|
الدولة تحتاج الى "مصاري " وعليك ان تدفع الضرائب ؟؟
يكاد يكون شغل الناس الشاغل في هذه الايام الحديث عن ارتفاع الاسعار وعن زيادة معدل الضرائب التي يدفعونها كل يوم ، رسوم اضافية بدأت تظهر على فواتير الماء والكهرباء ، وايضا بدأت الحكومة تحصل ضريبة النظافة من خلال ايضا فواتير الكهرباء حتى ولو كانت الفاتورة فاتورة مصعد .. !
طبعا ويراقب المواطن باهتمام الحديث عن اقتصاد الظل وتنظيم عمل المهن والحرف وادخالهم في دائرة التكليف الضريبي .. وكانت رفع الرسوم السنوية على السيارات الخاصة موضع انتقادات واسعة من قبل المواطنين الذين رأوا بان الرسوم وصلت الى مبالغ غير منطقية .. ؟؟ في المقابل يرى فريق اخر بان الدولة القوية يجب ان تكون دولة غنية وان دفع الضرائب هو واجب على كل مواطن ، وبدون هذه العملية لن تستطيع الدولة ان تتكفل بمسؤولياتها وتقدم الخدمات الاساسية للمواطنين .. ويستشهد هذا الفريق بالدول المتقدمة وكيف ان فرض الضرائب يبدأ من فاتورة الشراء في السوبر ماركت الى الضرائب على الدخل والتي تصل الى 40 % في بعض الاحيان .. حرص الحكومة على تحصيل الضرائب من المواطنين الا يصب في المصلحة العامة .. ما رأيك ..؟ عن سيريانيوز |
أول شي يسعدلي صباحك أبو ريتا و شكراً إلك على الموضوع الهام , :D
المشكلة يا جماعة إنو الضرايب يللي عم تندفع أكيد هي بتصب في المصلحة العامة بس المشكلة إنو صارو عم يفهمو المصلحة العامة غلط لأنو بدل ما تصب بالمصلحة العامة عم تصب بالجيوب .. :frown: بس كمان إذا أي ضريبة بدها تنفرض لازم يكون المواطن عم يحصل على خدمات مقابلها و يكون مرتاح معيشياً ، يعني أي ضريبة لازم تتناسب طرداً مع دخل الفرد ، بس كمان يبدو إنو عم يفهموها غلط لهي التانية و عم يعملوها تتناسب عكساً مع دخل الفرد .....!!!!!!:cry: |
يا أخي يآخذوا ضرايب على كيفن , بس بحيث تتناسب وَ دخل المواطن مو معقول يدفع الموظف واللي هو الطبقة المتوسطة أو الفقيرة في المجتمع يدفع نصف راتبه كهرباء ومياه وهواتف محمولة و أرضية والنصف الثاني يعيش فيه لآخر الشهر ! الغلاء لا يَتناسب مع الدخل وَ الضرائب أرهقت المواطن أكثر من إرهاقهِ السابق وَ كونها أرهقته سَيُجبر وَ يلتجئ ذلكَ الدرويش لِوسائل مُلتوية للحصول على المال حتى على حِساب سُمعته وَ مبادئه وَ بالتأكيد تضر المصلحة العامة لأنها سوفَ تـُنشى جيل مِنَ الفاسدين لـِ نصبح مُجتمع فاسد بـِ الفطرة :lol: |
انا مع الضرايب الي بعد ما ادفعها رح ترجعلي بالتأمينات والرفاهية والتقاعد مو مع ادفع ضرايب حتى غيري يشتري سيارات وقصور وانا موت مقهورة...:sick: لكن السؤال بصيغته الحالية انا معو ... أما الموضوع بالجملة فأنا ضده
|
اقتباس:
شو شو .. وين مفكرة حالك بدولة أوروبية مثلاً :lol: اي تأمينات واي تقاعد واي خدمات مجانية وشو قلتي رفاهية " الرفاهية اني يكون عندك موبايل هي قمة الرفاهية " :lol: تأمين مافي و الراتب التقاعدي حصرا للموظف ولا يكفي سد الرمق والخدمات المجانية عندك المشافي الحكومية وإذا الواحد بده يموت او يبترو شي الو يروح لهنيك والمدارس شي قرف 70 طفل في الصف والكل مو فهمان شي والنظام التعليمي فاشل من المدارس حتى الجامعات بغض النظر عن أزمة التوظيف اي رفاهية بتطلبي واي تأمينات انتي بتحكي دولة تعتبر من الدول النامية أو العالم الثالث إن لم يكن أقل بقى على اي أساس بدك نفرح على زيادة الضرائب ..مُقابل شو ؟ |
ليش اذا اخذو الضرايب رح نقدر نعيش بدون ضرايب موعيشين:pos:
|
اقتباس:
ومن جهة تانية كل شي مجاني مابيعطيك شي الو قيمة ... من التعليم للصحة لإلخ ....... حتى الانسان المجاني ما بيعطي شي... لهيك لا انت معك ولا النا معك ولا تفكر اني مع الحكومة وطبعا مابيطلعلي وقف ضدها يعني متلي متل كل البشر الحياديين أنا مع الفكرة وبرجع بقلك انا مع السؤال بصيغته بس ... طبعا ما حددت البلد الي انا عايشة فيه ... |
فكرت فعلا ً إذا كان بيصب بالمصلحة العامة بالعرف العام .. والنظامي والنظري للقصص نعم يصب في المصلحة العامة بس وقت بيكون عندك أزمة ثقة .. وهو الحال الغالب للشعب بأنو هالمصاري لوين عم تروح وإذا وصلت للدولة كيف عم يتم التصرف فيها ؟ كما انو شعبنا .. متخم من كتر ما درسوه .. غنى سوريا بالموارد .. بعدين بدو يدفع ضرائب ..كتير ويقبض قليل !! فيها شي .. ما راكب .. لذلك صوتت أنو لأ .. ما بتصب بالمصلحة العامة عم تصب بالمصلحة الخاصة والخاصة جدا ً . :mimo: |
حلو عن هالدولة بقى ولو....لسا كل ما عملت شغلة ما بيخلو كلمة عليها
اللي من ايدو الله يزيدو و اللي بيتعب و بيشتغل اي شي بدل كاسة المتة و الاركيلة و شرب الدخان كل يوم طبعا رح يصير افضل... بقى عتقو هالدولة... |
عفواً سيادت المستشار بفهم من كلامك ان سيادتك عايش مبسوط ومو هكلان هم شي
|
| الساعة بإيدك هلق يا سيدي 22:39 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون