|
عبد الحليم خدام وحيداً...
مقدمة:
في مطلع العام 2006 وبعد أن أعلن إنشقاقه عن النظام السوري شكل عبد الحليم خدام مايسمى بجبهة الخلاص الوطني والتي ضمت إلى جانبه مكونين رئيسين وهما الإخوان المسلمين وبعض الفصائل الكردية "السورية !!!" وكان الهدف المعلن لهذه الجبهة هو إحداث تغيير ديمقراطي سلمي في سوريا... وبنظرة تحليلة سريعة على أهداف هذه الأطراف من توحدها في هذه الجبهة نجد أن لكل منها هدف يختلف عن الأخر فعبد الحليم خدام كان هدفه إيجاد قوة فاعلة بزعامته تمثل شيئاً من مكونات الشارع السوري لعلمه أنه لايملك أي تمثيل شعبي أو سياسي في سوريا... أما "الإخوان" فكان هدفهم من الإنضمام لخدام إيجاد موطئ قدم في نظام حكم جديد كانوا يتصورون أن خدام قادر على الإتيان به وإستغلال الدعم السعودي السياسي والمالي لخدام حينها حتى يعيودوا وجودهم إلى الساحة السورية التي لم تنسى ثمانينات القرن الماضي وما إعتراها من إجرام من قبل الإخوان ومن رد قاس للنظام لم يميز بين مخطئ وبريئ فأحرق الأخضر واليابس... والأكراد كان هدفهم إستغلال وضع خدام حينها وحاجته إلى أي أحد يقف إلى جانبه من الشعب السوري حتى يظهروا "قضيتهم" إلى العلن ويشهرونها ضمن الزخم الإعلامي الذي أخذته قضية خدام حينها... وإنسحب الإخوان: عند بداية العدوان الإسرائيلي على غزة أعلن "الإخوان" تعليقهم لنشاطهم المعارض للنظام السوري وتركيز جهودهم على قضية الأمة الأساسية (حسب ماورد في بيانهم) لم أفهم حينها ماهو هذا النشاط الذي علقه الإخوان أو مالذي كانو يفعلونه بمعارضتهم طوال ثلاثين عاماً وسوف يعلقونه اليوم...لم أفهمها إلا صفقة من نوع ما أو تفاهم معين بين الإخوان والنظام خصوصاً بعد أن تناهى إلى مسامعنا جميعاً أنباء عن زيارة صدر الدين البيانوني إلى الدوحة وإجتماعاته المتكررة بالقرضاوي وبخالد مشعل واللذان تجمعهما علاقات جيدة بالنظام السوري لكنني فضلت حينها أن أفهم هذا "التعليق للنشاط" على أنه كما قالوا لتركيز الجهد على نصرة غزة وحماس التي يربطهم فيها علاقة بنيوية... لم يطل أمد الشك وتوقف العدوان الإسرائيلي على غزة ولم يرفع الإخوان تعليقهم لنشاطهم المعارض الذي لم ولن نرجوا شيئاً منه يوماً...واليوم شهرين يعلن الإخوان إنسحابهم من تنظيم خدام "جبهة الخلاص" لعدم تفهم أطراف "الجبهة" لموقف الإخوان من تعليق نشاطهم "حسب بيانهم"... وبإنسحابهم هذا سحبوا من خدام ورقة هامة ألا وهي ورقة الإسلاميين ووجودهم في سوريا... هذا الإنسحاب الذي عزاه خدام لمفاوضات بين "الإخوان" والنظام كان ضربة قاسية لجبهة خدام المحكوم عليها بالفشل مسبقاً بسبب زعامة فاسد مرتزق كعبد الحليم خدام لها وإرتهانها لمحور إقليمي ودولي معين بدأ بالتغير وقد يتغير أكثر أو يعود إلى ماكان عليه.. هذا لايهم طالما أن هذه الجبهة الخدامية مرتبطة بالخارج فمن المؤكد أن أهدافها الوطنية قد إنعدمت... وإنسحب الأكراد: لم يستفق خدام من صدمته بإنسحاب الإخوان حتى صدمه الأكراد الصدمة الثانية والتي كانت القشة التي قسمت "ظهره" وأعلنوا إنسحابهم من جبهته أيضاً... أتى إنسحابهم بسبب إدراكهم المتأخر أن تحالفهم مع خدام لم ولن يفيد قضيتهم ولن يأتي لها بأي دعم من الشعب السوري وأن خدام ليس سوى ورقة لعبتها بعض القوى الإقليمية والدولية وأن هذه الورقة قد حرقت بعد أن أدت غرض الضغط المراد منها... رسائل: لــ خدام: لم تكن يوماً أملاً للشعب السوري بالإصلاح والتغيير ولن تكون لا من موقعك السابق كرأس فاسد من رؤوس النظام ولا من موقعك الحالي كمرتزق على حساب قضايا الشعب السوري المحقه وأمله بالإصلاح ومحاربة الفساد ووقف الإجراءات القمععية بحق أبنائه... فما أنت إلا طفيلي عاش وإقتتات على حساب الشعب السوري سابقاً وعلى حساب بعض الدول والأفراد حالياً... ومن إعتاد الإرتزاق على حساب نهب وسرقة شعبه لا أملاً يرتجى منه. لـــ الإخوان: لا تحالفكم مع خدام ولا توافقكم المحتمل مع النظام ولاأي اصطفاف في هذه الدنيا سينسي الشعب السوري جرائمكم وأهدافكم وفكركم التكفيري الخبيث... ولن تكونوا يوماً جزءاّ من أحلام وطموح الشعب السوري فكفاكم كذباً ومراوغتاً. لـــ الأكراد: حل قضيتكم بأن تكونوا جزءاً وطنياً من مكونات الشعب السوري وأن تتوقفوا عن التوهم بأن أي قوة في هذه الدنيا ستأتيكم بدولة كردية على أرض سورية... فسوريا ليست العراق ولن تكون... ونصيحتي أن لاتضيعوا قضيتكم الإنسانية والمطالبة بحقوقكم المشروعة بأحلام وأوهام. لـــ النظام: ألم يحن الوقت بعد لمصالحة ومصارحة مع الشعب السوري؟؟ ألم يحن الوقت لإطلاق سراح معتقلي الرأي والضمير من السجون؟؟ ألم يحن الوقت بعد لرفع قانون الطوارئ؟؟ هل بات التفاوض والإتفاق المحتمل مع الإخوان أسهل من الإتقاق مع أبناء الوطن الشرفاء الذين لاهم لهم إلا رفعة وعزة وطنهم؟؟ ودمتم. |
طيب هل يا ترى رح يطل علينا خدام من خلال برنامج علي حمادة على قناة المستقبل ليستكمل حلقات مسلسله الكوميدي اللي بلشو من أكتر من 3 سنين ولا هلأ بطلت موضتو و ما عاد يصير مع الجماعة و صار لازمن جوكر جديد !!؟
|
طيب يا حضرات ..قلولي انا كيف فيني مارس حقي الشرعي بالمعارضة ..اذا بسوريا مو مسموح تنتقد حتى مؤسّسة الكهربا ...عا شغلون العاطل ..
هي اعلان دمشق بالسجن ,,,,لك حتى المدونين ما سلمو !! ... عنجد قلولي شو الحل ...اذا ممنوع اتعامل مع رفعت او خدام او الأخوان او الأكراد او الأجنبي !! ... قلولي شو البديل و رح ابقى ممنونكم طول العمر ... |
بظن تحالف الأخوان مع خدام كان على أساس أن خدام ما خرج لولا أن هنالك مشروع أمريكي باعادته وعلى هذا الأساس أراد الإخوان أن يكونوا جزءا من هذا المشروع (المستقبلي على أساس).
وبدا واضحا أن ادارة بوش تجاهلت خدام واليوم مع صعود أوباما (غير الصدامي على أساس) وبداية فتح قنوات للتعامل مع سوريا أفلس مشروع خدام وانتفت الحاجة للتحالف معه من ناحية الإخوان. ولكن من العبر المهمة المستخلصة أن الإخوان المسلمون مستعدون لوضع يدهم مع الخدام وحتى مع الشيطان إذا كان ذلك يخدم مصالحهم. |
اقتباس:
والله والنعم |
اقتباس:
أخي المعارضة مو ضروري تكون من خلال الانتساب لحزب, وحاليا انا ماني شايف في اصلا حزب معارض بتقدر ولو حتى تفكر تنضم الو يعني الامثلة اللي مذكورة فوق من الاخوان لعند خدام بيك هي اسوأ من النظام نفسو |
اقتباس:
|
اقتباس:
تحياتي. |
يعني خدام رجل ما عندو مبدىء ونقلب على وطنو وعلى نظام كان يعمل لصالحو فترة طويلة لهيك مو من مصلحة الاخوان والاكراد يتحالفو معو
من ناحية اخرى هو ما بيلزم امريكا وأسرائيل وبالنسبه الهم صار ورقة محروقة فطبيعي يكون وحيدا وحيدا وحيدا |
بالبداية بدي حييك يا VivaSyria على هالكلام الكبير
بالنسبة لخدام .. ما بعتقد غير متل ما قلتو أنو كان ورقة ضغط على النظام و عندو مهمة تنفيذية انتهى دورها على الساحة الحالية .. حتى قناة المستقبل الي كانت الراعي الرسمي لخطابات خدام ( الي ما كان حدى عم يسمعها ) طنشتو على الآخر. بعتقد كمان أنو خدام لحد هلق ما فيه عم يقتنع أنو وجودو بالشارع السوري مرفوض نهائياً تحت أي شكل من الأشكال . أما الأخوان ...فيمكن هنن توقعوا لخدام مكانة و دور أكبر بكتير من الي صار و الي رسمتلو ياه أميركا مع جماعة الحريري و المستقبل .... الأخوان كان فيهم يعملوا أكتر من الي عم يعملوه ( اذا عملو شي متل ما قال VivaSyria على مدار 30 سنة ) غير الشتم و زيادة الأحقاد و التركيز على أمور انتهت و ما في منها أي فائدة... متل التركيز على ( مجازر حماه ) ... طيب مين بدكن نحاسب على مجازر حماه .. اذا حافظ الاسد ( توفى ) و رفعت منفي متلكون متلو ... و طلاس تقاعد ... و شو بدكن تعلمو فيهم لو صار متل ما بدكن ؟ هي هية كل أهداف الاخوان ؟ و اذا أجينا ( على مضض ) معكم و انو لازم نحاسب المسؤول عن أحداث حماه .. طيب لازم كمان نحاسب المسؤول عن احداث .. المدفعية .. و الازبكية .. و قتل العلماء و العقول المفكرة و الأطباء و الضباط و غيرهم ... ولا شو ؟ بعدين شو هو المنهج الي بدهم ياه الاخوان ؟ تحويل النظام الحاكم بسوريا لنظام اسلامي يعمل تحت الشريعة الاسلامية ؟ !!! هادا شي مستحيل بمجتمع متل المجتمع السوري أما الأكراد .... فما بعرف ليش بيحب الاعلام يضخم مشكلهم ... على الرغم من أنو 80% منهم عايشين بسوريا أحسن من السوريين .. مادياً و معنوياً و حتى سياسياً ... فشو المطلوب ؟ كمان اذا حلمهم بالدولة الكردية المستقلة ... فهادا الشي مستحيل بسوريا فريد الغادري .... من أتفه الشخصيات على سطح الأرض ... ولا يمكن لأي سوريا عندو ذرة من الكرامة أنو يقبل فيه رئيسو .. لذلك .. تحول لكرت محروق ... انتظار .. أما الاصلاح الداخلي ... و التغير من الداخل الحزب و مؤسسات الدولة ( و عم نسمع شغلات حلوة ) أو تشكيلة .. حركة .. جماعة .. حزب ... تيار .. اي شي .. يتبنى أحلام و أهداف الشارع السوري .. و أكيد الحل الاول أفضل و الكل بيتمناه |
اقتباس:
وثانيا : عن أيا إصلاح داخلي حضرتك عم تتحدث ونحنا اليوم بأشد فترة تكميم أفواه بتاريخ سوريا الحديث والقديم وكلنا شايفين الأحكام اللي عم تطلع على من يطرح رأي أما إذا بتنهب البلد وتخربها إلى أبد الآبدين ما حدا بيقلك ليش المهم يكون هالحدا عم توصلو حصتو من متجرأ يحكي وهوي بالداخل وبعدين أي انتظار , يا أخي( ولاد عم يكبروا وما بقدرو ينطرو تيصير في حكومة ... كاسك خيي برهوم ) ويعيش ويا يا يعيش غير الحكزمة ما فيش |
ليش هلق حتى تخلى الكل عن خدام ؟
من اول يوم كان واضح سخط الشعب على " الخائن " ونبذه من كافة اشكال التأييد والمعارضة فليش حتى يقبل الاخوان والاكراد يحطوا ايدن بايده وينضموا بالأصل لجبهة الاخلاص ؟ معقول بهلسرعة نسي الاخوان احداث حماة ونسيوا القائمين عليها !! |
اقتباس:
اولا مجازر حماة ما انتهت لانو المجرمين اللي ارتكبوها عم يسرحوا ويمرحوا داخل وخارج سوريا من دون محاسبة تانيا اللي شاركوا بالمجازر اللي صارت معروفين وفي منن لحد هلق بمناصبن, ومو صحيح انو رفعت الاسد هو المجرم الوحيد , في كتيرين غيرو و كانوا من المقربين لحافظ الاسد اما قصة انو فلان تقاعد فخلص انتهت مسؤوليتو فهي بحد ذاتها نكتة, لانو هي قضية مجازر جماعية ارتكبت بحق ناس مدنيين وما بتسقط بالتقادم منجي لقصة محاسبة الطرف التاني المسؤول كمان عن جرائم كتيرة, متل ما بتعرف انو مثلا مجزرة مدرسة المدفعية قتلوا كل المسؤولين عن تنفيذها و التخطيط الها بدء من ابراهيم اليوسف وانتهاء ب عدنان عقلة , ونفس الشي بينطبق تقريبا على كل العمليات الارهابية اللي ارتكبوها الاخوان وهالحكي هو حكي السلطة اللي اكبد انت بتثق بكلامها يعني مجرمي الاخوان اخدوا نصيبن ضل باقي المجرمين من الطرف التاني. |
اقتباس:
|
| الساعة بإيدك هلق يا سيدي 23:24 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون