|
المد الاسلامي في سوريا..الى اين؟موضوع للنقاش
لاحظت من فترة مو قليلة ولهلق طبعا
مد اسلامي فظيع عم يصير بالبلد من دمشق لحمص لحلب الى الى الى.. لدرجة انو سمعت انو في بحلب مسجد من 5 طوابق بالاضافة لارتفاع نسبة الحجاب بشكل مخيف طيب ماشي انو نحنا مع حرية المعتقد وهالحكي كلو بس انو مين ورا هالمد؟ولوين لح نوصل؟وشو اسبابو وشو حلولو؟ موضوع للنقاش |
اسباب هذا المد هوا باب الحارة
|
على مر العصور تلجأ الشعوب المظلومة والمقموعة للدين ظناً منها انه هو الحل الذي يرفض كل هؤلاء الظلام تطبيقه . الدين للهروب والاختفاء والاحتماء . لتعزية النفس بأن هناك قوة خارقة ستأخذ بثأرنا اذا التزمنا بطاعتها . وتنشط في ظروف الفقر والظلم جماعات اصولية تصور للشعب بأن الحل هو الدين والعودة اليه فهو العدل والمساواة للجميع . الحجاب والتدين والتشدد والغلو كلها علامات ظلم تمارس على الشعب . هي ظاهرة ستزول مع الأيام برأيي ولكنها بحاجة للوقت والوعي اللازم . رغم ايماني بأنها ضمن حدودها المحتواة لا تعدو كونها حرية اعتقاد.
|
لااعرف ماهو سبب انزعاج صاحب الموضوع من هذا المد اللي صاير بالبلد ! مو على اساس ان مبدأكم حرية الفرد بممارسة معتقداته ولا المد الاسلامي قاعد على قلوب بعض ناس ؟ سبب هذا المد الاسلامي هو اقتناع الناس بأن الدنيا فانية وأنه لاملجأ الا لله عز وجل اقتباس:
ماكنت اعرف انو بسوريا في ناس مرعوبة لهالدرجة من هاي الظاهرة المبشرة بالخير انت بكلامك هاد بتنطبق عليك الآية سَنُلْقِي فِي قُلُوبِ الَّذِينَ كَفَرُواْ الرُّعْبَ بِمَا أَشْرَكُواْ بِاللّهِ مَا لَمْ يُنَزِّلْ بِهِ سُلْطَاناً وَمَأْوَاهُمُ النَّارُ وَبِئْسَ مَثْوَى الظَّالِمِينَ الله القى في قلبك الرعب فهنيئاً الك |
اقتباس:
بعدين يا أخي الكريم سوريا وبأغلب محافظاتها كانت ملتزمة ومتمسكة بالدين وبتقاليدو وبظواهرو, وهالأمر انحسر بالعقود الأخيرة واصة بعد الأحداث الدموية للإخوان المسلمين وماتبعها واللي خلا الناس بيخافو من كلمة دين, أما هلا فالأمور رجعت لما كانت عليه أو ممكن بالطريق لإلو, وبالتالي هالأمر هو صحوة من غفوة كان الناس أخذينها عن أمور دينن. بعدين ليش إنت شايف إنو الموضوع كالوباء اللي بيحتاج للوقت والوعي ليتعالج ويزول, لأ أخي بالعكس أنا معك برفض التشدد والتزمت الديني اللي هو مالو أي صلة بالإسلام والكل بيعرف هالشي, أما إنو الناس بيزيد ايمانها بالله وبيزيد احترامها لدينها وقواعدو فهاد بشارة خير بنظري لأنو على مر العصور ما جمع العرب غير دينهم ( وهو كان المدخل لتفرقتهم الأولى ) وبالتالي برجع وبأكد الرجوع الى الله ومعرفة والإيمان فيه شئ والتشدد شئ خر تماماً مرفوض رفضاً قطعياً. بتمنى تكون وصلتكك وجهة نظري وإنو ننظر للموضوع بطريقة صحيحة ويكون فينا انفرق مابين الدين الحنيف وأوامرو الخالدة ومابين التقليد الأعمى والتشدد الأسود. بعدين شو قصة العداء المخيف للحجاب, وبعتذر من الأخوة هون بس أنا بحكي بالعموم, يا أخي الصبية اللي بتضحي بالظهور بكامل زينتها وبتغطي شعرها لإيمانها إنو هالشي هو تطبيق لأمر الله عزوجل لازم تحترم لأنو بغض النظر عن اقتناعنا بالحجاب هدفها سامي وبيستاهل الإحترام, فشو صاير بالدنيا |
اقتباس:
إلك سلامي |
اقتباس:
الحمد لله الناس بيرجعو لدينهم ...:D بس ما فهمت شو هو اللي فظيع و مخيف...؟؟؟ :shock: و شو هو اللي بدو حلول...؟؟؟ :? انت من شو خايف ياا اخ...؟؟؟ :? |
اقتباس:
بالله عليك تفهم وجهة نظري ... لااريد لهم أن يهتدوا مااريده هو أن يتركوا المد الاسلامي وشأنه ولايهولوه ولايعتبروه خطر مثل خطر المد الصهيوني هدول الناس مقتنعين وبناء المساجد ودور العبادة مستمر على نطاق واسع .. شو المزعج بالامر! والنساء عم يتحجبوا كمان شو اللي زاعجو بالامر لا وفوق هاد الشيء بيهول الامر وبيقلك بشكل مخيف!! شخصياً أنصحك بأن تخالط هؤلاء اكثر واكثر لكي تعرفهم على حقيقتهم ساعتها عنجد بتقول لكم دينكم ولي دين سلام |
اقتباس:
|
اقتباس:
مظبوط كلامك هو لو اراد النقاش كان اختار كلمات لبقة ومحترمة تدعو الى نقاش استفساري عقلاني محترم بس يبدو من كلامه هاد أنه عم يخاطب فئة معينة من الناس والمسلمين غير مدعوين الى هذا النقاش |
اقتباس:
المساجد صارت شغلة نتباها فيها ؟ مبروك نشالله كل يوم مسجد وفرع مخابرات اقتباس:
|
اقتباس:
اقتباس:
أما المخيف فهو تحول هالحالات للتعصب الأعمى يلي شفنا حالات منو بالسعودية وأفغانستان... هالحالات يلي بتعدم كل مفاهيم المواطنة والانسانية والمدنية والحضارة والتقدم وبتستبدلها بالجهل والتعصب والتخلف والقمع... متل ماقال صاحب الموضوع نحنا مو ضد الحرية الشخصية بس هالنهج المتخلف هاد وهالطريقة العمياء باتباع بعض مرتزقة الدين من شيوخ " مهند ونور وميكي ماوس" هو المصيبة... لو بيحصرو مبادئهون فيهون أبداً ما كان عنا مشكله بس المشكله بحكم انو بفكرهون كل من خالفهم فهو فاسق وكافر ويستحق العقاب... دين النقاب واللحى وحرمان الانسان من انسانيتو لايمت لأصول الأديان بصلة... اقتباس:
اقتباس:
|
كم شو خايف امممم
خايف اانو هي رجعة للاخوان بطريقة تانية خايف انو الناس اللي عم تصلي مو عرفانة الجوهر وعم تطلع عالقشرة وبس وعم تتعامل معو بطريقة متخلفة تماما وعم نرجع الفين سنة لورا مو بس 1400 سنة انا مو ضد الحجاب انا جبت الحجاب كمثال وكان واضح كتير هاد الحكي الناس اللي عم تفوت وتسمع خطب الجمعة والفتاوي اللي عم تطلع كل يوم والتاني شي بيخوف لانو عم تزيد الطائفية بشكل غير مباشر والمجتمع مو ناقصو عرفت من شو خايف انا من الاول اذا حضرتك قريت منيح شو كتبت انا كتبت انو انا مع حرية الراي والمعتقدات وما حدا قال غير هيك بس لما الموضوع بدو يصير انو نحنا بدنا نزيد موضوع عدم تقبل الاخر وما نقدر حتى نسمعه متل ما صار مع حضرتك بالضبط فهي مصيبة والله مو زاتت الرعب بقلبي لا تخاف والكلام اللي كتبتو حضرتك كان اكبر دليل على انك من الناس اللي عم احكي عنون النبي بذاتو ما كفر حدا لحدا تجي حضرتك تكفرني وبالاخر انا بتشكرك على تهنئتك مسيو |
اقتباس:
بس السؤال يللي بيطرح نفسو ... أنو ليش ينجح هيك عمل .. لولا وجود تربة خصبة من تخلف و تعصب و غير ذلك بمجتمعنا |
اقتباس:
|
اقتباس:
اقتباس:
انا مو مزعوج متل ما قلتلك طالما هالظاهرة محتواة بيضل اسمها حرية شخصية. اقتباس:
بدنا الدين يكون سند ما يكون حاجز وعائق. اقتباس:
|
بالنسبة لكاتب الموضوع مابعرف ليش هالمصطلحات الضخمة المثيرة وكأنو منشئات نووية انتشرت وكأنو الحجاب اسلحة بيولوجية خطيرة على المجتمع !!!
اقتباس:
ولما تروح على معهد بحوث او مشفى تلاقي العالم كتييييييييييير ومافي مجال لانو يتلقو علاج او حتى يلاقو دور منشان الكشف (هاد اذا كان معون حقو) اقتباس:
|
تذكرت شغلة وهية أصحاب الحى الطويلة هدول بالفعل كترانين ودارجة موضة الكلابية الباكستانية
بصراحة لما بشوفهم بحس حالي بقندهار .. ولانكى أنو الأغلبية منون أغبياء وساذجين ( ملاحظة كلمة أغلبية لاتعني الكل ) |
| الساعة بإيدك هلق يا سيدي 09:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون