أخوية

أخوية (http://www.akhawia.net/forum.php)
-   المسرح (http://www.akhawia.net/forumdisplay.php?f=127)
-   -   من انا - مسرحية من فصول (http://www.akhawia.net/showthread.php?t=132479)

LiOnHeArT.3LA2 22/12/2009 18:14

من انا - مسرحية من فصول
 
الفصل الاول

لا ضوء في المسرح ..
سوى على كرسي عليه شالة نسائية .. وبايب
يكبر الضوء قليلا .. تظهر زجاجة شراب .. وكأس
تمتد يد .. تكسب قليلا من الشراب في الكأس ..
تسحب الكأس .. يذهب الضوء ..
يعود الضوء .. هذه المرة الى منتصف المسرح ..
رجل يجلس .. وهو يشرب الكأس ..
يرتدي قميصا ابيض .. انيق جدا
و(جاكيتا) رثّا ..
يلبس بنطالا مرقّعا ..
يقول: " ما بعرف مين منن صح .. ومين منن غلط ... ومين منن انا " .. ما بعرف
يقف .. ويتجه الى الكرسي ..
يمسك بالبايب والشال .. يضع الشال على الارض في جهة اليمين .. والبايب في جهة اليسار ..
يقول : " انا غلط .. ويضحك .. لو ما كنت هيك .. كنت عالقليلة حكيت وحدة من هالبنات .. كلن بيجو بيحكوني .. بعدين بيهربو .. لك ما الحق عليهن .. ازا بيسألوني اسئلة كتير بسيطة .. وما بعرف جاوبن ..
هديك المرة .. اجت وحدة شقرا .. تميت ساعتين اطلع فيها وانا قاعد عالبار ..
اجت سألتني شو اسمك .. والحمد لله .. هادا السؤال الوحيد اللي بعرف جاوب عنو ..
" هي اول صدفة حلوة بحياتي .. وآخر وحدة يمكن .. انو جدودي التنين كانو نفس الاسم ..
سألتني وين ساكن .. سكتت .. اتلبكت ..شو بدي جاوبا
يمسك بالشال ويقول " قلا بهداك البيت اللي رح يوقع بأي ثانية .. وما عنا مي ..وقاعدين وعم نستنى الموت ..
يرمي الشال ويمسك البايب ويقول .. " ولا قلا ساكن بهديك الحارة اللي نصا مسئولين ..شايفة هديك الفيلا .. هي النا ..
" يرمي البايب " .. ويكمل :
"بتجي بتفكرني انو ما بدي احكي .. بتقلي طيب ماشي .. شو حكمتك المفضلة
برد بسكت ..
شو بدي قلا ..
قلا
-يمسك البايب .. ويرجع ضهره الى الوراء .. ويقول - نحن أحياءٌ وباقون، وللحلم بقيّة
يرمي البايب ..
ويمسك الشال ويحني ضهره ..
ويقول " ازا ما كنت ديب .. وما معك قرش .. روح انتحر " ... كالعادة .. بتروح بتتركني ..
يرمي الشال ..
ويقف بغضب .. ويقول :
خللللللللللللللللص .. ملللللللللللللللللللللليت ..
يقف .. ويركل الكرسي بقدمه .. يقع الكرسي
يقترب الى البايب والشال .. يجمعهما من على الارض .. ويريد ان يرميهما ..
يحرك يده قليلا ..
ولكنه يتوقف ..
يقرب البايب والشال من صدره ..
يشمهم .. ويقول ..
" لأ لأ .. هدول كل شي الي بالحياة .. شلون ما كانو .. كيف ما كانو .. وشو ما عملوا ..
بحبن .. ورح ضل حبن ..
يعيد الكرسي الى وضعيته الاولى ..
يمسك بالشال والبايب ..
ويمسك الكأس ..
" بيدق الكاسة بالشال والبايب .. وبيقول "
بصحتكون ..

----
تسدل الستارة .. يتبع


الساعة بإيدك هلق يا سيدي 12:05 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02031 seconds with 10 queries