|
صورة و قصة زواج
1 ملف مرفق .
الصورة المدرجة في هذا الموضوع هي للمصورة ستيفاني سينكلير و يظهر فيها زفاف في افغانستان لطفلة في الحادي عشر من عمرها على رجل في الأربعينات.
هذه الصورة تم الاعلان اليوم عن فوزها بالجائزة الأولى في مسابقة التصوير الفوتوغرافي لليونيسيف (وكالة الأمم المتحدة للطفولة. هذه الصورة تنفعني كأساس لبناء نقاش في المنبر حول الزواج التعسفي في المجتمع الشرقي و زواج البنات القصّر جدا بانتظار آرائكم :D |
الصورة ما ظهرت لكن بحب عقب على القصة انو في كتير هالايام رجال كبار بالسن بيتزوجو بنات صغار ، والسبب في اغلب الاحيان بيكون بسبب انو الوالد ( وملا والد ) طمع بثروة الرجل وزوج بنتو كرمال تورث الرجل الكبير بالعمر ، بيقلك انو اكيد ما رح يعيش اكتر من ما عاش، وهالقصة بتذكرني بـ قصة نثرية تعلمناها بالمدرسة اسمها " الزواج بالبريد المضمون " :pos: بالتحديد بتحكي عن زواج فتيات صغار بالسن من ورا انو اهلها بيبعتو مواصفاتها لرجل غني بدو يتزوج كرمال المصاري ، يعني لا شافو شكلو ولا عرفو اخلاقو ولا عرفو شو تاريخو لك يا خيي حتى ما استفسرو ع اذا هو مريض بشي مرض معدٍ ، اوباش شو بدك تقول ، :pos:
|
|
اقتباس:
الجواب السريع بكون : كلو على سنة الرسول :frown: |
هذا هو المجتمع الأبوي الرعوي الصرف بلا تجميل وبهرجة جوفاء .
إن قالو هذه سنّة الرسول أم لم يقولوا أكثر من هذا لا يوجد قرف , ومجتمعاتنا المتدثرة برداء الحداثة تجد فيها نفس هذا وأكثر ولكن بقشور تجميلية وفلسفات خرقاء . |
اقتباس:
الرسول ما في الو ولا اي حديث بأمرنا فيه ولا حتى بطلب طلب انو نتزوج زواج مبكر :jakoush: المسالة وما فيها انو الزواج المبكر كان عادي في الماضي البعيد وكان مقبول جدا ..وحتى مريم العذراء كانت صغيرة لما كانت مخطوبة ليوسف النجار! وكتير ممالك اجنبية كان فيها زواج مبكر..الاشي بتعلق بحقبة تاريخية معينة اللي كان فيها هاد الوضع مقبول! لكن انو يصيروا يقولوا سنة الرسول وما بعرف شو.. هاد كلام فاضي لانو لا الرسول حكى فيه ولا الله قاله ! وشكرا عالموضوع اللي بستحق بالفعل نظرة عميقة :D |
اقتباس:
|
اقتباس:
لذلك افتراءاتهم مردودة عليهم! |
الزواج المبكر من أسوء العادات الشرقية للاسف
وأبعد ما تكون عن تعاليم الدين والاسلام , يعني بالمختصر المفيد هذه العادة منبوذة |
في عندس شؤال للاخوه و الأخوات بخصوص الموضوع.
برأيكن شو هوي السن المثالي للموافقه على تزويج البنت, و هل السن المفبول لتزويج الفتاة يختلف مع إختلاف العادات و التقاليد و المجتمعات.! موضوع قيّم أخ ياس. |
اقتباس:
اما بالنسبة للسن المثالي فهاد كمان بتعلق بالظروف بالبيئة والمجتمع ..بالنسبة للمجتمع اللي انا عايشة فيه فا عنا الشخص (ذكر او انثى) اللي ما بكون معو شهادة جامعية بعتبروه متخلف:lol:..so معظم البنات هون بتجوزوا وهني يمنتصف العشرينات :) :D |
بالنسبة لي هذا النوع من الزواج مروفوض.
يجب تحديد سن الزواج بالنسبة للبنت في 18 سنة و ما فوق و ان يكون برضاها 100% فشروط الاسلام في الزواج : الايجاب و القبول + ان تكون الفتاة راشدة و ما يقوم به الجهلاء في المناطق النائية و القرى هو تجارة للحوم البشرية باسم الاسلام |
في عندي تعليق بسيط عالصوره و إلي رجعه
فرجيت الصوره لمجموعه من الناس هون, سمعو شو كانت أحكامهم. النساء أكثر تعليقهم كان على القسمات القاسيه التي يملكها الرجل الافغاني مصرحين بأنه يملك وجه الغشاش الذي يحبب الارتطباط فقط للجنس زائد بأنه يبدو مجرم. طبعاً صلّحت الموضوع و قلت: بأن الطبيعه القاسيه تفرض عليهم أمور كثيره جسديه و روحانيه رجال و نساء. أما الرجال فقالو: اذا كانت البنت ريفيه و تجيد الاعتناء بالمنزل و زوجها فلم لا. على اعتبار بأن البنت الريفيه لا تحتاج الكثير من الوقت للدراسه و اكتساب الخبرات الحياتيه,فهي تعمل في الحقل و المنزل منذ نعومه أظافرها. |
ننتظر ...
|
نقاش الموضوع حول مدى منطقية تطبيق تلك العادات التي اتبعها الناس في الماضي
وهل يمكن تطبيقها في هذه الاثناء اذا استجدة بعض الامور التي تبيح ولو عقلييا تلك العادة وماهي تلك الظروف التي يمكن تفرض علينا تطبيق تلك العادة هذا وبالله التوفيق |
انا شايفه تركو النقاش
ولحئو السنه ع كلن لا تعزبو حالكم ماضل هالحكي لانو العنوسه اكتسحت شوارع سوريا |
يعني قولك في ارتباط بين العنوسة والزواج المبكر:shock:
|
اقتباس:
بظن الكلام يحمل في ثناياه الحث على الزواج المبكر و الا شلون شايف.؟ |
| الساعة بإيدك هلق يا سيدي 10:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
