|
برقية عزاء بحفيد الريّـس حســـني
أكيد الموت ما فيو شـــماتة ..
بس وصلني هاد الكلام بايميل و حبيت شارككن فيه ... تعازينا يا سيادة الرئيس.. إن قال لك أحد عظم الله أجركم فلا تعتقله بشبهة أنه إخونجي.. فغالبية شعبك من المؤمنين وان لم يكن لهؤلاء نصيب في الحكم أو التقرب منك. سمعت أن طائرة رئاسية خاصة نقلت حفيدك الى فرنسا بينما تُمنع عربة إطفاء وإنقاذ جلبها متبرعون بريطانيون ومنهم النائب جورج غالاوي من دخول غزة والعمل على رفع الأنقاض من فوق جثث أطفالها .. هل تعلم أن هؤلاء الانجليز قد فقدوا الأمل بإدخال العربة وأعادوها الى ليبيا مؤقتاً ؟؟ وفي اليوم الذي عادت طائرتك الرئاسية بحفيدك بعد أن قضى الله التعجيل بأجله ، يتم منع وفد طبي من دخول غزة ؟ ماذا لو مُنع الأطباء عن حفيدك وهو في شدة المرض يا سيادة الرئيس ؟ و لمَ قبلتَ بنقله إلى فرنسا ؟ أما أخبروكَ أن أحسن الفرق الطبية الأجنبية يتم احتجازها حالياً خارج معبر رفح المغلق غير بعيد عن مكان إجازتك الدائمة في شرم الشيخ ؟ هل أخبرك رئيس مخابراتك أنه في الوقت الذي تدفن فيه أنتَ حفيدك ، يقوم الفلسطينون بدفن الطفل ربحي جندية الذي يصغر حفيدك بعامين والذي مات أمس بعد طول عناء من المرض والوهن ؟ هل تعلم أنه كان يتبول دماً منذ آذار الماضي دون أن يقوى الاطباء على تشخيص مرضه أو أن يُسمح له بالسفر للعلاج ؟؟؟ ربما كان ألم رحيل الولد أخف وطأة من مرارة شعور أب بقلة ذات الحيلة .. وهو يرى جسد ابنه الضعيف يذبل شيئاً فشيئاً .. بينما يقوم الأمن بحراسة أقفال المعبر المغلق تنفيذاً لأوامركم ... لم يطلب أحد استعارة طائرتكَ الرئاسية لنقل الطفل ربحي ... بل كان أهله سيكتفون بنقله على حمار عبر معبر رفح فيما لو سمح ذلك البغل الذي يغلق المعبر لهم بالوصول الى الجانب الاخر من السجن الغزّي ... فراق الحبيب مؤلم يا سيادة الريّس !! لكنه لا يعادل شعور من امتزجت لديه لوعة فقدان الولد بالمرارة من ظلم الأخوة والقرف من سيادتكم . و عظّم الله أجركم أحمد السعيد الأربعاء, 20 مايو 2009 16:46 |
خـخخخخخخخ .. كل هي ؟؟ اوماي جاد ..
ميرسي إم الجووجـ .. |
شو هالمسخرة
ليش لنقارن هي بهي وكانو سخرية من مصاب يلي مات كمان طفل وبغض النظر اذا مات بطائرة راسية او لا فهو مات والموضوع مش مجال للمقارنة حرام الموت للطفل محزن كيف ما كان |
هلا حسني مبارك العما في قلبو الله ياخدو كل يوم مية مرة ...
بس انا من راي بنفسجة ... الولد مذنبو شي ... |
اذا انتبهتوا هي كانت أول جملة كتبتا بالموضوع
اقتباس:
اقتباس:
|
بالنسبة للطفل الله يرحمو
و بالنسبة لحسني مبارك اشرب من الكأس الذي سقيت اهل غزة منه لعل فيه عبرة لك |
موت انسان لا يمكن ان يكون له فائدة سياسية او للتشمت و لو يقول الكاتب الف مرة اللهم لا شماتة لان المقال كله شماتة ...
عيب هذا الكلام ... و ما رح يصير دم شهداء غزة ... ورقة انتخابية بيد معارضة او اخوان ... او اي جهة اخرى ... لان عن جد عيب لان لو نريد نحكي ... كان انفتحت كثير مواضيع عن الحصار على غزة و الحصار على العراق اللي استمر 13 سنة و العرب هم اللي جوعوا الشعب العراقي و حاصروه بدل الاميركان ... و نسيت قول اطفال العراق ماتوا من الجوع و من قلة الدواء و من الامراض .... و لا بلد عربي بعث للعراق صندوق ادوية للاطفال ... ما اعرف ليش صاروا اطفال غزة ... العزيز الغالي على اخر العمر ! شاطرين العرب ببيع المثاليات فقط ... |
فكرك يلي بيشوف بالتلفزيون ومخابراتو بترفعلو شو عم يصير بغزة وبيضل مسكر المعبر هاد بيحس ؟؟؟ الشعور مات عندو من زمان . المهم الكرسي |
اقتباس:
بس أنا حابة ضيف شغلة (علماً اني مو مع حكم الإخوان بمصر و لا مع استخدام الأحداث اللي صارت بغزة و مواقف الحكومة السلبية منها كسلاح ضد مبارك) بس برجع بقول انو الشغلة ما فيها شماتة .. مثلاً لما شب بيتحرش ببنت أول كلمة بيخطرلا تقلو ياها : ما عندك إخوة بنات ؟!! مو معنى هالشي انو هي بتتمنى التحرش لأخوات هالشب .. بس بهيك كلمة بتخليه يحط حالو بالجهة المعاكسة .. بالنسبة لأنو ليش اليوم صاروا أطفال غزة العزيز الغالي : و أطفال الجنوب اللي انقتلوا من 3 سنين كمان بلبنان عزيز و غالي و كل الأطفال اللي انقتلوا شو ما كانت جنسياتون .. بس لا تنسى انو اليوم الأحداث و الصور عم توصلنا عبر الفضائيات اللي ما كانت بنفس المستوى من الكثافة و التغطية من 10 سنين أو أكتر .. و هالشي بيأثر بشدة تأثر الناس بهي الأحداث .. لهيك العالم ما تعاطت مع قضية حصار العراق بنفس طريقة تعاطيها مع قضية غزة اليوم .. بس الموضوع مالو علاقة بجنسية أو ببلد و الدليل انو خلال الحرب الأميركية على العراق تفاعل الناس و استهجانن كان قوي كتير ... |
اقتباس:
انا مابدي جرح بكلامي بس للي عم يعملو وللي عملو لسا اللي جاي من تحت ايديه افظع واللي هي مشكلة التطبيع مع اسرائيل شو بدك اكتر من هيك هلئ صارت اسرائل دولة صديقة هالتافه لك هاد واحد بدو محرقة نازية هو وكل مين بيحمل افكارو الساقطة وكلمة خاين ودنس نشالله تكون كفتو لانو بيستاهل اكتر من هيك |
اقتباس:
اول شي .. انا رديت على موجة جديدة من يوم حرب غزة .... مو عليكي تحديدا و ما شفت من نتائجها غير مكاسب انتخابية او مواقف سياسية تعزيزية ... خلينا نكون واقعيين اقتباس:
الموضوع الو علاقة و نص و تلت رباع كمان من كان التحالف الثلاثيني بحرب الخليج الاولى ... كان الاعلام ما يتعاطى مع اطفال العراق ابدا ابدا كنا محاطين ب 5 دول (ما حاجة نذكر الدول) ... فقط الاردن فتحت حدودها معنا ... مقابل اخذ نفط مجانا حصار غذائي دوائي علمي شامل ..... و العرب ما تذكروا يبعثوا صندوق باراسيتامول لاجل اطفال العراق .. و كان السبب الكبير اللي ادى الى موت الاطفال العراقيين عدم توفر ادوية الامراض المزمنة اللي كان ممكن تصلنا بكل سهولة ! و حتى جورج كالوي من عمل الحملة لاجل اطفال العراق ... وصلنا من الاردن... و كل الادوية و المساعدات كانت من الصليب الاحمر و منظمة الصحة العالمية و اليونسيف ... بس مو منظمات عربية ! بقا بلا بيع مثاليات مفرطة ... لان جريمة حصار اطفال العراق ... كانت بمشاركة عربية بالنهاية ... هي مو قصة اعلام ... هي قصة علاقات الدول مع بعضها و بهذاك الوقت كان التحالف الثلاثي العربي حبايب للعظم هذا اللي اريد اوصلو ... الاعلام يخدم المواقف السياسية ... |
اقتباس:
مابعرف شو المطلوب . خلص نبطل ننصر أي قضية عربية لأنو قبل هلا مادعمنا العراق ؟ . وكيف جزمت أنو يلي كتب هالشي أو يلي نقلو كان ضد العراق ؟ . واذا كان أو كنا ( مثلا ) غلطانيين بالماضي . مابيصير نصلح غلطنا ؟ . عدا عن أنو تشبيه الناس الضعيفة المحاصرة تحت الاحتلال . بدولة متل العراق أيام الحصار . هي يلي كانت صاحبة قرارها السياسي . وكانت تملك جميع أمكانيات الدولة القوية |
اقتباس:
المطلوب نبطل بيع المثاليات ... اللي يريد يناصر اطفال غزة ... يناصرهم بالفعل ... على الاقل الاكل و الدوا بدل ما يقعد ينتقد مبارك و غيرو ... لاجل مصالج سياسية بحتة ... و فاهم قصدي ... ! اقتباس:
بس انو كل هذا الحكي و فش الخلق لاجل مصالح سياسية .. بحتة ... و ما شفنا تيار عربي بهذاك الوقت يدعو لنصرة اطفال العراق ... في حين كانت الجزيرة و غير قنوات محلية تحكي على اطفال الشيشان و على اطفال البوسنة ... بس اطفال العراق .... مو مشكلة ابدا ...... خلي يموتوا من نقص الدوا و هذا الشي يعطينا خبرة عن كيفية تعامل العرب شعوب و حكومات مع القضايا ... اقتباس:
ما عم شوف تصليح مواقف ... لان مو واضح من الواقع على الارض .. ابدا اقتباس:
حقك .. ما شفت الشي اللي شفناه ... لان الاعلام العربي الفذ ما نقل 5% من الحقيقة ... كثير اطفال مصابين بالربو ... ماتوا بسبب عدم توفر السالبيوتامول كثيرين مصابين بداء السكري .. ماتوا بسبب عدم توفر الدوا سنة 1998 ... عملوا شجرة ميلاد كبيرة جدا ... فيها اسماء الاطفال اللي ماتوافي تلك السنة بسبب الحصار الدوائي لو العرب كسروا الحصار .... ما كان ماتوا هؤلاء الاطفال يوم ضربوا ملجا العامرية ... و الجسور و المستشفيات و حتى الجوامع ... ما شفنا رد فعل عربي (شعبي) .. ! |
ليش هيك ؟
|
دائما مقياسك بأي نقاش هو ديني أو قومي أو وطني ديئ . بتمنى أنو تكون نظرتك أشمل . وانو يكون المقياس يلي بتقيس عليه نقاشك وحججك . بيفيد وبناء . بدل مايكون العكس اقتباس:
أخر سطر أنت كاتبو . زعجني كتير . كل المظاهرات ومشاعر الغضب يلي قام فيها الشعب العربي مالها عندك قيمة ؟ . شو كان ممكن يعملو أكتر وماعملوه ؟ . الشباب يلي راح للعراق حتى يحارب فيها أول أيام الحرب . ويلي مات كرمالها . هاد كلو برأيك ماكان ردة فعل . جد ياحيف . أذا انت عم تقول هيك وفي ناس بتفكر متلك . ما تسأل ليش هيك عم يصير فينا . شو بدي الو لرفيقي يلي صار معو عجز برجلو بعد ما أنصاب بأول الحرب بشظية . بيئلك شخص عراقي ماشفنا ردة فعل ؟ جد ياحيف |
مشان ماحدا يحط موقفو الديئ وينظر على أطفال غزة أعتبرو أنو الأاطفال يلي عم يموتوا هنن أطفال البوذيين ببورما . ورئيس المجلس العسكري حارمهم من أساسيات العلاج ومسكر عليهم . وبنفس الوقت عم يعالج حفيدو بأرقى مشافي أوروبا . ويجيب جثمانو بطيران خاص . وبنفس اليوم عم يمنع قوافل طبية من الوصول كنتو بتدافعو عنو ؟ |
اقتباس:
مقياسي هو الواقع ... و اكثر شي يعكر مزاجي .. هي موجة المثالية العربية ... لانها عن جد غريبة عجيبة و اذا تتذكر اللي كتبتو يوم تناقشنا عن تركيا ... بس ما شفنا شي من تركيا غير التطبيل و التزمير لاجل انتخابات او مصالح اقليمية .. على العموم هذا مو موضوعنا بس ما اعتقد هذا المقياس الواقعي اللي انا متبنيه .. ضيق ! اقتباس:
اول شي ... شعب غزة جاع و نقص وقود و نقص دوا ... و انا من حكيت ما قصدت بس النظام السوري .. قصدت انظمة الدول العربية بشكل عام ... حتى العراق يوم غزة بعث عدة سفن لاجل غزة ... و اعرف النزام المصري عرقل دخول المساعدات ... بس على ما فهمت بألاخير (قد اكون غلطان) ... انو بالاخير دخلت مساعدات لغزة بس مع ذلك ظل شعب غزة جوعان ... قولك ليش بس قطر منها انطلق احتلال العراق و كثير مواقف معادية للعرب بقا دعم قطر لحماس او خالد مشعل ... لا يعني دعم لاطفال غزة ... ! و انا متأكد لو قطر دعمت محمود عباس ... كان هذا الحكي .. ما انحكى عنها و تغيرت اللهجة لان السعودية و الكويت قدموا اموال اكثر منها .. بس انت ما ذكرتهم ! اقتباس:
قلي عبدالباري عطوان ... محسوب على الاخوان المسلمين شي ؟ انا حكيت عن مكاسب سياسية اقليمية ... ينتج عنها تعاطف اقيليمي شعبي مع القضية الداخلية ... و ثاني شي حكيت عن تيار عربي عام بمختلف الاتجاهات صار لو فترة طويلة يحكي بنفس الاتجاه اقتباس:
رح اكون صريح معك ... كان الدش ممنوع بالعراق ... بس كانوا يبثوا تقارير نشرة اخبار الجزيرة ... كان اكثر من نص الوقت .. عن افغانستان و عن الشيشان ... (اكثر من الحكي على فلسطين) و كانوا يخصصوا جزء أصغر بكثير عن الحصار بالعراق ... و مو يوميا ... اما الاعلام العراقي كان اغلب الوقت يمدح النظام ... و بنفس الوقت كان يطلع عن الحصار و عن الاسرة العراقيين المحتجزين في ايران ... الحق يقال اقتباس:
اي كلمة حق ... ما قلنا شي ... بس دعم انساني يفرق عن دعم سياسي لصالح طرف دون آخر ... اقتباس:
سبحان الله ... اذا حكينا عن شي سياسي و مطالبة بدعم اكثر ... معناها انا صرت مؤيد الحصار على غزة ! ارجوك خلينا نبتعد عن سياسة التخوين .. لان هي سبب دمار العرب فكريا اقتباس:
مو بس الحكومات ... الشعوب تقدر تضغط على حكوماتها ... بشكل او بآخر اقتباس:
انا تحدثت عن جريمة ملجأ العامرية سنة 1991 بقيادة الامريكان ...... مو سنة 2003 و بوقتها استهدفت قوات التحالف بعاصفة الصحراء .... كل المنشئات المدنية من جسور و ملاجئ و مستشفيات .. ااما بالنسبة لسنة 2003 ... الشعب العربي بقياداته خرج للشوارع و هذا شي ايجابي جدا ... بالنسبة لصديقك .. انا احترمو و احترم بطولتو ... من راد يدافع مع الجيش العراقي ضد الاحتلال انا ما احب التعميم ... بس من سنة 2004 ... كثير شباب عرب جاءوا لتفجير انفسهم في الاسواق العراقية و الزرقاوي نفسو اردني .. و كثيرين عرب معتبريه شهيد الامة ... حتى قناة الجزيرة عملت اتطلاع انو 85% اعتبروه شهيد ... كيف تريدني اثق براي عام لشعوب ما تفرق بين المقاومة و الارهاب ؟؟ شعوب عاطفية جدا ... لذلك انا دائما يعجبني اقرا لعبد الباري عطوان ... كثيرا ! |
اقتباس:
كم مرة لازم اقول ... انا مو مدافعا عن سياسات مصر الاخيرة اللس ساهمت بحصار غزة .... و لكن ... الانتقاد ما رح يجيب شي .. و لا يسد جوع الاطفال |
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون