغلب الاحرف تتصل بما بعدها (ليس كبها) اتمنى يكون التوضيح جيد :D |
شكرا للتوضيح:D
|
تعميم: تم اصدار مذكرة بحث بحق استاذ تعلم اللغة السريانة,سوريويو الملقب ب ابو سارة, نظرا لهروبه لخارج البلاد مع رسوم تسجيل الطلاب بمدرسة لتعليم اللغة السريانة, رجاء لكل من لديه معلومات عن اماكن تواجده ابلاغ الفرع 987, وشكرا لتعوانكم الادلة اقتباس:
ابو سارة هالموضوع شغال, الا بح خلص كسرت الدف وبطلت تغني:lol:؟ |
| الساعة بإيدك هلق يا سيدي 07:48 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون