أخوية

أخوية (http://www.akhawia.net/forum.php)
-   منبــر أخويـــة الحــــــر (http://www.akhawia.net/forumdisplay.php?f=15)
-   -   اخي السوري : هل تعتبر نفسك (سوري) ام( عربي سوري) (http://www.akhawia.net/showthread.php?t=100606)

Abu ToNi 08/06/2008 08:35

اقتباس:

كاتب النص الأصلي : التقرير الجوال (مشاركة 1016996)
انتهى الحوار معك لهون
إلا إذا قرأت المقال يللي حطيتو انا .. مقال المفروض يدوعوك للتأمل بأفكارك .. مراجعه حساباتك
يعني بيني و بينك اقرأ مقالات ناس في عندها خبرة .. برأيك الكاتب المسيحي ليش قال انا عربي .
فتحلي مخك شوي .. يعني كم كتاب قريت لهلأ لحتى تجزم بأفكارك انت؟ و شوف هالكاتب كم كتاب قرأ لهلأ و لوقت ما كتب المقال تبعو .. بظن فيها نظر ما هيك؟
المره الجاية بدك تعرف تختار كلماتك .. اي حبيبي؟

بس قبل ما اطلع بحب اخبرك شغلة

العرب كان في منهم قبائل " نصرانية " واذا بترجع لشهادة التاريخ العربي وبتقرا عن قبيلة بني تغلب خير مثال .

بالاخير انت متل ما قلت لك عبندك مشكلة بالتفريق بين الانتمائات الدينية والقومية والعرقية بالأخير الانسان ما بيجي قالب واحد على فكرة يعني في مجموعة انتمائات ما بيعني كونه بينتمي لوحدة بيعني انه بينتمي لجميعها .

واعتبار حالك جزء لا يتجزا " عربي مسلم " هي لحالها اشارة كافية بالنسبة الي اني اشعل الضو الأحمر وأقول ستوب .
هاد فالج لا تعالج .ما عنده القدرة على التفريق بين كلمة دين وبين كلمة قوم وعرق كونه " عربي مسلم "

على فكرة من سخافة القدر انه تعرفت على واحد ولدان ببريطانيا ويعتبر حاله " عربي مسلم "

Abu ToNi 08/06/2008 08:39

اقتباس:

حاجة نطوطه
الله يخلي لنا حوارك المتمدن .
اقتباس:

شي 7 او 8 ألف سنة شو صار بسكان سوريا الاصليين؟ و ينهن و وين الدليل على وجودهن
بتقدر ترجع لكتب التاريخ وما بعتقد في كتاب بقول لك انه ابيد سكان المنطقة وبالتالي بطريقة طبيعية وما بدها علاقات من الدرجة التامنة بيطلع معك انه السكان الحاليين طالما ما عانوا من التهجير او الترحيل وما عانوا من الابادات فهنن باقيين حتى اللحظة وانا هاد اللي عبقول لك ياه بالاخير التصويت يصاغ بالشكل

هل انت من العالم الباقيين حتى اللحظة
ام انت من العالم اللي جاءوا من جزيرة العرب .

فلا " تنطوط " وتفتح احاديث مافي منها فائدة

وعلى فكرك ربطك الخطير بين " السريان والمسيحية " وجايب لي مقال " تقلع لي عيني فيه " على شخص مسيحي ما بيعتبر حالي سيرياني وبيعتبر حاله سوري بدل شقد قريان من كتب :pos:

التقرير الجوال 08/06/2008 08:40

اقتباس:

اعتبرني امّي ما بعر اقرا واكتب وماني قريان شي على النت
اقتباس:

سياغتصه
اقتباس:

الفراعنى

هيك أنا بعذرك و رح اتفهم موقفك و أفكارك .
بس جد اقرأ المقال يللي حطيتو أنا .
كلام بيناقض كلامك .. ما بعرف كلامك شو مصادرو او خليني قول مصدرو انت و بس .. بس المقال عم يحكي بعلميه
العلمية يللي انت عم دوّر عليها .

Abu ToNi 08/06/2008 08:45

اقتباس:

كاتب النص الأصلي : التقرير الجوال (مشاركة 1017003)
هيك أنا بعذرك و رح اتفهم موقفك و أفكارك .
بس جد اقرأ المقال يللي حطيتو أنا .
كلام بيناقض كلامك .. ما بعرف كلامك شو مصادرو او خليني قول مصدرو انت و بس .. بس المقال عم يحكي بعلميه
العلمية يللي انت عم دوّر عليها .

كنت بستغرب كيف واحد بيقدر يصير سخيف وسطحي

كيف بتطلب مني افوت معك بجدال تاريخي وانت ما عبتقدر تطلع من مستوى اخطاء كتابية صارت على الكومبيوتر كوني عبكتب اكتر من 60 كلمة بالدقيقة !!!!

التقرير الجوال 08/06/2008 08:48

انا مالي خلق مهاترات .. بيكفي لهون مش لأني ما بقدر جابه, بس لأني اذا حكيت ما بوقف و انا شايفك عم تتمادى بكلامك فلهون و بس .
اقتباس:

وعلى فكرك ربطك الخطير بين " السريان والمسيحية " وجايب لي مقال " تقلع لي عيني فيه " على شخص مسيحي ما بيعتبر حالي سيرياني وبيعتبر حاله سوري بدل شقد قريان من كتب
لأ انا عم حاول فتّح عيونك عالعلم .. باعتبارك شخص تعتمد على البراهين العلمية فقط .

Abu ToNi 08/06/2008 09:09

اقتباس:

كاتب النص الأصلي : التقرير الجوال (مشاركة 1017003)
هيك أنا بعذرك و رح اتفهم موقفك و أفكارك .
بس جد اقرأ المقال يللي حطيتو أنا .
كلام بيناقض كلامك .. ما بعرف كلامك شو مصادرو او خليني قول مصدرو انت و بس .. بس المقال عم يحكي بعلميه
العلمية يللي انت عم دوّر عليها .

يا عيني يا روحي بالاخير بحب اقول لك كلمة

شقد ما حاولت تربط بين العرب والسوريين بدك تيأس الا اذا بدك تعتمد الكتب العربية مرجعك فمحاولتك بدها تكلل بالنجاح والنجاح الباهر كون كلها بتجتمع بنفس النقطة مع انها بتخالف جميع الكتب والثائق التاريخية لكنها بتجتمع بنفس النقطة .

تقول لي اننا كلنا اخوة ومنرجع لعرق واحد هوي العرق السامي
على عيني وراسي اخوي بالعرق السامي تشرفنا بمعرفتك .

بس تجي تقول لي كلياتنا منرجع للعرق السامي وبالتالي كليتاتنا عرب ......

هون بدي اقول لك الله يعطيك العافية وهارد لك الك وتعبناك معنا بس حكيك اكل الدهر عليه وشرب واتجوز كمان وجاب ولاد وخلفوا ولاده من بعده يعني اسخف نظرية منطقية سمعتها بحياتي انه مجموعة جزئية بتكبر وبتقل المجموعات الجزئية الاخرى وبتضمحل وتصير المجموعة كلها عبارة عن مجموعة جزئية صغيرة منصهرة باحدى المجموعات الجزئية اللي بتكبر وتصير بنفس الوقت مجموعة شاملة وعرق بحد ذاته ، وبيبقى وجود ل بعض الأقليات من المجموعات الأخرى متل " بعض " السريان واللي غير معترف فيهم على انهم من السكان الاصليين و" بعض " الكنعانين اللي غير معترف بوجودهم وبعض السومريين وبعض الآشوريين وبعض البابليين بعض الميديين وكلهم اضمحلوا واذيبوا في البوتقة العربية اللي كبرت وصارت تمثل العرق السامي وكل انتماء للعرق السامي يعتبر بحد ذاته انتماء للعروبة !! واي انسان بيعتبر حاله ينتمي إلى المجموعات الجزئية فهو دخيل على العرق السامي وغير معترف فيه وبالتالي كون العرق السامي هو المنتشر بالمنطقة فهو اقلية دخيلة اذيبت في البوتقة العربية و"قُدمت " إليه الجنسية السورية هبة لوجه الله فهو اما سامي عربي من اصحاب الأرض " ما بينفع سرياني سامي دخيل هاد معناها " يا اما اقلية غير عربية .

طبعا منستثني العبرانيين من المجموعة المنسوبة إلى العرق العربي " السامي سابقا بحسب التسمية الاصلية " لأن ما بشرفنا يكونوا ينتموا معنا إلى نفس العرق لا سمح الله وهنن كمان دخلاء ما الهم حق بالأرض متلهم متل السريان لكن الفرق ان السريان عرب واصحاب أرض " كونهم عرب " بينما العبرانين فهم ليسوا عرب وبالتالي ليسوا اصحاب ارض .

قلت لك كل الحكي اللي بدك تقول لي ياه بعرفه وحفظانه عن ظهر قلب فيا ريت تريح لي راسي وتريح لي أعصابك صرنا بالصفحة العاشرة بجدالك العقيم واللي لا يصلح ان يطلق عليه غير لقب العقيم وبرجع بقول لك كل انواع المحادلات اللي بكون احد الأطراف مانه مستعد يغير نظريته يعتبر جدال عقيم ومافي منه نتيجة وبالمشرمحي ( عوجاااااا )

Abu ToNi 08/06/2008 09:10

اقتباس:

لأ انا عم حاول فتّح عيونك عالعلم .. باعتبارك شخص تعتمد على البراهين العلمية فقط .
وشو عبتحاول تبرهن على ان المسيحيين ايضا عرب ؟!

يا اخي قلت لك في عندك مشكلة بتفريق الانتماء ما عبتصدقني ليش!!!

التقرير الجوال 08/06/2008 09:30

محرك البحث عندك في عطل او ممكن ما عم تعرف تدور مزبوط
اقتباس:

على فكرة طلعت بالأنترنت مافي اي حصائية من اي نوع كان بتحكي عن العشب السوري والنسب المئوية اللي فيه فانت كيف عرفت انتماء الاغلبية اذا الدولة ما عندا ارقام بتقول هاد الشي ؟!
بدك تعرف بأنو تم تقديرنسبة العرب السوريين بـ 2008 وصلت لـ 90,3% فيك تشوف هالرابط لتقتنع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


فمن وين لوين بدذك تجزم و تفرض او توّه القارئ بأنو مافي نسبة؟


كمان مرّه تانية ... للتذكير
اقتباس:

إن العرب- مسلمين ومسيحيين- غارقون حتى آذانهم اليوم في محاولة دحر هجمة الدعاية المغرضة من جانب الصهاينة والمحافظين الجدد التي تأتيهم من الغرب، ولا تنقصهم كتيبة عرب كارهين لذاتهم بين ظهرانيهم.
تأمل بهالمقولة .. على أمل بتحرّك فيك شي!
اقتباس:

وشو عبتحاول تبرهن على ان المسيحيين ايضا عرب ؟!
كلامك هاد بتوجهو للكاتب المسيحي يللي حاولت ناقشك بأفكارو .. بس عبس ما تصورت الفكره من أساسها
لأنو ببساطة الكاتب صاحب قلم فكري .. انسان مسيحي عم يقول انا عربي .

Abu ToNi 08/06/2008 09:37

اقتباس:

ولا تنقصهم كتيبة عرب كارهين لذاتهم بين ظهرانيهم.
كالعادة طلعت عميل صهيوني معادي للسامية :lol:

اقتباس:

كلامك هاد بتوجهو للكاتب المسيحي يللي حاولت ناقشك بأفكارو .. بس عبس ما تصورت الفكره من أساسها
لأنو ببساطة الكاتب صاحب قلم فكري .. انسان مسيحي عم يقول انا عربي .
لا يا حبيب انت اللي نقلت الحكي فالحكي بوجهه الك انت
انت شو عبتحاول تقول انه في مسيحيين عرب ؟!
انا بقول لك طبعا في مسيحيين عرب متل ما كان في سابقا " نصرانيين " عرب ايضا في هلق " مسيحيين " عرب وبالتالي ما في فرق انت شو بدك توصل فكرة ؟!

قبل ما تنصحني بالقراءة بنصحك تقعد تعمل لك جولة بالأنترنت على المواقع الانجليزية وتفهم شو هوي الفرق بالانتماء العرقي والانتماء الديني .
نعم في مسيحيين عرب فين المشكلة ؟! يعني لشو جبت لنا المقال اذا كان مافي منه فكرة ولاعبتحاول تمد الموضوع بمعلومات عامة :?

Abu ToNi 08/06/2008 09:39

اقتباس:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


كان بودي اطلع على الرابط بس الويكيبيديا العربية محجوبة عن سوريا .

طفوله 08/06/2008 09:42




يـــا متــعــة المتـــابــعــه....






التقرير الجوال 08/06/2008 09:43

طيب من دون ذرائع يللي مكتوب هوي نسبة العرب السوريين 90,3%
ليش صُلب الموضوع بيحكي عن اي انتماء؟
شو خص الانتماء الديني

طفوله 08/06/2008 09:48

اقتباس:

كاتب النص الأصلي : gabriel (مشاركة 1017035)

كان بودي اطلع على الرابط بس الويكيبيديا العربية محجوبة عن سوريا .


عفوا ع الخروج من الموضوع ...بس بتــحب ابعتلكـ ع الخاص اسم برنامج لفتــح المواقــع المــحجوبه..لاكمال النقاش

Abu ToNi 08/06/2008 09:49

اقتباس:

كاتب النص الأصلي : التقرير الجوال (مشاركة 1017039)
طيب من دون ذرائع يللي مكتوب هوي نسبة العرب السوريين 90,3%
ليش صُلب الموضوع بيحكي عن اي انتماء؟
شو خص الانتماء الديني

:shock:

انت عبتسألني ولا انا عبسألك

:shock:

Abu ToNi 08/06/2008 09:51

اقتباس:

كاتب النص الأصلي : طفوله (مشاركة 1017044)



عفوا ع الخروج من الموضوع ...بس بتــحب ابعتلكـ ع الخاص اسم برنامج لفتــح المواقــع المــحجوبه..لاكمال النقاش

مع العلم ان الويكيبيديا لا تعتبر صاحبة مصداقية لأنها بتعتمد على مبدا المساهمة الفردية بس طبعا ما بضر اني اطلع على بعض الأرقام :D

التقرير الجوال 08/06/2008 09:56

ܐܳܚܽܢܽܬܳܐ
 
شايف الجد وين وصل فيك؟
شايف بأنك تعلمت أفكار جديده و معلومات جديده من الجدل .
الحقيقه كان بدي منّك تقول هيك .. و فعلاً انتزعتها منّك
اقتباس:

انا بقول لك طبعا في مسيحيين عرب متل ما كان في سابقا " نصرانيين " عرب ايضا في هلق " مسيحيين " عرب وبالتالي ما في فرق انت شو بدك توصل فكرة ؟!
هون مرتكز الحوار .. يعني سوريا فيها تقريباً 10% نصارى و من طوائف مختلفة .. باعترافك بأنو في منهن عرب
و هاد يللي كان بدي وصللو .. ما بعرف اذا كنت بتعرف و إلا لأ .
اذاً حَريٌ بالنصراني العربي أن يصوذت بـ " عربي مسلم " و الباقي عالقلّه يصطفلو .. ما بدي قول غير شي .

Abu ToNi 08/06/2008 10:00

اقتباس:

هون مرتكز الحوار .. يعني سوريا فيها تقريباً 10% نصارى و من طوائف مختلفة .. باعترافك بأنو في منهن عرب
و هاد يللي كان بدي وصللو .. ما بعرف اذا كنت بتعرف و إلا لأ .
اذاً حَريٌ بالمسيحي العربي أن يصوذت بـ " عربي مسلم " و الباقي عالقلّه يصطفلو .. ما بدي قول غير شي .
بعتقد انت هلق قربت ناح المجال اللي انا قضيت فيه دراسة اكتر من سنتين ولا زلت مستمر

انا هلق على الملا باكد لك سوريا فيها 0% نصراني لو قلت لي فيها 12.5% مسيحي كنت قلت لك معك حق بس نصارى 0% .

اما مشان الفكرة اللي وصلت لي اياها من حوارك فانا لهلق ما فهمت شو انت وصلت لي اياه .

انت كان هدفك تقول لي في نصارىعرب ؟
اذا كان هاد هدفك فشو علاقة الموضوع بالهدف اللي انت بدك ياه

في نصارة سابقا عرب نعم في سابقا عرب نصارى
اليوم في مسيحيين عرب نعم في مسيحيين عرب

لكن شو علاقة العرب بالنصارة بالمسحيين بالسريان بالموضوع هون ؟!؟!

Abu ToNi 08/06/2008 10:07

اقتباس:

الحقيقه كان بدي منّك تقول هيك .. و فعلاً انتزعتها منّك
اذا معتبر حالك منتصر اسمح لي اول واحد اهنيك

بس على شو انتصرت ؟! ما حكيت شي جديد والشي اللي قلته شي بديهي وعلى قكرة ما اله علاقة بالموضوع يعني انه في مسيحيين عرب هاد ما اله اي رابط بان سكان سوريا عرب ؟! او انهم مانهم سريان ؟!

انت شو بتعرف عن السريان حتى عبتعت لي بالسرياني ؟!
اذا بتعرف تكتب سرياني بحب اخبرك السريان غير متصل المسيحية باي شكل يعني اذا كان واحد سرياني ما بيعني انه مسيحي ( ما بعرف اذا كان بدك تنتزع من تمي هال كلمة كمان :? ) يعني انا وقت عبقول انتمائي سوري معناها انتمائي للارض اللي عاش عليها اجدادي وماتوا عليها وانا هلق واقف عبحكيك منها . يمكن انت فسرته اني بقصد بسوريا والسريان ( المسيحية ) لهيك قلت لك عندك مشكلة بالتفريق بين العقائد والانتماء الديني والقومية والانتماء العرقي .


الساعة بإيدك هلق يا سيدي 17:46 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.09762 seconds with 11 queries