|
وين بتنبسطوا
سؤال يعني كل واحد عندو محل خصوصي:oops:
كل ما يكون في بيحس بسعادة وراحة :o يعني كل واحد يقلنا وين:deal: |
هلق لح بلش بحالي
أكتر محل بنبسط ورا (المحسنية) بشارع مدحت باشا في دخلة بتنفد على الأسية و فيها على اليسار محل كروسان و لا أروع يعني صري 18 سنة متواطن بالشام ما أكلت أطيب من هالكروسان يعني كل مافوت بها الحارة بضحك و بنبسط ليش ما بعرف :D |
انا اكتر شي بنبسط بالبحر احلى جو واحلى سهرة بييييييييييييييييييييجنن بس انت ماحكيت وين بتنبسط اكتر شي؟
|
الشام القديمه و قاسيون .. اااخ (( ايا ليت الزمان يعود يوما :fthink: )) |
انا بنبسط لما بغادر وطني الأول على وطني الثاني أمارس هوايتي بالركوب على الدراجة البسكيليته بالأحرى وأنا مطمأن أنو مافي سيارة زيل حتدعسني أو جردون يطلع من فوقي :lol:
|
في كتير محلات حلوة بحب روح عليها بالنسبة للكلاس يعني انا والمدام بحب روح على الشلال بالمزرعة جو هادي ورومانسي واكلو كتير فاخر ....اما اذا بدنا نروح مشوار حتى ناكل بيتزا منروح على الياطر بالقصور .....واذا روحة شم هوى ضو القمر كتير قعدتو حلوة اما شغل الشباب الشام القديمة
نوفرة وبيت جبري وحارتنا هدول يعني.... احلى ابو وليام على راسي يا طيب..... |
انا بنبسط بالبيت وتحديدا في مكان محدد بالبيت بس بستحي قول هون :o
هيك خيو ما بيحلالي حل مسائل رياضيات او ادرس او اشتغل عالكمبيوتر غير بهالمحل اخوات مراقي شي انتو |
اقتباس:
حاكم انا كمان متلك انا مكاني المفضل بالبيت هو الحمام :larg: وبظن ابو الهن قصدو نفس الشي |
أنا كتير بكون مبسوط .....لما بكون بالضيعة
هون تماماً - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
:lol: |
اقتباس:
ختيارة حاطة طقم سنان وماسكة عكازة وعما تحكي:? |
اقتباس:
عنجد الواحد بينبسط فيها :D |
انا عا النهر او بالطبيعه
|
برتاح بغرفتي.......اكتر مطرح بحبه
بنعزل في عن العام و كمان مطرح معين بالحديقة عنا...بحب اعد في كتيييييييييير:larg: |
شو بدي قلك ابو وليم.وقت بكون بالبيت بنبسط فيه مع اهلي واكتر مكان بحبو بالبيت غرفتنا هيك بتبلش اختي تحكيلي يومياتها وانا نفس الشي.ومو هالركن بالبيت بس اللي بحبو بحب كمان غرفة الاكل بتكون كلنا مجتمعين وهي من احلى اللحظات.الركن التالت اللي بحبو بالبيت *لاكوغ*بس هيدا موسمي بحبو بس في الصيف بنخرج نتعشى فيه وبتكون اللمة كتير حلوة وعيلتنا الصغيرة بتجتمع:sosweet:هاظا بالنسبة للبيت*هاظا حقوق الطبع محفوظة لهاني*
وقت بكون مع رفقاتي فاكتر مكان بحبو بحر كازابلانكا :sosweet:وكافي اميسطاد تبع اللاعب بصير اذا بتعرفوه هي فيك تقولمو بس مكاني المفضل اكتشفت انو خيي كمان بيروح ليها كتير .وكمان اشخاص من اهلنا.:pعملتلها دعاية وصارت اختي ورفقاتها كمان بيروحو ليها . شو كمان اه وcentre ville هالصورة بالذات بتجمع المكانين اللي بنبسط فيهم  ,وبحر كازا  وميغسي كتير ابو وليم:sosweet: |
اقتباس:
و عقبال ما تزورنا ........و نقعدلنا شي قعدة :D |
مافي مكان معين ..
فكرت بمحلات كتير بس مالاقيت جواب لهالسؤال يعني الشغلة بشكل عام مابتعتمد ع المحل .. يعني الشغلة بتعتمد ع نفسية الواحد والناس اللي انت معن واذا كنت لحلك الشغلة بتجي هيك ع حسب مزاجك يعني ممكن تروح ع احلى مكان بالعالم ويكون مزاجك مو رايق وقرفان حالك فرح تلاقي ابشع مكان ومارح تحس بالبسط بالمرة وبالمقابل اذا دخلت ع الحمام وكنت مروق ومكيف ومبسووووووووط كتير فرح تلاقي هالحمام احلى من احلى مكان بالعالم .. وهكذا |
اقتباس:
|
| الساعة بإيدك هلق يا سيدي 17:57 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون