مسؤول سوري: توجه نحو تحسين العلاقة بين الأمن والمواطن
 

أعلن مسؤول سوري عن وجود توجهات للقيادة السورية لتحسين العلاقة بين الأجهزة الأمنية والمواطنين، وإلى المزيد من الديمقراطية على الصعيد السياسي، وأشار إلى وجود إرادة حقيقية لمكافحة الفساد في بلاده.

وأشار هيثم سطايحي عضو القيادة القطرية لحزب البعث الحاكم في سوريا (القيادة السياسية الأعلى في البلاد) إلى أن هناك "توجهات حقيقية لتحسين العلاقة بين الأجهزة الأمنية والمواطنين"، وقال أن هناك "طموحات بمزيد من هذا الأمر".

وخلال المؤتمر السنوي لاتحاد الكتاب العرب في دمشق، حاول سطايحي تبرير تأخر صدور قانون الأحزاب في سوريا وقال إن هناك دواعي "ذات طابع وطني" أدت لتأخر صدور هذا القانون، وأشار إلى أن لجنة لدراسة قانون الأحزاب قد تشكلت وأنجزت عملها واستعانت بخبراء في هذا المجال، وقال هناك تخوف من أن تُتخذ هذه المسألة ذريعة للتدخل في الشؤون الداخلية للبلاد.

ويشار إلى أن حزب البعث الحاكم في سورية وفقاً للدستور هو "قائد الدولة والمجتمع"، وينضوي تحت رايته 10 أحزاب مختلفة، لا يختلف خطابها عن خطاب البعث، وتعتبر قرارات البعث أساس عملها، وتتبنى سياساته وتوجهاته الداخلية والخارجية. ولا يسمح القانون السوري بتشكيل أحزاب غيرها، وتطالب أحزاب المعارضة (المحظورة جميعها) بإصدار قانون للأحزاب في سوريا.

ورداً على تساؤلات حول المعتقلين السياسيين في سورية قال سطايحي "لقد فرقنا بين المعارضة الوطنية وتلك المرتبطة بالخارج"، وأضاف "نحن حريصون على الانفتاح والمزيد من الديمقراطية وتصويب مواقفنا وقراراتنا".
وكان عدد من أعضاء الاتحاد قد تطرق إلى موضوع الحريات العامة والسياسية وقانون الطوارئ ومعتقلي الرأي في السجون السورية، وأشاروا إلى حصول المزيد من الاعتقالات في عام دمشق عاصمة الثقافة العربية 2008، وتساءلوا إن كان هدف السلطات "كم أفواه المثقفين"

وحول الوضع الداخلي، والتغييرات الأخيرة التي طالت تغيير عدد من المحافظين في سوريا وأسبابها أوضح عضو القيادة القطرية أن العادة جرت أن تحصل تغييرات على صعيد المحافظين والحكومة، وأشار إلى أن هناك تعديل حكومي قريب وليس تغيير ولم يفصح عن ماهيته وحجمه.

وكانت تداولت في الشارع السوري توقعات عن حصول تغيير وزاري، ونفت بعض الأوساط المسؤولة معرفتها بوجود مثل هذا التوجه لدى القيادة السورية، فيما حصل تغيير لبعض المحافظين قبل أيام.

وحول انتشار الفقر في سورريا واضطرار سكان بعض قرى الشمال إلى نزوحهم بكاملها منها، والغلاء، وارتفاع أسعار المحروقات، أعلن سطايحي عن وجود مذكرة لتحرير أسعار المحروقات في سورية معروضة على مجلس الوزراء، وأشار إلى أن الدعم سيبقى لمن يستحقه.

وحول انتشار الفساد، والتوقيفات الأخيرة هذ الأسبوع والتي طالت ضباطاً بتهم فساد بمليارات الليرات، أشار المسؤول السوري إلى وجود إرادة حقيقية لدى القيادة السورية لمكافحة الفساد المستشري في البلاد، وقال لا نضع يدنا على قضية فساد إلا ونتابعها.

وتشير منظمة "الشفافية الدولية" في تقرير لها عام 2008 إلى أن سوريا من أكثر دول العالم فساداً وتحتل المرتبة 147 من بين 180 بلداً على مستوى العالم، متراجعة 9 درجات عن العام الذي سبقه.



موقع ايلاف.

اي والله الرفيق كفى ووفى و دبح الشعب بكرمو الحاتمي

يعني كل هالديمقراطية الموجودة ولسا كمان عم يسعوا لمزيد من الديمقراطية , اي شو بدنا احسن من هيك , اي سويسرا ما هيك

ومو بس مزيد من الديمقراطية , كمان تحسين العلاقة بين الامن والمواطن , يعني مثلا لما الامن رح يعتقل المواطن ويضربوا ويعاملوا متل ال.... , رح يقرا علي حقوقو متل الافلام الامريكية تمام

قلتلي .. تحسين العلاقة بين الامن والمواطن

يروحو يتطلعو بهال 6000 زلمة الي قاعدين ورا القضبان بسجن صيدنايا لحالو بس..

يروحو يعالجو عارف دليلة اللي انتكس وقت اللي انسجن لاول مرة ... ورجع انتكس بفوتتو التانية

يروحو يحررولي عقولهن الهمشرية

يروحو يفضولي جيوبهن من كل شي بلعوه من 40 سنة ولهلق ...

لك يعترفو بالمواطن بدايةً ... ووقتها ممكن آمن واقتنع وصدق انو في شي اسمو علاقة بين الأمن والمواطن

وعسيرة الأمن

حدا بيعرفلي شو عكس الأمن ؟ :larg:

كم اتمنى أن تطبق الاقوال الى افعال .... ومااجمل أن تطبق تلك الاقاويل ...
بالمناسبة شو آخر أخبار المعتقلين بفرع فلسطين هل مازالو على قيد الحياة !!!

صباحو
يا شباب أحيانا بتكون الحقيقة صعب تصديقها , بالأمم اللي صارت بآخر السلم الحضاري غالبا الكذب بسهولة بيتصدق لأنوبيصير من أساسيات بناء الدولة والشعب وبيصير في ألو أعياد ومناسبات من أهم المناسبات الوطنية
من يمين كنت معزوم عند الشباب الطيبة , وتأكيد على حكي المسؤول, مع أني ـأنا بالأساس شكاك وبآمن بمبدأ الشك اللي بيقول (أنا أشك إذا أنا في السجن , لأن كنت مفك كلمة اشك جايي من شك الخرز وشك الخرز مهنة سجنية حاصله في تطوير وتحديث وتغيير كتير وشافية أكتر , لذلك بيلفت نظرك أول ما بتخل على المضافة تبع الشباب الطيبة الشفافيية, يعني بتشوف مصارين العناصر تبعون , وتاني شي القهوة اللي بتشربها عندون من أول مرة بتصير مدمن عليها من كتر طعمتها مو طيبة رغم إنك أنت عما تشربها وأنت موقفك منهون عدائي , وبعدين جايبين كرسي كهربائي حديث , بحطوك عليه بينفض نفض من الهم والغم ن كتير ما بيكرر فيك وبيفصل أوتوماتيك بس يشعر أنو الرطوبة ارتفعت كتير يعني عملتها تحتك من الضحك بيفصل لحالو ,وشو بدي أحكيلكون لأحكيلكون بالمنامات والأحلام ما بتشوفو هالتطورات بس يمكن أنا لأني مجنون وأنتو ما بتعرفو تشوفو أحلام متلي حبيت أنقلكون صورة عن أحلام الجانين

واللي بيعلها تحتو من الضحك مو متل اللي بيعملها من الخوف

ُهالأ الشي الحلو هون الشباب عابيعترفوا انو العلاقة بين المواطن و الامن ما طبيعية ...على فكرة هالتصريحات بدل عا تخبط بين المسؤليين متل ما اتحفنا المعلم وقت العدوان عا غزة و طالب الاوربيين يوقفوا الضغط عا سورية بمجال حقوق الانسان لأنو الأسرائيليين عابيعملو مجازر بي غزة ......يعني اذا اسراأييل بتقتول الفلسطينيين نحنا كمان منقتول شعبنا !! ..عا راسي المعلم