|
حقيقة علمية جديدة
القدس العربي - لندن: أعلن علماء في وكالة الفضاء الأمريكية (ناسا) أنهم اكتشفوا مؤخراً نتيجة للأبحاث التي قاموا بها طيلة العشرين عاماً الماضية أن كل النظريات السابقة بخصوص دوران الأرض حول الشمس خاطئة وأن الأرض هي مركز الكون وبقية الكواكب والنجوم والأفلاك هي التي تدور حولها. وجاء هذا الإعلان في مؤتمر صحفي عقدوه في مقر الوكالة وقال رئيس الفريق الباحث "توم هالاويد" أنهم توصلوا إلى أدلة تدحض كل المعلومات السابقة وتؤكد نتائجهم وشكل هذا الخبر صاعقة مدوية بين العلماء الذين تهافتوا لدراسة هذه الأدلة وشكل الرئيس الأمريكي "باراك أوباما" لجنة من كبار العلماء في الولايات المتحدة الأمريكية للتحقق من صحة ما توصل إليه العلماء في (الناسا) وكانت هذه اللجنة برئاسة العالم "روبرت رزنيك" وعضوية عشرة آخرين من ألمع العلماء في كافة الأصعدة. وكانت جامعة (فيلادلفيا) أعلنت أنها ستتوقف عن إعطاء دروس الفيزياء التي ترتبط بموضوع مركز الكون وأنها سترسل فريقاً من كبار الأساتذة ومن بينهم البروفسور "جورج كرين" لديها لمؤازرة اللجنة التي شكلها الرئيس الأمريكي. وقد كان هذا الخبر محط اهتمام جميع الصحف ومحطات التلفزة العالمية عموماً والأمريكية خصوصاً التي خصصت صفحات عدة وبرامج لمتابعة هذا الموضوع الذي شغل بال جميع العلماء والمهتمين بعلوم الفضاء والأرض والفيزياء. ترجمة حنا يوسف - المصدر الواشنطن بوست. |
عن جد معقوووووووول
من فترة وانا سمعان بهالحكي رفيقي قلي كمان انو شاف البرنامج عال cnn |
مشكور على الخبر أخي الكريم بدنا الأخوى دارك نيس و ناصر يعلقو على الموضوع |
يعتمدو ع رأي و يخلصونا بقى
طوشونا ياه :frown: |
شو مشان من وين جايبلي هالخبر:shock:
يعني الكنيسة القديمة كان معها حق بحرق كل مين عارضها:frown: يا اخي ما الو اصل هالموضوع و الشغلة مبينة متل عين الشمس الارض عم تدور حول الشمس و الشمس بتدور حول مركز المجرة انتهى |
وين المصدر .....!
ولا معتمد على مؤسسة اغا خان كـمصدر لمعلوماتك .....! |
اقتباس:
وبغض النظر عن المصدر هيك خبر لو كان صحيح كان انطبلت في الدنيا و كنت شفت قناة الجزيرة حطتو باول صفحة على موقعها لتثبت لقرائها الكرام انو نظرية مكة هي مركز الارض صحيحة. |
اقتباس:
رجاء خليك محترم واحترم ثقافة ودين غيرك مافي داعي لهيك تعليقات سخيفة |
اقتباس:
بعدين وين الأهانة |
اقتباس:
. وين جبت سيرة الدين !! :? اقتباس:
لسّا و الاسخف اللي بيعتمد كلام "رفيقو" كمصدر لمعلوماتو .... |
فكرت حالي رح اقرا موضوع علمي ونقاش حوله قمت لقيت خناقة
عطونا المصدر الله يرضا عليكم |
انا اعترض
لان الانسان هو مركز الكون والكواكب والمجرات والدنيا كلا بتدور حولو والي بدو الدليل يجيني بالسهرة اليوم وانا بثبتلو بما لايدع مجالا للشك ان الانسان اصله جلده حنفيه:hashish: |
اقتباس:
|
اقتباس:
اقتباس:
|
اقتباس:
|
اقتباس:
انا اسف اذا ردي كان قاسي بس هيدي الجملة ما بحقلك تكتبها بهالشكل طول بالك يومين لتعرف شو قصة الموضوع |
شو ابو العبد شو هالحكي مهعقول جلدة حنفية بس انت هيك ما عم تحدد هالحنفية مي باردة ولا ساخنة
لانو بتفرق |
اقتباس:
يومين .... كنّي المصدر لسّا مو متأكد من المعلومات ...!! يثبّت الموضوع ...بانتظار المصدر .... :lol: |
اقتباس:
يا سيدنا إذا كان الإنسان أصلو جلدة حنفية بيكون مركز الكون الحنفية مو الإنسان وطالما جلدة الحنفية هو الإنسان يا لطيف ويا ستار شو بدو يصير زلازل وكوارثر من هيك جلدة وأصلا هيك بتصير النظرية أظبط من أنو الأرض مركز الكون وسلملي على زغلول النجار وقلّو يختفي لأن إذا شافو حدا من جماعة داروين رح تكون اكتملت الحلقة المفقودة |
اقتباس:
|
أنا بحبشت عن الموضوع ولقيت عاليوتيوب نظرية لطيار سوري بأكد أن الأرض لاتدور حول نفسها ولا حول الشمس
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
أنا بحثت كتير عن موضوعنا هاد ...اللي على حسب زعم صاحب الموضوع صادر من وكالة ناسا...ماوجدت الا بعض المنتديات الدينية ومنتديات مشكور و تقبّل مروري ...ناقلة الموضوع كمان بحذافيرو "نسخ -لصق " مالو أي مصدر موثوق حاكي عنّو ....لا القدس العربي و لا موقع ناسا و لا البي بي سي .... فـبانتظار نهاية مهلة اليومين لنشوف مصدر الخبر الموعودين فيه... |
| الساعة بإيدك هلق يا سيدي 19:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون