طلب برنامج لعمل شروحات البرامج
 

السلام عليكم ورحمة الله وبركاته,

محتاج برنامج كثير كثير كثير, البرنامج بيقوم بالتسجيل من سطح المكتب ويفيد في عمل الشروحات للبرامج, أنا بعرف إنو في كثير من هالبرامج, بس اللي بدي اياه هو برنامج مابعرف اسمو, بس فيه ميزات رائعة وهي كالتالي, هالبرنامج بيسجل بإن ياخد صور صورة للشاشة بكل ضغطة ع الماوس أو ع أي زر ع الكيبورد, وبالتالي بيكون الفيديو على شكل تتابع صور, مو بس هيك, فيك إنت اتضيف حركات للماوس على الصورة, يعني إذا بدك تشرح أكثر من أمر أو خيار بالشاشة المعروضة, فيك تاخد صورة وحدة للشاشة وإنت من خلال البرنامج بتضيف حركة وهمية للماوس وتعمللها مسار ومكان النقر ( طبعاً مع صوت النقر ) وسرعة انتقال الماوس, وبتكون النتيجة إنو هالصورة صارت مقطع فيديو بتتحرك فيه الماوس من مكان لمكان وبتنقر هون وبتأشر هنيك.

إضافة إلى امكانية اضافة بالون تعليق على الصورة ومميزات اخرى كثيرة كثير


يارب أكون وصلت فكرة البرنامج لأني اشتغلت عليه فترة وضيعتو والمشكلة إنو ماني متذكر اسمو.

الله يجزيكم الخير ويعطيكن العافية سلفاً

بعدني ناطر, هل من مساعد

بتذكر اسم البرنامج snagit ...

رح دورلك على رابط :D

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مع الكراك :D

هو غير هالبرنامج أخ أحمد, أصغر منو وأخف ع الجهاز حسب مابتذكر
برنامج snagit موجود عندي بس صراحة ماجربتو عن جديد لأني متأكد إنو غير برنامج بس مابعرف إذا فيه الميزات اللي حكيت عنها وخاصة رسم مسار الفأرة وبالتالي تحويل صورة فردية إلى فيديو فيه الفأرة تتحرك وتؤشر وتنقر مع صوت


شكراً كثير أخ أحمد والله يجزيك الخير يارب

ماحدا طلع معو شي يا شباب؟؟ الأمر كثير مهم, الرجاء الإهتمام

ماحدا طلع معو شي يا شباب؟؟ الأمر كثير مهم, الرجاء الإهتمام قدر الإمكان