|
وبعدين معكون ؟؟
أولا: ولا ممكن بأي شكل انك تعرف مين عملّك بلوك ع المسنجر مستحييل.. لأنو في اتفاقية ترخيص للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كزب و دعاية تانياً.. مستحيل يتهكر ايميلك الهوتميل, أو الياهوو أو الفيسبوك، لأنو المسؤولين عن هي الإيميلات شركات كتير كبيرة و قوية, و معادلات التشفير اللي عم تطلع, بدها سنين لحتى تقدر تفك كلمة سر وحدة، و اذا ما كان الشخص يللي مهكرلك اخو اختو.. أو انت غلطان و فاتح ايميل ما لازم تفتحو.. مستحيل يعني يتهكر. تالتاً.. مستحيل شركة مايكروسوفت تلغي خدمة الهوتميل, لأنو هي الخدمة معيشتها, فإياكن تسدقو انو ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و ياهوو, و مستحيل تلغي خدمتها الأقوى و الاكثر منافسة بين الشركات. رابعاً اذا ملاقي الانترنت مو عاجبتك شكلها, غيّر المتصفح تبعك للفايرفوكس او ع الأقل اكسبلورر تمانة, لأنك معفّن و لسا عم تستخدم اكسبلورر ستة.. . اذا ما بتعرف شو يعني فايرفوكس او سفاري او كروم, هي متصفحات انترنت (برامج) مهمتها انو تعرضلك صفحات النت، متل الوورد مثلا يللي مهمتو يكتب النصوص و يعالجها.. اتوجه فورا إلى getfirefox.com يللا خامساً قسما بالله يللي بسمعو من هون و رايح عم يقللي انو ايميلو الهوتميل اتهكر لأنو في واحد فطحل بالانترنت هكّرلو.. بأفا ايدي ع خلقتو.. لأنو مهما كان فطحل.. فهاد الشي مو مهم.. المشكلة فيك انت لانك حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد يجرب 200 خيار لحتى يلاقي الكلمة.. و عملتها أنا من قبل و جربت اكتر من 250 احتمال, ووصلت لكلمة سر احدى الشخصات. سادساً.. لما تروح ع الكافيه نت, اتأكد انك عملت تسجيل خروج, و لا تسجل كوكيز ع جهازك, يعني بعد ما تخلص من مسنجرك, عميل تسجيل خروج و سكر المسنجر, أو اذا فاتح ايميلك او الفيسبوك أو اي شي.. اتاكد من تسجيل الخروج, لأنو مجرد تسكير الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك لمدة معينة اسمها مدة الجلسة. سابعاً.. لما بتضيفك بنت ع الفيسبوك, ما عندها غير صورة وحدة و مشلّحة, هي بتكون شركة عم تحاول تجمع 5000 عضو مشان تبعت دعايات لا تسدق انها بنت و تصير تبعتلها, شكرا ع الإضافة. ثامناً.. لا تسدق و تبعت الإيميل لعشر اشخاص بعدين تكبس اف ستة، لانو اف ستة, بتنقلك لشريط العنوان و بس, بكل المتصفحات.. و ما بتطالعلك اسم حبيبك ابدا.. تاسعاً.. : الله ما عم يستناك تعمل فوروورد فإذا ما بعت شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها ..... عاشراً.. : ما رح يصير معكن سرطان من الديودوران ..ولا رح يهر شعركن من الشامبو .. والكولا صحيح بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا .. ادعش.. : و لا في بنت بين الحياة و الموت إذا ما بعتت الأيميل لكل الكونتاكت اللي عندك و بهدلت حالك رح تموت هالصغيرة فوراً. طنعش.. : الريد بول مو مصنوع من بول الثيران ... والجيل مو من دهن الخنزير ... وبيبسي ما دخلها باستمرار دولة اسرائيل ... طلطعش.. : ولا حدا يقنعنا انو اذا اجا شي قول انو ابعتو لحدا .. و يحلفني باللله و بكل الانبياء و الرسل ما رح احلف لانو ما بشوفو للايميل كمان تضربو انتو و هل العادة هههههههه هادا الحكي وصل على ايميل رفيقي ..:p شكلو يلي باعتو معصب كتير :lol: بس ترى .. تلت رباع الحكي صحيح :pos: |
وانا عم قول لحالي مانها محرزة القصة يعصب كل هالقد ... وبالآخيير من الإيميل .. :lol:
|
هههههههههه
بيكونو هلكو ربو من الايميلات |
اقتباس:
:lol::lol::lol: اقتباس:
هي أكتر شغلة بتشقني و من أول كلمتين بالايميل بشم فيو هيك ريحة بمحيه قبل ما كمّل قرايتو :jakoush: |
اقتباس:
عنجد في موقع ممكن يعرف |
مابيعرف ااذا محظور هلق انما بيعطيك كل يلي حظروك من عهد ستي ولهلق
وممكن يكون رفعو الحظر عنك كمان |
عن اينو موقع عم تحكي لموش ؟
|
شو بيعرفني ديما بيجيني عالايميل ودايما بفتحو ودايما الكل حاظرني:frown:
|
اقتباس:
هالميكروسوفت بتستضرط زباينها لحد مو معقول:frown: وشروط العقدتبعها مطاطية لدرجة انك إذا مطيتها عالآخر بتوصل لشنغهاي. من شهر انصدمت لما قريتها لأول مرّة بعد فترة تسجيل 9 سنين :lol: اسلوب صياغة هالشروط بيخليك تحس حالك شي بتهوّي :? عبد مأمور ولازم تطيعون وتسكت:frown: لهيك بلشت وقتها فوراً بمقارنة كل الخدمات الموجودة ولقيت الجيمايل أفضل شي وهلا شوي شوي عم حضّر أنقل ايميلي الأساسي من عندون (صاحب مبدأ أنا:pos:). طبعاً كل الشركات يلي بتقدم ايميل مجّاني ما بتضمن استمرار الخدمة وبتكتب بالعقد أنو فيها تلغي الخدمة نهائياً بأي وقت كان. فلهالسبب ولغير أسباب كمان متعلقة بالعقد قررت غيّر. |
اقتباس:
ما بظنّ فينا نصنّف "ياهو" قدّام "جوجل" أو "مايكروسوفت" لأنها عم تعاني من مشاكل اقتصاديّة، ولأنو التنين يتفوّقوا عليها بكتير... والأخيرة عرضت من زمان وما تزال فكرة شراء ياهو لدعم محرّك البحث الجديد تبعها. :p. بالنسبة لمواقع الإرشاد إلى التبليك فهيّ مجرّد مواقع اختراق لا أكثر ولا أقلّ! |
اقتباس:
يعني هلأ ... يللي رسم كاريكاتير الرسول ... مات محروق ولا ما مات ..؟ لأنو اجاني أكتر من عشر ايميلات من شباب المنتدى هون .. عم يخبروني هالخبرية .. و أنو لازم انشرها |
اقتباس:
بحلفك بالله تبعتلي الايميل :p |
اقتباس:
على هاي فايف على نكت قديمة على تنبؤات بانتهاء العالم على على على :frown: |
اقتباس:
السلام عليكم ورحمة الله وبركاته بشارة فيها خيررررررررررررررررررر الرجل الذي رسم الكاريكاتير على الرسول مات محروقا والدنمرك متكتِمَة على الخبر .. أرجوك أن تنشر الخبر هذا لأن هناك أخت من فلسطين شافت رؤية أن الذي سينشر هذا الخبر فإن الله سيفرحه بعد أربع ساعات ،و واللهِ إن شخصا اسمه محمد أقسم بالله أنه رأى الرسول في منامه وقال له الرسول : " بلّغ المسلمين عني أن من ينشرها خلال أربعة أيام فسوف يفرح فرحا شديدا ومن يتجاهلها فسوف يحزن حزنا شديدا " .. أرسِلْها قد ما تقدر فرحك الله .. والله اعلم |
اقتباس:
طيب يلي ما بيرسلها بتنقطع من عندو قناة طيور الجنة شي ؟:o |
اقتباس:
تعرف ورك اليوم أش صار بالمقلوع جنابي؟! كنت عم عايد أخوتنا بعيد الأضحى رسائل هوتمليّة... فحطيتو اسمك وبلشتو أكتبلك معايدة... بعدين تذكّرتو... صار فيني متل الحمصي اللي راح عالحج ورجع من نص الطريق! :lol:. |
اقتباس:
اليوم ما وصلني شي! ابعت الهوتميلاية كمان مرّة، رح تبقى حسرة بفؤادي :p إلى ما أقراها :jakoush: |
اقتباس:
|
| الساعة بإيدك هلق يا سيدي 16:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون