أخوية

أخوية (http://www.akhawia.net/forum.php)
-   حصاد المواقع (http://www.akhawia.net/forumdisplay.php?f=79)
-   -   ازدياد الحجاب: ملمح نسائي للصحوة الاسلامية السورية (http://www.akhawia.net/showthread.php?t=131824)

مايسترو 01/12/2009 04:26

ازدياد الحجاب: ملمح نسائي للصحوة الاسلامية السورية
 




ويقال ان اتباع اكثر شخصية نسائية دينية محافظة في سورية، وهي منيرة قبيسية البالغة 70 عاما، يزيدون على 75 الفا.

واغلب الواعظات على طريقتها، وتسمى الواحدة منهن الانسة، من ابناء الطبقة المتعلمة ويذهبن الى اجتماعاتهن بسيارات سوداء فاخرة في ملابس انيقة ويتحدثن بلغة طليقة تنم عن قيادة تجعل جمهورهن فاغري الافواه.

تقول ام محمد، احدى تابعات قبيسية سابقا: "لقد ساعدوني وجعلوني اكثر ثقة بنفسي. اصبحت امشي في الشارع دون خوف من الرجال حولي، واصبح بامكاني ان اقول للناس انهم مخطئون".

لكن زوجها لا يعجبه الوضع تماما، ويقول ابو محمد: "لا مانع لدي من خروجها وان تقوم بشيء مفيد، لكنها بدأت تتغير وتريدني ان اتغير انا ايضا".

ويضيف انها منذ التحقت بالقبيسيات اصبحت اكثر جمودا وتركز على التفاصيل الغيبية.

وتقول ام محمد، التي تركت الجماعة: "اوافق. لقد اعجبتني طريقة عملهن ومساعدتهن للناس لكني لم اقبل الطريقة التي يردن بها السيطرة على عقولنا وتقرير ما هو جيد وسيء، فاذا واذا خالفت القواعد ولم تطيعي اوامر الانسة يعتبر ذلك تجديفا".

وفي مطلع الثمانينات، ابان حكم الرئيس السابق حافظ الاسد، وقعت صدامات بين حزب البعث الاشتراكي الحاكم والاخوان المسلمين الذين كانوا يحاولون الانقلاب على النظام.

واسفرت معركة حامية في حماة، شمال دمشق، عن وقوع 30 الف قتيل، معظمهم من المدنيين، كما قيل وبدأت حملة على الاسلام المتشدد بعد ذلك واخضعت المساجد لرقابة صارمة.

وتبنى الرئيس الاسد نوعا من الاسلام المعتدل "الذي تقره الدولة" يسمح ببناء مزيد من المساجد والمعاهد الدينية ومزيدا من الوعظ من قبل الدعاة الرسميين.

ووفر ذلك فرصة للواعظات النساء ليلقين عظاتهن خلف ابواب مغلقة وحافظت كثيرات منهن على الاسلام الاكثر راديكالية ومحافظة.

وفي ظل حكم الابن، الرئيس بشار الاسد، خرجت النساء الى العلن، وبينهن عدد كبير من الاصوات المحافظة، يعظن في المساجد والمعاهد الدينية.

ترى المعلقة والناشطة الدينية اسماء كفتارو ان القبيسيات يتبنين الان توجها اكثر مرونة عما قبل.

وتقول: "ادركن انه ليس بامكانهن الاستمرار بايديولوجية جامدة وان عليهن ان يكن مرنات لزيادة اتباعهن وهذا ما يفعلنه".

ويفخر السوريون بالسماحة والتنوع في مجتمعهم، الا ان البعض يرى ان ذلك يتغير الان.

ترى كنانة الركبي، وهي مصممة جرافيكس علمانية التوجه، في تلك الصحوة الدينية نتيجة غير سارة للاحباطات الاجتماعية والاقتصادية.

وتقول: "انها خطرة على المجتمع السوري، خاصة وانه لا يوجد تيار موازن. فجانب واحد نشيط، هو الجانب الديني، اما العلمانيون فليسوا ناشطين اطلاقا".


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


كلنا شركاء

أم الجود 01/12/2009 10:50

اقتباس:

كاتب النص الأصلي : مايسترو (مشاركة 1362307)

وتقول ام محمد، التي تركت الجماعة: "اوافق. لقد اعجبتني طريقة عملهن ومساعدتهن للناس لكني لم اقبل الطريقة التي يردن بها السيطرة على عقولنا وتقرير ما هو جيد وسيء، فاذا واذا خالفت القواعد ولم تطيعي اوامر الانسة يعتبر ذلك تجديفا".

هون المشكلة الحقيقية بكل شي اسمو التزام ديني ...
انك انته مانك حر تشغل عقلك و تقرر شو جيد و شو سيء ، إذا عجبتك أفكارنا و اتبعتنا بتكون عم تفوضنا نفكر بدالك ... نحللك و نحرملك ، لأنو الله بعدي اسمو باعتنا وكلاء و مندوبين الو على الأرض ..!

Nay 01/12/2009 14:50

uote=مايسترو;1362307]
ترى كنانة الركبي، وهي مصممة جرافيكس علمانية التوجه، في تلك الصحوة الدينية نتيجة غير سارة للاحباطات الاجتماعية والاقتصادية.

وتقول: "انها خطرة على المجتمع السوري، خاصة وانه لا يوجد تيار موازن. فجانب واحد نشيط، هو الجانب الديني، اما العلمانيون فليسوا ناشطين اطلاقا".

كلنا شركاء[/quote]

أنا لا أرى أن الاسلاميين ناشطون على مستوى أعلى من العلمانيين .. في سوريا ربما الاسلاميون أكثر نشاطا على المستوى لشعبي .. لكن اليساريين والعلمانيين هم الاكثر سيطرة ثقافيا.. بمعنى آخر الفكر اليساري يسيطر على الاعلام وعلى الصحف حتى الحكومية منها.. الشعراء الكتاب والممثلون والخرجون جميعهم طبوعون بطابع يساري على خلاف ما هو حاصل في مصر او الخليج مثلا..

مايسترو 01/12/2009 15:17

اقتباس:

هون المشكلة الحقيقية بكل شي اسمو التزام ديني ...
انك انته مانك حر تشغل عقلك و تقرر شو جيد و شو سيء ، إذا عجبتك أفكارنا و اتبعتنا بتكون عم تفوضنا نفكر بدالك ... نحللك و نحرملك ، لأنو الله بعدي اسمو باعتنا وكلاء و مندوبين الو على الأرض ..!

تماما..بدك تكون معنا؟؟بدك تسلمنا عقلك!

اقتباس:

أنا لا أرى أن الاسلاميين ناشطون على مستوى أعلى من العلمانيين .. في سوريا ربما الاسلاميون أكثر نشاطا على المستوى لشعبي .. لكن اليساريين والعلمانيين هم الاكثر سيطرة ثقافيا.. بمعنى آخر الفكر اليساري يسيطر على الاعلام وعلى الصحف حتى الحكومية منها.. الشعراء الكتاب والممثلون والخرجون جميعهم طبوعون بطابع يساري على خلاف ما هو حاصل في مصر او الخليج مثلا..


لك لا مطبوعين باليسار ولا شي
ويا ستي..العلمانين ضايعين..والتيار التاني مسيطر تماما وحتى بلش يدخل على اروقة الصحافة والاعلام كمان!
والشعب بالاخر مو هامو ثقافة..فشو استفادو العلمانيين من هالشي؟
ولا شي

a7la lolo 01/12/2009 18:31

المشلكة مو هيك .. المشكلة انو من يلي عم يدعو الناس ويهدون ..و ما عم قول كلهم.. يلي ماسكين الدين من دنبو .. هون المشلكة لانو بهي طريقة ممكن يزرعوا شي اسمو ملل او كره وحقد او حتى كسل وكتير شغلات تانية بنفوس هالناس العادية البسيطة يلي ممكن تكون بتصلي وبتأدي كل العبادات لكن لا هي محجبة ولا باين عليها الالتزام .. فطبعا طريقة الناس يلي بيكون الله أنعم عليهم وهداهم وما إلى ذلك .. هي الغلط .. لاني انا كإنساة عادية طبعا مارح يهمني اي شي رح بيقولوه لانو اصلا الطريقة مو عاجبتني .. بينما انا جاية عمكان عم بطلع منو مرتاحة وقلبي هديان وحسيت بالبعد عن الدنيا و مشاغلها .. وحسيت براحة بال طبعا رح اتردد لمتل هيك تجمعات ..
وهي انا هون بالكويت ..يعني بجو الخليج.. بشكل عااااام غالب اهل الخليج من الناس العادية يلي اذا سالتيها شو دينك بتقلك مسلمة .. وبتسأليها عن ربها بتقلك ما بعرفو .. حتى بهالأيام زايدة نسبة الناس يلي ما إلها علاقة لا بدين ولا برب ولا بغيرو .. وهي النسبة أغلبها من الشباب والمراهقين..
لكن هي انا عم روح على دورات بشكل دائم من وقت ما كنت بالصف الخامس يمكن .. مع ناس الله هداهم قبلي ومشيوا عالطريق الصح من حالهم من غير ماحدا يقلون اعملوا هيك ولا تعملوا هيك .. كأمر قصدي .. بس طبعا بمساعدة آنسات وأبلات علمونا الأساسيات والمتفرقات وقالولنا انتو اختارو الاريح ومرة عمرة . مرة عمرة .. لحالنا صرنا نتبع الإسلام الصح .. من غير ما نغير كتيير من حياتنا الطبيعية .. و ماحدا من الناس عامة .. عطوا عني انا او غيري فكرة انو نحنا مختلفين ..
يعني ليش بسوريا صاير هيك .. ليش عم بيسموا الناس الملتزمة بدينها باسماء بتميزها و يها حس العنصرية هاد .. متل يلي صار بسوريا
اقتباس:

تابعات قبيسية و القبيسيات
..
بعدين شو المانع من ازدياد نسبة البنات والنساء المتحجبات .. بس طبعا عن قناعة مو عن أمر او واجب او فرض .. مع انو هاد هو الصح .. لاني بشك بانوفي حدا بهالزمان بيقبل بهيك شي .. غير الأقلية منهون .. فبالعكس لما هالنسبة من النساء عم تزداد فكتيير من المشاكل الاجتماعية رح تقل و كتير من هالحالات يلي عم بتصير وعم نسمع عنها وين ما رحنا رح تقل وتخف أكيد ,..
فليش جاية هالاعتراض الكبير ع هالقصة! ما بعرف ... شو هو المانع يعني .. أظن انو اي شي الانسان بيختار يعملوا لازم يكون في تدخل من رأي الناس يلي حواليه و العائلة والشعب وحتى حكومة وسياسة البلد .. بتحدد المسموح والممنوع نعمله .. إلا الدين فهادا شيء ..ويمكن هو الوحيد.. يلي الإنسان حر باختياره لانه هو على حسب رأيه الشخصي وطبيعته ....

وآسفة لأني طولت بالحكي بس الموضع جذبني شوي :oops:
:D

مايسترو 01/12/2009 19:29

اول شي يا لولو..منيح انو جذبك الموضوع..احكي قد ما بدك قاعدلك للصبح:p

تاني شي سبق وحكينا كتير هون..انو خيو الناس احرار..ما في مشكلة..اللي بدو يالحد..يالحد واللي بدو يؤمن بسعدو..هو حر.
بس الفكرة..واللي سبق وحكيت فيها..انو الناس شو عم تاخد من الدين اليوم؟انو يتجوز 4 ..انو يقتل اختو تحت مسمى الشرف..للاسف الناس عم تاخد القشور وماعم تشوف الشي اللي جوا.
عدا عن انو توجه موقع كلنا شركاء ..وانا اللي نقلت الموضوع..وكاتب المقال الاصلي..توجه علماني..بالتالي ما منحبذ التوجه الديني عموما..رغم انو منضل منحترم هالشي.
والشي الاخر..انو العلمانيين ومتل ما انكتب بالمقال شبه نايمين والتيار الديني..اللي الله اعلم وين ممكن تكون اخرتو..ناشط..وهاد الشي..كمان مالنا محبذينو.

انا كمان لعيت كتير:p

a7la lolo 01/12/2009 20:39

تسلم ...ريحتني :p....
بعدين انا هادا يلي قصدي عليه.. الناس يلي ماسكين الدين من دنبو .. هيدول هم الناس الغلط .. وعم يحللو ويحرمو شو مابدهم وكيف مابدهم عمارءهم .. هيدول مالازم حدا يسمحلهم .. ولا زم يتوقفوا عند حدهم .. لانو الأشياء يلي مفروض تصير ما حدا عم يتبعها .. وهي الشغلات لازم تكون الدول كلها بشكل عام ماشية عليها .. مو واحد ولا تنين ...
طيب ليش شو فيها اذا نشط تيار والتاني لا .. يعني قصدي شو المشاكل المتوقع تصير .. غير عدم التوازن الثقافي بين أفراد الشعب .. والتحير بالاختيار ... بما انو هالاختيار يعتبر اسمى الخيارات الحرة ... صح ولا كلامي فيه غلط ..؟!؟
وكمان لما أعداد الناس كلهم ... يعني نساء ورجال صغار وكبار .. بتزداد تحت شعار الصحوة الإسلامية هيدا شي .. بيحسس الواحد بشي من الفرحة .. البسمة الخفية .. بإنو لسا في ناس بخير .. والدنيا بعدها بخير .. يعني في فئة من هالعالم عم تصحا.. و بتحسس الناس كانو بدأ الإنسان العربي بشي من الصحوة بقا حاجة غفلة ونوم وغرق بالهموم .. يعني أظن إنو نحنا سمعتنا الثقافية العالمية بلشت تقل عمهلها مرة عمرة لوصلت للاختفاء .. يمكن صار الوقت انو نرجع نحنا أولياء وحكام للعالم الثقافي والتاريخي .. حاجة فخر واعتزاز بماضينا و تراثنا الإسلامي والحضاري والإستراتيجي .. إلخ ..
وإلا مارح يكون لأجيالنا اللاحقة حدا تشد ضهرا فيه وتقول نحنا منفتخر بأجدادنا .. متل ما سبقناهم نحنا و أخدنا حصتنا وزيادة من الفخر فيهم و التغني بهالماضي المجيد ..
صح ولا لأ !؟!

إذا إنت لعيت كتير انا شو ... ؟:p
:D

MadMax 01/12/2009 21:16

أنو منيح ..

بس يا ريت تفرقولنا بين فكرة التدين بشكل عام ..... و بين الجمعيات الأصولية متل القبيسيات
يللي حسب ما قريت عنهون هني مجموعة بتنادي بأفكار .... أقل ما يقال عنها إنها غبية
و مستحيل تكون بتمثل دين بالعالم

zen 01/12/2009 22:18

انا ع حسب شو بشوف وشو بسمع
الحجاب هو موجود عند الأغلبية مشان القبول الاجتماعي
لانو معلومكون اذا وحدة محجبة ولو كانت بتشتغل عاهرة هي بنظر كتير كتير عالم أشرف من وحدة مو محجبة
انا عندي صديقة
مانها محجبة طلعت بباص ع الواقف وفي تنين قاعدين شباب قدامها
ماحدا قال لتقعد
وبعد شوي بتجي وحدة محجبة
بتوقف قدامها
فبيقوم واحد من الشباب بيقلها انتي بتستاهلي الواحد يقوم كرمالك
فانو ناس هيك بتفكر شو منعمل معها ؟

I_Love_Syria 01/12/2009 22:47

مابعرف شو الطريقة إلي اكتشفوا فيها إنو نسبة المحجبات صارت كبيرة وبتخوف, إلا إذا حاسبين الصبايا إلي حاطة على راسها شاشية
ولابسة بنطلون جينز ما بينزل من غير فازلين من فئة المحجبات فهون صرنا موضوع تاني

اقتباس:

كاتب النص الأصلي : MadMax (مشاركة 1362422)

بس يا ريت تفرقولنا بين فكرة التدين بشكل عام ..... و بين الجمعيات الأصولية متل القبيسيات
يللي حسب ما قريت عنهون هني مجموعة بتنادي بأفكار .... أقل ما يقال عنها إنها غبية

القبيسيات أصوليّات, في مسافة كبيرة بينهن وبين الأصولية

وياريت تحكيلنا شوي من الأفكار إلي يقال عنها غبيّة حتى نستفاد ونتعرف عليهن أكتر

MadMax 01/12/2009 23:43

اقتباس:

كاتب النص الأصلي : I_Love_Syria (مشاركة 1362432)


القبيسيات أصوليّات, في مسافة كبيرة بينهن وبين الأصولية

وياريت تحكيلنا شوي من الأفكار إلي يقال عنها غبيّة حتى نستفاد ونتعرف عليهن أكتر

موضوع القبيسيات تناقشنا فيه كتير هون بالمنتدى .. يعني ما في داعي تتعب حالك تروح بعيد
بيكفي تعمل بحث هون بالمنتدى لتاخد فكرة



القبيسيات هني أتفه وجوه الأصولية
و يللي بآمنو بأفكارون هني أسخف شعوب الأرض

و عيب يرتبطوا بالاسلام بأي رابط

عاشق الفطاير جبنة 02/12/2009 00:23

كمان نقطة تانية كل الحكي اللي بيحكوه هدوول الجماعات .....حكي بهويييييييي...........لأنوالمص در اللي بيجيبو منها معلوماتن .......مصادر موجهة .......او محرفة



هلأأنا عندي سين سؤال..........
هل هادا الحجاب اللي عم يحكوا عليييييه..........هو الحجاب الاسلامي الاصليييييي.......و لا المفزلك..... بتلاقي الوحدة لابسة جنز ضيق أو تنورة قصيييرة ......و فوقو بلوزة مطالعة فيها كل جسمها ..............و وجها عليه نص كيلو مكيااج..................و بعدين حاطة هلحجاااب الملون اللي بيلفت النظر ......... يعني هيي صحيي حاطة الحجااااب.....بس ما عم تعمل هدف الحجااااب... واللي هو انو تغض النظر عنها........من اللي ممكن يؤزوها.....................بقا هدول بيشكلو 80 بالمية من المتحجبااااااات:zen:........

المحارب العتيق 02/12/2009 01:03

كالعادة كلام تخويفي عن القبيسات بدون دليل . موجه لتعبئة الطبقة العلمانية ( يلي المفروض أنها واعية ) ومابيمشي معها مقال ببساطة فكرة هالمقال

I_Love_Syria 02/12/2009 01:04

اقتباس:

كاتب النص الأصلي : MadMax (مشاركة 1362441)
موضوع القبيسيات تناقشنا فيه كتير هون بالمنتدى .. يعني ما في داعي تتعب حالك تروح بعيد
بيكفي تعمل بحث هون بالمنتدى لتاخد فكرة



القبيسيات هني أتفه وجوه الأصولية
و يللي بآمنو بأفكارون هني أسخف شعوب الأرض

و عيب يرتبطوا بالاسلام بأي رابط


هاد رأيك
بس يعني وجود عدّة أشخاص أو عدد كبير من الأشخاص بيشوفوا هالجماعة أصولية أو حسب ما وصفتها تافهة والناس إلي بآمنوا بأفكارهن هني سخيفين فهاد ما بيثبّت هالصفة عليهن

بس لحتى تكون بالصورة هالجماعة هي ما عندها أي أفكار منفردة فيها أو هية أوجدتها يعني مافي إلهن معتقدات خاصة فيهن وكتب خاصة فيهن بيدرسوها

MadMax 02/12/2009 01:08

اقتباس:

كاتب النص الأصلي : I_Love_Syria (مشاركة 1362472)


بس لحتى تكون بالصورة هالجماعة هي ما عندها أي أفكار منفردة فيها أو هية أوجدتها يعني مافي إلهن معتقدات خاصة فيهن وكتب خاصة فيهن بيدرسوها

يعني قصدك .. أنو مثلاً ....تحريم النومة جنب الحيط لأنو الحيط مذكر .... تعتبر من أدبيات الاسلام أو مادة من نظامو الداخلي .؟

المحارب العتيق 02/12/2009 01:11

اقتباس:

كاتب النص الأصلي : I_Love_Syria (مشاركة 1362472)
هاد رأيك
بس يعني وجود عدّة أشخاص أو عدد كبير من الأشخاص بيشوفوا هالجماعة أصولية أو حسب ما وصفتها تافهة والناس إلي بآمنوا بأفكارهن هني سخيفين فهاد ما بيثبّت هالصفة عليهن

بس لحتى تكون بالصورة هالجماعة هي ما عندها أي أفكار منفردة فيها أو هية أوجدتها يعني مافي إلهن معتقدات خاصة فيهن وكتب خاصة فيهن بيدرسوها

لك يازلمة مو حرزانة تهز بدنك . واحد بيجبلك كلام على أنو القبيسات مابينامو بجنب الحيط لأنو مذكر :p . ( طبعا بدون دليل ملموس غير قيل وقال ) والتاني بيدعي أنو هو فهمان وهنن أسخف شعوب الارض وبيصدق هالسخافات :lol: . بئال ليش لتوجع قلبك . بس تلاقي الكلام منطقي بليرة ناقشو :lol:

TheLight 02/12/2009 01:11

دائما متل عادة اي موضوع ذو بعد ديني...النتيجة معروفة...خلاف وشد شعر وخناقة...

بس الاجمل هو اننا بموضوع بسيط بنقدر نعرف توجهات وعقلية اي فرد....شي مساعد جدا منشان نعبي فيش كل واحد فيكم...

بـــــقا...

فرطولنا ياها...شبابز...

شامي للنخاع 02/12/2009 01:13

همممممممم........يعني ما بعريف شو بدي قول.........رغم أني ماني متدين بوتاتاً.......بس يعني بنسبة للقبيسات........وبيما أنو أنا عايش كنت ضمن جو دمشقي بحت.....فما شفت وللشهادة ل سعدو اي مشاكل عا قبيسيات........وبأخر نحن بندعي التحرر....وبظن كمان هنين اللهن حرية بي معتقدات وتعبير عن الي بيأمنو فييو........وما بظن أنو وئت نتهمن.......بتفاهة....بيدون ما يكون عنا اي دليل بيكون العلة فينا
وكل واحد عندو عقل بيراسو.......بيقدر يحكوم فيو
وكل سنة وانت حبابين


الساعة بإيدك هلق يا سيدي 23:00 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.05034 seconds with 11 queries