|
لا تعليق
شي غريب ...
بس يمكن صرنا رح نتعود عليه... من شي يومين كنا سهرانين بمكان شي اراجيل وشدة ومطرب كمان ، ما النا بطول السيرة هالمطرب صوته حلو كتير بالعادة البنات بيقومو بيرقصوا شوي عغنياته و فجأة ما بين هالغنيات قامت صبية طلبت منه يدقلها طبلة وبلش ولحظتا كل الناس سكتت وبلشت تتطلع عالمنظر يللي كان عبارة عن بنت محجبة لابسة بدي وبنطلون كتير دييئ وواقفة بنص البيست عم ترقص لحالها عدقات الطبلة وتقسم كمان ، من شدة صدمتي ضليت ساكته وماكنت آدرة افتح تمي بشي وكل الناس طبعا عم تصفق لالها وتشجعها ، ،،، هاي اخرة الدنيا |
حجاب على واحدة ونصف :shock:
|
لا تعليق لأنو الواحد ما لبعرف شو يحكي بهيك مواقف
;) |
نموذج عن رقاصات الزمن القادم
لانو بدلة الرقص صارت عاديي وما عدات تلفت حدا |
حرة ....
شو دخلني انا .... هي بدها ترقص ان شالله لابسة خمار شو اللي فيها ....!!! |
ليش ماناديت علي نتفرج بعدين كل شي لحالو.........جارنا الصيدلي بصلي دائما حاضر جماعة وبيرجع بيبيع أدوية خالصة مدتها شو عليه........جهنم وبئس المصير
|
اقتباس:
حلو ...ولا نص نص .....؟؟ |
الحجاب موضة هالإيام عند كتير من البنات
|
لا حوول ولا قوة الا بالله
بس خبرونا كيف كان رقصها يعني عيب اي بس انا والله كبر معلاقي |
اقتباس:
بخصوص الراقصات المحجبات ,,فلى باع طويل فى ملاحظة هذه الظاهرة ,, فصديقاتى والحمدلله كلهم مشكاحات فى الافراح ,, فى صالات السيدات واعتقد كل واحدة فيهم حالة خاصة ,, والسر بتفسروه من وجه كل واحدة بترقص يعنى واحدة ملامح وشها بيقول انها مغيبة سرحانة ,,ودى بنت رقصت لتثبت (باللاوعى ) انها لا مبالية ,,بالتقاليد يمكن بالناس وواحدة فى مهمتها بتابع عيون كل اللى حوليها ,, ودى نازلة للاستعراض ولتجمع ردود فعل الناس لتشحن ثقتها بنفسها انا بشوف من الاخر ان دى مسألة نفسية بحتة مالها علاقة كثير بالحجاب لان الانسان لما يعبأ انفعاليا بيسعى ليفرغ شحناته النفسية وما بيعمل اعتبار كثير لاشياء بدت شكلية فى الزمن دة ( بقصد الحجاب) |
تعرفوا شو اهم سؤال؟ اهم سؤال هو ليش لفتت نظرنا هالقصة بينما في كثير قصص اغرب يعني في ناس عم تدعي الدين وبتظهر في برامج دينية واخر شي زنت!!! هل باعتقادكم انو ذنب الرقص اكبر من ذنب الزنا؟ وفي كثييير من الممثلات عملوا عمرات وراحوا اكثر من مرة عالحج بس بمثلوا اشياء ....انتو ادرى المشكلة انو نحنا بتهمنا المظاهر يعني الزانية الغير محجبة احسن من المحجبة مع انهم متساويات والحرامي بدون لحية احسن من الملتحي!!!! مع العلم اني ضد ظاهرة الرقص من اساسها!! |
هههههههههه
اي عادي يا بنتي في كتير بنات ما بيلبسو الحجاب مو من ناحية دينية بيلبسو لان بتكون صلعا :o |
السبب واحد لا غير ...
الحجاب أصبح فرض وغصب من الأهل أو الزوج على الفتاة بسبب عادات وتقاليد المجتمع وليس ضمن مبدأ الإقتناع أولا ... وهاد هو السبب الي بيخلي البنت تتعامل مع الحجاب كمكمل لبس وليس كدين يفرض عليها تبعات الحجاب ... وصدقوني هدول البنات عند أول فرصة ممكن يشلحوا وبسهولة كمان ... هون بالخايج صار الحجاب موديلات ... شي والرقبة طالعة ... شي الحلقات طالعة ... شي الغرة من قدام طالعة ... وطبعا حدث ولا حرج على اللبس الديق وأخر موضة .... وكل هاد لأنو الحجاب هون صار مجرد تفليد وليس دين ... وأذا بتسأل وحدة منون بتقلك ... أنا مو متحجبة أنا محتشمة فقط !!!!! ونسيانين أنو كلمة احتشام لسا أكبر بكتير من الحجاب .... |
اقتباس:
ااااااااااااااااااااااااا اااااااااخخ اخخخخخخخخخخخخخ اسأليني الي المشكلة انو مو الأهل اللي بيفرضو عليكي هالشي الجيران والقرايب :cry::shock::? |
اي وترقص وتقسم كمان... شو فيها؟؟؟ واضح جدا انو بارتداءها للحجاب هيي كانت مسيّرة ومش مخيّرة... فخليها ع القليلة ترقص وتعمل يلي بتحبو وتنبسط.... برايي الشي يلي لازم نقوم ضدو هون مش الرقص وانما....
|
اقتباس:
أنا حكيتلك عن واقع عايشتوا أنا كمان ... الأهل .... القرايب ... الزوج ... أهلوا ... المجتمع ككل ... وقناعت الوحدة ... في مهب الريح ... الكبت والخنق والضغط هو الي بيخلي الوحدة توصل لحد الانفجار وفي النهاية الرفض لكل شي ... والتمرد ... |
اقتباس:
كفاية تركوني أعمل الي بدي ياه .............. أنا حرة ............ |
اقتباس:
|
| الساعة بإيدك هلق يا سيدي 14:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون