|
من سيربح المازوت
من سيربح المازوت:o عزيزي المواطن أهلا بك في برنامج من سيربح المازوت و نرجو لك التوفيق.عليك الاجابة على الاسئلة التالية بنعم او لا علما ان كل سؤال تجيب عليه يخولك ربح ليتر من المازوت تقدمة محلات الثروات الباطنية السورية السؤال الاول :هل انت متزوج : اذا كان جوابك لا ستربح ليتر من المازوت و اذا كان نعم ستخسرلانو مرتك بتدفيك السؤال الثاني :هل تملك أكثر من غرفة : اذا كان لا ستربح ليتر اخر من المازوت و اذا كان نعم ستخسر لان وجود اكثر من غرفة يعني انك تملك غرفة ضيوف و بالتالي ستقوم بعزيمة الناس اليها و تقدمة الضيافة لهم وبالتالي مصاريف عالفاضي ستؤثر على الاقتصاد الوطني و اصلا هذا يعني انك مبحبح ماديا يخرب بيتك و لسا بدك دعم السؤال الثالث :هل تأكل أكثر من وجبة باليوم : اذا كان لا ستربح ليتر اخر و اذا كان نعم ستخسر لان تناول الطعام الزائد يؤدي الى تكديس طبقات من الدسم تحت الجلد تغني عن التدفئة بالمازوت السؤال الرابع :هل تمارس النشاط الرياضي : اذا كان لا ستربح ليتر اخر و اذا كان نعم ستخسر لان النشاط الرياضي يحتاج الى عملية حرق للسكر و عملية الحرق تحتاج الى مازوت و بالتالي ستقوم بصرف المازوت لغايات غير التدفئة يا ملعون وين رايح مفكر حالك اذكى منا!! السؤال الخامس :هل تملك اكثر من بطانية : اذا كان لا ستربح ليتر اخر و اذا كان نعم ستخسر و من شو بيشكي الدفا تحت البطانيات السؤال السادس :هل تملك صوبيا ؟؟ اذا كان لا ستربح ليتر اخر و اذا كان نعم ستخسر لانك صاحب املاك ما شاء الله حولك ،الله يرزقكاذا استطعت الاجابة ب لا على كل الأسئلة ستنتقل معنا الى برنامج اتدفى بالكهرباء وبلالك المازوت و الى اللقاء في الحلقة القادمة نعمل لأجلك |
فظيعة :lol:
وخصيصاً آخر جملة ... "نعمل لأجلك " :p بس شو مشان هي خرج ع الطاير .. مو المنبر :? |
خخخخ هلاااا خيو نورت
والله انا ئلت لحالي نفس الشي بس بالاخير الله عما على البي وحطيتو هون .. يبئو ينئلوه اخوانا المشرفين نورت مرة تانية :) |
اقتباس:
من المنبر . |
اقتباس:
:shock::shock::shock::shock::shock: يبعتلك |
ههههههههه
ظريفة ها |
حسب ما بعرف انو الاسئلة سبعة مو ستة
شو بدك تاكلي علينا ليتر المازوت انت :x مو مقصرة حكومتنا الرشيدة بالخصوص بقا الله يرضى عليكي و ين السؤال السابع بلكي هيك باخر الليل منتدفى عليه |
بناء على هالاسئلة والاجوبة
رح حضر الحطبات من شو بتشكي صوبية الحطب يابعدي |
| الساعة بإيدك هلق يا سيدي 06:33 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون