شجاعة نادرة من امرأة حرّة
 

شعور غريب هو شعور المرأة التي يكاد الحجاب يلتصق برأسها و شعرها من كثرة ما ارتدته ، و لكن الشيء الذي يدعو للدهشة هي امراة تحررت من هذا القيد الذي تضعه على رأسها و تكاد تكون أسيرة نفسية له منذ صغرها ، قبل يتكون الوعي الإرادي لها ، فالت لي إحدى نساء حلب و أختها تسكن خارج سوريا في بلد خليجي حضاري ، أن اختها خلعت الحجاب بعد أن ارتدته 30 عاماً ، و أنها صبغت شعرها بالأصفر و أنها واجهت موجة الانتقادات من زوجها و زملائها بالعمل بشجاعة و جرأة حتى تعودوا بعد فترة على مظهرها الجديد ، و عندما سألتها كيف رأتها و ما هو التغيير الذي طرأ عليها ، قالت لي أحسستها ازدادت اندفاعاً في الحياة و أنها باتت تحس بالهواء يداعب وجهها و شعرها و أن ثقل رأسها قد خف و أنها مرتاحة نفسياً بعد أن تحررت من الحجاب بعد هذه العقود من ارتداءه .. فما رأيكم بهذه الشجاعة النادرة

ومسميها شجاعة ؟ فيك تقلي وين الشجاعة ؟

لا أظن ذلك - و لو كان حب بالظهور فقط لفعلتها في سني المراهقة و الشباب المبكر و ليس الآن في أوائل الأربعينات .. أظنها ناضجة تماماً و اتخذت القرار عن وعي و إدارك و تصميم .. .

أنا عندي قصة معكوسة بظن هي الشجاعة ........حتى مابعد بوصفلك شعور أمي وهي ترتدي الحجاب بقناعة بعد سنوات طويلة من العيش في الغرب وارتداء القصير وماشابه وبمقارنة صورها تلك الأيام مع وضعها الأن بحسها عندها راحة نفسية كبيرة ووجهها مشرق منور وهي التي كانت حتى تمارس التزلج على الجليد ولكن حين تسألها تجيبك بأن السعادة الحقيقة هي نور الايمان .............

لهلق ما شفت وين الشجاعة ووين الحرية؟؟؟

يعني هلق اذا كان الحجاب قيد وشي عم يخنقها من تلاتين سنة فانا بعترف انها انسانة مو عرفانة وين الله حاططها لانو اذا شقفة هالحجاب بدو يقيدها فهي اصلا ما بتعرف الحرية والحرية عمرها ما كانت مؤطرة فيه بالعكس الانسان الممندفع المتحمس للحياة ما في شي بقيدو....

ولا تعليق على تعليقاتك عالردود لانها ترد على نفسها

طبعا الحجاب هو قيد و قيد ثقيل أيضاً ، بسبب أن الحجاب يضع المرأة ضمن فئة معينة من المجتمعات ضمن حيز لا يتعدى أطراف هذا المنديل التي تلف به رأسها و تضطر لارتداء الملابس بالأكمام الطويلة و تغطية جميع أجزاء جسمها بعناية و التزام أسلوب جديد من الحياة مفروض من قبل الأخرين فأين الحرية و الاندفاع إلى الحياة إذا كان الكثير من الأمور محرمة عليها بسبب أن شعرها و جميع أجزاء جسمها ( أكيد كمان هون منلاقي اختلاف بين الطوائف على هي التفاصيل ) كلها عورة و اختلاطها مع الشباب و ملامستهم حرام و لا تستطيع التصرف بحرية دون أن تتذكر أنها أصبحت الآن ملتزمة فأي تصرف منها سيكون ضمن حدود قطعة القماش هذه التي لا تتعدى كونها قماشاً بالظاهر و لكنها نمط جديد من الحياة المفروضة .........!!!

فأين الحرية( التي تدعين ) تحت هذا الحجاب ؟؟؟؟؟!!!!!!!!!

و مشان الله علقو على الردود أو قولو إنو ما منقدر نرد بكون أحسن من (((( لا تعليق )))):pos:

قيد وقيد ثقيل كمان!!!!

طيب يا اخي انا عم احكي عني عأقل تقدير انا بنت محجبة بس بالعكس لا بشعر باني مقيدة ولا ما يحزنون يعني اذا بتشوفوا انو نحنا مثلا مقيدين بلباس معين فانا معك الا اني بلبس وبقمة الاناقة وحتى لو اني مو محجبة ما رح البس مثلا بناطيل ديقة وملابس رح بتكون تصرخ انها بدها تتنفس لا ابدا رح بيكون لبسي نفسو يللي مع الحجاب لانو ما بعتبر المحزق والقصير لبس ممكن البسو لما اطلع فيعني بالحجاب وبلاه ما في قيد عاللبس وبالعكس كتير الموضوع مريح,,,,
وهلق معنى الحرية شو بنظرك؟؟؟يعني انا بالنسبة الي ما بشوف انو الحرية بانو سلم عهاد واضرب كف مع هاد الحرية كتير اسمى من هيك والحجاب ما بفرض انو مثلا ما اختلط بالشباب لكن بيخلي اختلاطي معهن بحدود وبيخليه مؤطر ضمن علقة ما بتشوبها شائبة....
انا رح عيدها مرة تانية الحجاب مو كبت للحرية لانو الحجاب مؤطر مو اكتر...والحرية يللي انا بدي ياها عمرو الحجاب ما بيحرمني منها لانو الحرية مو قصة لبس وتشليح وهاي نظرة قاصرة للحرية....الحرية هيي انو تكون قادر انو تتصرف بمصداقية وتكون على درجة من المسؤولية وتكون قادر ترفض وتقبل بدون ما تكون مهدد او خايف

وعالهامش انا لو خيروني البس حجاب واخلعو ما رح اختار غير اني البسو ....
وبالنسبة لحكي لويت مان انو الوحدة لما تكبر بتكون متزنة وقادرة تختار وتعيد التفكير بكتير مسلمات فانا معو بس مو تكبر يعني يصير عمرك 30 سنة هاد مو صحيح والا لما يكون عمرا 20 سنة ما عندها عقل قادر انو يفكر ويطلع بنتايج ؟؟؟وبالعكس لما تكون بالعشرينات بيكون حس التمرد والرغبة بالخروج عن نمط الحياة اكبر فيعني كلام مردود عليه انو التلاتينات والاربعينات عمر الواحد ممكن يغير فيه المبادئ يللي معتنقها

طالما صارت أسعد بخلع الحجاب ..... معناها كانت مجبرة ( ولو اجتماعياً )على ارتداءو
و خلع الحجاب يعتبر تمرد على القيود الاجتماعية ..و أكيد هيك خطوة بدها شوية شجاعة





بكل الاحول ....كتير مهم الانسان يعمل يللي مقتنع فيه

حاولة ان اقرب له الفكرة مرتان

ولكن اظننا مختلفان جدا

قمة الشجاعة هو ممارسة ما تقتنع أنك ناقص بدونه

فخالعة الحجاب
ومرتديته عن اقتناع في الشجاعة سواء

يسلم تمك سراب

هلا المحجبات هنّ اللي بيحكمو اذا كنّ احرار ام لا و اذا كان الحجاب مقياس لحريتهن ام لا
و انت جبت مثال و احد من المجتمع و حكمت انو الحجاب مقيد للمراة المسلمة...و كتبت موضوعك على اساس هالمثال و لغيت كذا مليون من آراء المسلمات المحجبات
و بعدين بظن ان الحرية في الفكر و التصرف بغض النظر عن الشي الي بلبسو ...يعني الحرية بتتجسد ان كنت لابسة حجاب او لا...
اما عن التصرف مع المجتمع و ان الحجاب بيلغي حرية التصرف بتكون غلطان كتير...لانو هالتصرف يكون حسب شخصية الانسان...في ناس منفتحة عالمجتمع و بتتصرف بحرية...والعكس صحيح

عالعافية شباب وصبايا:ss::ss:
يعني انا والله من ساعة ما قريت العنوان لفت نظري ,, قلت لفوت واشوف شو هالمراة الشجاعة , يعني اتخيلت وحدة عاملتلها شي عملة انو هيك مفخرة . انو اشي خارق يعني ,, بس وحياتكم ما لقيت , على فكرة انا الي زمان مشترك بالاخوية وما شاركت بشي رد من زمان بس انو هلكت انو الاقي شجاعة ومش عارف ايش ونادرة كمان
انو مش راكبة يعني :sick:باختصار والله يا عمي العنوان كبير على هاي الشغلة اللي عملتها المرة , يعني لبست حجاب وخلعت حجاب , انو هي حرة يعني ,, يعني ما هينا بنشوف على مواقع الموضة وعلى هالفضائيات ناس بتلبس وبتخلع كل يوم وما حدا جايب سيرتهم , فالله يرضى عليكم لا تواخزونا يعني بس انو والله ما لقيت شجاعة ولا حتى لقيت نادرة كمان ,
تصبحو على خير انا فايت انام

الكاتبة السعودية سمر المقرن .. إحدى آلاف النساء الشجعان بالمملكة