سياسة معارضي المنتدى - إطلاق سراح ميشيل كيلو
 

بستغرب من معارض المنتدى ... وخاصة المثقفين منهم .. على طريقة تعاملهم مع قضايا سوريا السياسية و الداخلية تحديداً

و الطريقة الي بيسيسو فيها أي خبر بالطريقة المناسبة

كتير كانت المواضيع الي بتخص الحديث عن الناشط ( ميشيل كيلو ) و انجازاتو ... و المطالبة باطلاق سراحو

بس استغربت كتير من اهمال موضوع ( الافراج ) الي ما حدا ذكرو غير الاخ (VivaSyria )

و كانت الردود على موضو هي 4 ردود ( 2 منها لصاحب الموضوع )

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و تذكرت بنفس الوقت موضوع إطلاق سراح الدكتور عارف دليلة ...

ما بعرف .. بس المزاجية و تسييس القضايا شي غريب

أنا مبارح نزّلت عن الخبر بموضوعي الاسبوعي تبع الثلاثائيات ( اللي هو أكتر زاوية الي بيقروها الناس, ان كان بهالمنتدى أو بأماكن أخرى, و كان الافتتاحية عن الاستاذ ميشيل كيلو)


و الأستاذ عارف دليلة انعمللو موضوع خاص وقت تم الافراج عنو.. و ظل فترة منيحة مرفوع

و بعدين للأسف الاستاذ ميشيل كيلو لسى ما اطلقو سراحو لأنو النائب العام احتجز قرار القاضية عندو و لسى ما ارسلو لادارة السجن...

و كمان هون نحنا اعضاء و كل واحد برأي... لذلك اسمحلي سجّل تحفظي ع انو يتقسّم المنتدى لـ "معارضي المنتدى" و "موالاة المنتدى" .. لأنو مش هيك, و لا لازم يكون هيك



بعتقد نظريتك عن هالشي ما كتير مزبوطة, مع احترامي لألك اللي بتعرف انو مو قليل :D

زاويتك على راسي و عيني و بعرف انها مقروئة كتير ...

بس برأيك ما بيستحق ( ميشيل كيلو ) موضوع خاص فيه ؟

أنا بحترم ميشل كيلو و معجب بالدكتور عارف دليلة بس ... أنا مع قرارات الحكومة باعتقالهم هنن و غيرهم و بدون ما اعرف الاسباب
يمكن لما الواحد بيآمن بشي بيصدق كلشي عنو ( أو منو ) بدون تفكير .. لأنو بس فكر معناها عم يخون إيمانو

مزبوط بس يعني كلها ساعات و بالكتير يومين و بيكون برا السجن .

هو يا ريت ما يصير هيك بس للأسف صار و مشي الحال
ببعض الاحيان بيكون في موضوع سياسي معين و بتختلف الآراء فيه و بيكون التميز و الكفة مايلة لشباب الموالاة .. بيجي واحد من شباب المعارضة بيبعت إيميلات و استغاثات لبقية الشلة حتى يشيلو معو و يدافعو عنو و هي الشغلات أنا بعرفها و واثق منها
بقى هو مالازم يكون هيك ... بس للأسف صار هيك و من زمان
بتمنى و من كل قلبي
اكيد بتعرف انوالشعور متبادل :D

لحظة اعرف انو ميشيل كيلو صار عند أم الأيهم بالبيت... رح ينزل موضوع عنو يخبّر بهالشي... و كونك مع قرار الحكومة باعتقالهون يبقى رأيك الشخصي اللي للأسف ما فيني غير.. اصمت ازاؤو, لأنو ازا بقلك بحترمو رح كون عم اكذب عليك, بصراحة... و ما رح ناقش بالاسباب لأنو بعتقد بديهية و معروفة



فالصمت ساعتها بيكون احترام لشخصك و ليس لرأيك :D

انا ما بشوف هيك... يجوز لأنو برفض شوف تيب أو قالب معارضة و قالب موالاة.. يجوز لو نشيل هالقالب.. بتتغيّر الأمور...

انا محسوب على غلاة المعارضة, و فيني أكدلك انو بحياتو ما قلت لحدا يفوت يشارك بموضوع, أو حدا طلب مني شارك بموضوع, لتميل الكفة لصالح حدا.. المواضيع مانا موازين قوى أو حلبات صراع انما هي مساحة تبادل وجهات نظر, أو سرد شغلات...

لذلك بجهل ازا بيصير هالشي, و ازا بيصير, بتوقع مافي طرف ملاك و طرف شيطان متل ما عم تصوّر... و بظل على كل ضد أسلوب الفرقاء جدا جزيلا




تحياتي :D

بس للتنويه عم تحكي عن سياسة ما أطلقت عليهم إسم "معارضي المنتدى" مع أني أطلاق سراح ميشيل كيلو بيخص كل سوري ..

أنا من جهتي لما فتت بدي رد عالموضوع غصيـّت , إني واحد كبير متل ميشيل كيلو يكون إطلاق سراحو متل إطلاق سراح أي مجرم ..

كان من الممكن أفرح و فوت عبر عن فرحي لما بيطلع ميشيل كيلو من السجن بناءا ً مثلا ً على عفو رئاسي أو أعتزار أو ما إلى زالك مش على ربع المدة اللي من الممكن أكبر مجرم يطلع من السجن بنفس الطريقة ..

عذرا ً .. بس هازا الواقع ..

طيب شو المطلوب منا يعني نفوت ونهتف بالروح بالدم ؟

بس لاحظ موضوع "الحكم على معتقلي إعلان دمشق"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

التعليقات ماوصلت لعدد المحكومين لـ12.. وأنا من الي ماعلقو .. مولازم نستغل الموقف ويصير الموضوع 20 صفحة :sly:

هنن وغيرهم ومن دون ماتعرف الاسباب !؟

متل مابدك

مسا الخير حبيبنا...

أول شي بطريقة الطرح غلط النظرة الشمولية بهالطريقة... يمكن أنا يلي نزلت الموضوع معروف عني فكري المعارض الغير منتمي لأي تيار أو حزب أو مدرسة إلا مصلحة سوريا.. يعني أنا معارض ونزلت الموضوع.. يعني مافيك تقول انو " المعارضة بالمنتدى" بشكل عام حتى لو كان حكيك صح..

وفي شغلة بدي قلك ياها و انزكرت قبل انو يمكن أحد الأسباب يلي ما أخد الموضوع حقو مشانو هو عدم اطلاق سراح المناضل...
وبصراحة أنا اندمت على تنزيل الخبر قبل ما يطلقو صراحو بحكم انو حسيت الخبر نوع من الدعاية الكاذبة "حالياً على الأقل"... ليش؟ لأني ما بستبعد انو الشباب يلاقولو شي طريقة يرجعوه فيها عالسجن أو على الأقل يخلوه بادارة أمن الدولة كم شهر تحقيق وبهالحالة منكون ما استفدنا شي... لا تقلي لاء لأنو انا بتمنى انو مايصير هيك شي... بس كلنا منعرف انو اذا صار مافي مين يسأل ليش

منجي لمداخالاتك:

بيني وبينك وأنا بستغرب من الطرفين أحياناً موالين ومعارضين.. مع انو الحمدلله بالطرفين لسا في ناس عقلانيين نوعاً ما... والعتب الكبير على المثقفين والجامعيين... الغريب بتشوفو معو شهادة قد الحيط وبيناقشك بأسلوب متشنج ومتعصب غريب...

مافيك تسميه اهمال... خليني قلك شي أنا بنفس يوم الخبر كنت ماني عالنت فترة طويلة... فتت حطيت الخبر وطلعت بخمس دقايق..
بالخمس دقايق يلي فتتها عالماسنجر بشرفي أكتر من خمس شباب باركولي وعم يباركو لبعض وهيك... عن جد فرحت انو حسيتون فرحانين... بس بتعرف مو الكل أخد حريتو انو يشارك وتحديداً يلي عايشين جوات سوريا.. بيقلك ما متت بس شفت يلي قبلي مات.

شوبو موضوع عارف دليلة؟ أنا نزلتو للموضوع وبتصور تفاعلنا معو وفرحنا فيه وكتير أخد حقو...

شوف أخي هون كلمتين مهمين... شو بدنا نعمل أكتر ما نفرح انو طلعو.. بس اكيد مو معقول نجي نقول للظالم كتر خيرك يلي خففت شوي من ظلمك... يعني أكيد ما فضلو عليه وعلينا انو طالعوه... الاجرام هو انو ليش اعتقلوه وعكس الاجرام مانو


أخي قيمك عن الزوايا والمربعات... كيف بدنا نعمل مواضيع ونفرح بالإفراج عن مناضل وهو قبل بيوم حكمو على 12 مناضل؟؟

الاحتفال بميشيل كيلو مانو لأنو ميشيل كيلو... يلي كل الموجودين هون ماحدا بيعرفو شخصي ولا بعمرو مقابلو... الاحتفال فيه هو الاحتفال برمز من رموز الحرية... بس هالفرحه ما ممكن توصل للذروة غير اذا كان الاحتفال كامل...

كيف بقا اذا هالحرية كانت أكله ضربة ساطور قبل بيوم؟ طلعو واحد وحكموا 12؟

الغريب اني قريتلك مبارح تعليق وكتير فرحت فيه وكنت كاتبلو للشخص يلي عم تناقشو بمعنى " ذكرتني بحالي بس كنت دافع عن النظام وانا ماني مقتنع " ففهمت انك بطلت هالنوع من الدفاع العمياني وفتنا لمرحلة عقلانية أكتر شوي.. بالنتيجة بيبقى قرارك وانت حر.


بس هون عندي تعليق انو بعمري ما صارت معي انو حدا من شباب "المعارضة " (باعتباري بفتخر انو انحسب معارض للمارسات النظام وموالي لسوريا الوطن) بعتلي برايفت أو ايميل انو تعا شد معي... وبعمري مابعتت لحدا انو تعا ندافع عن المعارضة... لعدة أسباب:

1- في كتير شباب من المعارضة بختلف معون متل اختلافي مع أي حدا من جماعة "التهليل والتطبيل والتزمير"... فيعني في فروقات كبيرة بين كل الأطياف... وعند الطرفين في خطاب متعصب مقيت بيخلي التواصل بهيك أمور شبه معدوم غير بحالات نادرة...

2-مافي داعي تدعو حدا بيحمل نفس فكرك للدفاع عن هالفكر.. على اعتبار انو اول مايشوف هيك نقاش وهيك "هجوم" على فكرو رح يفوت ويوضح ويشرح ويناقش لحالو بدون ماحدا يعزمو.. وهالشي صاير بكتير حالات

3- بهيك أمور اذا بتتصرف بطريقة الشللية والرفقة بتفقد قضيتك مصداقيتها... وبشرفي بأكتر من حالة بكون عم ناقش حدا بيجي حدا من الشباب بيقلي فايت ساعدك بترجاه انو ما يتدخل مشان ينحصر النقاش ومايتشعب وتصير عراضه وتشبيح ومشاكل...


بالأخير بدي اشكرك عالطرح وانشالله كون وضحتلك وجهة نظري... وتحياتي إلك :D

انا عن نفسي عرفت الخبر من ها الموضوع....