بنهاية المطاف رح قللك بأنو سوريا عربية هيك الإحصائيات بتقول و باعتبار هالـ 12 أو الـ 10% نصارى و إلا مسيحيين ما بيشكلو اغلبية .. فبديهي الطابع السوري رح يكون عربي .
و اذا كان التصويت "لسوري فقط " فهاد أمر بيعتمد على موقع ألكتروني و مجموعه ما بتمثل سوريا على ارض الواقع .
يعني اذا بدك تاخد احصائيه و رح جيبها من وين ما بدك .. رح تلاقي العرب أغلبية يللي بيندرج ضمنن المسيحيين العرب .
هون بدّي قللك نقطة أخيره بأنو المفروض الاهتمام بينصب على أولويات .. أنا من أساسو للموضوع ما خرط مشطي .. بس حبيت ادخل لبيّن بعض الحقائق ..
عربي أو سرياني أو كردي أو ماروني أو شركسي أو تركي أو أو أو الكل المفروض يعززو التلاحم الوطني
و في كماننقطة جد بدها تكون بعين الاعتبار بأنو الأغلبية بتلوّن و بتصهر ببوتقتها .
لهون و بس و السريان مش عرق .

بالمناسبه شو هي " عبتعت "؟

يا عيني مش عرق لكنها جزء من عرق والعرق اللي هية جزء منه " العرق السامي " متلها متل العرب بنفس سوية يعني ما بتقدر تقول عربي سرياني كانك عبتقول ( فرنسي صومالي ) بتقدر تقول مسيحي عربي ، كردي مسيحي ، عربي بوذي بس ما بتقدر تقول ( سرياني عربي ) .

اما مشان فكرة مسيحيين وسوريين الهئية بدنا 20 صفحة تانية حتى تقدر تفرق بين الانتماء القومي والعرقي والانتماء الديني يعني انت من الاول ناقل لي موضوع عن مسيحي عربي ولهلق انا ما فهمت هدفك منه يعني التفسير المنطقي الوحيد اللي بشوفه انك حبيت تفيد الأعضاء من الفيض الثقافي اللي عندك وحبيت تعطيهم معلومات عامة حياتية واكيد ما اله علاقة بالموضوع .

بخصوصا الحصائيات لا تذكرني بوجعي

سوريا امتى كان فيها احصائيات رسمية وامتى كان فيها احصائيات ذو مصداقية . بعدين فكرة الاحصائية يا استاذ بكون بهيك حالات غير مرجعية فردية يعني ما وقت بكون ( الفئة المثقفة ) من المجتمع صار لها عبتدرس 10 سنين بكتب التاريخ الرسمية انهم عرب وان الساميين عبارة عن عرب ونقطة على السطر وبتعتبر السريان عرب والكنعانيين عرب والبابليين عرب و و و و .....

بالتاكيد بدك تجي تسألهم بعد ما درسوا 10 سنين هاد الحكي بدهم يقولوا لك نعم نحن عرب

هي اذا اعتبرنا الشعب مثقف يعني وقت بده يتثقف بيتعلم تاريخ مزور وبالتالي بتكون رؤيته خاطئة 100% انا بالثانوي درسني استاذ الله يرحمه اسمه وضاخ وكان هوي عالم آثار على فكرة .

بتذكر اول حصة دخل وقال ما حدا ياخد العلم والمعلومات من الكتاب اللي بين ايديكم كل حكيه كذب بكذب وكل حكيه ما بيحمل اي مرجعية وما بيحمل اي مصداقية .

انا بالأول صار فيني متل ما هلق صار فيك فوبيا وفز عصبي لك كيف ؟! انا عربي وانا اصلي عربي وعبعيش على ارض عربية واخوي بفلسطين ومدري وين والخ ........

بس بعد ما رجعت للتاريخ بالمصادر الاجنبية والفرنسية منها شفت انه معه حق وعدلت من افكاري واللي كانت مسلّمات بالنسية الي بس الفرق بيني وبينك انك مانك مستعد تعدل او حتى تفكر تعدل بآرائك .

ووقت رجعت لتاريخ العائلة شفت مزبوط نحن بالأخير شجرة عائلتنا واللي بترجع لأكتر من 500 سنة سريانية الأصل مع العلم انه طائفتي الدينية ليست سريانية ودخلت بالحيطان كيف اتا روم ونفس الوقت سريان تماما متل ما انت هلق داخل بالحيطان انه خلص في مسيحيين عرب سابقا وبالتالي اذا انت مسيحي فيا اما انت من مخلقات وبقايا المسيحيين العرب يا اما انت اجنبي اجا مع الاحتلال البيزنطي .

للاسف بدك شغل كتير وبدك قراءة كتير وبنصحك تستفيد من اللغة الانجليزي اللي بين ايديك وتقرا بتمعن وبموضوعية وتنسى مواقفك الفردية السابقة وترجع تقيم الامور وتنظر للمفاهيم من جديد انسى كل المفاهيم الدراسية اللي تعلمناها لأن 99% منها محرف ومغلوط وال 1% بكون بالغلط مرق من الرقابة .

لا تواخذني اليوم أحد والمدقق اللغوي اللي بيشتغل تحت ايدي مسيحي سرياني سوري آخد عطلة

بسيطة كتير ..
آخر ما بفكر في هوي اسمع من غيري شو هوي أصلي و فصلي .. أنا بعتبرها " جريمة " بحقي اذا عملت هيك .
بعدين المفاهيم يللي درستها أنت أنا ما بعتمد عليها قيد أنملة .. و هي المصادر يللي عم تحكي عنها .. كانت و ما تزال .. أقلام مستشرقين و بدك تقرأ بتمعن كل وجهات النظر و الدراسات لربما تصل للحقيقة .
للأسف تاريخنا تم اللعب في و تحويره
ما بدي اشتق موضوع هون
العروبة مش خرافة مصطنعه
العروبة كانت بسوريا قبل حتى دخول المسلمين إلها
رجاع و اقرأ التاريخ .. أو اقرأ هالمقال يللي تعبت و أنا عم اطلب منك تقرأه بتمعن .

على اعتبار الموضوع كان بوادي و صار بوادي آخر... يا ريت اذا في شي أخير حابين تضيفوه تضيفوه .. لأنو الموضوع راح يتسكّر


و شكرا

يعني بظن عم نحكي عن عروبه أغلب سكان سوريا
شو هاد الوادي الآخر؟
و ليش دائماً هالاسلوب؟

فالج لا تعالج

بعد اذنك ياس سكره قبل ما يرتفع ضغطي سكره الله يخليك :sick:

امتى ليش حكينا على عروبة اغلب سكان سوريا

حضرتك عبتناقش اذا كان في نصارة عرب او لا واذا في هلق مسيحيين عرب او لا

يعني لا من قريب ولا من بعيد عبتقرب عن الموضوع ومانك راضي تسمع كلمة عندك كلام بدك تحكيه وتمشي وهاد اللي قلت لك عليه انه الحوار معك جدلي ومافي منه نتيجة :pos:

هاد كلام باحثين .. كلام مسيحي بيقول بانو عربي .. استناداً لبراهين
شو الهيئة العبره بالحكي الاعتباطي .. و يللي بيحكي أكتر؟

لأ عفوا منك مافي اسلوب ولا شي.. الموضوع عبارة عن استفتاء انو كل واحد شو يعتبر حالو... لشو ينتمي نفسيا.. مانو عن تاريخ العروبة أو تاريخ سوريا

يا اخي عبغني بالطاحون انا ولا عبحكي مع حالي

اي عيني في مسيحيين عرب انت شو بدك او فين البهجة بالموضوع وفين الفكرة ؟!؟

شو ربط المسيحيين بالسريان وشو ربط العرب المسيحيين بالموضوع ؟؟!!؟