|
حكي فاضي
ملاحظين قديش في بحيكنا شي بلا طعمة ؟
يعني كيفكن شو اخبارك انشالله بخير الو صباح الخير مساء الخير صحة وهنا وبنرجع بعدها كيفك  وفي اسالة لسا بيجو عالعصب وبيعملو وجع راس مثل فيك شي صاير شي حاسك مكتئب هاد غير اذا بدها العالم يكون مناح معك لما بتكون واقعلك بشي مشكلة ساعتها بتشتي عليك عبارات شد حيلك يجعلها اكبر المصايب الله يكون بعونك ولايهمك ياجبل ميهزك ريح ... ولو طولت عليكن لسا في هي العبارات الالاوييه الي ما لقيتها بكل اللغات العالمية والكونية متل الله وكيلك  !!!يعني كيف الله وشو وليش الله وكيلك ومين انت حتا يكون الله وكيلك لو كان وكيلك يعني شو بدو يعملك ما انت والي الله ووكيلوو تنيناتكن عالاغلب مابتعرفوا الله ...روح الله لايوفقك  هاي اكيد سمعانينها او حاكينها وهيك طالعة من قلبكن تمام!!طيب بالعادة الي بيقول هالعبارة هوه الي الله ماوفقوا علي ايد واحد من عباد فكيف لسا بدو الله يرجع مايوفق...يعني معقولة بيكون الرب خوزقك بخازوقوا الارضي ومن ثم بيرجع بينجر لخازوقو خازوق  ؟؟؟القصة بدها منطق ياجماعة  بنهي الحكي بكلمة يمكن هيه الاجمل بالدنية يعني من الصعب كتير ان بتكون في بكل القاموس شي اجمل منها والي هيه بحبك(وهاي بلاسمايلي ) يالله شو بتجنن هيك كلمة صغيرة بس غير شكل وبعد شوي بتصير بدك تسمعها كتير بس ضعانة رغم صغرها نادرا ماتنحكا وعالاغلب اذا ما انحكت فوراها قصائد شعر عامودي ماعم بفهم شو دخل الشعر العامودي ببحبك عفكرة اذا اختصرنا هالعبارات من قاموسنا اليومي بنلاحظ ان نحنا فينا نختصر مالايقل عن 40% من عمرنا ...الفاضي اصلا صحيح كيفكن اليوم :deal: |
اي صحيح بوافقك الرأي بس كمان دعما للرصيد يللي كتبتو بدك تختصر كتابات لا بتقدم و لا بتأخر
|
اقتباس:
|
مابعرف . كأني حاسك مكتئب . صاير معك شي ؟
واذا صاير معك شي .. فا شد حيلك والله يكون بعونك . وياجبل مايهزك ريح . روح الله يوفقك . |
كانو شغال السبام عالمزبوط؟
شفتو مشاركه بلغو عنها ...بلغتو عنها ما عاد فيي داعي تقلبو الموضوع ماسنجر ... :x هاد تنويه شفوي المره الجاي بتتكرر في مخالفه ... شاكرين حسن تعاونكم والله :D |
:shock::shock::shock:
اي والله معك حق الله وكيلك انا انصرعت كمان:o اممي جرب شي مرة تستغني عن هيك عبارات وخبرني شو بتصير تحكي بعدين لك انا بعرف ناس ملحدين ولابيامنو بالله وبعد كل كلمة بيزتولي الله بالنص هي لغة مخزون حضاري وهي العبارات ماعمرها يوم وتنين وكلمة بحبك يمكن بتختصر كتير اشيا بس تخيل انت بعزا ابو صاحبك واجيت قلت لصاحبك بحبك وبس اي والله بفكروك مابعرف يعني:o على كل بحبك روح انبسط |
اقتباس:
الله یجبر بخاترک :cry: |
الناس يسألونك اسئلة غبية..ويجبرونك للاجابة عليها..باجوبة غبية مثلها..،فهم يسألونك كم عمرك؟..ولا يسألون كم عشت من هذا العمر..؟..ويسألونك ماذا تعمل..؟ولايسألون ماذا تود ان تكون..؟..ويسألونك هل تصلي..؟ولا يسألون هل تخاف الله..(مقتبس عن حوار بمسلسل ..)
انا اللي يخنقني اكثر من الحكي الفاضي ...هو الزيف.. وهذا العالم اللي تصمد بيه الاكاذيب..وتعمر عصورا..فوق اطلال المصداقية.. بالوقت اللي تتهاوى بيه الحقائق..وتتمزق المبادئ..تحت انياب الزيف.. تقبل مروري..رفيق:D |
و كمان متل الأسئلة يلي بتنسئلها يلي ما بتودي ولا بتجيب
متل إنت هون (بتكون إنت قدام الزلمة يلي عم يسئلك) شو إنت عم تحكي عالتلفون (بإيدك السماعة) شو وصلت ( عم يتصل عالبيت بعد مايتذكر بنص ساعة) . . . . وكتير متل هالأسئلة |
هلق جايي يا صديقي يا اممي تغير عادات لسانية ولغوية دارجة عمرا مئات السنين
يعني بيجوز يكون حكيك فيه شي من الصحة اذا بدك تقيسا من وجهة نظرك لهل اشياء بس لا تنسى انو في غيرك بالمجتمع مولع التكلف والنفاق الاجتماعي او المسايرة لهيك ما فيك تقيس المجتمع من وجهة نظر وحدة احيانا هالزيادات بتعطي رونق وصحة افضل للجملة مثال انت ما شي بالشارع وبدك تسأل عن الساعة ما معقول توقف حدا وهيك خبط لزق تقلو شو الساعة يعني الشغلة بدها اذا بتريد لو سمحت او ممكن تتكرم علي............. :larg: |
اقتباس:
اكيد هلق في فرق مابين الزوق وبين الحكي الفاضي يعني كلمة شكرا او لو سمحت او بعد اذنك هاد بيعتبر شي من الزوق بس يعني شو معناة ان حدا يسالك كيفك 4 مرات خلال دقيقتين او متل ما حكا سوري2008 انت هون او في كلمة طالعيلي فيها رفقاتي عن جديد الي هيه دير بالك علي حالك لا يعني عم تتخيل شب بيبعتلك رسالة قصير علي موبايلك من الشام علي المانيا ان شو يابا دير بالك علي حالك !!! ان كيف يعني دير بالي علي حالي وهاي تعتبر من قاموس النصايح والطلبات ولا شو :pos: ملاحظة :حاسس حالي جفص كتير هاليومين مابعرف ليش |
اقتباس:
هديك اليوم بالتكسي .. عم قلو انا بكل احترام لو سمحت عاليمين ..اذا بتريد عالشمال .. ولا عليك امر الدخله الجايي عاليمين .. قام اطلع فيي الشوفير لورا وقلي " صرعتي راسي لو سمحت واذا بتريد ..قولي يمين وشمال وسكتي " طبعا انا صرت هيك :shock:قلتلو طيب :cry: |
اقتباس:
اما بالنسبة للموضوع برجع بكرر نفسية الشخص هيي اللي بتحدد هالشي وبس في ناس تتقبل:lol: وناس لا :frown:وناس تنصح:x وناس بتجلط:adal: ................:deal: |
اقتباس:
وكمان وقت يشوفوك طالع من الحمام شو هيئتك تحممت؟؟؟ >>>لكان شو كنت عم بعمل؟؟ عم كش حمام؟:frown: |
حكيك مزبوط;)
|
بس أحلا شي لما يكون شي واحد نايم وتروح تفيقو وشو تقلو........... شو نايم ولا فايق
ههههههههههههههههههههههههه ههههههههههههههههههههههههه هههه |
على اولتك اممي
حكي فاضي |
| الساعة بإيدك هلق يا سيدي 20:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون