|
إطلاق نار على حافلة سورية شمال طرابلس
نقلت وكالات انباء بان باصاً سورياً عائد لشركة الرجا "كان ينقل 25 عاملا سوريا ذاهبون للعمل في لبنان تعرض لاطلاق نار من مجهولين" على الطريق الدولية بين طرابلس وعكار وتحديداً في منطقة دير عمار يوم الاثنين.  وبحسب الوكالة الوطنية للانباء فان اطلاق النار تسبب "بمقتل احد ركابه على الفور ويدعى عبدالله.ع.ع (مواليد 1992 الرقة ) وإصابة آخرين". وقالت الوكالة بانه "على الأثر، حضرت الى مكان الحادث القوى الأمنية وباشرت التحقيقات لمعرفة مطلقي النار". - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
طالب وزير الخارجية وليد المعلم يوم الاثنين الجهات المسؤولة في لبنان بإجراء تحقيقات بشأن إطلاق النار على حافلة سورية في شمال لبنان وإطلاع سورية على نتائج التحقيقات.  وذكرت وكالة الأنباء السورية (سانا) أن "المعلم أجرى اتصالا هاتفيا مع كل من نظيره اللبناني علي الشامي ومع أمين عام المجلس الأعلى السوري اللبناني نصري الخوري بشأن الحادث الإجرامي ضد الحافلة السورية شمال لبنان والذي ذهب ضحيته مواطن سوري". وطلب المعلم خلال الاتصال بـ"إعلام سورية بالسرعة الممكنة بمجريات ونتائج التحقيقات التي تجريها السلطات اللبنانية وتحديد الفاعلين ومن يقف وراءهم". - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
قال رضينا بالبين و البين ما رضي فينا ..! |
بعد رح نشوف هيك حوادث كتير، لأنو في كتير ناس بلبنان عندن كره كبير للسوريين وهلأ مزعزجين جداً من زيارة الحريري، وإحساسن أنو السوريين انتصرو عليهن، ومتل العادة بتجي فشة الخلق بالعمال المعترين اللي عم يضطرو يروحو علبنان كرمال لقمة الخبز.
|
مو حرام نحنا لكان
احيانا بوصل لمرحلة بقول الله لايردون ما قصر فيون الجيش السوري لانون كلاب بعتذر بس يمكن لما شفت هالشب يلي مواليدو 92 ملي قلبي حقد وتمنيت لو كان الجيش عمل فيون اكتر واكتر وعملو ببعض اكتر شعب سفيه وحكامه سفهاء الله لايرون شو ما صار عليون اذلاء وبيضلو هيك لانو طبيعي يلي بدو يتبع هيك قادة متل جنبلاط والحريري رح يضلو عم يحسو بالاهانة والمذلة |
اقتباس:
كل فترة بيصير نفس الشي مع العامل السورين في لبنان.......لك اد ما زادوها عادي...لأنو نحن عا طول موقفنا سلبي.......هزولت:jakoush: أي الله يرحم أيامك يا حافظ الاسد..........ما كان أخو شليتة منون يسترجي يرفع راسو أدام السوري |
اقتباس:
يجب علينا أولاً أن نفكر من المستفيد من هذه الجريمة و من السهل لأي أنسان أن يكتشف من المستفيد و الكل يرى يومياً في الأعلام أخبار عن أكتشاف شبكات تجسسية لأسرائيل و بأعداد كبيرة غير مألوفة في التاريخ و أحياناً يشعر المراقب و كأن أسرائيل لها مكاتب تجنيد علنية لبنان وضعو لا يختلف عن العراق بلاوي الدنيا كلها به |
اقتباس:
لاحظ انا ما طالبت بقطع العلاقات ولا طالبت بسحب السفير ولا طالبت بتسكير الحدود ولا طالبت باسقاط النظام اللبناني ولا ولا ولا يعني انا ماني بصدد عمل عدواني عليون لانو للاسف بيستاهلو كل شي عم يصير معون دم هالشب يلي عمرو 19 سنة وين راح؟ وليش؟ جيشنا مش عندون ولا عم يعتدي على حدودون ولا في سفارة عم تدخل (رغم انو يروحو يحاسبو زعماءون بالاول) ما في لبناني عم ينهان بسوريا فليش هالفوقية وعلى شو شعب ... من سيء الى اسوء على طول على طول شعب عايش عالمنفخة والا ما يجي شي يضرب بهالبالون |
شعب جحش ما بيجي غير بتكسير الراس ودعس الرقبة..من يوم يومون بيسبو وبيحشكو عالسوريين..
عيب علينا أنو استقبلناهم عنّا ومحدا تعرضلن رغم كل شي بيعملوه بحق السوريين..كان لازم نكحشن عبلدهن ونخليهن ينقبروا ويندفسو هني وقوادهن |
اقتباس:
المنفخة موجودة عند كل شعب مابستاهلو ألا كل خير الشعب السوري و اللبناني شعب واحد و الدليل على ذلك أن القادة عندهم قادة طائفيين و ليسو وطنيين لما كانت الحرب الأخيرة على لبنان هاجر اللبنانيين الى سوريا و لو كان بين الشعب اللبنابي أي عداوة مع الشعب السوري لما تدفقو بمأت الألاف الى سوريا اقتباس:
بصراحة هذا الوصف لا يعبر عن سعة صدر و لا حتى الأخوى بين الشعوب و لا ننسى أن هناك ما يقارب النصف مليون سوري يعمل في لبنان |
يا حرام
عمال معترين وشب بأول طلعتو مواليد 92 الله يرحمو الله ينتقم منون اللي ما بخافو الله تقول مافيا وعصابات .. لا حول ولا قوة الا بالله العلي العظيم... |
هلق سؤال فني دير عمار لمين تابعة طائفيً و سياسيا
و طبعا كالعادة ضد مجهول و هلق صار للسفير السوري شغلة خلينا نشوف شو لح يعمل |
اقتباس:
بالانتخابات ... المستقبل تحالف مع هالحركات ...بس ما بظن رح يقدر يضل مسيطر عليهون مع تغيير خياراتو |
اقتباس:
هاد الشب او الطفل اصغر مني..حظو وظروفو كانو صعبين لحتى اتطر يروح للبنان يشتغل..وانتهت حياتو ابل اوانها بكتير..الله يرحم روحو..حئك تحزني..حئنا كلنا.. بس مو هيك ردة الفعل..انا ما بعد حالي بحب لبنان كدولي وشعب ويمكن العكس تماما..بس ما بيجوز بيوم انو نتمنى لشعب يكون محتل..اي شعب..ومهما كان.. بس ما بت |
الله يرحمه
شو ذنبه هالمراهق.... رايح يشتغل صار كم مرة تطلع هالقصص براس العمال السوريين |
ولا بمية سنه بتظبط علاقتنا مع لبنان هالشي اللي صار رح يتكرر لان متل مافي ناس عم تشتغل لترجع العلاقات في ناس تانيه كمان عم تشتغل لمايصير هالشي
|
اقتباس:
بس ادوات العمل مين؟ ناس لبنانيين المفروض يكون عداءون متل ماعم تقول مش موجه لشعب كانو يتمرجلو على النظام اما شب عمرو 19 سنة رايح يشوف رزقو ليش ينقتل برصاص فتنة؟ وليش بدي استوعب انا ما قلتلك اني رح عاديون او عاملون بالمثل ولاقلت اذا شفت لبناني رح قوص عليه لاني مش هيك وسواء اذا كانو القادة تبعون سياسيين او طائفيين فهالشعب تابع الون وعلى اقل تقدير شوية احترام للهالشعب يلي احتواهون وبدون اي منية وعاملون متل اخوة ويمكن هالشب يلي انقتل كان من الناس يلي قدمت مساعدو معينة للبناني هرب من الحرب:D اذا اسرائيل مستفيدة لازم ماننسى نحارب هيك ادوات ونقعد نسب كل النهار على اسرائيل اقتباس:
وانا متلك ما بقدر اكره هالشعب بس بقدر عبر عن غضب ولو كان بالحكي ولامرة كنت مع الوجود السوري ولامرة بررت لضابط يلي عملو ولهيك ما برر لهيك ناس تقتل عمال والله لو ضاربين على عسكر مابزعل بس يضربو على ناس رايحينن يدورو على رقون هون القهر بيكون اكبر واكبر:D |
لا يصلح العطار ما افسده الدهر :cry:
|
ممم
يعني منستنتج انو غلط يموت شب بس مو غلط عشرات سنين من النهب و السرقة اللي صارت بلبنان الحقد بيولد حقد دم هالشب مو شي ادام الدم اللي انسفك بحرب لبنان مو تسفيه لدموا او لروحوا بس يعني الواحد يكون منطقي مو عاطفي |
طولوا بالكن شوي يا شبيبة ... يعني هل المنطقة من طرابلس للحدود السورية كل عمرا هيك و على طول بيصير فيها هيك مشاكل ..كمان ليش نزلتو باللبنانية هيك ...متل مافي زعران هونيك في زعران بسوريا
أنا بعرف مع كل يلي صار أثناء تواجد القوات السورية بلبنان و لهلئ العلاقة بين الشعب اللبناني و العمال السوريين مانها سيئة .. و خاصة بالضيع اللبنانية و لا حدى في يخبرني عالبنان لاني فاتلة من طرابلس بالشمال لبنت جبيل بالجنوب بنترك الموضوع للحكومة السورية و السلطات اللبنانية و انا بنصح كل العمال السوريين يفوتو لبنان من حاجز المصنع عن طريق الشام لانو مجرد المرور بطرابلس بيوجع الراس و الله يرحم الشب يلي توفي و يشفى البقية |
ولسا ماشفتو شي والآتي أعظم
وجية هالحريري وراها بلاوي بس على مين :sly: والله مابينعطو وجه لأنهم بميت وجه وعندن احساس بالنقص تجاه أي سوري والشب اللي راح شهيد في سبيل قضية كرامة هالوطن رحمه الله عليه |
في كتير أغلاط من الجهتين، ومازالت الأغلاط مستمرة، لأنو ما حدا عم يتعلم من الماضي، يا بيعادو لأبعد الحدود، يا بيتآخو أكتر من اللزوم. وبالحالتين في مين بيحرض العالم على بعضا.
بس بالنهاية هي الحادثة ما لازم تاخد أكتر من حجما... رغم الأسف على الدم البريء |
ايييييييييييييييييييه على الله :(:cry:
|
لولا هالحرمية البعثية الاسدية مو ناهبين اقتصاد البلد, ما كان اضطر مليون مشحر سوري انو يشتغل ببلد صغير متل لبنان.
بعدين في شغلة عجيبة كتير. بس يصير شغلة بلبنان بتأثر سلبا على النظام السوري فورا بتهموا اسرائيل وبخترعوا نظرية مؤامرات ( اغتيال الحريري مثلا) واما شغلة قتل العمال السوريين فاسرائيل هون مستبعدة نهائيا ولا مؤامرة ولا بطيخ عنجد شي غاية بالقرف على كل حال الله يرحم جميع شهداء الشعبين السوري واللبناني |
اقتباس:
و عامللي قصة ( الاحتلال الاسدي و البعثي ) متل قصة الجمل يللي ما عندك غيرها يعني هلأ إذا حدا نزل موضوع معايدة بمناسبة عيد الميلاد .... رح تنطلو و تقلو وين العيد و الاحتلال البعثي بالبلد يا ريت تتقيد شوي بمحاور المواضيع ككل |
يعني حتى الأميركان بيشتغلو برات بلدن أحياناً، ولبنان ملان أوروبيين تاركين بلادن وعم يشتغلو هون، يعني السفر بداعي العمل موجود بكل البلدان ومهما كان شكل النظام، يعني أنا مع سامر أنو هي صارت غير موضوع وغير قصة. وبعدين مين استبعد اسرائيل من أي شي؟ بس مو شرط اسرائيل تنفذ بإيدين يهود ، في تقاطع مصالح بكتير أشيا. بس حجم الحادث ما بيوحي بهل الشي، وصعب إنك تقارنو باغتيال الحريري بدون التقليل من قيمة حياة أي شخص.
|
اقتباس:
|
اقتباس:
الموضوع في البداية كان كتير أنساني و عبر عن المأسات التي يعاني منها السكان في دمشق ما لاحأت أتجاوز الست سطور أخونا بالله حولي الموضوع على حال الأكراد في عفرين و بصراحة أنا كتير بحب الأكراد و أحترمهم و لكن في هذا الطرح لم أكمل الموضوع لأنه أصبح نوع ما من التعقيد يعني أصبحت عقدة لدى البعض في كل شيئ أنا لا أدافع عن الحكومة في بلدنا و لكن هذا لا يعني أن نحمل الحكومة أسباب كل فشل في حياتنا الخاصة و العامة خلينا شوي نكون واقعيين |
اقتباس:
الغلط ياصديقي لما بتجي بتحملني مسؤلية كل شي صار وتنسى انو في من الناحية التانية ناس بيتحملو المسؤلية معي كمان مابدنا نرجع نفتح احاديث التعاون الفظيع السوري اللبناني بهديك الفترة المنطقية ياصديقي ما بتقول تحط الحق على هالعامل السوري ولا المنطقية انو الواحد يتمرجل على واحد رايح يشوف رزقو شفنا المنطقية لما رجعو انتخبو نفسون يلي قتلوهن بالحرب الاهليه ونفسون يلي فوتو السوري على بلادون ونفسون يلي سمحو لجزمة العسكري السوري تدعس على رقابون اي منطقية هي؟ وين العاطفية هون؟ طيب ليكون ماتركولنا كلمة من ال2004 لهلق ولسا منقول معلش مقهورين معلش الجيش ياما عمل وبيجو لعنا وبنستقبلون ولاكنا متلون (كشعب عم احكيك) ليش هنن كشعب لازم يستمرو على هالمنوال طيب يروحو يحاسبو قادتون بالاول ويجيو ياعمي بس ينزل مسؤؤل سوري لعندون يدبحوه ما خلال وجود الجيش وبالحرب صار في قتلى سوريين كتير كمان وياما ناس رجعت محملة بالتابوت من هنيك طيب هلق العلاقات عم تحاول ترجع طبيعية ليش حتى تتخرب؟ وليش لنسمح لنظرية( المؤامرة) تشتغل وليش عم شوف انو تلات رباع اللبنانيين طلعو عملا اسرائيلين؟!! كل هاد عاطفي؟ ولا منطقي؟ |
اقتباس:
هيك دائماً بتنتهي النقاشات العربية ... كل واحد بيحاول يستغل أي تفصيل ليدعم وجهة نظرو .. و رأيو .. حتى لو كان هالرأي ما خصّو بموضوع النقاش اقتباس:
بعدين إطلاق النار صار عالباص بدون ما يميز غرض سفر هالشباب يعني الشهر الماضي نزلنا حضرنا حفلة ببيروت لو صار إطلاق نار على الباص يللي راكبينو .. كنا رح ننصاب ....بدون ما يكون لحكومتنا ذنب بسفرنا |
اقتباس:
شو عم تحكي انته يا رجل ........! كيف مالا ذنب ؟؟؟!!! لو نظامك الأسدي البعثي العفن عم يهتم بالفن و يرعى الثقافة كان جبلك الفنان اللي على كيفك و مزاجك لعندك يعملك الحفلة و ما تركك تعتاز تسافر لبيروت بهديك الساعة الناقصة و يقوصك المواطن اللبناني البريء ... يعني بصراحة كمان وقتا بيكون خرجك الله لا يقيمك لأنو كما تكونوا يولّى عليكم و الوضع صار شي بيقرف كتير للصراحة .................................... |
حدا بيقلك نسبة ذكاء؟
يعني لو في واحد من هالمتواطنين اللبنانيين اللي عملو هالعمل (على اساس انن لبنانيين) بيفكر و بيقول انو اي الماضي هيك والحاضر هيك شو مشان المستقبل ؟ يعني مع عدم وجود الجيش السوري . العداء ما إلو أي سبب يا أخي 1+1 = 2 كيف بدك تعادي الدولة الوحيدة اللي مجاورتك (غير عدوك) بيجيك كم مخ بشوية افكار دينية انسانية عاطفية تاريخية بيخليك تقتل مراهق مدني. يعني معليش قولة زياد : هي تسطيلة مش تسطيلة الحشيش تسطيلة. الله يرحم الجميع.:D |
اعتقال مطلق النار على الحافلة السورية
تمكنت مخابرات الجيش اللبناني، ليل أمس ، من إلقاء القبض على مطلق النار على حافلة الركاب السورية على طريق دير عمار ـ المنية في الشمال.
وقالت مصادر امنية إن فرع الشمال في مخابرات الجيش نفذ منذ الاعتداء على الحافلة فجر الاحد - الاثنين, عملية رصد واسعة في منطقة الحادث بشكل خاص, وعلى امتداد منطقة الشمال، حيث القى القبض على بعض المشتبه فيهم وقدر عددهم باثني عشر شخصاً. وبحسب المصادر الامنية ان تحقيقاً مكثفاً جرى مع المشتبه فيهم, تم في نتيجته الافراج عن عشرة موقوفين, فيما ابقي على شخصين رهن التحقيق, وتم التركيز على احدهما للاشتباه في صلته بحادث آخر سبق وتعرّضت له الحافلة نفسها للرشق بالحجارة وفي منطقة تبعد نحو مئة متر عن الموقع الذي تعرضت فيه لإطلاق النار. وأشارت المصادر الى انه بنتيجة التحقيق اعترف الموقوف بإقدامه على إطلاق النار على الحافلة, ويُدعى شوقي الناظر مواليد العام 1984, يحمل جنسية قيد الدرس, ومن سكان بلدة الشيخ عياش في عكار. واشارت المصادر إلى أنه سيتم نقل الموقوف الى بيروت اليوم, لاستكمال التحقيق معه, والوقوف على الدوافع الحقيقية التي حملته على إطلاق النار. وفيما قالت المصادر إن التحقيق الأولي استبعد فرضية أن تكون الخلفيات سياسية, وربطها بأسباب متصلة بالتهريب, حيث أقرّ الناظر انه يعمل في تهريب المازوت, دعا مصدر أمني بارز إلى التريث، وقال ان الصورة تتضح نهائياً بعد استكمال التحقيق. وبالتالي يجب انتظار النتائج النهائية وما سيظهره التعمّق بالتحقيق وصولاً إلى معرفة الدوافع الحقيقية وما إذا كانت على خلفية التهريب أم أمور أخرى. ولفت المراقبون إلى أن الجريمة ترافقت مع حوادث أخرى تثير الشبهات، حيث جاءت بعد نحو 24 ساعة على حادثة إحراق مركز لحزب البعث العربي الاشتراكي في محلة الكولا (في بيروت) ليل السبت، أي بالتزامن مع توجه رئيس الوزراء سعد الحريري إلى دمشق. المصدر: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - برأيي : ابعتوه لسوريا خليهم يتفاهمو معو :pos: الشب لازم يروّق مزبوط :shock: شوقي الناظر , خليه يناظر نجوم الظهر بيطلعلك كل طبل !!!!!!! |
| الساعة بإيدك هلق يا سيدي 15:01 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون