|
طار الإيميل
من يومين إجيت عم أفتح الايميل تبعو اللي هو live.com@ قام طلعلي أنو الباسوورد غلط، مع أنو أنا كاتبة الباسوورد على دفتر عندي لحتى ما خربط لأنو ما بعتمد على ذاكرتي. وفشلت كل محاولاتي للدخول، وبعتت للSupport ما استفدت شي وعم يقولولي أنو ممكن شي حدا فايت على ايميلي ومغير الباسوورد. شو رأيكن ممكن تنحل هالمشكلة ولا عليه العوض بالإيميل؟ هو أنا فعلياً يأست وفتحت ايميل تاني بس عم جرب استرجع ايميلاتي.
|
ازا الsupport ما فادوكي فـ ما اظن حدا تاني بيقدر يفيدك .. للاسف يعني :jakoush:
|
عملتي استرجاع الباسوورد عن طريق الايميل البديل ...؟
|
عملت وما إجا شي، مشان هيك الظاهر أنو حدا آخد الباسوورد تبعي، بس ما بعرف كيف
|
عليه العوض .......
|
العام الماضى سرق ايمايلى بس الحمد لله الى سرقه ما غير السؤال و الاجابه السريه ظليت اسبوع عم حاول اتذكر الاجابه السريه ما تذكرتها بس فى الاخير تذكرتها و هيك رجعت ايمايلى بس انا كنت محظوظه لانو الشخص لى سرق ايمايلى ما غير الاجابة السريه لانو لو غيرها كنت ما قدرت استرجعه و لى بدو يعرف كيف تسرق منى الايميل .. اول ما أضفته -ما بعرف من وين جاب امايلى- بعتلى رابط : photo d'Amal اى صوره لآمال شكيت انو فيروس بس للأسف نقرت ع الرابط ..طلع شكى بمحله و هيك تسرق ايميلى بس الحمد لله رجعته .. و هلا ما عم استخدمه الا نادرا |
انو على سيرة الايميلات
اول شي بيعوض الله عن الايميل مروش تاني شي الماسنجر ما عم يشتغل عندي الاصدار 8.5 ما بيشتغل بلا تحديث حدثتو ما نزل التحديث كامل و الاصدار 9 بيشتغل بس بيطلعلي انو مافي عندي جهات اتصال بس لما بفتح صفحتي بالمستعرض بتفتح نظامي و الايميلات موجودة شو الحل برأيكن؟ |
نزل هدول الملفات محسن وشغلهن
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ---------- - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ---------- - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ---------- وبيمشي الحال :D |
اقتباس:
|
اقتباس:
نزلت الملفات وشغلت الماسنجر الاصدار التاسع رجعت نفس المشكلة ما مبين عندي جهات اتصال مع انو مبين مبينة الرسال يلي جايتني عالايميل شو الحل برجع الاصدار التامن؟ :D |
من وين نزلت النسخة بالزبط انت ؟
عن طريق موقع الـ live.com ولا من شي موقع تحميل تاني ؟ حاول تشيلو من عجهازك وترجع تنزل النسخة الأخيرة عن طريق هاللينك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
طيب هلأ قايسنا عالإيميل وقلنا عليه العوض، بس الإيميل الجديد ما عم يفتح عالمسنجر، يعني عم يطلع the service is temporarily unavailable مع أنو جوزي عم يفتح حسابو عالمسنجر من نفس الكمبيتر ونسخة المسنجر، شو مستقصديني جماعة المايكروسوفت يعني؟؟
|
ازا حاطة الدولة سوريا او كوبا او ايران او السودان او كوريا الشمالية مدري الجنوبية ما رح يفتح
حاولي تحطي الدولة قطر مثلاً هدول صحابنا يعني :lol: ازا ما مشي الحال هوي بيعطيكي Error Code يعني رقم الغلط حطيلي ياه هون لنشوف شو القصة :D |
هاد ال Error code: 810003c1
ما بتذكر أنو حطيت أيا بلد بس رح جرب شوف شو محطوط البلد |
اي هاد الإيرور .... متعلق بالدولة
جربي متل ما قلتلك رح يمشي الحال :D |
عم عذبك معي بس بعد ما مشي الحال، حطيت ال Location: Lebanon قام كمان ما فات بس هالمرة ال Error code: 80048821 قولك بجرب قطر أحسن؟
|
طيب هون طلعنا بمشكلة تانية :lol:
تأكدي من الوقت والتاريخ عجهازك بعدين كبسي Win+R أو Start > Run اكتبي هالأمر هاد بعدين انتر regsvr32 softpub.dll بعدين كمان اكتبي هالأمر وانتر regsvr32 wintrust.dll وكمان هاد regsvr32 initpki.dll اخيراً حاولي تتأكدي من البروكسي وجربي امحي الكوكيز اللي عالجهاز وجربي من جديد كمان الآنتي فايروس ممكن يأثر ( الفايروول حصراً ) حاوللي توقفيه وجربي شغليه |
بس طول بالك شوي شو كل هدول:shock:، أنو لو في هيك مشكلة على الجهاز ما كان لازم غير حسابات ما تفوت كمان؟ أنو حساب جوزي ماشي عادي وعم يفوت عالمسنجر بدون مشكلة. يعني ما قوم طير حساب جوزي بطريقي..:cry:
أنا الأنتي فايروس اللي عندي كاسبرسكي نسخة أصلية ولحتى مشي حال ال Update ظبطولي التاريخ والوقت وبقو يبعتولي ايميلات على شهر لظبطولي الجهاز. |
| الساعة بإيدك هلق يا سيدي 05:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون