غرامة التأخير بتأجيل خدمة العلم
 

أنا صارت معي مرة تأخرت عن تأجيلي سنة..........بس هلق بطريقة القانونية ما بعرف كيف بتنحل......بس من تحت طاولة......كلفت كلها عا بعضها شي 2000 ليرة سوري فقط لاغير.
وفهمك كفاية عزيزي
هاموش: هاد حكي من خمس سنين........يعني حسوب فرق العملة من يومها لليوم:o

يا زلمة شو 2000 ليرة الموظفة يلي عالشباك بتلهط 5000 لحالها بدك تنتها ب 2000
أنا سؤالي عن الغرامة النظامية يلي فيها مرسوم تشريعي لأنو مالي مضطر ادفع رشوة لحدا بما انو أوضاعي بتنحل قانونياً ولهاد السبب أنا عم اسأل لأنو ما بدي ادفع رشاوي وبنفس الوقت مابدي جماعة الشعبة يستغلوا الوضع مشان يحطو شي بجيبتون
على كل حال شكراً الك :D

لازم تراجع السفارة السورية ضروري متل ما حكى ابو طريق , والأحسن خلي الأهل يسألو
شخص بيشتغل بشعبة التجنيد تبعك , ولازم تسأل بالمطار مشان
ما يكون اسمك نازل ويمسكوك , وياخدوك فورا عالجيش .
عالهامش : الله يصلحك حدا بينسى هيك شغلة ؟؟؟

هلأ السفارة السورية مابتعرف شي عن الغرامة ولما تسأل بشعبة التجنيد مابيقلولك قديش الغرامة الواردة بالمرسوم بيشلفوا أسعار على كيفون

أما موضوع ليش متأخر محسوبك طالب دراسات عليا وقبل ما يطلع مرسوم السيد الرئيس ب 1 أيار الي لغى فيه موضوع الإشراف كان ما بيحقلي أجل على إني طالب بيحقلي أجل على إني مغترب بس ووقتها كنت أصلاً بسوريا بس هلأ بعد المرسوم صارت الأمور أهون بس صفي مشكلة الغرامة على كل حال كتر خيركون :D

roo7 yaraab yolooktook bil mataar :clap:

صديقي سالنالك واحد صاحبنا ( 6 سنين تأجيل دراسة / داخلي / .. وصرلو 4 سنين متخلف ... يعني خبرة تمام :lol: )

المهم الغرامة عاللي عميدرس بقلب البلد غير مكلفة بتاتاً .. كل شهر بحدود ال 500 وان شقت حالها 1000 ازا بدو يبلع صاحبك .. بينما ازا كان الطالب عميدرس برا فانو بدها تكلف حبتين ... عندو صاحبو ( مانو متذكر قديش تأخر عن التأجيل ) بس دفع بحدود ال 30 الف ...

لكن ماني متأكد تماماً من هالحكي ... من هلئ لبكرة بجبلك الخبر اليقين قديش بالزبط / قانونياً /

لا تذكرني دخيل رجليك
يلعن ربن شفطوا مني 9960 ليرة عدا ونقدا متل ولاد الحرام

من هون لوقت انزل بتكون انحلت القصة ان شا الله مشان هيك مبرد قلبي النزلة الجاية عالميلاد ففي وقت :larg:
كتّر خيرك, وبتخدمني مزبوط إذا بتعرفلي اشقد (قديش يعني) دفع مابحب الرشاوي والسلبطة لأنو :D

الشعبة تبعي كتير بلهموطية وبيعبدو المصاري, يعني زلمة وحيد لأمو وأبو وين المشكلة إذا تأخر بالتأجيل اسبوع والمشكلة إذا ما دفعت متل ما بدهون بيصيرو بيهلكوك روح وتعى وطلبات مالها علاقة بس كرمال تدفع
أما من أولها بتفوت لعندون وبتعرف قديش لازم تدفع قانونياً بدون سلبطة ساعتها إذا حاكوك شي ضغري بتقلون مرسوم جمهوري وانت واثق من كلامك فما بيسترجو يتلحفظوا.......
الله وكيلك رئيس هالشعبة والموظفة إلي زاتتها عالباب شغل مفاصلة يعني بتوفي وما بتوفي, وبإعتبار راسمالها غالي عليهون فبدون حبتين زيادة :o

لا يا معلم ما القصة عندك بالشعبة
القانون رئاسي طالع المتخلف عن تقديم أوراق انه وحيد حتى لمدة يوم واحد وما فوق رح يدفع الـ 9960 ليرة .. بنيما بالبنك المركزي وبجيب الوصل وبيجي .. يعني القصة ما بنوب رئيس الشعبة منها ولا فرنك

اللي بيبعص اكتر شي انه المعاملة اكتر تقريبا 6 أشهر لبين ما قدرت ارجع أسلتما !! وبالأخير انا اللي بدفع مخالفة التاخير !!

هي تاني مرة بلحق حالي قبل ما اكتبلي شي سبة بالرد
يلعن ربن على هيك قوانين وعلى هيك بلد .. المعاش بالليرات والضرايب بالآلافات

أبو طوني ثق تماماً لو في وصل رسمي بالمبلغ ما بفتح تمي بس الحكي يلي عم قلك ياه الدفع بيتم بالشعبة بس يعني مو بالمركزي

هلأ انت مو المفروض يكون تأجيلك سهل بما إنك طالب بجامعة حلب يعني ما المفروض تتأخر فيه وتدفع مخالفات إلا إذا انت متل حكايتي بتستنى للأخير وبعدين بتصير بتركض ما بتلحق :o

يلعن دينكن .. شو مشان انا صار لازم اعمل معاملة التأجيل

:shock:

وشو مشان لازم طالع هويّة ..


يلعن حظي

نعم صحيح هالكلام .. المخالفة 6300 و بدك ترشرش شوي عاليمين و عالشمال ..

بتدفعا لمرة وحدي نتيجة تأخيرك عن التأجيل .. و بتطوّل المعاملة شهر تقريبا ً ..

و بتقدر أزا بتعرف حدا بالشعبة يعملك التأجيل بتاريخ سابق ( عملية تزوير صغيرة و بتدفع نص مبلغ المخالفة ) بس بدا حركة فنيّة صغيرة .. :p