|
اكتشاف كوكب يدور حول نجمه في أقل من يوم
رصد فريق علماء فلك دوليين كوكباً يزيد حجمه بعشر مرات على حجم المشتري ويدور حول نجمه خلال أقل من يوم، على ما كشفت دراسة نشرت أمس الأول ويواجه الكوكب واسب-18بي ، الذي يكمل دورة كاملة حول نجمه خلال 49 يوماً أرضياً، خطر السقوط بسرعة كبيرة أي في غضون مليون سنة، على نجمه البالغ مليار عام، وفق علماء الفلك الذين رصدوه. وقد فوجئ العلماء من فترة الحياة القصيرة المتبقية لهذا الكوكب، والتي لا تمثل سوى واحد من الألف من فترة حياة نجمه ، وفق الدراسة التي نشرت في مجلة نيتشر العلمية البريطانية وتساءل هؤلاء العلماء عن القوة الفعلية لآثار المد والجزر التي يجب، وفق حساباتهم، أن تكون هي المسؤولة عن هذا الاصطدام السريع.
لقد تمكن علماء الفلك حتى الآن من رصد 375 كوكباً خارجياً، لكن خصائص كوكب - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لجهة حجمه المترامي وقربه الشديد من نجمه وما يتتبعه ذلك من آثار مهمة على حركة المد والجزر، كل ذلك يثير حيرة كول هيلييه وزملائه من جامعة كيلر في بريطانيا.وذلك لأن هذا الكوكب قد يكون أول مشتري حار يدور حول نجمه خلال أقل من يوم. وتنطبق فئة كواكب المشتريات الحارة الواقعة خارج المجموعة الشمسية على الكواكب الكبيرة الحجم على غرار كوكب المشتري الشمسي، والتي تتشكل بعيداً عن نجمها قبل أن تنزح باتجاهه. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
عظيم هالكوكب الأنتحاري
السنة الماضية بعتو أقمر صناعي مخصص ليكتشف كوكب ممكن تتحقق عليها شروط الحياة ليشوفو اذا في كواكب متل الأرض بركي شي يوم بيلاقو شكرا عالخبر .:D |
اقتباس:
يعني حتى نقدر نكتشف كوكب لازم كوكب كبير الكتلة.. وقريب من نجمو نوعاً ما والسبب: إنو طريقة الاكتشاف غالباً تقوم على اكتشاف الأثر الثقالي للكوكب بالنجم تبعو (وهالأثر باااااااااااااالغ الضآلة.. بالمناسبة هي بتشبه الأثر الثقالي/الجذب اللي بتطبقو دبانة على بناية!) من هيك.. كلما كان الكوكب أكبر.. وأقرب لنجمو.. بيكون اكتشافو أسهل |
اقتباس:
انو من شبه المستحيل مسح مليارات الأنجم اللي بمجرتنا لنكشف عن هيك كوكب بس بعتو السنة قمر صناعي مختص ليلاقيه الكوكب اللي بحجم ارضنا و بيوقع بالمنطقة اللي بتسمح لوجود الحياة لشوف اذا منزل موضوع عنو بهالكم يوم .:D |
اقتباس:
يا سيدي حكيك مزبوط حتى يكون في احتمال وجود حياة على كوكب.. لازم يكون عم يدور حوالين نجمو ضمن منطقة بيسمّوها (حزام الحياة) يعني ما يكون كتير قريب ويحترق (متل عطارد مثلاً).. ولا يكون كتير بعيد ويتجمّد (متل زحل وما بعدو).. ولازم يكون كوكب أرضي/صخري (Terrestrial Planet) حتى يكون في حياة متل اللي منعرفها.. خوش هاي أهون اكتشافها.. خوش ممكن تلاقي عليها مي (والقاعدة بتقول: وين بتلاقي مي.. فكّر بالحياة) بخصوص التلسكوب.. بذكر قريت عنو (كان شي أوروبي فرنسي) مو؟ |
اي والله
و متل ما قلت بيدور بيمسح النجوم بالمنطقة المسماة حزام الحياة ليشوف اذا الها كواكب بهالمدى بجوز اليوم جيب المعلومات الكاملة عنو عالتيسير .:D |
اقتباس:
كمان فكرة ع حكيك فوق (صعوبة مسح مليارات النجوم) هاد يا سيدي أول عالمين اكتشفوا كواكب تانية خارج المجموعة الشمسية هني (بول باتلر + جيفرسي مارسي) سنة 1994 (إذا ما كانت ذاكرتي محششة).. الفكرة بالموضوع.. إنو هالعالمين لوقتها كان عندهن معلومات رصدية بكميات هائلة.. وما كانوا لسا محللينها.. وفجأة تيسّرت معهن القصة بكام كومبيوتر مرتب.. فـ قدروا يحللوا قسم من الداتا اللي عندهن.. وإذ.. كرّت المسبحة على اكتشاف الكواكب.. فـ الفكرة اللي قلتها مهمة جداً.. حتى لو كان عندنا أدوات تقدر ترصد وتمسح آلاف أو ملايين النجوم.. بدّك عقول تقعد تحلل هالمعلومات الرصدية وتفهم شو فيها.. وإذا ممكن تلاقي فيها شي من هون قام العلماء بـ مشروع سيتي (البحث عن حضارات عاقلة غير أرضية قادرة على الاتصال) بعد ما صار عندهن كم هاااااااااااااائل من المعطيات الرصدية الراديوية.. لجأوا للاستعانة بهواة فلك بكل أنحاء العالم.. وتوزيع برنامج كومبيوتر صغير.. وتزويدهن شيئاً فشيئاً بمعطيات حتى يقوموا بتحليلها وإرسال النتيجة.. |
اقتباس:
يا سيدي علواه يكتشفو شي كوكب او حضارة اذا بيلاقولي شي كوكب لحالي....... لحتى نقيلي شي طيرة :sosweet:و شمع الخيط و أهرب أنا و ياها عليه حاجتني بقا بهالكوكب التعيس:cry::frown::pos: بشرط ينسولي هالكوكب بعد ما يكتشفو:pos: |
اقتباس:
ممكن تكون مرتبة هه.. طيرة بتطير عنجد.. وإلها عيون كبار.. وراس ضخم (متل ET بفيلم ستيفن سبيلبيرغ) :) وإذا حظّك خدمك.. ممكن تكون هالطيرة بتشرب ميتان سائل.. وعليها ريحة.. شي بيمجّد الخالق (يا محلى الهنود مقابيلها) شو قلت عمي دارك؟ نقرى الفاتحة؟ :) |
اقتباس:
بس اذا صار و لابد يعني و اكتشفو الكوكب بنقيلي شي واحدة متل تيفاني تين:hart: و بشد الرحال و وقتها بقللك اقرا الفاتحة و البدك ياه كمان .:D |
| الساعة بإيدك هلق يا سيدي 21:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون