|
انفلونزا الطيور تقاطع سوريا
النعيق (تحشيشية، فاشلة، تصدر غالبا بعد هزة بدن) انفلونزا الطيور ... مرض وبائي فتاك و قاتل يصيب الطيور و البشر المهم انو وصل على منطقتنا بس في قدامنا حقيقتين الحقيقة الاولى منظمة الصحة العالمية اعلنت خلو سوريا من هالوباء الحقيقة التانية نفس المنظمة المحترمة و الراقية و ذات المصداقية العالية، اكدت اكتشاف حالات اصابة بهالوباء بتركيا (شمال سوريا) و بالعراق (شرق و جنوب شرق سوريا) و باليونان (شمال غرب سوريا) و مؤخرا بلبنان (ببلدة حاصبيا تحديدا) بالاضافة إلى مصر و الكويت و بتشك المنظمة بوجود حالات اصابة بالاردن و باسرائيل و بايران و بالسعودية بس عم يتم التعتيم عليها عقل بالكف ... كيف ممكن انو تكون كل الدول حولنا و حوالينا مصابة ... و نحنا لأ ؟؟؟ ما عم شك اطلاقا بحقيقة كون سوريا خالية من هالوباء فمنظمة الصحة العالمية ليست مديرية حكومية يمكن التحكم بنتائجها باتخاذ قرار تعتيم و هالمنظمة تحديدا ارقى من انها تزور نتائج ابحاثها لمصلحة اي جهة طيب شو الحل ؟؟؟ حاليا عم يخطر ببالي نظريتين الاولى: انو باعتبار انو اميركا فارضة ع سوريا عقوبات اقتصادية منها عدم تصدير الهاي تكنولوجي فيا ترا ممكن تكون "انفلونزا الطيور" هاي تكنولوجي اميركية؟؟؟ و بالتالي بتدخل ضمن المقاطعة الاميركية لسوريا ؟؟؟ التانية: انو تكون سوريا فعلا ........ الله حاميا و العقل يا جماعة الخير زينة |
اقتباس:
بس حلوة هاي تكنولوجيا اميركية ما بتعرف واردة:lol: |
هوي سوريا الله حاميها مااختلفنا
بس هلا سمعت ع الجزيرة انو ظهرت اصابات بسوريا فما بعرف بس حبيت حط خبر:سوريا: |
اقتباس:
بس الفكرة انو الفايروس بينتقل عبر الطيور المهاجرة كمان و سوريا من اهم المحطات بعد تركيا ع القليلي اقتباس:
هي بتضل نظرية اقتباس:
و بالله كيف بدك ياني ما اختلف معك بموضوع سوريا الله حاميها ؟؟؟ بس سمعت النشرة كلها ... و ما مرق هيك شي مرق انو بفرنسا عم يدبحوا الجاج، و ما جابوا سيرة سوريا غير بالاستنكار ع مواقف كوندا رز و زيارتها للبنان عموما ازا طلع الخبر مزبوط ... بيكون ما عاد في داعي للاستغراب او الموضوع |
انا هيك قللي جدي وقالت الماما سمعو ع الجزيرة
بس انشالله يطلع الخبر كاذب |
اقتباس:
انا ماسمعت شي وعلى قولة ريتا جدي سمع الخبر وجدي بعيد عنكون بيلبس سماعات بأى بيجوز سمعان الخبر بدونون وطايرلو كم جملة عالطريق على كل بكرا بيدوب التلج وبيبان المرج |
ههههههههه
يعدمني ليلى لا بالفعل انا كمان استغربت انو ليش ما اجا شي على سوريا هاي بجوز خايفين ما يلقطوهون المخابرات بسوريا |
اقتباس:
اقتباس:
رح اعتبرها تالت نظرية |
حطو عراس القائمة كمان
|
:lol: :lol:
I love you guys :blush: :blush: |
شو هالحكي هاد
عيب عيب love you too more than you can Imagine but don't tell anybody |
اقتباس:
تفكير منطقي وسليم 8) |
اقتباس:
هلأ الأسئلة اللي بتطرح حالا : يا ترى التشخيص صحيح؟؟ بلكي إنفلونزا عادية أو ذات رئة أو أحد أنواع إلتهاب القصبات الحاد ؟؟ أو سارس :shock: ؟؟ هل الخبر عن وفاة غامضة وبعدين ضخموه جماهير الشعب اللي بتحب اللعي و عملوه انفلونزا الطيور ؟؟ يا ترى نكتة حمصية بايخة ؟؟ ما بظن ؟؟ بكل حال أنا شاكك بإنو المرض ممكن يكون موجود .. بس بما إنو نحنا عنا أسوأ و أفشل كادر طبي بالمنطقة ويمكن بالعالم!!! فأنا ما بستبعد يكون وصل المرض ومانا عارفين !!! أنات بعرف ناس إذا ما وصلت لحد الموت ما بتروح عالدكتور من الفقر و التعتير وأحيانا للإقتصاد والتوفير. اقتباس:
|
اقتباس:
|
اقتباس:
الله وكيلكون ماعنا شي اصلا الطيور بتهرب من عنا بتخاف تفوت على الحبس :oops: :oops: :oops: |
اقتباس:
لبنان خالي من انفلونزا الطيور لحد الآن والحمد لله |
هدول جماعة انفلونزا الطيور ... موجودين بسوريا .. بس ويــــن يا حزركون ....
بحرستا :o ... بس يرجعو الشباب بيخبرونا ;-) ... هنن بس يرجعو :cry: .... |
يا معليم
يا باشا شوبانا يا زلمة !! هلاء اذا اجا المرض لعنا شو بدو يعمل :? يعني مين بدو ياكول؟؟؟؟ :shock: شو بدو ياكول :pos: هاد المرض نفسو عزيزة عليه ما بياكول من ورا حدا :o يعني زعبوط ما بيخليون ياكلو بوظة :p حتى اشر الجوز بيطحنو بساوو تبن بيطعمو الحمير :jakoush: يعني هلاء بشرفك الخيار متل الموز :angel: |
| الساعة بإيدك هلق يا سيدي 07:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون