أخوية - برامج مجانية وضرورية

سلام عليكم شباب و صبايا

أثيرت في الآونة الأخيرة عدة مواضيع عن كيفية جعل الوندوز أصليا ليتم تنزيل أنترنت إكسبلورر, صراحة ما بآمن كتير بهالطرق لأنو مايكروسوفت عندها برامج ذكية جدا متل Genuine softwareتكشف بسهولة إذا كان الوندوز أصلي أو لا رغم التحايلات....فيبقى أحسن حل من وجهة نظري هو البرامج المجانية ,يعني ليش هذا وجع الراس مع أنترنت إكسبلورر7 طالما في في فايرفوكس مجاني وما عندو مشاكل أمنية ,وفوق هيك مثالي للتحميل يعني فيك تزيد سرعة التحميل لأربعة أضعاف, وكمان تقدر تحمل الفيديو مباشرة بدون اللجوء إلى برامج أخرى......جربوه ما رح تخسرو شي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بالنسبة لمضاد الفايروسات بنصحكم ب Avast!مجاني قوي وفعال خاصة ضد التروجان و برامج التجسس ويتم تحديثه بشكل يومي تقريبا....هلء رح ينطلي واحد ورح يقولي كاسبرسكي أحسن وكاسبرسكي....شوف عمو , كاسبرسكي أي نعم أقوى برنامج أنتي فايروس بس مو مجاني إلا إزا بدك تنزل نسخة مقرصنة , فهي الحالة يبقى على مسؤليتك وما بضمنلك أنها تكون مليانة سباي وير.....نفس النصيحة للناس اللي بيستعملو نسخ ويندوز بها الأسماء: ويندوز تيتانيوم, يورانيوم, جولد,....مافي إصدارات من مايكروسوفت بها الأسماء, هذه كلها نسخ ويندوز مقرصنة تمت إعادة برمجتها وإضافة برامج أخرى إليها وخاصة برامج تجسس و فايروسات!!!!برامج التجسس لا تنشط إلا إذا صار عندك أنترنت وحتى لو عملت سكان فما رح تشوفها لأنها بتعتبر من النظام!!!!فحذار.....

وبمعرض كلامنا عن الويندوز بحب أطرح هالسؤال: ليش الوندوز ? في نسخ من لينوكس عالنت أقوى وأكثر فعالية ومجانية, ليش الوندوز تحديدا? وطالما عاجبكم الوندوز ليش ما تشترو جهاز مزود بنسخة أصلية يعني ما رح يكلفكم أكتر من الجهاز المركب!!!

نرجع هلء لموضوعنا: مشان الملتميديا أنا بنصحكم ب VLC media player, يقرأ تقريبا كل أنواع الميديا(,Mpeg- Mpeg-2, Mpeg-4,AAC, MP3, DivX,SVCD,VCD,DVD,OGG, AVI, WMV, MOV ,3gp ......,ويقرأ أيضا بعض الملفات التي لا حقتها .....) rm
يعني بصراحة برنامج فظيع ,أنصح كل واحد عندو مشاكل في قراءة الأفلام و خصوصا DivX أنو يحملو. والأهم من كل هذا أنه مجاني!

الفايروال أو الجدار الناري للتصدي للتجسس والإختراق طبعا مافي غيرو ZoneAlarmأحسن فايرول على الساحة أو أضعف الإيمان شغلو الفايرول إللي عندكم بالويندوز...

في اللينك حطو كلمة *******مكان النجمات لأنها لا تظهر!!!

سلام :D