بعض النصائح للمغتربين
 

مرحبااا
شلون الجميع

انا كنت بسوريا اجازة لمدة 5 اسابيع و هلق رجعت على كندا... و عندي هيك كم نصيحة للمغترب لما بدو يرجع ع سوريا

في المطار
إياك أن تنغر بالمظهر الخارجي لمطار دمشق الدولي و تدخل على الحمامات بدون محارم! الغلطة هنا بكفرة. :cry:
و الجميل في الموضوع أنك و بعد خروجك من الحمامات ستجد "خالة" قاعدة على كرسي و ستنظر إليك بابتسامة و تناولك محرمتين ... أليس من المفروض ان يعطوك المحارم قبل الدخول إلى الحمام؟؟؟
لا تعتمد على ساعات مطار دمشق الدولي... انا بنفسي ضليت صافن ساعة بإحدى الساعات و لم تتحرك عن الحدعش إلا ربع قيد أنملة

في المطاعم
تحدث إلى الغرسون بكل احترام و خلي صوتك واطي و حط عيونك بالارض... الغراسنة السوريون يتميزون بالحساسية و المشاعر المرهفة و يجب ان تختار كلامك بعناية عندما تتحدث معهم... لانو مثلا اذا قلتله شي مرة إنو الاكل صرلو نص ساعة ما إجا يمكن يقلك: نص ساعة؟ اي نطرلك نص ساعة تاني و بيجي :evil:
و اذا أردت الذهاب الى مطعم في مرمريتا او أي من مطاعم الضيع او على جبل السيدة... فخذ معك قتالة دبان مشان النحل. أعتقد ان معظم هذه المطاعم تربي خلية نحل او خليتان
و أوعك تتحمس كتير بالبخشيش!!! متل قلّته. و لا تتفاجأ اذا الغرسون لم يرجع لك الباقي من الحساب و قام باقتطاع البخشيش منو لحالو.صحيح الغرسون إنسان شفاف و حساس... بس طاقق عنده عرق الحياء

في الشارع
قوي قلبك مع سواقين التكاسي و عند قطعة الشارع... انا شخصيا أول كم يوم كنت متلبك كتير من قطعة الشارع خصوصي عند الساعة الجديدة في حمص! و الشباب عم يقطعوا الشارع من نص الساحة و ما سائلين! بس ما تخاف.. مع الوقت بيصير عندك فراسة بالموضوع و بتصير تقدر تتنبأ لوين رح تروح هل سيارة و هية بعيدة

في المعاملات
مشان النبي جيب معك طوابع قبل ما تجي على المعاملة!!! و خليك على يقين انو الطابع أبو الاربع ليرات ما رح يمشي حالو بدل الطابع أبو ليرة
ما تستهوش و تعملي مزوق و أجنباوي بالوقفة على الدور... طاحش يا ابني و خلي معك دايما بجيبتك خمسينات و ميات مشان الحلوان...

الموبايلات
اذا أخدت خط "تشريج"... أوعك تستهوش متل بعض الناس و تحاول تحكي على التلت ثواني. :angel: و خلي قلبك كبير و بالك رايق لأنو في ناس رح تناقش معك مواضيع و تفتح معك سير على التلت ثواني

الشرب و الارغيلة
ما تطلب كوكتيل كحولي اذا المحل ما بتعرفو مية بالمية :mrgreen: مثلا اذا حابب تراجع فتذوق شي كوكتيل فودكا عند جوليا
اذا جعبالك تأرغل و تشربلك كاسة شاي... ما تروح على الروضة ترى بيلطشوك بالسعر... إذهب الى الكواكبي في الوعر... عنده قعدة جميلة و الغراسنة حبابين

هدول باختصار كم نصيحة من هون و هون... واذا فقعت معك كتير كتير حميل حالك و روح على الشاطئ الازرق شي كم يوم.... بس أوعى تفكر تطع لبرا و تتمشى :roll:

يعني يا أخ جو رح تخليني اتشاءم و بطل إنزل !!!!!!!!!!! مع كل هادا اللي عم بتقولو بشرفك في أحلى من النزلة عحمص و على عجقة السوق و السيارات اللي ماشية بعكس السير و الطريق اللي ما بتعرف كبف بدك تقطعو !! و الله مشتاقة لكل شغلة كانت تزعجني و تضايقني بحمص و ما مصدقة ايمت بدي آخد إجازتي لحتى ارجع شوي لكل هالفوضى اللذيذة :D !!

لك ما في احلى من هل الفوضى والله لك منحبا على كل عيوبها حمص وبس

معك حق
 

و اللهي هاحكي تقريبا مظبوط .. بس بيني و بينك هادا الشي اهلو اللي بيميز بلدنا و اهل بلدنا أنو كلياتنا مشيين عالسبحانية و بنكرج بالنولي و ما منوقف بنوب ... بس بتعرفوا شو أحلى شغلي لقيتا ببلدنا بآخر نزلة إلي ( و أنا واثق أنو حتى بعد مية سنة ) أنو كلشي بينحل بالمصاري ... من أكبر معاملة لأصغر معاملة .. ولا تتعب قلبك و توجع راسك و تروح و تجي ... قمة الديمقراطية ... كلشي بالمصاري بينحل .... أما بالنسبة لمطعم جوليا ... فرحتلو مرة وحدة بس بآخر تموز .. و تنذكر م ما تنعاد .. لبكة و عجقة عالفاضي .. و يا محلى كاسة السحلب و الصمون براس الدبلان .... :P

والله جاي عبالي سحلب من الدبلان ومو بس سحلب فلافل كمان
ايمت بدي انزل على حمص بقا اشتقت لعجقة الدبلان

النصيحة لا تطلب كحول بكل سوريا .......... لا تشرب غير بيرة , مرة يا جماعة كفرت و طلبت بلدي ميري , و مدري يومها شو صرلي , انو تخيلوا حاطين رب البندورة بدال البندورة الطازة , يعني شلون بدها تصير الطعمة , :shock:

عنجد جبتها بقطع الطريق , انا لما بجي على ابو ظبي بكون اساتني متعود على القطع بسوريا , فبمشي بنص الطريق و ما بطلع ...... فبشوف الموت بين عيوني :o , و لما برجع بتعود على الوضع و بصير نظامي , بقوم برجع على سوريا بضل شي نص ساعة ناطر لاقطع الشارع , ايام بقعد دور على ممر المشاة و ما بلاقيه :cry:

و هاي نصيحة مني ..... دفعت تمنها غالي كتير لتعلمتا ..... اذا طلعت بتاكسي لا تغلط و تحط حزام الامان . لانو اول شي بيطلع فيك الشوفير انو شو وجعوا هاد :? و بعدين بيتدايق و بيحس انو انت ما واثق من مهارتوا بالسواقة , و اسوأ شي انو ما حدا حاطط الحزام من شي قرن فمليان غبرة , و خود عاد شو صار بالكنزة المكوية هلاء , او القميص الابيض, بتطلع متبهدل بخطين سود على تيابك :roll: هاي اذا ما اتهموك الناس الطالعين معك انك .......... نظامي :lol:

بتبدلي :?: :?: :?: :?: :?: :?: :?:


ببوس ايدك بدلي :cry: :cry: :cry:

:D

شو رأيك عبورة؟؟؟ :confo: منجيب architecturer لعنا؟؟؟؟؟؟؟؟؟؟؟؟؟؟؟؟؟؟ :wink:

يا زلمي شي بيسم البدن بصحيح ..
لك المشكلة اني انا من النوع المتفائل والمتفهم لوضع البلد و من اليمينين المتشددين .. بس يا اخي شي بيحط العقل بالكف
لك يا زلمي الله الله من عندو بلى على قلبي وقلت بدي جدد الجواز لانو خلص
تلات تيام وانا عالق بالجوذ من الساعة8 الصبح للساعة 2 الضهر يوميا .. وعلى بخاشيش وهذا يكش بوشك وهذا بيحكيك بيدون ما يطلع فيك وكانو عم يحكي مع شي تور .. اخر يوم فقعت معي بنص الجوازات وبلشت صرخ وعيط .. يومها حسيت بجد اني مهدل لاني مواطن سوري وانو حقى فرنغين ونص لاني مواطن سوري

قال من تلات سنين رحنا وعملنا امتحان سواقة ونجحنا بالامتحان ومن يومها لليوم ما معي شهادة سواقة اييييييييييي
لانو عملت الاوراق الازمة بعدها واخدولون شي 4 تيام شغل متل البهايم وبعدها علقت ورقة ما بعرف وين ورجعت كل سنة على نفس المنوال
من تلات سنيني يا ناس عامل فحص سواقة وناجح وكلو نظامي ولهلق ما معي شهادي لانو لانو .. لانو ما بعرف بيجوز لانوي سوري محترم مثلا :aah:

ابتسم فانت في سوريااااااااااااااااااااا ااااااااااااااااااااااااا اااا :D

:cry: :cry: :cry: :cry: :cry:
:( :( :( :( :( :(
:) :) :) :)
:lol: :lol:
:mrgreen:

ما بعرف جينو اذا منجيبوا لعنا ولا لاء الشغلة صار بدها تفكير وتمحيص بس بصراحة ما بدك ياها خليك بحمص اشرفلك

و الله معك حق يا عبورة !!!! بس اللي مانو مجرب ما بيعرف :(
قال اللي بيعرف بيعرف و اللي ما بيعرف بيقول دبي :wink:

يعني جايكون بعد سنتين انشا الله :shock:

ان اقلتو اي وان قلتو لاء :o

:D

ياالله منطلع سوا لكن :D

شو جينو معلش إطلع أنا لعندكون :wink: :?: :?:

حتى لهونيك بدك تلحقني :x

:P

له ياطيب هيك بدنا نزعل من بعض ليش انا بعرفك لحتى كون لاحقك :evil: :evil: :evil: :evil: