|
مستحيل
ما عندي فكرة على ليش من الشرق ومو من الغرب بس اقصة بتتبع دوران الارض حول محرها والدوران هو بجهة بتسمح تكون القسم الأول المطل على الشمس هو الشرق وبحسب دوران الارض بتنتقل من جهة لاخرى يعني القصة كلها بترجع لحركة الارض حول نفسه وما بتتلعلق باي شي تاني فلو كانت الارض بتدور حول نفسه بس بجهة معاكسة كنت " يا ايها المتسائل " كاتب موضوع بعنوان " ليش الشمس بتشرق من الغرب " فهمت عليّ !! |
اقتباس:
بس تقرؤو كلو بتعرف شو صار |
اقتباس:
شو أعتمدوا العلماء الأخويين بالأخير ....؟ :larg: |
شبعرفني ياحبيب انا متمسك بنظريتي لانها الصح طبعا :adal:
ومحمد براهيم خرج ولم يعد هاني ماعاد فات عالموضوع |
اهم شي قتنعت بالاخير من هل 11 صفحا ولا لسى ؟؟
|
اقتباس:
|
اقتباس:
اما هاني الغشيم:lol: قال لا رح يتم جزء دائما نهار وجزء دائما ليل :shock: |
والله مافي غشيم غيرك
شي طبيعي انو يكون جزء دائما نهار وجزء دائما ليل لانو النهار والليل هو نتيجة دوران الارض حول نفسها. وفي حال وقفت الارض عن الدوران حول نفسا, فخلص الجزء اللي رح يكون عند الشمس هو اللي رح يكون كلو نهار و التاني كلو ليل. الارض رح تكون بمسار محدد هو رح يتحكم فيها وبما انها ما بتقدر تلف, فهو المدار اللي رح يلفها (متل سيارة عالكهربا موجودة ضمن حلبة طريقا ديق (ديق لحد انو الحلبة هية اللي رح تفتل دركسيون السيارة) السيارة رح تفتل مع فتلة الحلبة افترض حالك راكب بمرجوحة يا خيو. (هدول المراجيح تبع الكهربا اللي بدورو حوالي عامود) لما بتقعد عليها وبكون ايدك اليسار باتجاء المركز, بس تصير بالجهة التانية شو بكون صار فيك؟؟؟ صارت ايدك اليمين باتجاه المركز؟؟ ولا لساتا ايدك اليسار؟؟ نفس الشي بالنسبة للارض. بس هو منطقيا اذا وقفت الارض عن الدوران حول نفسا, فلا هاد ولا هاد رح يحصل, هية رح تنجذب للشمس وتسطدم فيا. |
حبيب رجاع كم صفحة لورى بتلاقي في صور وفي فلم فيديو نزلون وشوفون
اقتباس:
|
بس هلق انت جيب بيضة \يلي بيتنقلا \
وحط شي مركز وبعد البيضة عن المركز شي 30 سم ولون نصها بلأسود بعدين حرك البيضة وهية ثابتة بإيدك يعني شيلها حطها على يمين المركز بعدين شيلها حطا أعلى المركز بعدين على شمالو بعدين تحتو شو بيصير معك ؟ |
لك يا زلمة انتبه عليها مزبوط. الارض عم تكون دارت دورة كاملة بالنسبة للمدار بس ترجع توصل لنقطة البداي.
بينما بالحالة التانية, فهية الارض ما دارت, المدار هو اللي دورها. بس بكل الاحوال نحن عم نتناقش بشي مستحيل يصير. المرجوحة في شي عم يحركها, والبيضة في ايدك عم تحركها. بس الارض اذا وقفت عن الدوران مافي شي يحركها. |
هلق حبيب تعا نسكر على هالموضوع لانو مليت منو ونتناقش بشي موضوع تاني عكيف ربك
:sly: |
اقتباس:
والله بتكون عملت زينة العقل:D:D لانو هالمواضيع اكبر من العقل لهيد بتلاقي فيها مليون نظرية وافتراضية;);) تعوا نتناقش بشغلة على قد عقلنا برايك الواحد لما بيرضع من امه بيحبها اكتر ولا لما بيرضع حليب صناعي يعني تبع البقرة:shock::shock: شو رايك؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ بالمناسبة انت رضعت من امك ولا حليب صناعي؟؟؟؟؟؟؟؟؟؟؟:lol::lol::lol::lo l: |
اقتباس:
ثانيا ما في موضوع كبير عالعقل عقل الانسان قادر على اكتشاف ماهية كل شي ما عدا الاشياء الخرافية اللي هوي اخترعها باعتقادي انتي قريتي نص الموضوع ونطيتي حطيتي رد بدون ما تقري كامل الموضوع وتعرفي كيف انتقل النقاش من فكرة لفكرة لحتى صار الموضوع بهالضخامة هاي :D |
علميا هالشي مستحيل الارض اذا وقفت عن الدوران حول نفسها رح يطير كل شي عنها حتى المباتي رح تطير بالهواء ومارح يبقى حياة عالارض
|
اكد العلماء ان الارض تبطىء من سرعة دورانها حول نفسها جزءا من الثانية خلال كل مائة عام . فقبل حوالي 4000 مليون سنة كانت مدة كل من اليل والنهار اربع ساعات فحسب. واستمرت حركتها بالتباطؤ حتى تساوت فترتي الليل والنهار. وكنتيجة طبيعية لهذا التباطؤ سوف ياتي وقت تتوقف فيه الارض تماما عن الدوران . وعلميا بعد فترة توقف قصيرة تبدا الارض مرة اخرى بالدوران بشكل عكسي مما يحتم ظهور الشمس من المغرب . وعلى الرغم من معرفتنا لنسبة التباطؤ , لا يمكننا تحديد الوقت الدقيق الذي تتوقف فيه الارض تماما عن الدوران. لان عملية التباطؤ معرضة للازدياد بنسب معينة اذا حدثت امور خارجة عن الماءلوف, مثل استخدام القنابل الهيدروجينية او اصطدام نيزك او نجم بكوكب الارض وغيرها . هي المعلومه قريتها بموقع اسلامي المهم في من هالشي بس السؤال يللي بيطرح نفسه.؟ هوي شرط نتيجه التباطؤ بيكون التوقف.؟ طيب بلكي ما تم التوقف.؟ |
اقتباس:
يعني كيف ممكن جضرتك تفسرلنا كيف بيصير هيك.؟ شكرا |
اقتباس:
لا بالعكس انا قرات الموضوع كله وانا من الناس المعجبة بهيك مواضيع بس لما يكونوا الاطراف قابلين للنقاش مو واحد يحكي والباقي مو مستعدين يتقبلوا يعني كل واحد متمسك برايه ومصر يثبته مع انو كل النظريات اللي انطرحت بتاخد العقل وانا قراتها من قبل ما فوت لهون واستغربت انو لاقيها مجموعة هون لانو ممكن لما الانسان يدور على هيك معلومة يقتنع بنظرية من النظريات مو يقرا الكل وبعدين يقول ايه مو معقول يا زلمة صح او انا غلطانة؟؟؟؟؟؟؟؟؟؟؟؟؟؟؟؟ منشان وحسب اخر رد قبلي كتبت لنغير الموضوع |
| الساعة بإيدك هلق يا سيدي 23:53 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون