|
عودة فرنسية إلى التمسك بالعذرية قبل الزواج
عودة فرنسية إلى التمسك بالعذرية قبل الزواج الفكرة التي غابت عن مجتمعات ما بعد الحرب العالمية انطلقت من أميركا باريس: «الشرق الأوسط» يحمل كل واحد من الأعضاء الثلاثة آلاف، المنتمين الى جمعية «الحب الحقيقي ينتظر»، بطاقة عضوية تشبه تلك التي تمنح لمنتسبي الأحزاب والنقابات والأندية الرياضية. ويكون الشاب أو الشابة جديراً بالعضوية بعد أن يؤدي التعهد أمام رفاقه بأن يحافظ على عذريته/ عذريتها حتى العثور على الحب الحقيقي الذي يقود إلى الزواج. وجاءت هذه الفكرة، التي باتت غريبة على مجتمع ما بعد الحرب العالمية في اوروبا، من الولايات المتحدة. وانتشرت في أوساط الشباب المتدينين منذ عام 1994، لكنها لم تلفت الانتباه إلا منذ فترة بسيطة بعد أن بدأ المؤمنون بها الى «التبشير» بها في المدارس الثانوية والجامعات والتجمعات الشبابية. وزاد من التعريف بهذه الظاهرة، التي يرى فيها البعض عودة إلى «قيم التزمت» التي كانت الكنيسة تشجع عليها باستمرار، تناول وسائل الإعلام لها ونشر التحقيقات عن السهرات التي تقيمها الجمعية لأعضائها. وفي برنامج تلفزيوني جديد بثته القناة الفرنسية الثانية أخيرا طرح السؤال: «هل يمكن العيش بدون جنس»، قال رئيس الجمعية ساندي بروزي إن الجنس لا بد أن يرتبط بالحب، وإنه شخصياً حافظ على عذريته لكي يقدمها كهدية تعبر عن الحب الى الفتاة التي ارتبط بها بالزواج منذ فترة وجيزة. وأضاف بروزي، 27 عاماً، أنه غير نادم على السنوات التي فاتت رغم أن رفاقه في المدرسة كانوا يسخرون من التعهد الذي قطعه على نفسه أمام الله. ويمكن لمن يتصفح الموقع الخاص بالجمعية على شبكة الإنترنت أن يقرأ شهادات لعدد من الأعضاء، من الجنسين، يتحدثون فيها عن تجربة الامتناع عن ممارسة الحب قبل الزواج. لكن أحد المشرفين، الذي استقال من مركز كنسي يهتم بالشباب، قال إنه ضد الاسلوب الذي ينشر فيه الجمعيات هذا النوع من أفكارها لأنه يتسبب في تأنيب شديد للضمير لدى الذين يفشلون في الوفاء بالتعهد الذي قطعوه. كما رأى أنه من غير الصحيح استقطاب الأطفال، اعتباراً من سن 13 عاماً للدخول في الجمعية لأن خبرتهم الحياتية قليلة، ويسهل التأثير عليهم وزرع الأفكار في رؤوسهم قبل بلوغهم سن الوعي |
ههههههه:oops: :oops:
|
اقتباس:
:lol: :lol: :lol: :lol: :lol: :lol: |
شي حلو
شي حلو :)
|
نعم
شي حلو كتير مش بس حلو بس انو يبقى هالموضوع على هالنطاق... يعني شغل تعهد و تبشير، مو قوانين و ضراب السخن كل واحد بيعمل ما بدالو يللي شايف الجنس مجرد شهوة بيطفيها مع مين ما كان، كالجوع ... فليفعل و يلي شايفو شغل دين و هدايا ... فليفعل شخصيا، ورقة سخيفة و شهود (او عرابين) و زيطة ... ما بتغير من جمال الجنس شي مع، انو الجنس يرتبط بالحب، بس هي ما خصها بالزواج |
اقتباس:
اقتباس:
و بتحفظ حقوق أولادها.. والأهم من هيك مابيكونوا ولاد حرام (( زنى )) ;-) |
اقتباس:
يا ماما عم احكي عن الجنس، السيكس يعني انو معقول كل ما بدي مارس "السيكس" .. لازم يجيني ولد بعد تسع شهور ؟؟؟ |
وفي برنامج تلفزيوني جديد بثته القناة الفرنسية الثانية أخيرا طرح السؤال: «هل يمكن العيش بدون جنس»، قال رئيس الجمعية ساندي بروزي إن الجنس لا بد أن يرتبط بالحب، وإنه شخصياً حافظ على عذريته لكي يقدمها كهدية تعبر عن الحب الى الفتاة التي ارتبط بها بالزواج منذ فترة وجيزة.
بما إنو الجنس يرتبط بالحب فهالشي بيعني إنو من الخطأ نربط الجنس بالزواج لأنو أساساً ممكن الشخص يحب أكتر من مرة بحياتو....وبكل مرة ممكن يعتقد إنو الشخص يللي هو على علاقة حب معو هو زوج المستقبل.......وبالتالي ممكن تقوم بيناتن علاقة جنسية على هاد الأساس. ومن المعروف إنو الزواج قائم على قبول الطرفين وليس على أوراق تثبت زواجهما. |
انو عم تحكوا عن الجنس
حلو الكلام وين المشكلة اذا واحد او وحدة مارسوا الجنس؟؟؟ يعني هلأ الشرف صار بالجنس او العذرية سخافة انا بعتبرها لك وينو سعدو ينزلنا شي اية عن هالموضوع |
عجبني الموضوع في سكس :lol: :lol: وهي متابعه
|
استغفر الله العظيم.. ال واحلى اشي لما الواحد يكتب كلمة الحق قبل ميقراها غيرو بتكون صارت مسلوخة حذف!
لا وشوف مين عم يحكي |
شي حلو هذه العهود في المجتمعات الغربية ...........
و الزواج هو الاساس ...... و الجنس هو احدى ثمرات الحب الطاهر داخل اطار الزواج سلام |
هلق المقال بصراحة عجبني وتعليقاتكون أغلبا لأ :p
المقال عجبني أنو ربط الحب بالجنس ... أنو إذا ارتبط معون الزواج بيكونو معادلة صحيحة مئة المئة ... يعني أنو حب + جنس ( مقدس بالمفهوم الأنساني ) ناقص بالنسبة الي ( بالمفهوم الأيماني والمجتمعي ) حب + جنس + زواج ( معادلة تامة ) جنس لحالو .. أنا بالنسبة ألي بنظرلو بأنو غريزي ويستهلك الشريك ولاأنساني كمان + زنى بنظري جنس + زواج ( هادا أضرب الشي بقى .. معادلة ناقصة عكل الأصعدة انساني أيماني وماشية مجتمعيا ) كمان زنى هي أول نقطة ... النقطة التانية هي القناعة ... عذرية عن قناعة ... انتظارا للحب .. مو مشان أنو وقت تتجوز بالليلة أياها ...يكون جوزا أول طرزان .. مو مشان أنو المجتمع رح يقول عنا .... مو مشان أنو التيار الجديد تبع أنو مرض وصحة ومدري شو مو مشان أنو ممكن الشب اللي رح تخبص معو يطلع يحكي عليا ومايعود يمشي سوقا مو عذرية خوفا من البابا وأخوي ومدري مين يا ترى نحنا لو كانت عن قناعة ... بيطلع 3000 بني أدم ؟ :shock: |
اقتباس:
بيزتوا هيك مواضيع و هيك تعليقات .. يا نيرفانا ..الزواج مو قائم على الحب .على اتفاقية و معاهدة ؟؟ إذا الشغلة اتفاق ..على دفع مال .. البنت عاهرة او مومس و هو زبون عندها ؟؟ .. هل هذا تفكير سوي ؟؟؟:frown: معو حق المسيح لما قال : " لم يعودا جسدين بل جسد واحد .. عندما تحسين بالشخص الآخر بكل شيء يكون تتمة لك و لتفكيرك و جسدك .. بعدنا التفكير البدائي قائم في مخاخنا .. بعدين الحياة ليس فقط جنس و الجنس لا يقدم او يؤخر النظام الاجتماعي |
عمرك ماتقولش "حب" واخرس لو سمحت
يتشارك البشر و الحيوانات بالغرائز كالجوع و العطش و الجنس و غيرها فيسعون لإشباع غرائزهم بالأكل و الشرب و ممارسة الجنس و لكن ما يتميز به الإنسان عن الحيوان هو أمران المشاعر و العقل التي يجب أن تكون هي المسيطرة على سلوك الإنسان حتى يتميز عن الحيوان الذي لا يسيطر على سلوكه إلا اندفاعه لإشباع غرائزه و من تسيطر غرائزه على سلوكه فهو أسخف و أحقر من البهائم لأنه يمتلك الأحاسيس البشرية المرهفة و الفكر و لكنه يدفنها داخله و يسلك سلوك الحيوانات في حياته مما يجعله دائما مفتقرا للسعادة يبحث عنها و لا يجدها لأن السعادة ليست بشيء مادي ملموس و إنما شعور روحي فلا يمكن أن يتحقق إلا إذا كان السلوك البشري مبني على الأحاسيس المرهفة الصادقة و الفكر السليم فمن المنطقي جدا أن معظم العلاقات في الولايات المتحدة حسب أكثر من دراسة لا تستمر لأكثر من ستين يوما لأن العلاقات مبنية على انجذاب جنسي فقط و العلاقة المبنية على الانجذاب الجنسي تزول بمجرد أن يشعر الطرفين بأن الانجذاب الجنسي قد نقص عما كان عليه في أي أول العلاقة و هو شيء طبيعي في علاقات مثل هذه و يبدأ كل من الطرفين أو إحداهما بالهروب من العلاقة و البحث عن علاقة جديدة مما يسبب جرح مؤلم في بعض الأحيان لأحد طرفي العلاقة و يتحول الشاب أو الفتاة من شخص يبحث عن حب دافئ إلى شخص يبحث عن إشباع شهوة ناسفا كل معنى للحب.
للأسف أن كلمة حب التي تعبر عن أجمل و أصدق شعور يتملك روح الإنسان تحولت إلى كذبة سخيفة تستخدم من قبل الشاب أو الفتاة لمجرد إشباع الحاجة الجنسية فقط الحب الحقيقي هو شعور روحي و هذا يعني أن الحب ليس ممارسة جنس و إنما ممارسة الجنس مع الشخص الذي تشعر بالحب تجاهه هو واحد من أجمل أشكال التواصل مع الشخص الذي تحبه و لا ينكر ذلك أحد و لكن بشرط أن يكون الشعور الجنسي نتيجة لانجذاب روحي و إلا لفقد التواصل الجنسي بين الشخصين متعته الحقيقية و أصبح مجرد قضاء شهوة مادية خال من أي مشاعر روحية و التي هي السر الحقيقي الذي يشعر الطرفين خلال التواصل الجنسي أنهما في عالم آخر و الدليل على ذلك أنه إذا سأل أي شخص نفسه أكان فتاة أم شابا قد مارس علاقات جنسية متعددة ما هو الفرق في شعوره أو شعورها خلال التواصل بين شاب و آخر أو فتاة و أخرى لكان الجواب في باطن كل شخص لا يوجد فرق و لكن إن ارتبط الشخص نفسه بعلاقة حب صادقة و كانت صادقة فعلا من كلا الطرفين فإنها سيشعر بمتعة و سعادة خلال التواصل لم يعرفها من قبل و لم يكن ليتخيل أنه من الممكن أن يشعر بها هناك فرق كبير بين كلمة أحبك لأني أحتاجك و أحتاجك لأني أحبك هناك فرق كبير بين الحب الذي يقوم على محبة روح الطرف الآخر و أخلاقه و شخصيته و قلبه و الحب الذي يقوم على الانجذاب الجنسي نحو الطرف الآخر فالأول يولد انجذاب جنسي نحو الطرف الآخر لا يزول و لا بعشرات السنين و لا يمكن لطرفي العلاقة في هذه الحالة أن يتخيل أحدهما حياته في يوم ما بعيدا عن الطرف الآخر مما يدفعهما للرغبة الصادقة في الزواج و مشاركة بعضهما البعض الحياة تحت ظل الحب حتى الموت أما الثاني فهو حب كاذب يزول فيه الانجذاب الجنسي نحو الطرف الآخر بعد أشهر ممكن أن تمتد في بعض الحالات النادرة إلى سنة أو اثنتين أو ثلاثة كأقصى حد ممكن ثم ينفصل الطرفان عن بعضهما البعض و خلال المدة التي يكونا فيها مع بعضهما البعض لا يمكن أن يفكروا بالزواج و مشاركة بعضهما البعض حياتهما لأنهما لا يوجد حب صادق بينهما و لذلك حتما لا يريدان الزواج السبب الأساسي في الخيانات و الانفصال في معظم العلاقات أن العلاقة من أصلها مبنية على مجرد انجذاب جنسي حيواني لا أكثر و لا توجد ذرة حب بين طرفي العلاقة و إنما يحاولا إقناع نفسيهما بذلك من خلال تبادل الهدايا و الكلمات الكاذبة و لذلك الزواج هو آخر موضوع ممكن أن يتكلم عنه الطرفين و أسوأ ما في الأمر أن يكون أحد الطرفين يحب الآخر حبا صادقا و يظن أن الطرف الآخر يبادله نفس الشعور و أن لا يكون الطرف الآخر كذلك مما يسبب أكبر جرح للأول عندما يأتي الطرف الآخر و يخبره بأنه لا يريد الاستمرار في العلاقة لأنه مثلا فقد مشاعره تجاه الطرف الآخر أو غيره من هذا الهراء التافه أو عندما يكتشف الطرف الثاني أن الطرف الأول على علاقة مع شخص آخر في نفس الوقت الذي ما يزال فيه يكذب على الطرف الثاني بكلمة أحبك و هو ما يحصل الآن في معظم العلاقات و هنا يكتشف الطرف الثاني أن الأول لم يكن يمارس الجنس معه لأنه يحبه بل لأنه كان يريد أن يشبغ رغباته الجسدية لا أكثر فمن الأكيد أن ممارسة الجنس في معظم العلاقات ليست تعبيرا عن الحب و إنما إشباع رغبات مع شخص نشعر بانجذاب نحوه هنا يأتي السر الكامن وراء الزواج الذي هو أولا التعبير الوحيد الصادق عن الحب الصادق و الذي يثبت محبة الطرفين الصادقة لبعضهما و المترجم برغبة كليهما أن يعيشوا حياة مشتركة حتى الموت و ثانيا الطريق الوحيد لجعل أي علاقة بين شاب و فتاة علاقة مشروعة في كافة الديانات السماوية فهو إذا ليس مجرد ورقة سخيفة هو في الواقع إثبات حب الطرفين لبعضهما مما يجعل كل شيء في حياتهما ذو مذاق مختلف و متميز... فاللي همو بالدنيا السكس و الجنس فبصراحة متله متل الحيوانات ما بيفرق عنهن شي و اللي بيظن أنه الإنسان ممكن يحب أكتر من مرة فهو لا يعرف معنى الحب و اللي بيتخيل الزواج عشان بظ اللولاد فهادا من قلة عقله و اللي بيتخيل الزواج مجرد قوانين فهو جاهل بمعنى الزواج و القوانين اللي بتطبقها كل دول العالم بموجب هالورقة بالتأكيد ما هي غباء و سخافة هي ضمانات حقوق لطرفي العلاقة و مفروضة بالغصب عالكل و هي ذاتها القوانين يللي مفروضة على أبو و أم كل واحد فينا إلا إذا كان إبن حرام و اللي يعتبر الجنس و الحب ما دخلهن بالزواج فيا ريت يبطل يكتب كلمة حب لأنه ما بيعرف معناتها و يقول أنه مسكين ما شايف بالدنيا غير الجنس يعني مريض نفسيا و ما المشكلة أنه واحد و وحدة يمارسو الجنس لو كانو فعلا بحبو بعض و بالتالي متزوجين المشكلة إذا كانوا عم يمارسو الجنس متل البهايم بس ليريحو الدودة اللي بسفلهن و اللي مل بيعتبر الشرف بالجنس و العذرية بقله با ريت تغير كلامك لأنك أكيد ما بترضى هادا الشي أنته بذاتك على أخنك مثلا و بتمنى ما تفهمني غلط أنا ما عم سب حدا و لا بسب حدا بس ما بحب الواحد يحكي شي لو ما متأكد منه (( أتمنى أن يفهم الجميع ما كتبته و شكرا )):larg: |
مع احترامي للجميع ... للجميع حصرا
بس ما بسمح لواحد فيكم انو يعلمني شو هوي الحب ما بقدر افهم الموضوع كمعادلات منفكر، ما قلنا شي عنا مشاعر، كمان ما قلنا شي بس شلون طلع معكم انو "إطفاء غريزة الجنس" هوي "طمس" للمشاعر و التفكير ... ما بعرف الزواج حبيباتي (و احبائي) مؤسسة غايتها تنظيم الاسرة يللي هيي الخلية الاولى بالمجتمع لما يكون الزواج هوي عقد لضمان حقوق الطرفين و بس، بيصير غلطة لما تكون غاية الزواج هيي اشباع الرغبة الجنسية ... بموافقة المجتمع... بيكون غلطة الزواج قناعة بين طرفين، و اتفاق لدمج حياتيهما (الزوج و الزوج، و مش ضروري يكونوا من جنسين مختلفين) بالصدفة.. هي البيئة هيي الانسب لتنشئة حياة جديدة، يعني لتربية الاطفال بالمشرمحي بس هل هذا يعني انو ازا حصل طلاق منقتل الولاد؟ طيب ازا حصل وفاة لاحد الابوين، منقتلهم لأنو البيئة الانسب ما عادت موجودة؟ الزواج هوي البيئة الانسب، بس مش الوحيدة اما الجنس، المدعوم بالهرمونات القادرة على السيطرة على تصرفاتنا، و بالمشاعر يللي بتدعم عمل هالهرمونات.. فهوي رغبة، ممكن اني اجلها، و قادر جدا اني سيطر عليها لدرجة ما (مش كل صبية بشوفها بنط عليها) لكن من السخف، اني التقي بصبية، و بعد فترة يتوضحلنا (هيي و انا) انو عنا "ميل" لبعض، و بس اختلي (بطريقة ما... غالبا بترك هالشي للصبية، دائما الصبايا اشطر بايجاد الخلوات) من السخف جدا انو بهاللحظة الشاعرية هي اجي قلها "حبيبتي، رح خبي عذريتي لصاحبة النصيب" فشخصيا، بفضل انو تهديني شبشب على انها تهديني "عذريتها" انو بالله شو بعمل فيها لهي العذرية؟ غير اني "اسفحها"؟؟؟؟ |
اقتباس:
:D :D :D يسلمو مرسيل رد كافي ووافي وكأنك عمتقري افكاري:D :D :D وبعدين شباب انو عذرية البنت ونظرية عود الكبريت الي ما بيضوي غير مرة واحدة هاي صارت موضة قديمة يعني هلأ صار في عند البنت مجال انها يكون معها ولاعة تضوي بدال المرة عشر مرات أهم شي القيم والاخلاق ومش العذرية وهالحكي الفاضي:D |
اقتباس:
|
اقتباس:
|
ردي على كريمبو ومنوشة
مع احترامي لك حصرا، أنا ما عم علمك الحب، و لكن إذا كان ما تكتبه هو فعلا ما تؤمن به، فأنت أبعد إنسان عن الحب و لا تعرف عن الحب شي كل همك من الدنيا الجنس، و أي بنت بالدنيا بيعجبك شكلها و عطتك فرصة تمارس الجنس معها أكيد ما رح تقول لأ، و هادا بيكفي ليثبت أنو الحب بمفهومك هو الجنس
ما حدا ساوالك الحب معادلات، بس أكيد لو كان الحب هو الجنس فالأفضل تسميه الجنس و ما تسميه الحب، و احترم كلمة الحب شوي لأنه الحب متل ما قلنالك مشاعر، و كلمة مشاعر ما تعني مشاعرك الجنسية لأنه المشاعر الجنسية حتى عند الحيوانات موجودة، نحنا عم نحكي عن مشاعر الحب، و لو فرضنا أنك حبيت وحدة و بعد ما حبيتها بسنة اكتشفت أنه عندها ضعف بقلبها و منعوها الأطباء من ممارسة الجنس، أكيد أنت بتتركها لأنك ما بتحبها بتحب الجنس معها، و لو بتحبها أكيد ما بتتركها، و أكيد ما بتمارس الجنس مع غيرها و بتكون مخلص لها، بس للأسف الحب المزبوط صار حالة شاذة هي الأيام و ما منعرف من الحب غير الجنس أما عن سؤالك كيف طلع معنا أنه إطفاء غريزة الجنس هو طمس للمشاعر؟ فجواب سؤالك موجود بالسؤال نفسه، أنت عم تقول إطفاء غريزة الجنس، و بالطبع غريزة الجنس ممكن تطفيها مع عاهرة تشوفها نص ساعة تطفي غريزتك معها و ما تشوفها بحياتك كلها إلا هالنص ساعة، فممكن تقلي وين المشاعر؟؟؟ طبعا مطموسة. بس باعتبار عم تكون عندك فرص أنك تكون علاقات مؤقتة ممكن تكون شهر أو أكتر، تمارس الجنس فيها لتشبع من البنت و تنفصل عنها، فأكيد حتفضل هالشي عن أنك تمارس الجنس مع عاهرة، بس بالنهاية الموضوع بيرجع نفس الشي هي علاقة مؤقتة مشان هيك منرجع و منقلك الزواج هو دليل الحب، لأنه الزواج هو ليس مجرد تكوين أسرة، و الزواج هو ليس مؤسسة يا عزيزي!!! الأسرة هي المؤسسة و ليس الزواج، و إنما تكوين الأسرة هو أحد أهداف الزواج المستقبلية، و لذلك كتير من الناس اللي يرتبطو بعلاقة حب صادق و بيتزوجو، ما بيفضلوا يجيبوا ولاد إلا لبعد سنوات من الزواج، يعني وقت أحد طرفي العلاقة بيكون عنده رغبة بالإنجاب بيلبي الطرف التاني رغبته عن تفاهم، و هيك يتم الانجاب، و ممكن هالشي يكون حتى بعد عشر سنوات من الزواج، أما الزواج هو إثبات الحب الصادق بقلب كل من طرفي العلاقة، لأنه لو الواحد فعلا بيحب حدا ليش لينفصل عنه؟؟؟ أما لو كان الموضوع جنسي فقط، فطبعا مجرد ما حس الواحد أنه تعود عالبنت، أو البنت تعودت عالشب، فبيرغب الواحد بالانفصال و البحث عن علاقة جديدة، و لو كنت فعلا بتحب بنت ليش بتخاف تتزوجها ممكن تقلي شو مشكلتك أصلا مع الزواج؟؟؟؟!!! أما لو كنت ما بتحبها و علاقتك معها لمجرد الاستمتاع بها، فأكيد ما بدك تتزوجها لأنك حتمل منها بعد مدة و تقلها باي فالزواج هو دليل الرغبة في استمرارية العلاقة عند الطرفين و إثباتها، و لا يمكن أن تكون هالرغبة موجودة إلا وقت بيكون حب طرفي العلاقة لبعضهما صادق، أما لو كان الموضوع جنس و تسلاية، فهالرغبة أكيد ما موجودة و ما حدا قلك أنه الزواج هو عقد لضمان حقوق، و إنما العقد اللي يضمن الحقوق هو عبارة عن مجموعة ضمانات و إثباتات، على الأقل ليكون لهالطفل اللي إجا عالدنيا إسم عائلة في حال صار عند الزوجين ولاد!!! و هادا طبعا بيوضحلك أنه الزواج ليس البيئة الأنسب للتربية و إتما الوحيدة، و إلا لما كان عندك أنت إسم عائلة هلأ، و لا كان عندك بطاقة شخصية، و لا صفة قانونية بيحقلك من خلالها تشتغل أو تدرس أو تتملك و غيره!!! و من فوائد هي الضمانات، أنه لو صار نزاعات بين الزوجين يوما ما في المستقبل، في قانون بيحدد كيفية التعامل مع النزاعات، أو مثلا في حال موت الأب أو الأم، في قانون بيحدد كيفية التعامل مع الحالة و ما حدا قلك أنه الزواج ممارسة الجنس بموافقة المجتمع، و إنما بما أن الزواج هو ارتباط شخصين بيحبو بعض بعلاقة دائمة تندمج حياتهما بها، فبالطبع الجنس هو جزء رائع من هذه العلاقة أما قولك الزواج قناعة بين طرفين، فبصراحة ما فهمت عليك شو قصدك منها، إلا إذا كان قصدك القناعة إنه طرفي العلاقة مقتنعين بأن حياتهم المشتركة ستكون حياة سعيدة، لأن لديهم تقارب في الأفكار و القناعات، و لأنهم يشعرون بالحب تجاه بعضهم البعض، و ليس مجرد ميول جنسية، و هون بيكون كلامك تأكيد لكلامي على أن الزواج دليل الحب و إلا لو ما في شعور بالحب لأكيد ما في شخصين يقتنعوا يعيشو عمرهن مع بعض لو ما بيحبوا بعض!!! و أما قولك الزواج اتفاق لدمج حياتين، فكلامك كتير حلو، لأنه الاتفاق لدمج حياتين لا يمكن أن يتم بين شخصين ما بيحبوا بعض!! و إنما الحب الصحيح يولد عند الطرفين الرغبة بدمج حياتيهما، و هادا تأكيد لكلامي أنه الزواج ترجمة للحب، و ليس الجنس هو الترجمة للحب!!! الجنس هو أحد أشكال التعبير عن الحب و بعدين كيف بتقول الزوجين ما شرط يكونو من جنسين مختلفين؟؟؟ و بتقول بنفس الوقت الزواج لتنظيم الأسرة!!!! أي أسرة عم تحكي عنها؟؟؟ و بعدين لا تنسى أنه الحب بين طرفين من نفس الجنس هو ميول شاذة ناتجة عن مرض نفسي عند الشخصين يحتاج إلى علاج لإنقاذ الشخصين، فمساعدة الشواذ تكمن في علاجهم و ليس في زواجهم على ما أظن!!! و اسمحلي قلك أنه الرغبة الجنسية تتولد بفعل إفرازات هرمونية داخل الجسم عند البشر و غير البشر و ليست مدعومة بالهرمونات!!! و لكن التحكم بسلوكنا كبشر عندما نشعر بالرغبة الجنسية يسيطر عليه الفكر، و إشباعنا للرغبة يمكن أن يكون مجرد إشباع رغبة كرد فعل على الافرازات الهرمونية مع أي شخص كان!! و يمكن أن نتحكم به و نسيطر عليه فنمارسه مع الشخص الذي نكمن له الحب فقط لنترفع عن البهايم التي تمارسه مع أي بهيمة أخرى متى ما شعرت بالحاجة، و عندما تقول المشاعر التي تدعم عمل الهرمونات فكلامك غير علمي و منطقي!! فالمشاعر لا تدعم عمل الهرمونات، المشاعر قسمين: مشاعر جسدية تتولد عن إفراز الهرمونات و لا علاقة للحب بها، و مشاعر روحية تتولد عن الحب لا علاقة للهرمونات بها إفراز الهرمونات ناتج عن المؤثرات الخارجية المرتبطة بالجنس، و يمكن أن تتولد عند مشاهدتك لفلم سكس مثلا و لا علاقة للحب بها!! و يمكن أن تتولد عند اختلائك بالشخص الذي تحبه و خلق الظروف الملائمة. و حلو كتير أنك قلت الجنس هو رغبة، أكيد هو رغبة ما حب، و أكيد أنت كإنسان عندك فكر ممكن تأجلها و تسيطر عليها، و أكيد ما رح تنط عكل بنت بالشارع!!! فأنت إنسان عندك عقل ما مجنون أما التقاءك بصبية و اكتشاف أنه أنتو الاتنين عنكن ميل لبعض، و بالتالي تختلو ببعض و تمارسو الجنس، فأنا بظن أنه هادا الشي راجع لتنيناتكن، إذا إنتو التنين حابين تمارسو الجنس مع بعض لمجرد ميل جنسي مشترك، فبالنهالية أنا ما بشوف هي لحظات شاعرية و إنما لحظات شهوانية، و ممارستكن للجنس مالها علاقة بشي إسمه حب، و إنما مجرد اشباع رغبات جنسية، بيشعر الواحد بعد ما يخلص منها بالقرف، لأنه الشعور الجنسي مؤقت ينتهي بانقضاء الشهوة، و بيكتشف الإنسان قديش هو سخيف، إنه من شوي كان حاسس إنه بس بدو يمارس الجنس مع الشخص اللي بعد ما يمارس الجنس معه كم مرة بيمل منه و بيصير الجنس معه عادي، و بيصير نفس الميل اللي كان لهداك الشخص بيتحول لحدا تاني، لذلك أنا باستسخف الفكرة من أساسها و بعتبر أي علاقة جنسية غير ناتجة عن حب سخيفة و مقرفة أما العلاقة الجنسية الناتجة عن حب متوج بالزواج هي علاقة مقدسة، تكسب صاحبها السعادة، و نتيجتها أنه الشخصين مستحيل يمله من بعض لأنه في حب روحي بيربطهن ما جسدي، أنا ما عم ناقش موضوع عذرية هون تخبيها لصاحبة النصيب$$ أنا فكرتي أنه الجنس بين شخصين لا يربطهما الحب الصادق و المثبت بالزواج هو مجرد استجابة لشهوة مؤقتة تنقضي بانقضاء الشهوة، و ليس لها علاقة بالحب، و إنما هي السبب الأساسي بأن الحب الصادق أصبح نادرا هذه الأيام طالما نحن لا نبحث عنه، كل ما يهمنا الجنس و أن البنت التي تمر بعلاقات عديدة في حياتها و تمارس الجنس طبعا في كل منها و الشاب أيضا اللي بيمر بنفس الشي، عم يقتلوا بشكل بطيء رغبتهن بالحصول على الحب من شخص آخر، و عطشهن للحياة مع إنسان تحبه، و بيصير الجنس هو كل ما يسيطر عليهم و هو كل ما يبحثون عنه و لذلك بيكون الزواج عندهم مجرد بناء أسرة و قناعة بإمكانية الحياة مع الشخص اللي بيتزوجوه لوجود مصالح مشتركة، و تكون حياتهم الزوجية تعيسة خالية من مشاعر الحب و دفئه فيحرمون أنفسهم من متعة الحب كل حياتهم، و إذا كنت بتفضل أنه البنت تهديك شبشب عن أنها تهديك عذريتها## و أنه أنت بالنهاية رح تسفحها@@ أنا بتفهم ليش أنت عم تقول هيك طالما الموضوع بالنسبة إلك مجرد موضوع عذرية، و لكن بالواقع الموضوع مش مجرد موضوع عذرية، و إنما العذرية مرتبطة بالواقع بمشاعر مرهفة فالبنت اللي أنت أول شخص يمارس معها الجنس، إذا ارتبطت معها بعلاقة دائمة مبنية على حب، تكن لك من الحب و المشاعر ما لن تحلم به مع البنت التي مارست الجنس و ارتبطت بعشرة شباب قبلك، و الأمر مماثل بالنسبة للبنت، و هادا شي للأسف أصبح يستسخفه معظم الناس!! و يعتبر أن الموضوع مجرد عذرية |
اقتباس:
|
اقتباس:
بشرفك انت مقتنع بهالحكي ؟ اقتباس:
اقتباس:
اقتباس:
ومانك حاسب حساب انو في بنات هون .. عيب عليك |
اقتباس:
بتوقع هاد هو الكلام يلي ما بينحكى بعدو كلام الله يعطيكي ألف عافية اخت كاميكاز وبتوقع انها أخرست وردّت عكل كلمة انحكت :clap: مشكورة |
هع هع هاااااااااااااي كيفكون شو اخباركون
|
اقتباس:
و كلمة سيكس ما فيها عيب، ما فهمت بالعربي اني عم احكي عن الجنس، قلتها بالانكليزي عذرا كاميكازي اقتباس:
ممكن تفهميني شو معنات الاقتباسات التالية؟... اقتباس:
يللي ما بسمحلك فيه عموما هاد رأييك، و انتي حرة فيه بس قبل ما ادخل بمناقشتك، يللي حكيتو هوي مفهومي للجنس، و ليس مفهومي للحب لا انتي و لا غيرك بسمحلو يعلمني الحب و شخصيا، ازا بترجعي بتقري يعني، رح بتلاقيني ما جبت سيرة الحب حتى لما اضطريت اني اذكرو، ذكرتو بكلامي على انو "ميل" ما عم اطلب منك انو ما تعلميني الحب تقليلا لقيمتك، قيمتك محفوظة و دليلها اني احترمتك و رديت عليكي عم اطلب منك هالشي احتراما ليللي علمني الحب شيلي الحب مع جنب، و ساعتها منتناقش |
حبي انت مع مين عم تحكي معي شي
|
اقتباس:
:o :o :o :o رجعنا لشغل الادلبية |
طيب هلأ السؤال اللي بيطرح نفسو
انو باوروبا وأميركا يعني كان عااااااااادي عندن انو الوحدة تتجوز وهي غير عذراء ولا شو بالضبط؟؟؟؟؟؟؟؟؟؟؟؟؟؟؟؟ لانو بصراحة انا هادا اللي فهمتو من الموضوع |
اقتباس:
انت شو بدك باوروبا و الصين و الواق واق عم نحكي عن الجنس المتأخر ... مشان طانت "عذرية"، عم يطالبونا نكبت وحدة من اقوى الغرائز و الرغبات البشرية الطبيعية .... **الــــجـــنــس** الذي من اجله قامت حرب البسوس، و حرب الداحس و الغبراء، و من اجله هدمت طروادة و قتل اخيليس و من اجله قتل "اوديبا" اباه، لتبدأ مع هذه الجريمة ما يعرف اليوم باسم "الحضارة" الجنس، الوحش الخرافي في خيالنا الشرقي... مشان طانت "عذرية" لازم نحبس هالوحش الجامح بداخلنا، نتناساه، نضحك على نفسنا و على جسدنا، و نمارسو كأنو جريمة، بالسر، بالعتمة، نسرق الوقت سرقة لحتى نمارسو و الحل الوحيد المطلوب، هوي الزواج و بعدها بيطالبونا انو الزواج ما يكون بقصد الجنس، بل بقصد التفاهم و تكوين الاسرة و تربية الاطفال...الخ و خود على امراض، و شوف الدكاترة النفسيين شو رح يصير عندهم شغل |
اقتباس:
بس أوقات بتجيبها بالصميم .. تحية إلك كريمبو .. |
ردي على مستر كريمبو.. ومايا..
أنا بستسخف العرب لأن بدهن مليون سنة ليتعلموا الحوار، دائما بياخدوا الموضوع شخصي و بيتقاتلوا، و دائما مفكرين حالهن على حق، و مهما فرجيتهن أنهن على غلط بيضلوا عميان و بيقاتلوا
و قولك مستر كريمبو أني ما فهمت بالعربي أنك عم تحكي عن الجنس قمت فهمتني بالانكليزي، فيها سخرية، و ما بظن أنك بموقف يسمحلك تسخر مني و من عربيتي أو فهمي للأمور، إذا كان برأيك الزواج مؤسسة و الجنس تدعمه الهرمونات التي تدعمها المشاعر و غيره من تخبيص، أنا صححتلك معلوماتك من غير سخرية و احنرمتك و رديت عليك بالرغم من أنه حكيك ماله معنى، بس أنت ما رديت علي أصلا، بحاكيك من الشرق بتجاوب من الغرب، و لو كان أصلا عندك رد كنت رديت، بس أنت مجرد هربت من الموضوع بعدين عندك تناقض غريب، بتقللي هاد اللي ما بسمحلك فيه و بالسطر اللي بعده بتقللي عموما هاد رأيك و أنتي حرة فيه، فإذا كان رأيي و أنا حرة فيه كيف ما بتسمحلي فيه؟؟ و شو يعني ما بتسمحلي فيه ؟؟ما حلكن تتعلموا الحوار و آدابه، بتضلوا على جهلكن، ما بتعرفوا تحكوا إلا بلغة الشوارع بسمح و ما بسمح. اقتباس:
اقتباس:
و بتالت رد سألتني بس شلون طلع معكم انو "إطفاء غريزة الجنس" هوي "طمس" للمشاعر و التفكير؟؟؟ و عملت دكتور و صرت تشرحلنا مفهومك عن الزواج و احترامك للشواذ، فكيف بتقول أنه اللي أنت حكيتو هو مفهومك للجنس و ليس للحب؟؟!!!! اقتباس:
و لو كان كلامك صح و ما بتسمح لحدا يعلمك الحب ممكن تحكيلنا مفهومك عن الحب اللي ما بتسمح لحدا يعلمك ياه و اللي بتتهرب منه؟؟؟؟ و بالنهاية أنا اللي قلتلك ياه أنه جنس بلا حب يتساوى فيه البشر و البهائم، أما حب مع جنس فيعني زواج، إلا إذا كانت كلمة حب كذبة و الموضوع مجرد جنس بلا حب متل البهايم، و أظن أنه احتراما للي علمك الحب المفروض أنك تحكيلنا شو علمك عن الحب، طالما تحديناك و قلنالك لا تعرف عن الحب شيء، يا أخي دافع عن نفسك و إحكي شو اللي بتعرفه عن الحب، و احتراما للي علمك الحب اظهر كلامه و منكم نستفيد.. و إذا بدك ياني شيل الحب على جنب لنتناقش، أنا ما بناقش معك موضوع جنس و بس، لأنه برأيي إذا كان الموضوع مجرد جنس، فالموضوع متدني جدا و غير أخلاقي و غير علمي، و الكلام عن مشاعر جنسية مجردة من الحب أشطر وحدة تناقشك فيه و أكتر وحدة عندها خبرة فيه هي أي عاهرة تحب الجنس و تعارض الزواج، لأنها لا تستطيع الالتزام مع شخص تحبه و لا تؤمن بالحب، كل ما تؤمن به هو علاقة جنسية جديدة كلما سنحت لها الفرصة، و خاصة إذا كان الموضوع من وراه مصالح شخصية لها.. و أظن أنك ما قريت ردي كاملا لأنك رجعت تقول مشان ما بعرف شو عذرية، اللي قلنالك هي ما مجرد عذرية، الشغلة لها ارتباط بالمشاعر و السلوك، روح راجع اللي كتبتلك ياه، و رد على كل فقرة على حده بشكل منطقي، قبل ما ترجع تحكي أنه بدهن ياك تكبت غريزتك عشان عذرية، و رجاء قبل ما تكتب عن الموضوع مرة تانية رد علي و على ردي السابق رد كامل ما ترد على شي و شي، و إلا هي آخر مرة برد عليك و ما رح ضيع وقتي بعدها، عمو كبت غريزتك لحتى تحصل عالبنت اللي تحبها، و تشبع غريزتك معها هي فقط، أي تكون زوجتك لتستمر بحياتك معها، هو اللي بميزك كإنسان عن الحيوانات اللي ما عندهن حب و زواج مجرد إشباع غرائز، و لا تقلي شو صار حروب بالعالم من أجل الجنس، لأنه تخيل يصير حرب عالمية رابعة من أجل الجنس قديش الفكرة سخيفة و أكيد ما في إنسان فهيم بيتقبلها بعدين عندك اعتراض على ممارسة الجنس بالسرقة و العتمة!!! شو وين بدك تمارسه بمطعم؟؟؟ طبعا الجنس يمارس بمكان فيه خصوصية، أما العتمة و غيرها فكل واحد حر إذا بحب يمارسه بالعتمة أو تحت كشافات!!! و شو قصدك تسرق الوقت لتمارسه؟؟ إذا الواحد ناقشلك الموضوع و ارتباطاته بالحب و الزواج يعني بدك تسرق الوقت!! و ما حدا قلك تكبت الوحش الجامح و تتناساه و تضحك على حالك و جسمك، قلنالك دور على حب بدال ما تدور على جنس، و بعدين الوحش الجامح اللي فيك طلعو، فالموضوع ما هو تناسي الجنس و حبس الرغبات و الضحك عحالك و جسمك، الموضوع هو السيطرة على الجنس اللي هو مجرد شهوة غريزية، و البحث عن حب، و عندما تحصل على الحب، سترغب في الزواج ممن تحب أكيد، لأن الزواج كما قلنا إثبات الرغبة الصادقة في استمرار العلاقة مع الطرف الآخر، و دمج حياتيهما كما قلت أنت، و ذلك دليل الحب الصادق، و بعد الزواج تصبح هذه الشهوة دافع لسلوك يعزز من الحب و السعادة بين الحبيبين، أما ممارسة الجنس لمجرد إشباع شهوة فهو أمر تافه جدا، و هو السبب الرئيسي وراء الأمراض النفسية و الجسدية، و هو اللي مخلي الدكاترة النفسيين بالغرب عندهن شغل أكتر من الدكاترة النفسيين بالشرق، و هو اللي بسببه ما عاد في شي اسمه حب هالأيام، و غريب أنك رجعت تناقش بنفس الأسلوب و كأنك ما قريت كلامي، أما إذا قريته جاوبني عليه بالتفصيل قبل ما ترجع تحكي عن الموضوع على أنه عذرية و كبت شهوة أما يقولولك الحل الوحيد هو الزواج حتى لا تكبت مشاعرك الجنسية أو للتفاهم و تربية الأطفال و تكوين الأسرة، فأظن اللي قلك هيك مغفل و ما بيفهم شو هو الزواج ،لا اللي قلك الزواج للجنس بيفهم، و لا اللي قلك للأسرة بيفهم، روح أقرا شو كتبنلك عن الزواج ،أنا ربطتلك الزواج بالحب و الحب بالجنس بما يتوافق مع كوننا بشر أرقى من أن نمارس الجنس كالحيوانات، و لو بتسمع كلامي ما بيصيبك و لا مرض نفسي صدقني، بالعكس لو كنت بتعرف حدا عنده مرض نفسي خليه يقرا اللي كتبتلك ياه و يسمع الكلام حتى تساعده على الشفاء اقتباس:
بعتقد الأخت مايا عندها مشكلة في صميمها مع الزواج، و منفتحة للعلاقات المؤقتة$$ لذلك أعجبت بموقف كريمبو من الزواج، و أنه سبب للأمراض النفسية، بالرغم من أنه أكثر زوار العيادات النفسية عزاب و ليسو متزوجين، فتحية للحق و كلمة الحق و شكرا... |
اقتباس:
انا قريت ردودك كلها وما لقيت غير شغلة وحدة انك مو مجربة و ما بتعرفي شي اسمو جنس بس تعرفي الجنس شو هو على حقيقتو تفضلي ناقشي بهيك مواضيع |
اقتباس:
:o :o :o لسه انا ماعطيت رئيي شريك ;-) وبعدين شو هل جواب يعني بنت بدك ياها تحكي سكس على ابو موزه بجوز فتحولنا بوابه للسكس وسموها الحياة الزوجيه خلو الشعب يعيش مشكله مافي ولا سمايلي سكساوي ؟؟ والله موحلوه بلا هيك سمايلي :cry: النا عوده ولا يهمك انا كل اهتماماتي بالسكس :lol: :lol: |
اقتباس:
بالفعل عزيزتي لم يتبقى بعد كلامك كلام تقبل مني كل الاحترام والتقدير :D |
اقتباس:
:shock::shock: ذكرتتي وقت قلك عشرون عاما نزداد شبابا انت إذا من هلء عم اتحكي مع ابنك يستر عرضك سكوت بعدين مو انت تحت قاعدة الجنس متل ماء البحر كل ما انضربت وشربت منو بتضرب وبتعطش المهم الي رجعة على الموضوع بس من كتر المواضيع .... وهي للمتابعة .................... |
اقتباس:
معلش عزيزي كوستا هون راح نختلف لو كان مفهوم الحب كما تتدعون لكنا جميعاً احببنا العاهرات لانهن الاكثر اسعاداً في الفراش اشباع غريزة الجنس تتطلب الحصول على اكبر قدر من السعادة وهنا لن نجد افضل من العاهرات للقيام بذلك الدور نقطة اخرى لو الان الجنس لم يقترن بالزواج وكان من حق كل من احبت شخصاً ان تمارس معه الجنس لاصبحوا جميعاً عاهرات فقد تترك حبيبها وتحب غيره وغيره مراراً و تكراراً و في كل مرة ستسلم نفسها اذن فهي ليست سوى عاهرة ليس الا التي تمارس الجنس مع اشخاص مختلفين ليست سوى عاهرة !!!! بل ان العاهرة افضل منها لان العاهرة تحصل على المال مقابل تقديم المتعة اما هي فانها متعتها مجانية !!!!!! سامحني صديقي نبيل على تخلفي فانا لا ارى الحب او المراة الا في مفهوم ارقى من ان تكون غريزة حيوانية اشترك فيها مع الحيوانات معياراً للحب وللمرأة تقبل تحاتي :D |
اقتباس:
عشرون عاماً:gem: ليش اسكت لاحياء في الدين :ss: ايه شريك انا لما احكي مع الولد بحاكيه لاني متل آخوه ومشان يفش البه .... ومن هون انا بو جهه طبعاً في حد وفي خطوط حمر .... :melody: ماحلاه وهوه وعم يقلي شو ليش طولت سهره انته وامي :o شو موقفي ادام الامم المتحده :oops: وهي ماء البحر الله لايوفقك هلاء بفكروني شي عرصه :sick: :sick: يازلمه شباب نسيانين شغلات كتيره وخزيئه وكمان مافي سمايلات سكساويه :cry: |
العودة الفرنسية للعذرية بتوقع مرتبطة بفكرة المد الديني اللي عم يسيطر وين ما كان
يعني كمان الواقع اللي كان سائد قبل بالدول الغربية مو مقبول فكرة انو يلا انا اليوم مالل وما عندي شي خليني احكي مع رفيقتي لنمارس الجنس طيب هون شو الفرق بين الحبيب والصديق ولا أي واحد ماشي بالشارع طبعا انا أؤيد _إذا انا موجود :lol: :lol: :lol: _ أؤيد انو ورقة واتنين شهود وقنينة زيت مابدنا اياها لحتى بنرر زواجنا يعني اذا اتنين لاقوا بحالهن كفؤ وخرج يتزوجوا بدهن ينتظروا بياع الوراق _الشيخ او الخوري _لحتى يعطيهن الورقة طيب بركي كان معطل اليوم ؟:p :p :larg: هيدا اذا بدنا نمر فوق القوانين الفاشلة المتعلقة بالزواج المختلف الطرفين يعني بين دينين هون بتقوم الدنيا وبتقعد بعدين في العضوة كاميكاز قالت بردها انو هيدي الورقة بتضمن حقوق يا عيوني الزواج العرفي تبع الشيوخ بدون تثبيت عقد بالمحكمة بيضمنلك حقك أكيد لأ فما تضحكي علينا يا عيوني الزواج هو علاقة روحية فمن وين دخلولي الوراق وازمة الحياة وسرعتها ويمكن يكون بياع العقود نايم خيو مين بيشاركني مشان نفتح شركة بيع عقود بربي مع هيك شعب بنشتغل منيح بنوقف على بواب الحارات الميتة المرمية متل بحر الهم بنوقف على بواب السفارات متل الشباب بنبيع المهاجرين عقود مشان يبلوها ويشربوا مياتها اخوكم بحب ظل جيفارا |
رد على كوستا.. وتعليق على ظل جيفارا ..
اقتباس:
اقتباس:
كل اللي ممكن رد عليك فيه، أني ما بستغرب من ردك بعد ما شفت أول تعليق لك عن الموضوع، فإذا العذرية و الممارسات الجنسية المتعددة للبنت ما بتشوفها لها علاقة بالشرف، أي بالأحرى لو شفت أختك كل يوم مع شب فالموضوع ماله علاقة بالشرف بالنسبة لك، فأكيد أخلاقك متدنية لدرجة تجاوبني فيها جواب متل هاد، و بصراحة لما تكون محترم و عم تناقش موضوع إجتماعي برد عليك، فأنا علقت على الموضوع لأنه يمس الحياة الاجتماعية(( عودة فرنسية إلى التمسك بالعذرية قبل الزواج )) و يتعلق بالزواج، أما ردك بيحول الموضوع لموضوع غير أخلاقي ما بتنازل و برد عليك فيه، و مرة تانية يا ريت تحترم نفسك و ما توجهلي كلام مباشر بيتعلق بخصوصيات حياتي، فأنت آخر واحد من حقه التدخل بحياتي الخاصة. أنا طرحي للموضوع و نقاشي إله ما جايبتو يا محترم من راسي، جايبة كلامي عن حوارات طويلة مع بنات متزوجات و بنات غير متزوجات، منهم المتمسكين بالفكر اللي طرحته أنا و منهم العواهر اللي بيوافقوك بآراءك، و عن قراءة لأهم المراجع اللي بتناقش الزواج و الحب و بتوضح انحطاط المجتمع اللي همه ممارسة الجنس و بس، و لو الدنيا بتمشي على عقلك و عقل أمثالك لصارت كل بنت عاهرة$$ و كل شب عبد للجنس و العواهر!! أكيد أما يا ظل جيفارا يا ريت تقرا كل كلامي قبل ما تحكي، هي الورقة اللي عم أحكي أنا عنها هي تثبيت الزواج بالمحكمة.. اقتباس:
، و أي زواج غير مثبت بالمحكمة أكيد ما بيضمن أي حق، و متله متل قلته من ناحية الضمانات، و وقت بقول حقوق برجع بعيد كلامي، يعني أبسط شي فيهن أنه لو فرضا كان عند الزوجين رغبة بالإنجاب يوما ما، بيكون طفلهن شرعي و له إسم عيلة و حقوقه الكاملة، و أكيد اللي بينتظر لحتى تحمل حبيبته حتى يتزوجها !!!متل معظم الزيجات في الغرب، زواجه هو مجرد ضمان حقوق، و هادا أمر مرفوض برأيي، فقد ذكرت ما هو رأيي في الزواج سابقا و فهمكن كفاية.. بعدين يا ظل جيفارا أظن أنه تعريفي للزواج كان بيأكد على أنه علاقة روحية، و بيوضح الموضوع أكتر مما أنته موضحه، فما كان في داعي تعيد كلامي على أنه تصحيح لكلامي!! إذا صح التعبير. |
اقتباس:
بعدين لو سمحتي تلزمي حدودك بآداب الحوار ولا تتجاوزي معي اي حد .. لانك لا بتعرفيني ولا بعرفك .. ولا من الي بيشمو من على كف ايدون يعني .. ما بسمحلك ابدا .. وانا ما وجهت الكلام الك .. انا حكيت مع كريم لهيك صفي مع جنب انت .. ئال منفتحة عل العلاقات المؤقتة ئال .. لا وشوفو المقدمة الي كاتبتها بالرد بتقول يا لطيف شو عندها اسلوب حواري راقي .. لانك ما ئريتي منيح انا شو كتبت .. انا اقتبست جملة وحدة .. وكتبت اني في كتير اشياء ما بتفق معو فيها . رفعتيلي ضغطي روحي يا اسلوبك فلسفي سطحي .. يعني على ئد ما بتحكي بتمرضي ..:sick: |
| الساعة بإيدك هلق يا سيدي 08:22 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون