سؤال ميكانيكي للخبراء والفهمانين بـــس وعالـــــسريع
 

مرحبا شباب يسعد اوقاتكون كلياتكون ... مابدي كتر حكي وح بلش باللي عندي ... معروض عليي سيارة فورد فورويل نوع اسكيب 2005 وارد امريكي سعرها عجبني كتير بس لما اجيت وعملتلا فحص قبلما نسجل العقد ومدري شو طلع فيها خمس قطع بدها تصليح وهني :
1- ويل بيرنقX4
2- سفايف بريك امامي خلفي
3- وصلة عمود الشافتر وسط
4- دفرشين خلفي - ونه ( هيك مكتوب بالورقة :shock:)
5- كرسي مكينة + طرنية ماء (هي خزان المي تبع المكيف ) + نظافة راديثة (كمان هيك كما ورد :pos:)


المهم ما الكون بطول السيرة قلي صاحب المحل انو قطع الفورد الامريكي غالي كتير بس شو بتنصحوني اشتريها ولا اصرف النظر عنها ... يعني كان عندي فضول اعرف اديش بيكلفو هالقطع كلون لانو سعرها ما لقيت منو بكل سوق السيارات فا شو العمل وع السريع يا معلمين :larg:

هلا بشكل عام السيارة لما بتشتريها مستعملة لازم ينعملا صيانة
بس المشاكل الي قلتي عنا مصايب بدا حلم الله فمو نصيحة لاتستعجلي بتلاقي انضف
بعدين الفورد مانجح بالفورويل بتاتا ومشاكلو كتيرة
اذا بتلاقي GMC او شفروليه يعني يوكن سوبربان تاهو انفوي تريل بلايزر احسن من الفورد مع العلم ان الفورد احلا بالشكل وافخم

لك ابو حميد انت فهمت عليي انا ليش حطيت عيني عليها ...
1- لانو سعرها عجبني كتيييير م العلم انو ( صاحبها شيخ من شيوخ الامارات )
2- انا بدي فورويل والمصاري للي بايدي ما بيجيبو ال GMC والشيفروليه مع اني بموت بشكلون بس كتير غاليين عليي يا زلمة الوحدة حقها بال 60 هاد اازا موديل قديم مو جديد الجديدة شيفروليه شفتها 2008 اسمها تاهو حقها 125 الف درهم من وين بدي جيبون بيشحدوني غير انو كمان قطعهن غالية:cry:


يعني على علمك اديش بتكلف تصليحها ازا بدها تصليح بحدود كم الف درهم ..:sick:

بعدين بالمناسبة شتقنا لك ابن العم ليش مطنشنا:x

حلاؤلك الشباب, ما حدا برد :larg:

لك ولي على اطاطك مافضحتينا الا شوي:x

منرجع لموضوع السيارة انتي ماهيك بدك تحسبيها بدك تحسبي مثلا لو اخدتي شي شيفرولية نظيفة وضامنة انك ماتدفعي عليها من هون لسنة سنتين لقدام لا انا بزيد مصرياتي شوي وباخد شي يريحلي راسي
وخصوصا انك عمتقولي انو السيارة بدا كراسي مكينة وهاد معناه انو الي كانت معو السيارة كان حارق مكينتا بالتشفيط وخلافة

والله يابنت العم مابعرف قديش بتكلف بالضبط بس بدك تحطي مو اقل من 4 5 على ما اظن

مشاغل بنت عمي مشاغل:i7raj:

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...

والله على كلامك صرت بدي غير رايي بنسبة 50 بالمية او يمكن اكتر خوفتني يا زلمة :cry:... اخخخخ من الفورويل مع انها خرطت مشطي كتييير بالبداية بس على قولتك حنصمد قرشين زيادة ومنجيب تويوتا لاندد كروزر لانو الشفروليه نااااارررر


مشكور يا غالي ومية وردة:D ..اكدع رفيق بالدني:adal:

نحنا بامر شواربك ام عبدو:larg:







:p

يا شباب انا ما بنصحكون بالبليزر وخصوصاً بالامارات لانو قطع الغيار قليله جداً وغالية كمان الصراحة انا عندي لكزس 2003 وتمام والله احلى من هيك ما شفت

ياراجل اللكزس بتضل تويوتا ياباني يعني قطعا مهما ارتفع مابترتفع اكتر من الامريكي او الالماني وقطعا بتضل متوفرة بس اللكزس مشكلتو انو خرابو مو سهل يعني مشاكلو صعبة مع العلم انو بيعيش وبيخدم وبيتحمل دعك

طيب ولو عم غير الموضوع شوي بس شو رأيكون بالمرسيدس 300 موديل 1992، بتنشرى؟؟ ( عم أحكي بلبنان مو بالخليج)

ايه بلبنان اشتري الماني وانتي مغمضة قطعو ببلاش حتى الناس عمتاخد ميرسيدس وبي ام من الخليج وعمتزبطو بلبنان وترجع تبيعو بالخليج بضعف السعر
بس طبعا شوفيلك شي نضيف

الموضوع في منو زاوية بتتعلق بجو البلد والبلد نفسو بما يتعلق باسعار قطع السيارات ....... انا على علمي سيارات البيجو كتير عملية ومحبوبة كتير بلبنان ومفضلة عند اللبنانيين فازا بتشتريها بتنتصحي


اما انا فبالنسبة ل كلام syrian love انا صارفة النظر عن هيك انواع سيارات ... اكتر شي ماشي عنا هو التويوتا واللكزس منيحة ومطلوبة بس على هوى ما قال ابو العبد انو قطعها ازا خربت مو سهل تتصلح وكل الميكانيكيين بيتمقطعو فيك بخدمة تصليح ايدون غير سعر القطعة ..

بدك الصراحة ما بنصحك بال فورد

كتير بتعمل مشاكل و بتعطل و مصروفا عالي يعني كل كام يوم بدك 100 درهم بترول

و قطعا غالية كتير شنو اخي بيشتغل بفورد عند الطاير

نصيحة بلاها و خليك عالسيارات اليابانية