نقاش طيب يدورولكن لي تعليق بسيط تقول ايه الرحمن ان التاريخ اثبت ان العرب متفرقون بعد وفاه الرسول عليه السلام وهنا لي تعليق نعم بعد وفاه الحبيب مصطفى محمد عليه السلام اصبح هناك بعض النزاعات ولكن الحقيقه ان العرب بقيوا يد واحده في عهد ابو بكر وعمر وعثمان رضي الله عنهم وبدات النزعات في عهد علي رضي الله عنه وتم الصلح بعد ذلك بين معاويه والحسن عليهما رضوان الله ومن ثم بقي العرب المسلمين اسياد الارض حتى نهايه الدوله العثمانيه _نحن اذله منذ مئه عام فقط والله الستعان اللهم وحد المسلمين وانصرهم

انا ما بعرف ليش اية الرحمان مصرة انو حزب الله لازم يكون عربي من كل الاطراف ,, يا ستي حتى لو كان اداة مبدئيا فهو نيته صافية بغض النظر عما سيكون لانو حزب الله لما عم يدافع ويحاول يرجع اراضيه المغتصبة ما عم يفكر لا بالسيادة ولا انشاء دولة شيعية في لبنان لانو لو كان عم يفكر بهالموضوع بفما رح يكون قادر يحقق ولا انتصار او على حسب ما قلتي دغدغة الكيان الصهيوني لانو رح يكون ملتهي بامور تانية توصله للسلطة والسيادة بس بكل الاحوال نحن مع اي حركة ولو مستوردة متل ما قال الفهمان متل السبابيط (( عم يشبه مقاومة بسبابيط هذا بيدل على احساسه بمعاناة الشعب كتير))بس المهم انو نحس حالنا مو ساكتين وفي حدا عم يقول لا ,, بس بدك ننتظر ونبقى ساكتين كلنا لحتى نموت وما يضل حدا منا وقتها انتي بترتاحي وبتعملي مقاومة محلية مو هيك؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

ولله في خلقه شؤون

يا جماعة عنجد ما بعرف من وين بدي بلش !!! بالأول قبل ما رد عاللي انقال .. بدي قول ل يللي عم يحكو باسم الشعب اللبناني وعاملين حالن خيفانين عليه و حريصين عليه ما حدا وكلكن نحنا مندافع عن حالنا .. أنا شب لبناني .. انقصف بيتي بحرب تموز ببيروت .. و كتير من أصدقائي و أقربائي استشهدوا .. و مصالحنا اتضررت .. وفي متلي كتير وأضرب كمان .. فبعتقد انا احق الناس اني احكي .. يعني اللي بدي قولو لمارون وشلتو اللي ما حفظت أسمائن .. انو يا جماعة ولك في عالم الكل شافن استشهدوا كل أفراد اسرتن و بيوتن انقصفت وما بقي معوا ياكل حتى و مع هيك وقفوا وقالوا هيدا كلوا فدا المقاومة وفدى لبنان وفدى السيد حسن قائد المقاومة وبتجوا انتو بالقوة بدكن انو لأ غصبن عننا انو السيد خربلنا بيوتنا ولك اذا نحنا راضيين!!! اذا حضرت احتفال النصر اللي صار بعد حرب تموز ببيروت واللي خطب في السيد حسن كنت شفت مليونين شخص(وبما انك خبير بلبنان اكتر من اللبنانية بتعرف أديش عدد سكان لبنان و بمعادلة حسابية بسيطة بتحسب أديش نسبتن) هيدول المليونين شخص وقفوا ليقولو لحسن نصرالله نحنا معك نحنا اللي راحت بيوتنا مستعدين نعمرها البيوت حجر مش مشكلة .. بس الكرامة اذا راحت يا صاحبي بعمرو لا حسني مبارك ولا الملك عبدالله ولا ستين واحد متل أبو مازن برجعلنا هيي ..

أما بموضوع ايران وانو حزب الله حزب ايراني .. فبدي بلش انو اي حزب الله شيعي .. ولك اي شيعي .. بس حماس فيك تقول انها شيعية .. يعني اذا كانو شيعة معناتها انهم بدهن ولاية الفقيه وما بعرف شو .. حبيبي معناتو انتا ما بتعرف المذهب الشيعي منيح .. رح قلك شي انا شيعي و أنا مش مع ولية الفقيه ومرجعي مش علي الخامنئي و كتير من المراجع الشيعية ما بقولوا بولاية الفقيه .. ومع هيك انا مه حزب الله ومع كل حزب قاوم بلبنان لأنو بالنهاية انا بدي شوف هالحزب شو عم يعمل و عأساسو بحبو أو لأ مش بتطلع بشوف انو شيعي واذا شيعي معناتو ضد السنة يعني حزب طائفي!!! حزب الله ومعو المقاوات الأخرى مثل حركة أمل و الحزب الشيوعي دحروا اسرائيل من بيروت بال 1982 و ضلوا يقاوموا لدحروها بال 2000 بس فيك تقلي شو عملت الديبلوماسية انو بشرفك هالقد العرب الن قيمة عند اسرايل تيعطونا شي بالمفاوضات ولك لحتى يعطونا لازم يكون في شي معنا يخافوا منو من شو دخلك بدن يخافوا اذا ما معنا سلاح؟؟ من حسني مبارك من الهاهل الأردني من مين؟؟ هيدول اذا قالولن رجعولنا حقوقنا حيقلن اولمرت تكرم عيونكن!! انو هالقد انتو بسطاء!!

طيب السعودية ما عم تعطي مصاري لحزب الله بحجة انو ايراني وشيعي طب ليش ما بتعطي حماس مش حماس سنة؟؟ يا خيي اذا انتا حدن اجا اخدلك ارضك وبدك ترجعها طيب من وين بتجيب السلاح يعني لازم حزب الله هوي يصنع السلاح؟؟ انو معليش لازم يجيب سلاح؟؟ طيب اتفقنا انو لازم نجيب سلاح من وين منجيبو من أميركا اللي عم انحاربها؟؟ من السعودية اللي أميركا عم تسلحها؟؟ طب من وين أكيد من اللي ضد أميركا واسرائيل .. و اللي هيي ايران !! اي ايران عم تعطينا أسلحة ..

نحنا بلبنان اذا حزب الله سلم سلاحو او حزب الله عمل سلام مع اسرائيل تأكد يا صاحبي انو هالمليونين شخص هينقلبوا ضد الحزب .. لأنو انا كلبناني ما بقبل شبر واحد يضل محتل من أرضي وما بقبل أسير يضل بالسجون .. وهاي قصة الحزب بدوا يعمل دولة شيعية ح أعطيك معلومة صغيرة انو حزب الله اللي قدر يصد اسرائيل وحزب الله اللي عندو ترسانة أسلحة هائلة وحزب الله اللي قدرتو العسكرية بعد حرب تموز اتضاعفت و أعداد المنتسبين الو صارت بالأضعاف تعا علبنان بتعرف شعبية الحزب وقدرتو قديش صارت هيدا الحزب اللي صار عندوا فوق الستين ألف مقاتل و صواريخ قادرة تضرب أي منطقة باسرائيل لو كان هدفو دولة شيعية لكنت شفت هالدولة انعملت من زمان الحزب قادر يعملها لأنو صار أقوى و أقوى بكتير بس انتو خلص حتى لو قال السيد هيدا مش هدفنا بدكن تقولو كذاب انو شو بتبصروا انتو؟؟

بالنهاية بدي الك انو ما تعملوا حالكن محامين دفاع عننا .. نحنا كلنا مع المقاومة اللبنانية اللي بمثلها حزب الله .. واللي لهلق كل انجازاتو كانت لبنانية مية بالمية .. الجنوب ما كان لبناني ولا الأسرى اللي تحرروا كانو لبنانية .. ولا مزارع شبعا لبنانية ولا سمير القنطار لبناني كل هيدول ايرانية؟؟؟ فتحو عيونكن اسرائيل عندها 20 قنبلة ذرية وأميركا معها أكتر هني الخطر الحقيقي ليه بدكن تخترعوا عدو وهمي اسمو ايران واللي المخابرات الاميركية نفسها اعلنت انو ايران ما عم تصنع اسلحة نووية .. سلام

والله كلامك كلو على العين والراس
وهيدا يلي عم بحكيه من اول الموضوع وما حدا عم يفهم
بس انو مانعمل محامي دفاع فهيدا يلي مابرضاه منك
انا بامكانتاتي المتاحة لايمكنني ان اقاوم الا بالكلمة
والكلمة الان هي ان اقف اللى جانب حزب الله وان ادافع عن افكاره ومبادئه ماقدرت
حزب الله بنهجه وفكره لم يعد حكرا على اللبنانيين
:deal:

الله يحمينا حسن نصرالله ويحمينا بشار الاسد الاسد الاسد الاسد الاسدالاسد الاسد

انتي فهمتيني غلط أنا ما كنت عم اقصدكن انتو لأنو اللي متلكن هني اخواتنا ومنعتبرن الهن الحق يحكوا بإسمنا لأنو انتو اللي بتحبو الشعب اللبناني عنجد بس أنا كنت عم أقصد اللي جايين يحكوا باسمنا أشياء نحنا مش راضيين عنها وبعتذر اذا كانت فكرتي وصلتك غلط :D :deal:

اها
عفوا
يمكن فهمت غلط

الله بيجنن هل الشعر يسلمو ايديك حبيب

(((( أبالموت تهددني يا ابن الطلقاء ان القتل لنا عادة وكرامتنا من الله الشهادة )))

هذا ما قاله سماحة السيد مكررا كلام جده مولانا الحسين عليه السلام

:deal:
:deal: