|
قوي قلبك........ماحدا ساءل؟؟؟؟؟؟؟؟؟
3 ملف مرفق .
طيب هلق اذا انا مقروق من واحد بروح بحرقلو سيارتو او بحرقلو بيتو او بخطفلو ابنو............
والاحلى من هيك انو روحو خروا .......يعني نهايتو مابيطلع منا شي فالصو........هيك صاير عنا ... بجوز البعض يقول عادي عادي نحنا مااحسن من فرنسا........والبعض يقول لك وصلت الشغلة لهون ...عنا عم يصير هيك شغلات......هي القصة ذكرتا هلق بمناسبة مرور سنة عليا.... بيوم من الايام كنت سهران بالبيت وكانت الساعة حوالي الاربعة الصبح واذ بيرن التلفون بعد مااسمع بخمس دقايق صوت طقة صغيرة وكان جيرانا عالتلفون بخبروني الخبر وبترك السماعة وبطلع عالبرندة وبشوف هداك المنظر الي بيجلط..........بحمل حالي عالسريع وبفييق العيلة وبننزل بنتفرج عالسيارة وهي عم تنحرق مع الجيران طبعا....ناطرين حضرة الاطفائية لتجي والله وكتر خير بعض الجيران صارو يكبو شوية مي والبعض التاني عندو طفايات صغيرة بالبيت بس مابيسترجي ينزلا .......يعني طفاية صغيرة كانت حلت الموضوع لانو متل مابتعرفو الطفاية بتعطي طبقة سميكة بتوقف انتشار الحريق يعني بعكس المي......المهم بعد مالتعن ابو السيارة وصلت الاطفائية ...واسفين للازعاج..... بعد الاطفائية بيجي دور التحقيقات الفدرالية عنا يعني متل مابتعرفو شغل تصوير ومعاينة العطل والضرر وجمع ادلة......واخر كلام... بس عفوا كانو ماعنا هيك شي نحنا..........المهم. حكينا مع الشباب الطيبة لحتا يجو وهاد يدلنا عااختصاص هاد بهالشغلة والتاني يعطينا رقم هاد لحتى حكينا مع قرايبنا ودبرا وشرفو لعنا بعد شي ساعتين....واسفين للازعاج... وشو قالولنا قالو رح نصورا اليوم ....يااما انتو صوروها بس مابتتحرك من هون لحتى تتصور السيارة بمكان الحادث (يعني الحريق) ولحتى يجي هاد تبع تشخيص الحالة يعني العطل والضرر ..... قلتلون انا رح صورا هلق فورا لاني بعرفون الشغلة بتمطلا شي اسبوع لتجي الكاميرا... رحت جبت الكاميرا من عند المصور وطرقناها الصور الي منزلون تحت ....بينما ابي راح ليجيب هاد ابو تشخيص الحالة..... والله جابو وصار يحسب ويضرب ويقسم وهو حاطط هالنواضير الطبية جبنالو عصير مشان يمخمخ عالحسابات........راح بعد شي خمس دقايق عيطلو المشخص للوالد واخدو عاجنب .... شال ابوي بعد كم كلمة خمسمية من جيبتو وعطا ياها وهو ماقبل قال الضبط بدو شي 2000 ليرة عالقليلة ابي بدو يخلص من رب هالشغلة مشان يشيل السيارة من قدام البيت يعني الساعة صارت 12 الضهر ولسى التحقيقات ماخلصت......واسفين للازعاج .... المهم بعد هالالفين حطلو شي كيلتين ضرر ...... ونزلنا السيارة عالوكالةشي الساعة2 الضهر وهنيك اشتغل البازار............... وملف السيارة انقع بالمي ونشربت ميتو ........ هو اذا بدي احكيلكون كلشي مابخلص لا اليوم ولا بكرا.....بس حبيت انقل شوية تفاصيل عن هالحالة..........واكيد كتير عالم بيعرفو الوضع وبدون يقولو وقفت عاهي يعني..... بس انا هيك تنح ....خلي العالم تتثقف...ومنشان اذا شي حدا مقروق من حدا خليه يعمل الي بدو ياه .....مابيطلع منا شي:وهي الصور السيارة:...... كيا سيفيا...... |
بجملة وحدة عوضكم عـ الله :( |
شو بدك يعني ما فهمت لا تواخذنا؟؟؟؟؟؟؟؟ بس مخيي فايت ببعضه اليووم؟!؟!
|
شو بدي............بدي سلامتك.........
بس انا عم فرجيكون شو الي بيزعج اكتر من حرق الاملاك....يعني بعتقد انو انا ماعم قولي بدي شي...............انتو اذا بدكون عملو الي بيريحكون .......قتلو ونهبو وسرقو وحرقو.... وفخار يطبش بعضو........الشغلة صارت شغلة مبدا وضمير.....بس شي اسمو امن ومابعرف شو.......هي الواحد بيعمل عملتو وبيروح بيسلم حالو منشان يعيش عاحسابون......هي اذا ماكحشو................ |
اهاااااااااااااااا اوك اوكي .......! فهمت عليك....!
|
اقتباس:
انو واحد مقروق منكم هوي يللي شعل السيارة ؟؟؟؟ و ما طلع من امرها شي ؟؟؟ شكلو مدعوم هاه عادي حبيبي .. رفيقي كان يأمن سيارتو بمكتب و بعدين اضطر ينقل ملفها ع مكتب تاني (لأنو صاحب المكتب التاني اتجوز اختو ... فخجل منو و امنها عندو) ... انبعص اخونا تبع المكتب القديم، قام سرقلو اللوحات:shock: و علق صاحبي 3 شهور بالمرور ما عم يسترجي يحرك السيارة |
يعني شوف يا حبيب...!
الي دهور وضعنا ووصلنا لهون انو.. كل ما يصير عن حد مشكله بيرفع التلفون بيتصل بحد تاني هاد الحد الاتاني بيقلو عندي ديبك ولو اقلا منا..الخ الخ... فبروح هالحد التاني..بيرفع التلفيون بدورو وبيتصل بالمعلم سندة ضهره والله صار معنا كذا و عطفك وكرمك وما بيرضيك تفشلنا وهيك..بروح المعلم وبيطرق الخط وما بخلي رب ولا دين الا وبسبوا لانو صار بهيك منصب..واكيد بدو يتصرف...تمى يفشل ابن ضيعته...! الي بدي وصله انو كل النااس بتفووت وبتسب و تلعن ابو العيشه وكيف انو الي عندو واسطه بيعمل شو ما بدو يعني بيحرق بيكسر وبيخطف مانو شايل حد من ارضه.... بس صدقني المسؤول اكلها اكتر من الشعب................! بتمنى تكون فهمت عليي...! |
الله وكيلك قصتك خرج مسلسل مكسيكي ............بس بتنحل .........اما الوضع عنا انو تضرينا نبيع السيارة للوكالة بنص سعرا............واشترينا وحدة جديدة مع تامين شامل.....يعني الخنزرة من وين ماكان بتطلعلك...........وبالنسبة للسيارة القديمة هي مانا شغلة سيكارة.....هي شغلة بينزين مكبوب عالسيارة كب...... والشي يلي بيحير انو بنفس الاسبوع نحرقت اربع سيارات كيا...
وبس كيا....يعني ماتبلغ عاسيارات من غير نوع......وكل السيارات حديثة وماكانت مامنة...... |
بس كيا............؟!
دخلك الكيا لاي بلد تابعه؟!!؟!؟؟! معلش انا غشيمه بالسيارات..! |
اقتباس:
و الشغلة مابدا شرح.... |
اي طبعا....
بس كان بدي وضح... انو حتى هالضباط الي بعض العالم دايما بسبوا عليهن...عليهم ضغوط وقرفانين حياتهم اكتر من الشعب...! |
اقتباس:
لك شو دخل مسؤول او شعب لك الزلمة احترقت سيارتو والتعن سلسفيل اسلافها وبتقوليلو محاضرة لعمة مين هالابن الحرام يلي عامل هيك؟ يعني أديشو مأذي وكلب يعني ممكن واحد متدايق متل ماقال كريم يسرق لوحة يبنشر دولاب بس يحرق السيارة لعمة شو انو واطي وابن حرام عن جد مابعرف شو قللك غير انك حكيت كلشي ومنيحة النصيحة لنبلش نحرق بيوت وسيارات اسمها الشغلة ضايعة طاستها او يمكن ما نقدر لانو يلي حارقها اكيد حدا بيقدر يحرق |
شو يعني كمان الظباط مو عاجبن شي شو هل صرعة ..........لكن مين الي عبخبص............حمام و مقطوعة ميتة
|
اقرا ردي منيييييييييييييييح بتفهم عليي...........!
|
ولله فهمت عليكي
هل البلد بدا رستارت و دليت و تنصيب برامج جديدة |
اقتباس:
|
لا ضمير ولا غيرو
والله انا لو كنت مكانك وشفتو كنت ربطو بالسياره وهي بتنحرق. انا بعرف انك ما شفتو .بس لازم الشرطه تمسكو لانك بتقول ان في 4 سيارات من نفس النوع اتحرقو...............................شكل الموضوع فيه كلام كبير |
اقتباس:
|
| الساعة بإيدك هلق يا سيدي 03:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون