|
السيستاني يحرم مشاهدة نور وسنوات الضياع
كما كان متوقعا تدخلت أخيرا المؤسسة الدينية الرسمية في النجف الأشرف لتضع حدا للإقبال الكثيف والمتصاعد الذي حظي به المسلسل الدرامي الشهير "سنوات الضياع" ووصيفه "نور"، بعدما اجتاحا الوطن العربي من المحيط إلى الخليج وحققا نجاحا لافتا في الوصول لأكبر شريحة عربية. تدخل الفقيه الشيعي السيستاني أخيرا، مستخدما كل ثقله الديني والكهنوتي ليحسم الجدل الساخن الذي ما انفك الإسلاميون يثيرونه بسخط وتذمر وحنق شديد من كل الأوضاع المزرية التي وصلت إليها جماهيرنا العربية، وهذا بالطبع حسب توصيفهم.
السيستاني وفقا لأحد شراحه لم يكتف بتحريم المسلسلين المدبلجين الآنفي الذكر بقوله: "مع اشتمال هذه المسلسلات والمسرحيات على لقطات غير شرعية وغير أخلاقية -التي لا تخلو منها غالبا- يحرم النظر إليها مع التلذذ الشهوي أو خوف الوقوع في الحرام، بل الأحوط لزوماً ترك النظر إليها وإن كان بدونهما"، والأحوط لزوما هنا يفسره الشارح الشيخ صالح الجدعان بالقول بالحرمة أي حرمة النظر لهذه الأعمال، لم يكتف السيد السيستاني بهذه الفتوى الصريحة والقاطعة، بل راح يعمم الحرمة لكل الأعمال التلفزيونية الملهية -حسب وصفه- لما تحتويه من مشاهد مخلة بالأدب ومنافية للأخلاق والأحكام الشرعية. ولا تجوز أيضا مشاهدة تلك الأفلام التي يمثل فيها النساء السافرات والخالعات (غير المحجبات)، وغير ذلك من أمور يحظرها الدين، مما يعني عمليا مقاطعة كل عمل درامي، وكل مشهد تمثيلي يبث على شاشات التلفزة، فيما خلا القنوات الدينية التي تبث الأعمال التي تحرص على الأخلاق وتراعي الحجاب وتلتزم به، أي تلك القنوات الإسلامية المنخرطة في الوعظ الديني على مدار الساعة. العربية.نت |
.. كيف بدنا نصير بشر ما بعرف ...
واحد ساواها محاربة الله ورسولة .. هادا على امرّ حرّم التلفزيون والمسرح كلياتو فوت على موقعو وشوف الفتاوي يلي مأفتيها .. قال حرام تلعب مع الكمبيوتر شطرنج او بلياردو .. وشغلة يلي بصلحو الدشات كمان شغلة حرام .. والخ من الفتاوي الغريبة والعجيبة |
اقتباس:
وأحلى شي بيجيك ناس بدهون الرابط مشان يتأكدو من الخبر على أساس هي أغرب فتوى بتطلع منو أو من غيرو... عم نتجنى عليه يا حرام :lol: |
اقتباس:
بطّل في عنا فن رابع متلي تالت مدري خامس ..المهم راح الفن خلص ... شو مشان فتاوي هالايااام؟الله يستر بقى ناقص بس يقولو شو لازم نلبس و ايا لون و شو نوع معجنات ناكل و كم شفة قهوة بدنا ناخد شو هاد يا ... بس المسلسل ما فيو شي غريب علينا اي هالمشاهد عم نشوفا برا و عادي ...كمان بدها الطلعة برا تتحرم علينا و حرام نطلع برات البيت ؟؟؟ |
بشرفي مسخره ومهزله كل يوم والتاني بيطلع واحد بيحرم شي .....
بتقول مافي شغله بهل الدنيا غير هل الحكي الفاضي ..... شي بيقرف يا ...شي بيحرمو مسلسل مع اني مو متابعتو ...شي بسمع حرام الواحد يحوي قطط وكلاب بالسعوديه ..شي حرام اكل السمك الصافي ... وحرام المرأه تقعد ع الانترنت بدون محرم .......شي بكفر روحو ولو مهزله ومسخره ..يحلو عن ربنا يااااااااااااااا |
يا حرام... معقولة هاد يلي شاغلك شيخهم؟؟؟
بس الصراحة بعد كلشي مسخرة سمعتو عن هلمسلسلين... ما في اسخف من هيك... قنبلة الموسم يعني... لاء وآل شو بعد في جماعة عم تحرق اعصابهة علية... :lol: |
ماشالله ...
المذاهب اختلفت عنا ع كل شي ..... و اتفقت ع تحريم سنوات الضياع بالفعل مسخرة |
دستور يا حاضرين ..
حاجي أطعتو شعور بعض .. مصدر الخبر واضح العربيّة اللي بدها تقراه تروح عا العربية نت و أنتهت القصة .. |
اقسم بالله لك انا ماشفت أكتر من هالمسخرة بهالمسلسلين لك أضرب من المسلسلات المكسيكية صارو يعملو الاتراك
ماعلينا ... بالله سيد سيستاني مع احترامي الشديد لمكانتك الدينية والفقهية بس روح شوف بلدك المحتل وحكي عنو شوي أحسن من هالفتاوي اللي لا بتقدم ولا بتأخر لك بطلت احكي هيه عصبت :x :frown: |
يا اخي لعبولي بعقل نانتي الله يخرب بيتن .. كانت من اشد المتابعين لهالمسلين ومروقة عليهن اخر رواق يامعلم
مدري مين موصلا ولعبان بعقلا انو طلعو المسلسلات حرام وهي سمعت هيك خافت خطي وماعادت تحضرن وهي رأٍسا بتصدق ولي ع قلبي لعبولنا بعقلا يخرب بيتن كانت مروقة عليه |
اقتباس:
|
اي طنشو طنشووو...
و وقت الحساب الله بيعين اولتا و اخرتا المنتديات حرام ...لانو بلا محرم نحنا البنااااات:o صفيت على نور المسللسل العائلي؟ |
هل في وسيلة لتدبير احدى حلقات المسلسل (اي واحد) حتى اقدر افهم شو المشكلة ؟
لانو اذا عُرف السبب بَطُلَ العجب . الى تعليق : ياريت بلا مسبات على الرجل (مش كل صاحب فكر مخالف بيستحق المسبات ) بيبقى رجل دين الو مكانة وفي ملايين بيحبوه ومشاعرهم بتثار من سب الرجل . |
اقتباس:
|
اقتباس:
|
هههههه
احدا وسائل الربح الاقتصادي لبعض التجار هو تحريك رجال الدين ضدهم على مبدا كل ممنوع مرغوب اكبر فائدة اقتصادية جنتها المسلسلات التركية هي اثارة اهتمام رجال الدين لدرجة تضطرهم الى اصدار فتوى بحق هذه المسلسلات برافووووووووووووو |
عم تطلع بآخر فترة فتاوي خرج الواحد يجمعها بكتاب ويسميها (تعلم الجهل في 5 أيام)...
|
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ما شفت اي شيئ من هالمسلسلات من قبل، على اية حال كل اللي شفتو بهالاجزاء بالاطار المعتاد للمسلسلات الغير عربية التي تذاع للعرب . بس في شغلة تانية مهمه ، الرجل افتى وقال حرام هو او غيرو ، ولكن السؤال ما الفارق ؟؟ سواء افتى او لم يفتي !!! ماذا سيتغير ؟؟؟ كثير من الفتاوى ولا أحد يهتم اقول لكل المهاجمين للرجل ، على اية حال ارادة المشاهد هي الفيصل بمعنى أخر ، من يرغب بمشاهدة هذه المسلسلات سوف يشاهدها ولن تمنعه مئات الفتاوى . لا احد يفعل شيئا رغما عنه الا اذا أُجبر عليه . |
| الساعة بإيدك هلق يا سيدي 01:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون