|
حلوة بس بعدين بقراها
|
النقطة....................
النقطة هي كل شي........وهي الصفر كمان.....وهي فضاء عدد أبعاده يسعى إلى اللانهاية..... من النقطة....بيتشكل المستقيم..."بعد واحد"..(من خلال الانسحاب)........ودوران المستقيم حول نقطة بيعطي المستوي..."بعدين"...........ودوران المستوي حول مستقيم منو بيعطي الفراغ....."تلت أبعاد"......++++هادا الحكي للحلاج+++++ بس قتلوه قبل ما يخلص أبحاثو موضوع شيق جداً......لأنو البحث عن النقطة متل البحث عن اللانهاية....وهونيك بتلاقي الله.... |
مرحبا
على فكرة جو .. عجبني جدا الطريقة المنطقية واللاعقلية في التفكير يعني عنجد حلو كتييير مزبوط هالحكي من زمان بس أنا عضو جديد وعم بقرأ في الموقع لفت نظري هالموضوع الحلو وطريقة النقاش المبدعةز تحياتي |
الف مره فتت ع الموضوع وما حسنت كملو ..بيلزمو وقفات كتير بس مبدئيا ما في شي بالأصل اسمو أصغر شيء في شي اسمو أصغر شيء توصلو العلم ومنرجع اكيد |
حلو هالموضوع.. قريتو وطلع براسي قول شي..
اقتباس:
هلق رياضياً.. النقطة بالتعريف "كائن هندسي لا أبعاد له".. بس المصيبة، متل ما قلت حضرتك، المستقيم بيتكوّن من "مجموعة نقط" إي طز يا حمد.. كيف شغلة "ما إلها أبعاد" بس تجمّعلك كومة منها.. بتعطيك شغلة إلها أبعاد؟!! هون الـ.. أنا كل ما فكـّر بالنقطة.. بتذكّر مولانا ابن عربي.. خوش هو كمان قعد يفكّر بالنقطة.. يجيبها يمين.. ياخدها شمال.. ما كانت تزبط.. بس بالآخر.. قدحت معو.. قام شو قال؟ بَيْنَ التذلّلِ والتدلّلِ نقطةٌ.............فيها يتيهُ العالـِـمُ النحريرُ هيَ نقطةُ الأكوانِ، إن جاوزتها............كنتَ الحكيمَ وعِـلمُكَ الإكسيرُ اقتباس:
قال شو بتقول هالنظرية؟ كل مادة الكون الصِغـَـريّة (يعني كل شي في جسيمات particles) هي بالأصل مكوّنة من وتر String وهالوتر متل أي وتر تاني (وتر الكمان مثلاً).. بيهتز.. وإلو "أنساق اهتزازية".. يعني.. كيف وتر الكمان بين اهتزاز واهتزاز تاني بيعطي نغم مختلف عن التاني؟ هيك تمام فـ هالسترنغ هاد.. كل ما اهتز بطريقة.. بيعطيك جسيم إلو كتلة وشحنة وحجم وسبن ومدري شو هلق هالنظرية مبشّرة كتير.. وإلها أنصار بين العلماء شي بالهَبَل.. بس مشكلتها إنو "رياضياتها" صعبة جداً.. وبدها تقنيات رياضية جديدة.. هلق الفكرة شو؟ بدّك ترجع تسألني: "وهالسترنغ هاد من شو مصنوع؟" هممممممممممممم ما رح يعجبك الجواب.. هالسترنغ هاد "كائن رياضي".. ما إلو وجود "حقيقي" :lol: الله وكيلك |
| الساعة بإيدك هلق يا سيدي 12:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون