طلب اعتذار من مخالفتين
 

اكلت خلال الـ 12 ساعة الأخير مخالفتين :

الأولى : لعدم التزامي بقانون تبين انه صاحبه ما عنده سبب منطقي لوضعه وبالتالي انا غير مجبر بالتقيد فيه
في حال حدا عم يخطرله " مشرف القسم يحق له سن القوانين .. الخ الخ " الجواب بسيط جدا أنه هلشي بصير بسكنة عسكرية انه يطلع على راس الضابط قانون أو تمرين على الجميع العمل فيه واللي بخالف بوجه على الجاموقة :lol: بينما بالاخوية ما كانت بحياتها ماشية على اهواء فلان و"رؤيا" علتان وانا عم طالب بحذف المخالفة الأولى من ملفي الشخصي + تقديم اعتذار على ارسالها "بالخطأ" الي .

التانية : لاستخدامي كلمات غير لابقة بالحديث
القصة انه ما من حق المشرف نشر أمور شخصية بالعضو بالبريد بدون وجه حق
وبهي الحالة من حق العضو الاجابة بكافة الأشكال
التانية ممكن اني اتغاضى عنها لو عرفت انه المشرف مادماكس تخالف لسببين :
1 - نشر خصوصيات العضو ( الله يرحم محور احترام الخصوصية اللي نزل بزمناته بالمنبر )
2- اقتباس نص مخالف للأخوية .


بتمنى من المعنيين بالرد .. الرد
والمعنيين بالاعتذار .. الاعتذار
واللي ماله شغلة وغير معني بالامرين يا ريت ريحلي حاله مشان ما حس حالي فايت على سوق بالة او شي سوق خضرة .

:D

آسفين :oops:

من حيث المبدأ أخوية غير ملزمة بمنطقة ضوابط المشاركة , أو عالأقل غير ملزمة بنشر أسباب منطقية للضوابط , ببساطة الشي اللي انتي بتشوفيو منطقي غيرك ما شرط يقتنع فيه , و متل ما بتعرف اراضاء الناس غاية لا تدرك , و بصراحة أكتر ما عنا وقت نسرد و نعدد الأسباب المنطقية أو غير المنطقية للضوابط أو أي شي تاني بيتعلق بالعمل الاشرافي , بدك تقول أنو مشغولين حبة يعني .

بيفضل طبعا أنك انت غير مجبر تتقيد بهالضوابط , و هالشي صحيح , و صحيح كمان أنو نحنا مجبرين نتقيد بهالضوابط ,و أحد مظاهر تقيدنا بهالضوابط هو توجيه مخالفات للأعضاء اللي ما بيتقيدو بالضوابط .


بالفعل أخوية بحياتها ما كانت ماشية على الأهواء ...و اليوم ما رح تمشي على هواك كمان .

بالنسبة للمخالفة كتير ممكن يكون الموضوع بسيط و سلس و خالي من الوكليسترول لو انك طرحتو بطريقة بسيطة و سلسلة . أسلوب طرحك للموضوع بالبريد كان سيئ ,و كان الأولى فيك انك تعتذر عن اسلوبك بالطرح قبل ما تطالب باعتذارات.

أي و أكتر من هيك ..كتير عم تبسط الموضوع وقت بتقول انو كان لاستخدام كلمات غير لبقة ,و بالمناسبة المخالفة كانت كتير رمزية بهالصدد.


ما حدا نشر معلومات شخصية عنك , أساساً ما حدا من المشرفين بيعرف معلومات شخصية عنك , اذا كان قصدك ع عدد مخالفاتك مثلاً , ما بعرف كيف صنفت هالمعلومات شخصية , الا اذا كنت بدك تطال بحقوق مليكة فكرية للمخالفات اللي انت عاملها !!

و بالمناسبة , صحيح أنو من حق العضو الاجابة بكافة الاشكال , بس بيفضل من حق الادارة تتعامل معة بكافة الاشكال كمان.

بامكانك تستخدم زر التبليغ عن مشاركة العاطلة لتخبرنا بوجود مخالفات من اي نوع , بيفضل من واجبنا انو نتصرف تجاه هالمخالفات باللي منشوفو مناسب , أو بامكانك تتغاضى عن التبليغ و ما حدا رح يكون زعلان منك.

المعنيين بالرد ببريد المنتدى هني الاشخاص اللي عندهن صلاحيات الرد , في حال كان عندك موضوع شخصي مع سين من الناس يفضل انك تخلصو معو ع الخاص , أحسن ما نضيع وقت المعنيين بالبريد .

تحياتي :D

ما طار لا شي من صفحتي ولسع المخالفتين قاعدين على قلبي :p

معناها مو آسفين :o

جرب هلق عميل ريفرش.. اكيد بيكونو طارو المخالفات ورجعت الردود :tomtom:

الحكي هاد معمم بشكل كبير
انا ما عم احكي على ضوابط الاخوية بشكل عام وعلى اي اساس موزعة المخالفات وضوابط المشاركة
عم احكي على موضوع واحد واللي هوي المشرف الغير مثالي لعام 2009
نزل فيه قانون منع الأعضاء من المشاركة وعم احكي على هاد القانون بالتحديد ومن حقي اعرف ليش الاعضاء ممنوعين ولامتى رح يستمر المنع وشو الفكرة من منع الاعضاء من المشاركة بالأقسام العامة وداخل مواضيع النقاش .
برجع بقلك حكيك صحيح وبوافقك عليه من ناحية المبدأ العالم لكن الحالة الخاصة مش مشمولة بالحالة العامة كونها طلعت فجأة بموضوع وحيد والادارة مطالبة بتقديم أسباب للأعضاء على المنع وعلى مخالفة كل مين بخالف الموضوع .

عم فكر هلق انه مقولة " نفذ ثم اعترض " ما بتنطبق على حالتنا حتى :lol:
لأن مافي اي مجال للأعتراض بهي الحالة
رح تنفذ وبحياة عمرك ما رح تعترض .. اذا بالموضوع اعترضت رح تاكل مخالفة واذا اعترضت بالبريد رح يقولوك مو شغلتك فوين المحل الخاص بالاعتراض على القوانين الوضعية والحالات الاستثنائية دلوني عليه لروح دعبلة لعنده :lol: .

هواي ؟ شو هوي هواي انا ؟ انك تسمحلي بالمشاركة وما تمنعني عن حقي بالمشاركة
اذا كان هاد هوي فعظيم كتير آلية التعاون والنقاش بهلصفحة .

اسلوب طرحي بالبريد ؟
وقت بتنزل اعتراض واضح وبرد مفصل بيجي المعني برد عن كل الجوانب وبيترك الاعتراض نفسه هاد شو اسمه ؟
وبنفس الوقت بيتدخل بأمور شخصية وبينشر ملفك الشخصي أمام الأعضاء وبسرب معلومات ما من حق حدا الاطلاع عليها بصير اسلوبي غير لبق .

عنجد بلا تعليق بس كنت متوقع منطقية بالتعامل .. خصوصا منك بالتحديد .

عراسي:lol:
بس ما كان بدي آكل مخالفة رمزية
المخالفة هي ما عندي مشكلة آكلها وحتى لو بـ 20 زعلة بس على الأقل تمشي على الضوابط
بالبداية يفترض يتخالف مادماكس على شخصنة الرد ونشر ملفي الشخصي على العلن
+
اقتباس نص مخالف من الأخوية
في حال صار هلشي ما عندي مشكلة اتخالف ابدا لا بل كنت رح ارسل تقرير مشاركة عاطلة لمخالفتي في حال عرفت انه سامر تخالف وانا ما تخالفت :lol:
لكن العضو سامر خالف ضوابط الأخوية وواجب على الادارة مخالفته .. بعرف انه ما من حقي معرفه هل تخالف أو لا وما عم قلك تسربلي معلومات وتقلي .. بس متأكد انه آلية الخيار وفقوس ماشية هون وصار لازم تنتهي .

وقت عضو بطالب بمعرفة هل العضو الفلاني تمت مخالفته شو بجاوبه مشرف القسم
بالأصح شو بتجاوبه انت ؟
ما بتقله هي معلومات شخصية ما منحقك الاطلاع عليها ؟
شوية منطق يا جماعة ما بدي اكتر من هيك .
مارح راسل الشخص المعني لأن مافي شي شخصي بيني وبينه حتى حله على الخاص
القصة قصة قانون وتطبيق عام + قصة مخالفة ضوابط الأخوية
وطلب حذف المخالفات مانه موجه لسامر لأن بعرف ما طالع بايده شي
الطلب موجه للإشراف الاداري ليعيد النظر بالآلية بس الهيئة الاشراف الاداري مصر يحكي بكل النقاط باستثناء النقطة هي .