|
فرقة صابرين
1 ملف مرفق .
حبيت اسمّعكو شوية غناني لفرقة فلسطينية موسيقية
من عنا من عرب 48 هيي فرقة صابرين مطربة الفرقة اسمها كاميليا جبران وهيي صبية من الرامة ( قرية بالجليل - شمال فلسطين المحتلة ) حاليا موجودة بفرنسا ساكنة هناك يعني طفشت مدري من شو :cry: المهم الفرقة اشتهرت بسنوات التمانينات كانو يقدمو عروضهن بالناصرة وبالقرى العربية داخل الخط الأخضر بهديك الفترة فرقة مرتبة كتير وعندهن طريقة حلوة بالتعبير هاي وحدة من غنانيهن القديمة ( جودة الصوت عالية ) وإذا بدكو في كمان :oops: * * * كحل هالأرض جاية ورايحة .. بتميل عالجنبين من كتر ما هي خفيفة .. بيحملوها تنين وزغير طير الحمام بيقطعها بيومين من كتر ما هي زغيرة .. فكّرتها بعدين دقت على باب الزمن .. مضيّعة ليلة كنها تسألو كنهن إلو .. قام ضيّفها نهارين وقلا الزمان ما تقلها صارو كحل بالعين * * * استمتعوا :D |
اقتباس:
شكراً كتير عالغنية الحلوة :D فرقة صابرين .... اشهر من أن تعرف .... و هي من أهم الفرق الفلسطينية بس وينهون هالايام من زمان ما سمعنالهون شي |
اهلين مادماكس
الفرقة بعدها موجودة بس ما عادوش قدمو غناني مع كامليا جبران تقريبا من بعد ما هاجرت كاميليا عفرنسا انفصلت كاميليا عن الفرقة شكرا لاهتمامك :D |
اقتباس:
وياريت اذا عندك كمان لهالفرقة اللي تعتبر من افضل الفرق اللي قدمت الفن الملتزم بطريقة غير مألوفة وراقية واللي بتتمتع بأداء رفيع من جميع النواحي، وخسارة كبيرة انو كاميليا جبران انفصلت عن الفرقة، لأنها تعتبر عماد رئيسي من أعمدتها. اذا بتنزلي كل شي عندك أكيد مارح نقول لأ ، ويعطيكي ألف عافية:D |
2 ملف مرفق .
شكرا يا سمسوم منوّر عطول انت :D
وهاي كمان اغنيتين بيني وبينك شجر البن وحب الهال وزهر النوم ( غناها مرة مارسيل بلحن مختلف ) ميّالا لالا يا عمو لالا في وحدة اسما ميّالا .. جاية من ضيعة بعيدة حتى تغنّي موّالا |
انشالله ما مننحرم منك يابيلسان، ومن هالكرم:D
كل ما بتكوني فاضية تسليلك بتنزيل كم اغنية من هدول، وانا بدعيلك (على فكرة دعواتي مستجابة هه):lol: |
ميرسي ..كتــــــــــــــــــــيــــــــــــــــــر ... جاري التحميل...:larg:
وكمان وكمان يا احلى بيلسان... :D |
انا مبسوطة انو عجبوكو الأغاني
وانشالله رح انزل كمان بس يمكن رح يكونو بحاجة لشوية ضغط مشان يتحملو سمسوم ومريوما شكرا كلكو زوق :D |
1 ملف مرفق .
أحكي للعالم أحكي له عن بيت كسرو قنديله عن فأس قتلت زنبقة وحريق أوْدى بجديلة أحكي عن شاة لم تحلب عن عجنة أم ما خبزت عن سطح طينيّ أعشب أحكي للعالم أحكي له *** غناء كاميليا جبران شعر توفيق زياد :D |
كنا ما اجمل ما كنا
يا بنت الجار ويا حنا يا بنت الجار المنسيه الدمية عندي محميه |
أنا عندي ياها بصوت ريم بنا
الاغنية كتير حلوة ميرسي بيلسان |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
:D تسلمي الله يعطيك العافية
|
ا ست هاي ريم بنا مش كاميليا
|
شي كتير حلو .. يسلمو إلكن جميعا
|
فرقة صابرين مخلوطة مش بس من ال 48 يعني فيها من الناصرة ومن الرامة ومن القدس ورام لله بعدين الفرقة فرطت و كاملييا(المغنية) اصدرت البومين الها ..جدير بالذكر انو كاميليا بتعزف عل القانون والعود وانو ابوها وعائلتها(جبران)(-الناصرة-الرامة-) همي من اشهر عازفي وصانعي العود بفلسطين ومنهم الاخوة جبرانtrio gobran)z ) من الناصرة المشهورين عالميا
|
مشكورين جدا"
|
احول تنزيل اغنية "احكي للعالم لكن ما اقدر" في حدا بالٌمكان يحملها على موقع تحميل ملفات
مشكورين جدا" مرة اخرى |
| الساعة بإيدك هلق يا سيدي 18:22 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون