كيف تم بناء لغة البرمجه
 

يا شباب إذا في حدا بيشرحلي كيف تم بناء لغات البرمجة

أول شي سؤالك شوي عام يعني سطحي , لغات البرمجة بيتم بنائها عن طريق ال C أو ++ Cوهنن لغتين غنيين عن التعرفة ! وللعلم أنو أنظمة التشغيل بتتبرمج على هدول اللغتين ! وكل لغة برمجة إلها مترجم Compiler
وإذا بتحب بعطيك اسم كتاب بيحكي عن المترجمات تبعات لغات البرمجة كيف بتشتغل .

تحياتي
فراس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

وهي لينك كمان

فيراسو ، بظن الاخ عم يسأل لغات البرمجه الاساسية ( السي مثلا ) كيف تم بنائها ؟ على اي اساس ..

يعني عم يدور على نقطه البدايه :)

يمكن قصدك شو مبدأ البرمجة
البرمجة مبنية ع اساس المنطق..

و انا بشوف (باعتبار هاد اختصاصي) انو من اهم قوانين بدايات البرمجة هي الجمل الشرطية و الحلقات..
ورح بسطلك الموضوع و اعطيك مثال...
انت وعم تسوق سيارتك و بس توصل ع الاشارة بتشيّك(بتختبر) ع الالوان, اذا الاشارة حمرة بتوقف و اذا صفرة بتستعد واذا خضرة بتقطع.. و بهالنظام البسيط يلي انت شايفو عم تبرمج حركة سير طويلة عريضة بالمدن الكبرى...

فهيك البرمجة... حلقات متكررة من الاختبارات ع قيم متحولات و تغيير قيم متحولات بناءً ع قيم متحولات أخرى..